ኬሳ ማጻፋ 34:9 - ጋሞ ማጻፋ

⁹ «ኣቤት ጎዶ! ኔኒ ታናን ኡፋዬቲዳ ጊዲኮ ኔ ኑናራ ኢሲፌ ባና ማላ ታ ኔና ዎሳይስ። ሃይሲ ኣሳይ ዎዚና ሙሜ ጊዲኮካ ኑ ኢታቴኔ ኑ ናጋራ ኣቶ ጋዳ ኑና ኔ ኣስ ሂስታ» ጊዴስ።

Geeshsha Maxaafa

⁹ «Abeet Godoo! Neni tanan ufayettidaa gidikko ne nunara issife baana mala ta nena woossays. Hayssi asay wozina muume gidikkoka nu iitateththaanne nu nagaraa atto gaada nuna ne as histta» gides.

ኬሳ ማጻፋ 34:9 ပူးပေါင်းရင်းမြစ်များ

ዬ ማጻፋ 135:4

ጎዳይ ያቆቤ ባስ ቡዞ ኦዴስ፤ ኢስራኤሌካ ባስ ኣልኦ ሚሽ ሂስቲ ዶሪዴስ።

ዬ ማጻፋ 25:11

ኣቤት ጎዳዉ! ታ ናጋራይ ኬሂ ዳሮ፤ ጊዲኮካ ኔ ሱን ጊሻስ ኣቶ ጋ።

ዬ ማጻፋ 28:9

ጎዳዉ! ኔ ዴራ ኣሻ፤ ኔስ ጊዲዛይታ ኣንጃ፤ ኢስታ ሄንንቻይ ኔና ጊዳ፤ ኔኒ ኢስታ ሜርናስካ ቶካ።

ዬ ማጻፋ 33:12

ጾሲ ኢዛስ ጎዳ ጊዲዳ ካዎቴይ፥ ኢዚ ባስ ዶሪዳ ዴሬይ ኣንጄቲዳ ዴሬ።

ዬ ማጻፋ 78:62

ኢዚ ባ ዴራ ቦላ ሃንቄቲዴስ፤ ኢስታ ጊ ማሻስ ኣ ኢሚዴስ።

ዬ ማጻፋ 94:14

ጎዳይ ባ ኣሳ ኦሌና፤ ኢዚ ባይታ ኣጌና።

ኬሳ ማጻፋ 19:5

ሂስቲን ሃኢ ኢንቴ ታስ ኩሜ ኣዛዜቲኮ፥ ኢንቴ ታ ጫቆ ቃላ ናጊኮ፥ ኩሜ ዴራ ጋርሳን ኢንቴ ታስ ቡዞ ዴሬ ጊዳና። ቢታይ ዉሪ ታስ ጊዲኮካ፥

ኬሳ ማጻፋ 32:9

«ታኒ ሃ ኣሳ ቤያዲስ፤ ኢስቲ ባንታ ዎዚና ሙሚዳ ኣሳ።

ኬሳ ማጻፋ 33:12

ሙሴይ ጎዳስ፥ «ኔኒ ታና፥ ‹ሃይሳ ኣሳ ካሌ› ጋዳሳሺን ታናራ ኔኒ ኦና ኪቲዛኮ ታና ኤሪሳቤካ። ኔኒ፥ ‹ታኒ ኔና ኔ ሱንን ኤራይስ፤ ኔኒ ታ ሲንን ሳቤቲዳ ኣሳ› ጋዳሳ።

ኬሳ ማጻፋ 34:7

ታኒ ታ ሜርና ሲቆዛ ሺ ዬሌታ ጋካናስ ናጋይስ፤ ኢታቴ፥ ማካላኔ ናጋራ ኣቶ ጋይስ። ጊዲኮካ ሞሪዛዴ ቃጻዮንታ ኣጊኬ፤ ኣዋታ ናጋራ ጊሻስ ናይታኔ ናይታ ናይታ፥ ሄን ዬሌታኔ ኦይዳን ዬሌታ ጋካናስ ቃጻያይስ» ጊ ኣዋጂሼ ኣዴስ።

ኢሳያሳ ቲንቢቴ 48:4

ኔ ኣይ ማላ ሲሞንታ ኣስ ጊዲዳኮ ታ ኤራይስ፤ ኔ ሞርጌ ሻያይ ቢራታ ማላ፥ ኔ ኮንኬይ ጻርቂማላ ሚሳቴስ።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ዛካራሳ ቲንቢቴ 2:12

ጎዳይ ጌሻ ቢታይን ዩሁዳ ባስ ቡዞ ሂስቲ ላታና፤ ዬሩሳላሜካ ዛሪ ዶራና።

ታይቦ ማጻፋ 14:19

ሃኢካ ጎዶ! ላሜቶንታ ኔ ጊታ ሲቆዛን ኢስቲ ጊብጼፔ ኬዞሶፌ ሃኖ ጋካናስ ኔ ኢስታ ማሪዳ ማላ ሃይሳ ዴራ ናጋራ ኔ ማራና ማላ ታ ኔና ዎሳይስ» ጊዴስ።

ዛሬ ማጻፋ 32:9

«ኢስራኤሌይ ጎዳስ ጊሻ፤ ያቆቤይካ ኢዛስ ቡዞ ሚሻ።

ዛሬ ማጻፋ 4:20

ኢንቴ ጊዲኮ ታማይ ኢዛን ኤጺዛ ቢራታ ጮጬ ሚሳቲዛ ጊብጼፔ ኢንቴና ጎዳይ ሾዲ ኬሲዳይ ኢንቴ ኢዛስ ዱማ ዴሬ ጊዳና ማላሳ።

ዛሬ ማጻፋ 9:18

ሄሳፌ ጉዬ ኢንቴ ኬሂ ኢታ ናጋራ ኦዲ ጎዳ ሃንቄዳ ጋሶን ታኒ ኦይዱ ታሙ ጋላሲኔ ኦይዱ ታሙ ቃማ ጋካናስ ኣይኮካ ሞንታኔ ኡዮንታ ጎዳ ሲንን ጉፋናዳ ጋምኣዲስ።

ዛሬ ማጻፋ 9:26

ታኒ ዎሳሼ፥ «ኡባፌ ቃ ጎዳዉ! ኔኒ ኔ ጊታ ዎልቃኒኔ ኔ ሚኖ ቄሴን ዎዛዳ ጊብጼፔ ኬሲዳ ኔ ዴሬዛ ይሶፋርኪ!

ዛሬ ማጻፋ 9:29

ጊዶ ኣቲን ሃ ኣሳይ ኔኒ ኔ ጊታ ዎልቃኒኔ ኔ ሚኖ ቄሴን ኔስ ጊዳና ማላ ኔ ዶራ ኬሲዳ ዴሬ።