ኤፌሶኔ ኣሳስ 6:1 - ጋሞ ማጻፋ

¹ ናይቶ! ኢንቴ ኢንቴና ዬሊዳይታስ ጎዳን ኣዛዜቲቴ፤ ሄሲ ኢንቴስ ቤሴስ።

Geeshsha Maxaafa

¹ Naytoo! Intte inttena yelidaytas Godaan azazettite; hessi inttes bessees.

Gamo Geesha Maxxafa New Testamen

¹ Nayto inte intena yellidaytas Godan azazetite. Hessi intes beses.

ኤፌሶኔ ኣሳስ 6:1 ပူးပေါင်းရင်းမြစ်များ

ሜቴ ማጻፋ 28:7

ያቆቤይካ ባ ኣዋሲኔ ባ ኣዬይስ ኣዛዜቲዲ ሜስጴጾሚያ ቢታ ቢዳይሳ ኤሳዌይ ኤሪዴስ።

ሜቴ ማጻፋ 37:13

ኢስራኤሌይ ዮሴፌ፥ «ኔ ኢሻቲ ሴኬሜን ሜሄ ሄሚዛይሳ ኔ ኤራሳ፤ ሃ ያ፤ ታ ኔና ኢስታኮ ኪታና» ጊዴስ። ዮሴፌይካ፥ «ኤሮ» ጊዴስ።

ሜቴ ማጻፋ 48:12

ዮሴፌይ ኢስታ ያቆቤ ጉልባቴ ቦላፌ ዴንዲ ባ ሁኤ ቢታ ጋ ዚጊዴስ።

ሜቴ ማጻፋ 50:12

ያቆቤ ናይቲ ባ ኣዋይ ኢስታ ኣዛዚዳ ማላ ኦዳ፤

ናሂሚያ ማጻፋ 9:13

«ሳሎፔ ዱጌ ሲና ዙማ ቦላ ዎዳ ኔ ዴሬዛ ሃሳይሳዳሳ፤ ሎኦ ዎጋታኔ ሱሬ ቲሚርቴታ ኔ ኢስታስ ኢማዳሳ።

ኣስቴሪ ማጻፋ 2:20

ኣስቴራ ማርዲኪዮሲ ኢዚስ ዮቲዳ ማላ ባ ቆሞኔ ባ ዴሬዛ ቆታዱስ፤ ኢዛ ሄሳ ኦዳ ጋሶይካ ማርዲኪዮሲ ካሴ ኢዞ ዲቺዛ ዎዴ ኢዛ ኦዛ ማላ ሃኢካ ኢዛ ዞሬ ኤካሼ ዲዛ ጊሻሳ።

ኢዮቤ ማጻፋ 33:27

ኢዚ ኣሳ ሲንን፥ ‹ታኒ ናጋራ ኦዲስ፤ ሱሬ ጊዲዳይሳካ ጌላሳዲስ። ጾሳይ ጊዲኮ ታ ሞራ ማላ ታስ ኦቤና።

ዬ ማጻፋ 119:128

ኔ ዎጋቲ ኡባይ ቱሙ ጊዲዳይሳ ኣማናዲስ፤ ሄሳ ጊሻስ ጌላ ኦጌ ኡባ ኢጻዲስ።

ዬ ማጻፋ 119:75

ኣቤት ጎዳዉ! ኔ ፒርዳይ ጺሎ ጊዲዳይሳኔ ኔኒ ታና ቃጻይዳይ ኣማኔቴን ጊዲዳይሳ ታኒ ኤራይስ።

ዬ ማጻፋ 19:8

ጎዳ ዎጋይ ሊኬ፤ ዎዚና ኡፋይሴስ። ጎዳ ኣዛዞይ ጌሻ፤ ኣይፌ ፖኢሴስ።

ሌሚሶ ማጻፋ 1:8

ታ ናዞ! ኔ ኣዋ ዞሬ ኤዝጋ፤ ኔ ኣያ ታማርሲዛይሳካ ኣጎፋ።

ሌሚሶ ማጻፋ 23:22

ኔና ዬሊዳ ኣዋይ ዮቲዛይሳ ሲያ፤ ኔ ኣዪያካ ጬጊዳ ዎዴ ካፓ።

ሌሚሶ ማጻፋ 30:11

ባ ኣዋ ቃንጊዛኔ ባ ኣዮካ ኣንጆንታ ዬሌታይ ዴስ።

ሌሚሶ ማጻፋ 30:17

«ባ ኣዋ ቂዛ ና ኣይፌኔ፥ ባ ኣዮ ካዛ ና ኣይፌ ኬልካን ዴኢዛ ቁሮቲ ዎጫና፤ ኢዛ ኣሾዛ ኣንኮቲ ማና።

ሌሚሶ ማጻፋ 6:20

ታ ናዞ! ኔ ኣዋ ኣዛዞ ፖላ፤ ኔ ኣያ ታማርሲዳይሳካ ኣጎፋ።

ኤርማሳ ቲንቢቴ 35:14

ኤሬካቤ ና ኢዮናዳቤይ ባ ናይታ ዎይኔ ኡሹ ኡዮንታ ማላ ኣዛዚዴስ፤ ሄ ኣዛዞይካ ናጌቲዴስ፤ ኢስቲ ባንታ ኣዋ ኣዛዞ ናጊዳ ጊሻስ ሃች ጋካናስ ዎይኔ ኡሹ ኡዬቴና፤ ኢንቴ ጊዲኮ ታ ኢንቴስ ዛራ ዛራዳ ዮቲንካ ኣዛዜቲቤኬታ።

ኤርማሳ ቲንቢቴ 35:18

ሄሳፌ ጉዬ ኤርማሲ ኤሬካቤ ዜሬታስ፥ «ኡባፌ ዎልቃማ ጎዳ ኢስራኤሌ ጾሳይ ኢንቴና፥ ‹ኢንቴ ኢንቴ ኣዋ ኢዮናዳቤስ ኣዛዜቲዳ ጊሻስ፥ ኢዛ ዎጋ ካሊዳ ጊሻሲኔ ኢዚ ኣዛዚዳ ሚሽ ኡባካ ፖሊዳ ጊሻስ፥

ኤርማሳ ቲንቢቴ 35:8

ኑ ኣዋ ኤሬካቤ ና ኢዮናዳቤይ ኑና ኣዛዚዳ ኡባ ኑኒ ፖሊዶስ፤ ኑኒኔ ኑ ማቼቲ፥ ኑ ኣቱማ ናይቲኔ ኑ ማጫ ናይቲ ዎይኔ ኡሹ ኡዪ ኤሮኮ።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ሌዌታ ማጻፋ 19:3

« ‹ኢንቴፌ ኦኒካ ኣቶንታ ባ ኣዋኔ ባ ኣዮ ቦንቾ፤ ታ ኢንቴና ኣዛዚዳ ማላ ሳምባታ ጋላሳታ ቦንቾ፤ ታኒ ጎዳ ኢንቴ ጾሳ።

ሉቃሳ ሚሺራቾ 2:51

ሄሳፌ ጉዬ ኢስታራ ኢሲፌ ናዚሬቴ ዎዲ ኢስታስ ኣዛዜቲሼ ዴኢዴስ። ኢዛ ኣያ ማራማካ ሄ ሃኒዳ ሚሻ ኡባ ባ ዎዚናን ናጋሼ ጋምኣዱስ።

ኦሮሜ ኣሳስ 12:2

ሎኦ፥ ኡፋይሲዛዚኔ ኩሜ ጊዲዳ ጾሳ ሼኔይ ኣዛኮ ኢንቴ ፓጪ ኤራና ማላ ኢንቴ ቆፋን ኦራጺዲ ላሜቲቴ ኣቲን ሃይሳ ኣላሜ ኣሳ ሚሳቶፒቴ።

ኦሮሜ ኣሳስ 16:2

ኣማኒዛ ኣሳስ ቤሲዛ ሞኮ ኢንቴ ኢዞ ጎዳ ሱንን ሞኪ ኤካና ማላኔ ኢዛ ኢንቴፌ ኮይዛ ኣይ ሚሻንካ ኢንቴ ኢዞ ማዳና ማላ ታ ኢንቴና ቆፍሳይስ።

ኦሮሜ ኣሳስ 7:12

ሄሳ ጊሻስ ዎጋይ ባ ባጋራ ጌሻ፤ ኣዛዞይካ ጌሻ፤ ጺሎኔ ሎኦ።

1ቆሮንቶሴ ኣሳስ 15:58

ሄሳ ጊሻስ ታ ሲቆ ኢሻቶ! ሚኒ ኤቂቴ፤ ኣይ ሚሻንካ ያርክ ያርኮፍቴ፤ ጎዳ ኦሶስ ኢንቴ ዳቡርዛ ዳቡርሳይ ሃዳ ጊዶንታይሳ ኤሪዲ ኡባ ዎዴ ፓጬይ ባይንዳ ጎዳስ ኦናስ ሚኔቲቴ።

ዛሬ ማጻፋ 21:18

ኣዋሲኔ ኣዪስ ኣዛዜቶንታ ኢጺዲ ኢስቲ ሙሪንካ ሲሞንታ ኢጺዳ ማካላንቻኔ ዎዚና ሙሜ ናይ ኢስታስ ዲኮ፥

1ጺምቶሳስ 5:4

ኢሲ ኣምኤይስ ናይ ዎይኮ ና ናይ ዲዛ ጊዲኮ ሄ ናይቲ ባሶ ኣሳታ ማዳናሲኔ ባና ዬሊዳይታስ ካሴ ኢስቲ ኦዳይሳ ኩሼ ዛሮን ሃራፔ ካሴቲዲ ባ ኣማኖ ኦሶን ቤሳናሲኔ ታማራናስ ቤሴስ፤ ሄሲካ ጾስ ኡፋይሲዛይሳ።

1ጴጽሮሳ ኪታ 2:13

ኢንቴ ጎዳ ዬሱሳ ጊሻስ ጊዲ ዴሬ ኣይሲዛይታስ ኣዛዜቲቴ። ካዎይ ቃሴ ኡባፌ ቦላራ ዲዛ ጊሻስ ካዎሲካ ኣዛዜቲቴ።

ኡሩቲ ማጻፋ 3:5

ሂስቲን ኡሩታ፥ «ኔ ጊዳይሳ ኡባ ታ ኦና» ጋዱስ።

1ሳሜላ ማጻፋ 17:20

ዳዊቲ ዎንቴ ጋላስ ማላዶራ ዶርሳታ ሄሚዛ ኣሳስ ኣጊዲ ኢሴዬይ ኢዛ ኣዛዚዳ ማላ ሺንቄዛ ኤኪ ቢዴስ። ኦላንቻቲ ኦሌታናስ ጬቄቲሼ ሶሆ ሶሆ ኦይኪሺን ኢስቲ ዱንካኒ ኡቲዳሶ ጋኪዴስ።