ኬሳ ማጻፋ 20:20 - ጋሞ ማጻፋ

²⁰ ሙሴይ ኣሳስ፥ «ጾሲ ኢንቴና ፓጫናስ፥ ኢዛ ያሺ ኢንቴ ዎዚናን ኩሚን ኢንቴ ናጋራ ኦንታ ማላ ዪዳ ጊሻስ ባቦፍቴ» ጊዴስ።

Geeshsha Maxaafa

²⁰ Musey asaas, «Xoossi inttena paaccanaas, iza yashshi intte wozinan kumiin intte nagara ooththontta mala yida gishshas babbofte» gides.

ኬሳ ማጻፋ 20:20 ပူးပေါင်းရင်းမြစ်များ

ሜቴ ማጻፋ 20:11

ኣብራሃሜይ፥ « ‹ጾሳስ ባቢዛ ኢሲ ኣሲካ ሃ ዴሬን ባዋ፤ ቃሴካ ታ ማቼይ ጌዶን ኢስቲ ታና ዎና› ጋዳ ቆፒዳ ጊሻሳ።

ሜቴ ማጻፋ 22:1

ሄሳፌ ጉዬ ጾሲ ኣብራሃሜ ፓጪዴስ፤ ጾሲ፥ «ኣብራሃሜ!» ጊ ጼይጊን ኣብራሃሜይ፥ «ዬ!» ጊ ኮዪዴስ።

ሜቴ ማጻፋ 22:12

«ናዛ ቦላ ኔ ኩሼ ዎፋ፤ ኢዛ ኣይኮካ ኦፋ፤ ኔኒ ኔ ሜጺ ኢሲ ናዛካ ታና ዲጎንታ ጊሻስ ኔኒ ጾሳስ ያዪዛ ኣስ ጊዲዳይሳ ታኒ ሃኢ ኤራዲስ» ጊዴስ።

ናሂሚያ ማጻፋ 5:15

ቃሴካ ታፔ ካሴ ዴሬ ኣይሲዛይቲ ኡባይ ዴራ ቦላ ጊታ ቶሆ ጊዲዲ ጋላስ ጋላስ ሚዛዚኔ ኡዪዛዚ ኢዛፔ ኣቲን ቦላራካ ኦይዱ ታሙ ሳቂሌ ቢራ ጪጊሲዳ፤ ሃራይ ኣቶሺን ኢስታ ኣይሌቲካ ዴራ ቦላ ኬሂ ጎዳቲዲ ዋዪሲዳ፤ ጊዶ ኣቲን ታኒ ጾሳስ ያዪዛ ጊሻስ ሄሳ ኦቤኬ።

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ኬሳ ማጻፋ 14:13

ሙሴይ ኣሳ፥ «ባቦፍቴ፤ ሚኒ ኤቂቴ፤ ጎዳይ ሃች ኢንቴና ኣሻናይሳ ኢንቴ ቤያና። ሃች ኢንቴ ቤኢዛ ጊብጼ ኣሳ ናምኣን ሙሌካ ቤኤኬታ።

ሌሚሶ ማጻፋ 1:7

ኣ ኤራቴስ ኮይሮይ ጎዳስ ያሻቴ፤ ኤያቲ ጊዲኮ ኣ ኤራቴኔ ሴራ ካቴስ።

ሌሚሶ ማጻፋ 16:6

ሲቆኒኔ ኣማኔቴን ናጋራይ ኣቶ ጌቴቴስ፤ ጎዳስ ያሻቴን ኣሲ ኢታፔ ሃኬስ።

ሌሚሶ ማጻፋ 3:7

ኔርካ ኔና ኣ ኤራንቻ ጎፓ፤ ጎዳስ ያያ፤ ኢታፔካ ሃካ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኢሳያሳ ቲንቢቴ 41:13

ጋሶይካ ታኒ ጎዳ ኔ ጾሳይ፥ ታ ኔና ማዳና፤ ያዮፋ ታ ኔ ኡሻቻ ኩሼዛ ኦይካና።

ኢሳያሳ ቲንቢቴ 8:13

ኢንቴ ዱማሳና ቤሲዛይ ኡባፌ ዎልቃማ ጎዳ ጻላ፤ ኢንቴ ያያናሲኔ ኮኮራናስ ቤሲዛይ ኢዛ።

ዛሬ ማጻፋ 10:12

ኢስራኤሌ ኣሳዉ! ጎዳይ ኢንቴፌ ኮይዛይ ሃይሳፌ ካሊዛይሳ፤ ጎዳ ኢንቴ ጾሳ ያዪቴ፤ ኢዛ ኦጌ ካሊቴ፤ ኢዛ ሲቂቴ፤ ኩሜ ዎዚናፔኔ ኩሜ ሼምፖፌ ኢዛስ ኦቴ።

ዛሬ ማጻፋ 13:3

ጎዳ ኢንቴ ጾሳይ ኢንቴ ኢዛ ኩሜ ዎዚናፔኔ ኩሜ ሼምፖፌ ዶሲዛኮ ኤራናስ ኮዪዲ ሄ ካዪዛይሳ ዬዲዳ ጊሻስ ኢዚ ጊዛይሳ ሙሌካ ሲዮፒቴ።

ዛሬ ማጻፋ 4:10

ሲና ዙማ ቦላ ጎዳ ኢንቴ ጾሳ ሲንን ኢንቴ ኤቂዳ ዎዴ ኢዚ ታና፥ ‹ኢንቴ ዴኢዛ ዎዴ ኡባን ኢስቲ ታስ ያሻቴ ታማራና ማላ፥ ባንታ ናይታካ ታማርሳና ማላኔ ታ ቃላ ሲያና ማላ ዴራ ታኮ ሺሻ› ጊዳይሳ ኣኬኪቴ።

ዛሬ ማጻፋ 6:2

ኢንቴ ሄ ቢታይን ኣዱሳ ላይ ዳና ማላ ኢንቴ፥ ኢንቴ ናይቲኔ ኢንቴ ናይታ ናይቲ ባንቲ ዲዛ ዎዴ ኡባን ጾሳስ ያያናሲኔ ታ ኢሚዳ ኣዛዞታ፥ ማራታኔ ዎጋታ ኡባ ናጋናስ ቤሴስ።

ዛሬ ማጻፋ 6:24

ሄሳፌ ጉዬ ሃች ሃኒዳይሳ ኑስ ኡባ ዎዴካ ሎኦ ጊዳና ማላኔ ኑኒ ሼምፖራ ፓጻ ዴኣና ማላ፥ ኑኒ ኣዛዞታ፥ ዎጋታኔ ማራታ ናጋና ማላኔ ጎዳ ኑ ጾሳስ ያያና ማላ ኣዛዚዴስ።

ዛሬ ማጻፋ 8:16

ኢንቴና ኣሽኬሳናሲኔ ፓጫናስ ዉርሴንካ ሎኦ ጊዳና ማላ ካሴ ኢንቴ ኣዋቲ ሚ ኤሮንታ ማና ባዞ ቢታን ኢንቴስ ኢሚዴስ።

ዛሬ ማጻፋ 8:2

ጎዳ ኢንቴ ጾሳይ ኢንቴስ ኢሚዳ ኣዛዞታ ኢንቴ ናጊዛኮኔ ናጎንታኮ ኢንቴ ዎዚናን ዲዛ ቆፋ ኤራናስ፥ ኢንቴና ፓጫናሲኔ ኢንቴና ኣሽኬሳናስ ኦይዱ ታሙ ላይ ኩሜ ሜቶ ጊዶራ ኣዲ ኢዚ ኢንቴና ዎስቲ ዎስቲ ካሌዳኮ ኣኔ ዩሺ ቆፒቴ።

ኢያሶ ማጻፋ 24:14

«ሄሳ ጊሻስ ሃኢካ ጎዳስ ያዪቴ፤ ኩሜ ዎዚናፔ ኣማኔቴን ኢዛስ ሃሬቲቴ፤ ካሴ ኢንቴ ኣዋቲ ኤፊራጺሴ ሻፋፔ ሄ ፒንኒኔ ጊብጼ ቢታን ጎይኒዳ ኤቃ ጾሳታ ኢንቴፌ ሃሲቴ፤ ጎዳስ ጻላ ጎይኒቴ።

1ሳሜላ ማጻፋ 12:20

ሳሜሊካ ኢስታስ፥ «ባቦፍቴ፤ ሃይሳ ሃ ኢታ ኡባ ኦዴታ፤ ጊዶ ኣቲን ኢንቴ ኩሜ ዎዚናፔ ጎዳስ ጎይኒቴ፤ ጎዳ ካላናፔ ጉዬ ጎፒቴ።