ኬሳ ማጻፋ 20:5 - ጋሞ ማጻፋ

⁵ ኢስታስ ሆኮፋኔ ኢስታስ ጎይኖፋ። ኣይስ ጊኮ ታኒ ጎዳ ኔ ጾሳይ ቃናቲዛ ጾሳኮ፤ ታና ኢጺዛይታ ኣዋታ ናጋራ ጊሻስ ናይታ ሄን ዬሌታኔ ኦይዳን ዬሌታ ጋካናስ ቃጻያይስ።

Geeshsha Maxaafa

⁵ Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.

ኬሳ ማጻፋ 20:5 ပူးပေါင်းရင်းမြစ်များ

2ሳሜላ ማጻፋ 21:1

ዳዊቴ ካዎቴ ዎዴ ሄ ላይ ኩሜ ኢታ ኮሻይ ቢታ ቦላ ዴንዲዴስ፤ ሄሳ ጊሻስ ዳዊቲ ጎዳ ኦይቺዴስ፤ ጎዳይካ ኢዛስ፥ «ሳኦሊ ጌባኦኔ ኣሳ ዎ ዉርሲዳ ጊሻስ ኢዛ ቦላኔ ኢዛሶ ኣሳ ቦላ ሱ ኣጮይ ዴስ» ጊዴስ።

2ሳሜላ ማጻፋ 21:6

ዜሬፌ ላፑን ኣቱማ ናይቲ ኑስ ኢሜቴቶ። ኑኒካ ጎዳን ዶሬቲዳ ሳኦሌ ዴሬ ጊቢኣን ጎዳ ሲንን ኢስታ ካቃና» ጊ ዛሪዳ። ሂስቲን ካዎዚ፥ «ኤሮ ታ ኢማና» ጊዴስ።

1ካዎታ ማጻፋ 19:10

ሂስቲን ኤላሲ፥ «ኡባፌ ዎልቃማ ጎዳ ጾሳስ ታኒ ኬሃ ዚልኤታዲስ፤ ጋሶይካ ኢስራኤሌ ኣሳይ ኔናራ ጫቄቲዳ ጫቆዛ ሜንዴስ፤ ኔስ ያርሾ ያርሺዛሶሆታካ ላሊዴስ፤ ኔ ናቤታካ ጊ ማሻን ዎዴስ፤ ታኒ ታርካ ኣታዲስ ሺን ሃኢ ታናካ ዎና ኮዬቴስ» ጊዴስ።

1ካዎታ ማጻፋ 21:29

«ኣካቤይ ባናቴ ታ ሲንን ዎስቲ ካዉሺዳኮ ቤኣይ? ኢዚ ታ ሲንን ባናቴ ካዉሺዳ ጊሻስ ታኒ ሃ ሜቶዛ ኢዛ ዎዴን ኢዛ ቦላ ኤሂኬ። ጊዶ ኣቲን ታኒ ኢዛ ና ዎዴን ኢዛ ሶ ኣሳ ቦላ ሃ ሜቶዛ ኤሃና» ጊዴስ።

2ካዎታ ማጻፋ 17:35

ጎዳይ ካሴ ኢስራኤሌ ኣሳታራ ጫቆ ቃላ ጌሊዛ ዎዴ፥ «ኢንቴ ሃራ ጾሳታስ ጎይኖፍቴ፥ ኢስታስ ያይኖፍቴ፤ ኢስታስ ሃጋዞፒቴኔ ኢስታስ ያርሾፍቴ።

2ካዎታ ማጻፋ 17:41

ሃይቲ ሃ ዴሬቲ ኢሲ ባጋራ ጎዳስ ጎይኒኮካ ሃራ ባጋራ ቃሴ ባ ጊግሲዳ ኤቃ ጾሳታስ ሃጋዜቴስ። ኢስታ ናይቲኔ ኢስታስ ናይታ ናይቲካ ካሴ ኢስታ ኣዋቲ ኦዳ ማላ ሃኢካ ኢዛ ኦቴስ።

2ካዎታ ማጻፋ 23:26

ጊዶ ኣቲን ሃይሲ ኡባይ ሃኒንካ ሚናሴይ ጎዳ ሃንቄናስ ኦዳ ኢታ ኦሶ ኡባ ጋሶን ጎዳይ ዩሁዳ ቦላ ሃንቄቲዳ ታማ ማላ ባቢሲዛ ሃንቆዛፔ ኢርጺቤና።

2ካዎታ ማጻፋ 5:18

ጊዶ ኣቲን ጎዳይ ኢሲ ሚሻ ጊሻስ ታና ኔ ኣይሌዛ ማሮ፤ ሄሲካ ታ ጎዳይ ጎይናናስ ኣርሞኔ ኤቃ ጾሳ ሶ ጌሊሺን ታ ቄሴ ኢዚ ኦይኪ ማዲሼ ኢዛይሳ ታኒካ ሄን ጎይኒኮ ኣርሞኔ ኤቃ ጾሳ ሶን ታ ጎይኒዳይሳስ ጎዳይ ታና ኔ ኣይሌዛ ማሮ» ጊዴስ።

2ካዎታ ማጻፋ 5:27

ሄሳ ጊሻስ ኒኢማኔ ኢንቺራቻይ ኔ ቦላ ኣና፤ ሜርና ጋካናስ ኔስ ዜሬፌ ዜሬን ኣና» ጊዴስ። ሄሳፌ ጉዬ ጊያዜይ ኤልሳኤ ሲንፌ ኬዚ ቢዴስ፤ ኢንቺራቻ ሃርጌይ ኢዛ ቦላ ሻቻ ማላ ቦዴስ።

2ታሪኬ ማጻፋ 25:14

ኣማሲያሲ ኤዶሜ ኣሳታ ዎዲ ሲሚሼ ሴይሬ ኣሳ ኤቃ ጾሳታ ሚስሌታ ኤኪዲ ዪዴስ፤ ሄ ሚስሌታ ባስ ኤቃ ጾስ ሂስቲ ኤሲዲ ኢስታስ ጎይኒዴስ፤ ያርሾካ ሺሺዴስ።

2ታሪኬ ማጻፋ 7:19

«ጊዶ ኣቲን ኢንቴ ታና ካላናይሳ ኣጊዲ ጉዬ ሲሚኮ፥ ታኒ ኢንቴና ኣዛዚዳ ታ ኣዛዞታኔ ታ ዎጋታ ኣጊዲ ሃራ ጾሳታስ ኦናሲኔ ጎይናናስ ኢንቴ ቢኮ፥

ኢዮቤ ማጻፋ 21:19

ኢንቴ፥ ‹ኣዋቲ ቆሂዳ ቆሆን ጾሲ ናይታ ሃንቄቴስ› ጌታ፤ ኣኔ ጾሲ ናጋራንቻታ ቃጻዮ፤ ሄሳ ሃንኮ ባንታ ቆሆ ኢስቲ ኣኬካናዉ ዳንዳዬቴስ።

ኢዮቤ ማጻፋ 5:4

ኢዛ ናይቲካ ባ ዴኦዛስ ኣማንዛዝ ዴሜቴና፤ ዱቡሻንካ ኢስታ ጊሻስ ሃሳይዛ ኣስ ኢስቲ ዴሞንታ ጊሻስ ኢስታ ቦላ ቆሆይ ጋካና።

ዬ ማጻፋ 109:14

ኢዛ ኣዋታ ናጋራይ ጎዳ ሲንን ቆፌቶ፤ ኢዛ ኣዬይ ናጋራይ ሙሌካ ቁጬቶፎ!

ዬ ማጻፋ 78:58

ኢስቲ ጎይኒዛ ቃሶሆታን ኢዛ ዪሎቺዳ፤ ባንታ ኤቃ ጾሳታን ኢዛ ቃናቲሲዳ።

ዬ ማጻፋ 79:8

ካሴ ኑ ኣዋታ ናጋራ ኑ ቦላ ቆዶፓ፤ ኤሶን ኔ ማሮታ ኑስ ኪታ፤ ኣይስ ጊኮ ኑኒ ኬሂፔ ሜቶቲዶስ።

ዬ ማጻፋ 81:15

ጎዳ ኢጺዛይቲ ኢዛ ሲንን ኩንዳና፤ ኢስቲ ሜርናስ ቃጻዬታና።

ኬሳ ማጻፋ 23:24

ኢስታ ኤቃታ ሲንን ሆኮፍቴ፥ ዎይኮ ጎይኖፍቴ፥ ዎይኮ ኢስታ ሃኖ ቁሎፍቴ። ኢንቴ ኢስታ ይሳናሲኔ ቱሳ ማላ ኤቂ ዲዛ ኢስታ ሹቻ ኤቃታ ሜንሬናስ ቤሴስ።

ኬሳ ማጻፋ 34:14

ታኒ ጎዳይ ቃናቲዛ ጾሳ ጊዲዛ ጊሻስ ታፔ ኣቲን ሃራ ኤቃ ጾሳታስ ጎይኖፍቴ።

ሌሚሶ ማጻፋ 8:36

ጊዶ ኣቲን ታና ዴሞንታ ኣጊዳ ኣሲ ባና ቆሄስ፤ ታና ኢጺዛ ኡባቲ ሃይቆ ሲቄቴስ» ጋዱስ።

ኢሳያሳ ቲንቢቴ 44:15

ኣሲ ኤሶስ ጎኤቴስ፤ ኢዛፔ ጉ ኤኪዲ ታማን ኤ ሆኤስ፤ ኡኬካ ኢዛን ኡኬስ፤ ኢዛፔ ማሲዲ ኤቃ ጾስ ጊጊሴስ፤ ኢዛስካ ጎይኔስ። ኤቃ ጾስ ኦስ፤ ኩንዲዲካ ኢዛስ ዚጌስ።

ኢሳያሳ ቲንቢቴ 44:19

ኦኒካ ታኪ ጊ ቆፒቤና፤ ኤራቴ ዎይኮ ኣኬካይ ባይንዳ ጊሻስ፥ «ባጋ ታማን ኤዲስ፤ ኢዛ ቦንቆን ካ ካዲስ፤ ኢዛን ኣሾ ጺጻዳ ማዲስ፤ ሂስቲን ኣቲዳይሳን ዎስታዳ ታኒ ሃራሲዛ ሚሽ ኦኔ? ሚ ኣኖስ ታኒ ጎይናና ቤሲዜ?» ጋናስ ዳንዳይቤና።

ኤርማሳ ቲንቢቴ 2:9

ቃሴካ ጎዳይ፥ «ሄሳ ጊሻስ ታኒ ኢንቴናራ ቡሮ ፒርዴታና፤ ኢንቴ ናይታ ናይታራካ ሞቴታና።

ኤርማሳ ቲንቢቴ 32:18

ኔኒ ኔ ሲቆኔ ኪያቴ ሺ ዬሌታ ጋካናስ ቤሳሳ፤ ጊዶ ኣቲን ኣዋታ ሞሮ ኢስታ ናይታ ቦላ ዛራሳ። ኣቤት ጊታኔ ዎልቃማ ጾሳዉ! ኔ ሱንይ ጎዳ ኡባፌ ዎልቃማ ጾሳ።

ሂዚቄላ ቲንቢቴ 18:19

«ኢንቴ ጊዲኮ፥ ‹ናይ ባ ኣዋ ናጋራን ኣይስ ቃጻዬቴኔ?› ጌታ። ናዚ ሱሬኔ ቱማ ኦዳ ጊሻስ፥ ታ ማራካ ሚን ናጊዳ ጊሻስ ኢዚ ሼምፖራ ፓጻ ዳና።

ሂዚቄላ ቲንቢቴ 18:2

«ኢስራኤሌ ቢታ ጊሻስ፥ ‹ኣዋቲ ቃዉኤ ዎይኔ ሚን ናይታ ኣቺ ዚልኢዴስ› ጊዲ ኢንቴ ቶሴ ዮቲዛይ ኣዜ?

ሂዚቄላ ቲንቢቴ 20:7

ቃሴ ታኒ ኢስታስ፥ ‹ኢንቴፌ ኢሶይ ኢሶይ ኢንቴ ኣይፌታ ሼምፒሲዳ ቱና ሚስሌታ ዲጊቴ፤ ጊብጼ ኤቃ ጾሳታን ኢንቴና ቱኒሶፒቴ። ጎዳይ ታኒ ኢንቴ ጾሳ› ጋዲስ።

ሂዚቄላ ቲንቢቴ 39:25

«ሄሳ ጊሻስ ኡባ ሃሪዛ ጎዳይ፥ ‹ሃኢ ያቆቤይ ጎዴቲዳሶፔ ታኒ ኢዛ ዛራዳ ኢሻልሳና፤ ኢስራኤሌ ኣሳ ኡባስ ታ ቃታና፤ ታ ጌሻ ሱን ጊሻስ ታኒ ሚሼታና።

ሂዚቄላ ቲንቢቴ 8:3

ኢዚካ ኩሼ ሚሳቲዛ ሚሽ ዬዲዲ ታ ሁኤ ቢናና ኦይኪዴስ፤ ኣያናይ ታና ሳኣፔኔ ሳሎፔ ጊዶን ዴንዲ ጾሳ ኣጁታን ዬሩሳላሜ ኤፊዴስ፤ ፑዴሃ ባጋራ ዲዛ ጾሳ ኬ ጊዶ ዳባባ ጌሊዛ ፔንጌራ ጌልዲ፥ ጎዳ ቃናቴ ዴንዛ ኤቃ ጾሳይ ዲዛሶ ታና ኤፊ ጋዴስ።

ዳኔላ ቲንቢቴ 1:2

ጎዳይ ዩሁዳ ካዎ ኢዮኣቄሜ ኣማርዳ ጾሳ ኬ ሚሻታራ ኢዛ ኩሼን ኣ ኢሚዴስ፤ ኢዚካ ባ ጾሳ ኬን ዎና ሳናኦሬ ኤፊዴስ፤ ኢዚ ዲኢ ኤፊዳ ጾሳ ኬ ሚሻ ኡባካ ባ ኤቃ ጾሳታ ሚሼ ዎዛ ኬን ዎዴስ።

ዳኔላ ቲንቢቴ 3:18

ጊዶ ኣቲን ካዎ! ኢዚ ኑና ኣሾንታ ኣጊኮካ ኑኒ ኔ ኤቃ ጾሳታስ ሃጋዞንታይሳኔ ኔ ኤሲዳ ዎርቃ ሚስሌዛስ ኑ ጎይኖንታይሳ ኔ ኤራ» ጊ ዛሪዳ።

ሌዌታ ማጻፋ 20:5

ታኒ ታ ባጋራ ሄሳዴኔ ኢዛዴሶ ኣሳ ቃሴካ ታስ ኣማኔቶንታ ሞሎኬስ ጎይኖን ኢዛራ ኢሲፌ ጊዲዳይታ ኡባ ቦላ ኢታ ሃንቆ ዬዳና፤ ሄሳፌ ጉዬ ሄይታንታ ታኒ ኢስታ ኢስታ ዴሬዛ ጊዶፌ ሻካ ይሳና።

ሌዌታ ማጻፋ 26:1

« ‹ኢንቴ ኢዛስ ጎይናና ማላ ኢንቴስ ኣይኮካ ኤቃ ሜፍቴ፤ ሄሳካ ሚስሌ ዎይኮ ሃዉልቴ ዎይኮ ሹቻፌ ማሴቲ ኬዚዳ ቱስ ኤሶፍቴ፤ ታኒ ጎዳ ኢንቴ ጾሳ።

ሌዌታ ማጻፋ 26:29

ኢንቴ ኮሻ ዳሮፔ ዴንዲዳይሳን ኢንቴ ናይታ ኣሾ ማና።

ናሆሜ ቲንቢቴ 1:2

ጎዳይ ዚልኤቲዛኔ ሃሎ ኬሲዛ ጾሳ፤ ጎዳይ ሃሎ ኬሲዛኔ ሃንቆን ኩሚዳ ጾሳ። ጎዳይ ሃሎ ኬሲዛዴኔ ፓላ ሚሺ ኢዛን ኩሚዳዴ። ጎዳይ ባ ባልጋራታ ቦላ ሃሎ ኬሴስ፤ ባ ሞርኬታ ቦላ ባ ሃንቆ ኤሄስ።

ታይቦ ማጻፋ 14:33

ኢንቴ ናይቲ ኢንቴ ኣማኖንታ ኢጺዳ ጋሶን ኢንቴፌ ዉርሴን ሃይቂዛዴ ኣሃይ ባዞ ቢታን ኩንዲ ኣታና ጋካናስ 40 ላይ ኩሜ ጊታ ሜቶ ኤኪሼ ሃይሳ ሃ ባዞዛን ቶይላታና።

ታይቦ ማጻፋ 25:11

«ቄሴ ኣሮኔስ ናዛ ና፥ ኤልኤዜሬ ና ፊኒሃሲ ኢስራኤሌ ኣሳ ጊዶን ታኒ ታ ቦንቾስ ኤቄቲዛ ማላ ኢዚ ኤቄቲዳ ጊሻስ ኢስታ ቦላ ታ ሃንቄቲዳ ሃንቆይ ዶቺዴስ፤ ሄሳ ጊሻስ ታኒ ታ ሃንቆዛን ኢስራኤሌ ኣሳ ይሳቤኬ።

Maatosa 4:9

«ኔ ኩንዳዳ ታስ ጎይኒኮ ሃይሳ ኡባ ታ ኔስ ኢማና» ጊዴስ።

ዮሃኒሳ ሚሺራቾ 15:18

«ካሌዲካ ዬሱሲ ኢንቴና ኣላሜይ ኢጺኮ ኢንቴፌ ካሴ ታና ኢጺዳይሳ ኤሪቴ።

ዮሃኒሳ ሚሺራቾ 7:7

ዴሬይ ኢንቴና ኢጻና ዳንዳዬና፤ ታና ጊዲኮ ኢጼስ፤ ጋሶይካ ታኒ ኣላሜ ኦሶይ ኢታ ጊዲዳይሳ ኢዛስ ማርካቲዛ ጊሻሳ።

ዮሃኒሳ ሚሺራቾ 9:2

ኢዛ ካሊዛይቲ ኢዛ፥ «ኣስታማሬ! ሃይሲ ኣዴዚ ቆቄ ጊዲ ዬሌታና ማላ ናጋራ ኦዳይ ኦኔ? ኢዛ ዬሊዳይቲ ኦዶዬ? ኢዚ ኦዴ?» ጊዲ ዬሱሳ ኦይቺዳ።

ኦሮሜ ኣሳስ 1:30

ኣሳ ሱን ሞሪዛይታ፥ ጾስ ኢጺዛይታ፥ ኣስ ጫዪዛይታ፥ ኦቶራንቻታኔ ጬቄቲዛይታ ጊዲዳ፥ ኡባ ዎዴ ኢታ ኦናስ ኦጌ ኮይዛይታ፥ ባና ዬሊዳይታስ ኣዛዜቶንታይታ፥

ኦሮሜ ኣሳስ 8:7

ናጋራስ ሃሬቲዛ ዎዚናይ ጾሳራ ኦሻ፤ ጋሶይካ ኢዚ ጾሳ ዎጋስ ሃሬቴናኔ ሃሬታናስ ዳንዳዬና።

1ቆሮንቶሴ ኣሳስ 10:22

ኑኒ ጎዳ ሃንቄኖ? ኑ ኢዛፔ ሚኒዞኒ?

ዛሬ ማጻፋ 32:21

ቱሙ ጊዶንታ ጾሳታን ታና ሚሺሲዳ፤ ጎኣይ ባይንዳ ባ ኤቃ ጾሳታን ታና ሃንቄዳ። ታኒካ ኢስታ ካቲዳ ካዎቴታ ኢስቲ ሚጌታና ማላ ኦና። ታ ኢስታ ኣኬኮንታ ዴሬታን ሃንቄና።

ዛሬ ማጻፋ 32:41

ዋዋጪ ጊዛ ታ ጊ ማሻ ሌፋና፤ ታ ኩሼይ ፒርዳስ ኦይካና፤ ታ ሞርኬታ ቦላ ሃሎ ኬሳና፤ ታና ኢጺዛይታስ ታ ኢስታ ኦሶ ማላ ኢስታስ ኢማና።

ዛሬ ማጻፋ 4:24

ጋሶይካ ጎዳ ኢንቴ ጾሳይ ጹጊዛ ታማኔ ቃናቲዛ ጾሳ።

ዛሬ ማጻፋ 5:10

ታና ዶሲዛይታሲኔ ታ ኣዛዞታ ናጊዛይታስ ጊዲኮ ሺ ዬሌታ ጋካናስ ታ ኪያቴኔ ታ ሲቆ ታ ኢስታ ቤሳና።

ዛሬ ማጻፋ 5:9

ታኒ ጎዳ ኔ ጾሳይ ኬሃ ቃናቲዛ ጾሳ፤ ሄሳ ጊሻስ ማሴቲ ኦሴቲዳ ኣይ ኤቃ ጾሳታስካ ጎይኖፋኔ ዚጎፋ፤ ታኒ ታና ኢጺዛይታ ዉርሳ ቃጻያይስ፤ ኢስታ ዜሬታካ ሄንኔ ኦይዳን ዬሌታ ጋካናስ ታኒ ቃጻያና።

ዛሬ ማጻፋ 6:15

ጋሶይካ ኢንቴ ጊዶን ዴኢዛ ጎዳ ኢንቴ ጾሳይ ቃናቲዛ ጾሳ፤ ሄሳ ጊሻስ ኢዛ ሃንቆይ ኢንቴ ቦላን ታማ ማላ ኤጺ ኬዛና፤ ኢዚካ ኢንቴና ቢታ ቦላፌካ ሙሌራ ዲፒ ሂስቲ ይሳና።

ዛሬ ማጻፋ 7:10

ጊዶ ኣቲን ባና ኢጺዛይታ ባ ሃሎ ኬሳና፤ ኢስታ ቦላ ባ ሃሎ ኬሳናስ ጋምኤና።

ያቆቤ ኪታ 4:4

ኢንቴኖ ላይማቲዛይቶ! ኣላሜራ ሲቄቴ ጾሳራ ሞርኬቴ ጊዲዳይሳ ኤሬኬቲ? ሄሳ ጊሻስ ሃይሳ ኣላሜዛራ ሲቄቴ ኮይዛይ ዉሪካ ጾሳስ ሞርኬ።

ኢያሶ ማጻፋ 23:16

ጎዳ ኢንቴ ጾሳይ ኢንቴስ ኢሚዳ ጫቆ ቃላ ኢንቴ ላሊዛ ጊዲኮ፥ ቢዲ ሃራ ኤቃ ጾሳታስ ሃጋዚኮኔ ጎይኒኮ ጎዳ ሃንቆይ ኢንቴ ቦላ ታማ ማላ ኤጺ ኬዛና፤ ኢዚ ኢንቴስ ኢሚዳ ሎኦ ቢታይፌ ኢንቴ ኤሶን ያና» ጊዴስ።

ኢያሶ ማጻፋ 23:7

ሃይታ ኢንቴ ጊዶን ኣቲዳ ካዎቴታራ ኢሲፌቶፍቴ፤ ኢስታ ኤቃ ጾሳታ ሱን ጼይጎፒቴ፤ ኢስታ ሱንን ጫቆፍቴ፤ ኢስታስ ኦፍቴኔ ጎይኖፍቴ።

ኢያሶ ማጻፋ 24:19

ኢያሶይካ ዴራስ፥ «ኢንቴ ጎዳስ ጎይናናስ ዳንዳዬኬታ፤ ኢዚ ጌሻ ጾሳ፤ ኢዚ ቃናቲዛ ጾሳ፤ ኢዚ ኢንቴ ማካላቴኔ ኢንቴ ናጋራ ኣቶ ጌና።

ዳናታ ማጻፋ 2:19

ጊዶ ኣቲን ኢስታ ካሌዛ ዳናቲ ሃይቂዳ ዎዴ ኡባን ኣሳይ ጉዬ ሲሚዲ፥ ኤቃ ጾሳታ ካሎን፥ ኢስታስ ሃጋዞኒኔ ኢስታ ጎይኖን ካሴ ኢስታ ኣዋቲ ኦዳ ኢታ ኦሶፔ ኣዳ ኢታ ኦሶን ሲሚ ጌሊዳ፤ ባንታ ኢታ ኦሶኔ ጌላ ኦጌ ኣጎንታ ኢጺዳ።