ኣስቴሪ ማጻፋ 5:14 - ጋሞ ማጻፋ

¹⁴ ኢዛ ማቼያ ዞሳራይኔ ኢዛ ላጌቲ ኡባይ፥ «ኔኒ 50 ዋ ኣዱሳ ኮጫ ኤሲሳ፤ ሂስታዳ ዎንቶ ዎንታራ ማርዲኪዮሲ ሄ ኮጫ ቦላ ካቄታና ማላ ካዎዛስ ዮታ። ሄሳፌ ጉዬ ኡፋዬታሼ ካዎዛራ ኢሲፌ ጊቢራሶ ባንዳሳ» ጊዳ። ሄ ቆፋዚ ሃማ ኬሂ ኡፋይሲን ካቃናሶዛካ ጊግሲዴስ።

Geeshsha Maxaafa

¹⁴ Iza machcheya Zosaaraynne iza laggeti ubbay, «Neni 50 wadha adussa koca esisa; histtada wonto wonttara Mardikiyoosi he kocaa bolla kaqettana mala kawozas yoota. Hessafe guye ufayettashe kawozara issife gibiraaso baandasa» gida. He qofazi Haama keehi ufayssiin kaqqanaasozakka giigsides.

ኣስቴሪ ማጻፋ 5:14 ပူးပေါင်းရင်းမြစ်များ

2ሳሜላ ማጻፋ 16:21

ኣክጾፌሌይ ኢዛስ ዛሪዲ፥ «ካዎ ኬ ናጋና ማላ ኔ ኣዋይ ኣጊ ቢዳ ኢዛ ላጌታራ ጌላ ዚንኣ፤ ሄሳፌ ጉዬ ኔኒ ኔ ኣዋ ኬሃ ኢጺዳይሳ ኩሜ ኢስራኤሌይ ሲዪኮ ኔናራ ዲዛ ኡባታ ቄሴይ ሚናና» ጊዴስ።

1ካዎታ ማጻፋ 21:25

ኢዛ ማቻ ኤልዛቤላ ዴንን ጎዳ ሲንን ኢታ ሚሽ ኦናስ ባናቴ ናጋራስ ባይዚዳ ኣካቤ ማላ ኣሲ ሙሌካ ዴና።

1ካዎታ ማጻፋ 21:7

ኢዛ ማቻ ኤልዛቤላ ኢዛስ፥ «ኔኒ ኢስራኤሌ ቦላ ካዎ ጊዳ ኡታዳ ሃይሳ ሃናይ? ዴንዳዳ ካ ማ! ዎዚናፔካ ኡፋዬታ! ኢዝራኤሌ ኣስ ናቡቴይ ዎይኔ ቶኪዛሶሆዛ ታኒ ኔስ ኢማና» ጋዱስ።

ኣስቴሪ ማጻፋ 6:4

ካዎዚ ዛሪዲ፥ «ዛጎዛን ኦኔ ዲዛይ?» ጊ ኦይቺዴስ። ሄ ዎዴ ሃማይ ማርዲኪዮሳ ኢዛ ቦላ ካቃናስ ካዎዛስ ዮታና ቢዲ ካሬ ባጋራ ዲዛ ካዎ ኬ ዛጎ ቡሮ ጋኬ ቦላ ዴስ።

ዬ ማጻፋ 37:14

ኢታ ኣሳቲ ሂዬሳታኔ ሜቶታንቻታ ይሳናዉ፥ ሱሬቴን ሄሜቲዛይታ ዎናዉ ባንታ ማሻ ሾዴቴሲኔ ባንታ ዎንዳፌዛ ዳፌቴስ።

ዬ ማጻፋ 37:32

ኢታ ኣሲ ጺሎ ኣስ ኢታ ኣይፌን ጼሌሲኔ ዎናዉካ ኮዪ ካሌስ።

ዬ ማጻፋ 9:15

ካዎቴይ ባ ቦኪዳ ኦላን ኩንዲዴስ። ኢስቲ ቆቲ ዎዳ ዎጺማዴይ ኢስታ ቶሆ ኦይኪዴስ።

ሌሚሶ ማጻፋ 1:18

ሃይቲ ሃ ኣሳቲ ባንታ ሱ ጉሳናስ ዙጌቴስ፤ ባንታ ሼምፖ ዎናስ ቆቴቲ ኡቴቴስ።

ሌሚሶ ማጻፋ 4:16

ኢስቲ ኢታ ኦንታ ዲሼ ስኪ ኤሬቴና፤ ኣስ ጴንታ ዲሺን ስኮይ ኢስታ ኣይፌን ዬና።

ኦሮሜ ኣሳስ 1:32

«ሄሳ ኦዛይቲ ዉሪካ ሃይቃናስ ቤሴስ» ጊዛ ጾሳ ዎጋ ኢስቲ ኤሪሼ ሄይታንታ ባስ ኦሶ ጻላላ ጊዶንታ ሄሳ ኦዛይታካ ሚንቴስ።

ኦሮሜ ኣሳስ 3:15

ኢስታ ቶሆይ ሱ ጉሳናስ ኤሶቴስ።

ዮሃኒሳ ኣጁታ 11:10

ሄይቲ ናምኡ ናቤቲ ካሴ ቢታ ቦላ ዲዛ ኣሳ ዋዪሲዳ ጊሻስ ሃኢ ቃሴ ቢታ ቦላ ዲዛ ኣሳይ ሃ ናቤቲ ሃይቂዳ ጊሻስ ኡፋዬታና፤ ሄ ኡፋይሳስ ባኣሌ ኦዲ ኢሶይ ኢሳስ ዬስ ኢማና።