ኬሳ ማጻፋ 22:22 - ጋሞ ማጻፋ

²² ኣዚናይ ሃይቂዳ ኣምኤዮኔ ኣዋይ ዎይኮ ኣያ ሃይቂዳ ና ዋዪሶፒቴ።

Geeshsha Maxaafa

²² Azinay hayqqida am7eyonne aaway woykko aaya hayqqida naa waayisopite.

ኬሳ ማጻፋ 22:22 ပူးပေါင်းရင်းမြစ်များ

ኢዮቤ ማጻፋ 31:16

«ማንቆቲ ታና ዎሲን ታ ዲጋ ኤሪኬ፤ ቃሴካ ኣምኤ ማጫሳታ ሚንንታ ኣጋ ኤሪኬ።

ኢዮቤ ማጻፋ 34:28

ኢስቲ ማንቆታ ኡንኤዳ፤ ፑዴ ጾሳኮ ዋሳና ማላ ኦዳ። ጾሲካ ማንቆታ ዋሶዛ ሲዪዴስ።

ዬ ማጻፋ 10:14

ጊዶ ኣቲን ጾሶ! ኔኒ ሜቶዛኔ ዋዬዛካ ቤያሳ፤ ኔኒ ኡባ ዎዴ ማዳናስ ጊጋ ኡታዳሳ፤ ኔኒ ዪኦታ ማዳሳ፤ ማዶይ ባይንዳይቲካ ባና ኔስ ሼቴስ።

ዬ ማጻፋ 34:7

ጎዳ ኪታንቻይ ጎዳስ ያዪዛይታ ናጌስ፤ ኢዚ ኢስታ ዩሾዛን ጊዲዲ ኢስታ ኣሼስ።

ሌሚሶ ማጻፋ 22:23

ኣይስ ጊኮ ጎዳይ ኢስታ ጊሻስ ሞቴታና፤ ኢስታ ቦንቂዳይታካ ኢዚ ቦንቃና።

ሌሚሶ ማጻፋ 23:10

ቤኒሶፌ ዲዛ ሳ ሾዶፋ። ቃሴ ዪኦ ናይታ ጋዴ ሱጎፓ፤

ሌሚሶ ማጻፋ 23:11

ኣይስ ጊኮ ኢስታ ኣሺዛ ጎዳይ ሚኖ፤ ኢዚ ኢስታ ጊሻስ ኔናራ ሞቴታና።

ኢሳያሳ ቲንቢቴ 1:17

ሎኦ ኦሶ ታማርቴ፤ ሱሬ ፒርዳ ኮዪቴ፤ ቆሄቲዳይታ ሚንቴ፤ ዪኦታስ ኤቂቴ፤ ኣምኤታስ ሞቴቲቴ» ጊዴስ።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ኢሳያሳ ቲንቢቴ 10:2

ማንቆታ ፒርዳ ጌላሲዛይታስ፥ ኡንኤቲዳ ታ ዴሬዛ ፒርዳ ቦካሲዛይታስ፥ ኣምኤታ ኣቆታ ቦንቂዛይታስ፥ ዪኦታ ኣቆታ ቺ ሚዛይታስ ኣዬ ኣና!

ኤርማሳ ቲንቢቴ 7:6

ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥

ኤርማሳ ቲንቢቴ 7:7

ታኒ ኢንቴ ኣዋታስ ሜርናስ ጺንጾ ሂስታ ኢሚዳ ሃ ቢታይን ታ ኢንቴና ዎና።

ሂዚቄላ ቲንቢቴ 22:7

ኣዋቲኔ ኣዬቲ ኔ ጊዶን ካዉዪዳ፤ ቤቴ ኣሳቲ ኡንኤቲዳ፤ ዪኦቲኔ ኣምኤቲ ቱጋ ቤኢዳ።

ዛካራሳ ቲንቢቴ 7:10

ኣምኤታ፥ ዪኦታ፥ ቤቴ ኣሳታኔ ማንቆታ ሜቶፍቴ፤ ኢሶይ ኢሳስ ኢንቴ ዎዚናን ኢታ ቆፖፍቴ› ጌስ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

Maatosa 23:14

ኢንቴኖ ቆፔ ቆሞን ሃኒዛይቶ! ሙሴ ዎጋ ታማርሲዛይቶ፥ ቃሴካ ፋርሳዌቶ! ኢንቴስ ኣዬ ኣና! ኣዚናይ ባይንዳ ማጫሳታ ኬ ካሎሲሼ ኣሳ ኣይፌ ሲንን ኣዱሳ ዎሳ ኢንቴ ዎሲዛ ጊሻስ ኢንቴ ኢታ ፒርዳ ፒርዴታና።

ዛሬ ማጻፋ 10:18

ኢዚ ዪኦታሲኔ ኣምኤታስ ፒርዴስ፤ ኢዚ ዴራ ጊዶን ዲዛ ቤቴ ኣሳታ ዶሲዛ ጊሻስ ካኔ ማይኦ ኢስታስ ኢሜስ።

ዛሬ ማጻፋ 15:9

«ኣጮ ቃንጾፌ ማሪዛ ላፑን ላይይ ጋኪዴስ» ጊዲ ሜቶታንቻ ኢንቴ ኢሻታ ታልኤ ዲጎፍቴ፤ ሄሳ ማላ ኢታ ቆፋይ ኢንቴ ዎዚናን ጌሎፖ፤ ማንቆ ጊዲዳ ኢንቴ ኢሻታስ ኢንቴ ታልኦንታ ኢጺኮ ኢስቲ ፑዴ ጾሳኮ ዋሲን ኢንቴስ ጎሜ ጊዶንታ ማላ ናጌቲቴ።

ዛሬ ማጻፋ 24:17

ሃራ ቢታ ኣሳታሲኔ ዪኦ ናይታስ ፒርዳ ጌላሶፓ፤ ኣምኤይ ማይኦ ኢዛ ታልኤ ኤኪዳ ሚሻ ጊሻስ ጋዳ ኦይሶ ኤኮፋ።

ዛሬ ማጻፋ 24:18

ካሴ ኢንቴ ጊብጼ ቢታን ኣይሌቴን ዴኢዳይሳኔ ኢንቴ ጎዳ ጾሳይ ኢንቴና ዎዚ ኬሲዳይሳ ዩሺ ቆፒቴ፤ ታኒካ ሃይታ ሃ ኣዛዞታ ኢንቴስ ኢሚዛይ ሄሳሳ።

ዛሬ ማጻፋ 27:19

«ቤቴ ኣሳታ፥ ዪኦ ናይታኔ ኣምኤታ ፒርዳ ጌላሲ ፒርዲዛ ኡባይ ቃንጌቲዳዴ ጊዶ!» ዴሬዚ ዉሪካ፥ «ኣሚን!» ጎ።

ያቆቤ ኪታ 1:27

ጾሳ ኣዋ ሲንን ኢታቴ ባይንዳ ሎኦ ኣማኖይ ኣያኔ ኣዋይ ሃይቂዳ ናይታ፥ ኢስታ ኣዚናቲ ሃይቂዳ ማጫሳታ ሜቶቴቲሺን ማዶኔ ሃይሳ ኣላሜዛ ቱናቴፌ ባና ናጎ።