ኬሳ ማጻፋ 18:1 - ጋሞ ማጻፋ

¹ ሚዲያሜ ቢታ ቄሴ፥ ሙሴ ቦሎ ዮቶሬይ፥ ጾሳይ ሙሴሲኔ ኢዛ ኣሳ ኢስራኤሌ ናይታስ ኦዳይሳ ሄሲካ ጎዳይ ኢስታ ጊብጼ ቢታፌ ኬሲዳይሳ ኡባ ሲዪዴስ።

Geeshsha Maxaafa

¹ Midiyaame biitta qeese, Muse bollo Yootorey, Xoossay Musessinne iza asaa Isra7eele naytas ooththidayssa hessika GODAY istta Gibxe biittafe kessidayssa ubbaa siyides.

ኬሳ ማጻፋ 18:1 ပူးပေါင်းရင်းမြစ်များ

ዬ ማጻፋ 105:43

ኢዚ ባ ኣሳ ኡፋይሳን፥ ባ ዶሪዳይታ ኢሊሊሳን ኬሲዴስ።

ዬ ማጻፋ 105:5

ኢንቴኖ ኢዛ ኣይሌ ኣብራሃሜ ዜሬቶ! ዶሬቲዳ ያቆቤ ናይቶ! ኢዚ ኦዳ ማላሊሲዛ ኦሶታ፥ ኢዛ ማላታኔ ኢዚ ፒርዲዳ ፒርዳ ኣኬኪቴ።

ዬ ማጻፋ 106:2

ጎዳይ ኦዳ ዎልቃማ ኦሶ ዮታናስ፥ ዎይኮ ኢዛ ጋላታ ኡባ ቆንጪሳናስ ዳንዳይዛይ ኦኔ?

ዬ ማጻፋ 34:2

ታኒ ጎዳን ጬቄታይስ፤ ናቄቲዳይቲ ሄሳ ሲዪዲ ኡፋዬቴቶ።

ዬ ማጻፋ 44:1

ኣቤት ጾሳዉ! ቤኒ ኣዳ ዎዴ ኔ ኦዳ ጊታ ሚሻ ኑኒ ሲዪዶስ፤ ኑ ኣዋታ ዎዴካ ኔ ኦዳይሳ ኢስቲ ኑስ ዮቲዳ።

ዬ ማጻፋ 78:4

ሄ ዮኦታ ኑኒ ኢስታ ናይታፔ ቆቶኮ፤ ጎዳስ ቤሲዛ ጋላታ፥ ኢዛ ዎልቃኔ ማላሊሲዛ ኢዛ ኦሶ ዪዛ ዬሌታታስካ ኑኒ ዮታና።

ኬሳ ማጻፋ 2:16

ሄ ዎዴ ኢሲ ሚዲያሜ ቄሴስ ላፑን ማጫ ናይቲ ዴቴስ፤ ኢስቲ ሄ ሃ ኦላኮ ባ ኣዋ ዶርሳታ ሃ ኡሻናስ ዪዲ ጎንጌን ሃ ዱቂ ኩንዳ።

ኬሳ ማጻፋ 2:18

ኢስቲ ባ ኣዋ ዮቶሬኮ ቢን ኢዚ፥ «ሃች ዋኒ ኤሶን ዪዴቲ?» ጊ ኦይቺዴስ።

ኬሳ ማጻፋ 2:21

ሙሴይካ ሄ ኣዴዛራ ሄን ዳናስ ዶሲዴስ፤ ኣዴዚካ ባ ናዮ ጺፖሮ ሙሴስ ማቾ ሂስቲ ኢሚዴስ።

ኬሳ ማጻፋ 3:1

ሙሴይ ሚዲያሜ ቢታ ቄሴ፥ ባ ቦሎ ዮቶሬ ዶርሳታ ሄሜስ፤ ኢዚ ዶርሳታ ላጊ ኤኪ ቢዲ ባዞ ቢታ ጋጻ ጋካናስ ኤፊዲ ሲና ጌቴቲዛ ጾሳ ዙማኮ ጋኪዴስ።

ኬሳ ማጻፋ 4:18

ሄሳፌ ጉዬ ሙሴይ ባ ቦሎ፥ ዮቶሬኮ ሲሚ ቢዲ፥ «ሃኖ ጋካናስ ኣሳይ ፓጻ ዲዛኮ ቤያናስ ታኒ ጉዬ ታ ኣሳኮ ጊብጼ ቦ?» ጊዴስ። ዮቶሬይካ ሙሴ፥ «ኤ ባ፤ ሳሮን ጋካ» ጊዴስ።

ኬሳ ማጻፋ 6:6

«ሄሳ ጊሻስ ኔኒ ኢስራኤሌ ናይታስ፥ ‹ታኒ ጎዳ፤ ታኒ ኢንቴና ጊብጼ ኣሳ ቆሆፔ ኬሳና፤ ታኒ ኢንቴና ኢስታ ኣይሌቴፌካ ጎቻ ኬሳና፤ ቃሴ ታኒ ኢንቴና ታ ጊታ ዎልቃኒኔ ዱማ ዱማ ፒርዳን ዎዛና።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ዛካራሳ ቲንቢቴ 8:23

«ሄ ጋላሳታን ዱማ ዱማ ዴሬፔ ዱማ ዱማ ቃላን ሃሳይዛ ታሙ ኣሳቲ ኢሲ ኣይሁዳ ኣሳ ማይኦ ማጫራ ኦይኪዲ፥ ‹ኢንቴናራ ጾሲ ዲዛይሳ ኑ ሲዪዳ ጊሻስ ኑ ኢንቴናራ ኢሲፌ ባና› ጋና» ጊዴስ።

ታይቦ ማጻፋ 10:29

ሙሴይ ባ ማቼይ ኣዋ ሚዲያሜ ዴሬ ኣስ ኤራኡኤሌ ና ሆባቤስ፥ «ሄኮ ኑኒ ጎዳይ ኑስ ኢማናስ ካሴ ጫቂዳ ዴሬ ባናስ ጊጌቲዶስ፤ ጎዳይ ኢስራኤሌ ኣሳ ዱሬሳናስ ካሴ ኑስ ጫቂ ዎዴስ፤ ሄሳ ጊሻስ ኔካ ኑናራ ሄ፤ ኑኒ ኔስ ሎኦ ኦና» ጊዴስ።

ሃዋሬታ ኦሶ 14:27

ሄ ጋኪዳ ማላ ዎሳ ኬ ኣሳ ኡባ ሺሺዲ ጾሲ ኢስታራ ኦዳይሳ ቃሴካ ኣይዛቤታስ ኣማኖ ፔንጌይ ዋኒ ዶዬቲዳኮ ዉርሲ ዮቲዳ።

ሃዋሬታ ኦሶ 15:12

ሺቂዳ ኣሳይ ዉሪካ ጮኡ ጊን ባርናባሲኔ ጳዉሎሲ ጾሲ ኢስታ ባጋራ ኣይዛቤታ ጊዶን ኦዳ ጊታ ማላታታ ጊሻስ ዮቲሺን ማላሌቲዲ ሎኤ ሲዪዳ።

ኦሮሜ ኣሳስ 15:18

ታ ዮቲዳይሳኒኔ ታ ኦዳይሳን ሃንኮ ዴሬ ኣሳይ ጾሳስ ኣዛዜታና ማላ ኪርስቶሲ ታናን ጊዲዲ ኦዳዛፔ ኣቲን ሃራ ሃሳያና ጻሊኬ።

ኢያሶ ማጻፋ 2:10

ጊብጼ ቢታፌ ኢንቴ ኬዚዳ ዎዴ ኢንቴ ሲንን ዞኦ ኣባ ጎዳይ ዎስቲ ሜሊሲዳኮ ኑኒ ሲዪዶስ፤ ቃሴ ዮርዳኖሴ ሻፋፔ ኣርሼ ኬሳሶ ባጋራ ዲዛ ኣሞሬ ቢታ ካዎታ ናምኣታ፥ ሲሆኔኔ ኣጌ ኢንቴ ዎስቲ ኡባ ይሲዳኮ ኑ ሲዪዶስ።

ኢያሶ ማጻፋ 9:9

ኢስቲካ፥ «ኑኒ ኔ ኣይሌቲ ጎዳ ኔ ጾሳ ጊታቴ ሲዪዲ ዳሮ ሃሆ ቢታፌ ዪዶስ። ኢዛ ጊታቴኔ ኢዚ ጊብጼ ቢታን ኦዳይሳ ኡባ ሲዪዶስ።

ዳናታ ማጻፋ 1:16

ሙሴ ቦሎ ቄናዌዛ ዜሬቲ ዩሁዳ ኣሳራ ዛምባይ ዳሪ ዲዛ ኢያርኮ ካታማፔ ዴንዲዳ፤ ሂስቲዲ ኣራዴ ጌቴቲዛ ካታማፔ ዱጌሃ ባጋራ፥ ኔጌቤን ዲዛ ዩሁዳ ባዞ ቢዳ፤ ሂስቲዲካ ሄን ዲዛ ኣሳ ጊዶን ኡቲዳ።

ዳናታ ማጻፋ 4:11

ሄ ዎዴ ቄናዌ ዴሬ ኣስ ሄቤሬ ጌቴቲዛይሲ ሙሴ ቦሎ ሆባቤ ናይታ ቄናዌ ዴሬ ኣሳፔ ሻኬቲዴስ፤ ሂስቲዲ ቃዴሴኮ ሺቂዲ ዛናኒሜን ጊታ ዎላ ጋርሳን ባ ዱንካኔ ቶኪዴስ።