ኬሳ ማጻፋ 1:17 - ጋሞ ማጻፋ

¹⁷ ጊዶ ኣቲን ዬሊሲዛይቲ ጾሳስ ባቢዲ ጊብጼ ካዎይ ኢስታ ኣዛዚዳ ማላ ኦቤቴና፤ ዎንታ ኣቱማ ናይታ ፓጻ ኣጊዳ።

Geeshsha Maxaafa

¹⁷ Gido attiin Yelissizayti Xoossas babbidi Gibxe kawoy istta azazida mala ooththibeettenna; wodhontta attuma nayta paxa aggida.

ኬሳ ማጻፋ 1:17 ပူးပေါင်းရင်းမြစ်များ

ሜቴ ማጻፋ 20:11

ኣብራሃሜይ፥ « ‹ጾሳስ ባቢዛ ኢሲ ኣሲካ ሃ ዴሬን ባዋ፤ ቃሴካ ታ ማቼይ ጌዶን ኢስቲ ታና ዎና› ጋዳ ቆፒዳ ጊሻሳ።

ሜቴ ማጻፋ 42:18

ሄን ጋላሳን ዮሴፌይ ኢስታስ፥ «ታኒ ጾሳስ ባቢዛ ኣሳ፤ ኢንቴ ኢሲ ሚሽ ኦኮ ኢንቴ ሼምፖ ኣሼታ።

2ሳሜላ ማጻፋ 24:4

ጊዲኮካ ካዎዛ ቃላይ ኢዮኣቤኔ ኦላ ኣሳ ኣዛዚዛይታ ጾኒዳ ጊሻስ ኢስራኤሌ ኦላ ኣሳ ማዝጋባናስ ኢዛ ሲንፌ ኬዚ ቢዳ።

ናሂሚያ ማጻፋ 5:15

ቃሴካ ታፔ ካሴ ዴሬ ኣይሲዛይቲ ኡባይ ዴራ ቦላ ጊታ ቶሆ ጊዲዲ ጋላስ ጋላስ ሚዛዚኔ ኡዪዛዚ ኢዛፔ ኣቲን ቦላራካ ኦይዱ ታሙ ሳቂሌ ቢራ ጪጊሲዳ፤ ሃራይ ኣቶሺን ኢስታ ኣይሌቲካ ዴራ ቦላ ኬሂ ጎዳቲዲ ዋዪሲዳ፤ ጊዶ ኣቲን ታኒ ጾሳስ ያዪዛ ጊሻስ ሄሳ ኦቤኬ።

ኣስቴሪ ማጻፋ 3:3

ሄሳ ጊሻስ ካዎ ኬ ፔንጌን ኦዛ ካዎ ኦሳንቻቲ ማርዲኪዮሳ፥ «ካዎ ኣዛዞ ኣይስ ሜንይ?» ጊዲ ኢዛ ኦይቺዳ።

ዬ ማጻፋ 31:19

ኔናን ዜምፓናስ ኔኮ ሺቂዳይታሲኔ ኔስ ያዪዛይታስ ኔኒ ኣሳ ሲንን ኢስታስ ኢማና ጋዳ ሚንጃ ዎዳ ኪያቴ ኣይ ማላ ዳሮ!

ኬሳ ማጻፋ 1:18

ሄሳፌ ጉዬ ጊብጼ ካዎይ ሄ ዬሊሲዛይታ ጼይጊዲ፥ «ኢንቴ ኣይስ ሃይሳ ኦዴቲ? ኣቱማ ናይታ ኣይስ ፓጻ ኣጊዴቲ?» ጊ ኦይቺዴስ።

ኬሳ ማጻፋ 1:21

ቃሴ ዬሊሲዛይቲ ጾሳስ ባቢዳ ጊሻስ ጾሲ ኢስታስ ዬሎ ኢሚ ኣንጂዴስ።

ሌሚሶ ማጻፋ 16:6

ሲቆኒኔ ኣማኔቴን ናጋራይ ኣቶ ጌቴቴስ፤ ጎዳስ ያሻቴን ኣሲ ኢታፔ ሃኬስ።

ሌሚሶ ማጻፋ 8:13

ጎዳስ ያሻቴ ኢታ ኢጾ፤ ታኒ ኦቶሮኔ ሃላጫ፥ ሜንጼ ኢታቴኔ ጌላ ሃሳያ ኢጻይስ።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ኤራንቻታ ማጻፋ 8:12

ናጋራንቻይ ጼቱቶ ኢታ ሚሽ ኦሺን ኢዛ ላይይ ኣዱቂኮካ፥ ጾሳ ቦንቺዛይታሲኔ ጾሳ ያዪዛይታስ ሎኦይ ሃናናይሳ ታ ኤራይስ።

ዳኔላ ቲንቢቴ 6:13

ኢስቲካ፥ «ካዎ! ሂስቲን ሄኮ ዩሁዳፔ ዲኤቲ ዪዳይታፔ ኢሶይ ዳኔሊ ኔናኔ ኔ ጻፋ ኬሲዳ ኣዋጃዛ ቦንቼና፤ ኢዚ ሃኢካ ጋላስ ጋላስ ሄቶ ባ ጾሳ ዎሴስ» ጊዳ።

ሆሴኤ ቲንቢቴ 5:11

ኢስራኤሌ ኣሳይ ሃዳ ጾስ ካሎን ሚኒዴስ። ሄሳ ጋሶን ናቄቲዴታኔ ፒርዳን ቆሄቲዴታ።

ሚኪያሳ ቲንቢቴ 6:16

ካዎ ኦሚሬ ዎጋኔ ካዎ ኣካቤ ኬ ዎጋ ኔ ኡባ ሺሻ ኦይካዳሳ፤ ኔካ ኢስታ ሃይሲኤ ካላዳሳ። ሄሳ ጊሻስ ኔና ይሳስ፥ ኔ ዴሬዛካ ታኒ ቂስ ኣ ኢማና፤ ዴሬይ ኔ ቦላ ቂ ካኣና።

Maatosa 10:28

ኣሾ ዎኮፌ ኣቲን ሼምፖ ዎናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋ ጋናሜ ታማን ይሳናስ ዳንዳይዛይሳስ ባቢቴ።

ሉቃሳ ሚሺራቾ 12:5

ጊዶ ኣቲን ኢንቴ ባባናስ ቤሲዛይ ኦናኮ ታ ኢንቴና ቤሳና፤ ኣሾ ዎዳፔ ጉዬ ኣሾኔ ሼምፖ ኢሲፌ ጋ ጋናሜ ታማን ዬጋናስ ዳንዳይዛይሳስ ባቢቴ፤ ኤ ኢዛስ ባቢቴ ጋይስ።

ሃዋሬታ ኦሶ 5:29

ጴጽሮሲኔ ሃንኮ ሃዋሬቲካ ዛሪዲ፥ «ኑኒ ኣሳፔ ኣዲ ጾሳስ ኣዛዜታናስ ቤሴስ።

1ሳሜላ ማጻፋ 22:17

ሄሳፌ ጉዬ ካዎዚ ባ ኣቻን ኤቂዳ ዛቤታ፥ «ሃይቲካ ጎዳ ቄሴቲ ዳዊቴራ ኢሲኖ ጊዲዲ ኢዚ ባቃቲዳይሳ ታስ ዮቶንታ ኣጊዳ ጊሻስ ኢስታ ጊዶ ዎቴ» ጊ ኣዛዚዴስ። ካዎ ሹሜቲ ጊዲኮ ባ ኩሼ ጎዳ ቄሴታ ቦላ ዴንዲ ሾጫናስ ኮዪቤቴና።