ኤፌሶኔ ኣሳስ 5:10 - ጋሞ ማጻፋ

¹⁰ ሄሳካ ጎዳ ኡፋይሲዛ ሚሽ ኮዪቴ።

Geeshsha Maxaafa

¹⁰ Hessaththoka Godaa ufayssiza miish koyite.

Gamo Geesha Maxxafa New Testamen

¹⁰ Hesathoka Goda ufaysiza miish koyite.

ኤፌሶኔ ኣሳስ 5:10 ပူးပေါင်းရင်းမြစ်များ

ዬ ማጻፋ 19:14

ኣቤት ጎዳዉ! ታ ዜምፒዛ ዎጋ ዛላዉ! ታና ዎዚዳ ታ ጎዳዉ! ታ ዶናፔ ኬኢዛ ቃላይኔ ታ ዎዚና ቆፋይ ኔና ኡፋይሲዛይሳ ጊዶ።

ሌሚሶ ማጻፋ 21:3

ያርሾፌ ቦላራ ጺሎኔ ሱሬ ፒርዳ ጎዳይ ዶሴስ።

ኢሳያሳ ቲንቢቴ 58:5

ታኒ ዶሪዳይ ሃይሳ ማላ ጾማ? ኣሲ ባና ካዉሻናይ ሃይሳ ማላ ጋላስ ጻላ? ሻጫ ማላ ባና ዚቂ ሂስቴ? ዎይኮ ማቃ ማይኢዲ ቢዲን ቦላ ቡሉሌቴ? ሂስቲን ኔ ጾማ ጋ ጼይጊዛይሲ ሃይሴ? ጎዳይ ሄሳ ማላን ኡፋዬቲዜ?

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።

ኦሮሜ ኣሳስ 14:18

ሃይሳ ኪርስቶሳስ ኦዛዴይ ጾስ ኡፋይሴሲኔ ኣሳ ኣቻንካ ጋላቴቴስ።

ፒሊጲሲዮሴ ኣሳስ 1:10

ሄሲካ ኢንቴ ኡባፌ ኣዛይሳ ሻኪ ኤራና ማላኔ ዬሱስ ኪርስቶሳ ዩሳ ጋላስ ጋካናስ ኢንቴ ጌሻታኔ ዎሶይ ባይንዳይታ ጊዳና ማላ ኮያይስ።

ፒሊጲሲዮሴ ኣሳስ 4:18

ታስ ኮሺዛይሳኔ ታና ኮሺዛይሳፌካ ቦላራ ኤካዲስ፤ ኢንቴ ታስ ዬዲዳ ማዶ ሚሻ ኣፍሮዲጾ ኩሼፔ ኤኪን ታ ፓጬይ ኩሚዴስ፤ ሃይሲ ዳሮፔ ጾሳ ኣቻን ኤኬቲዳ ዳሮ ሎኦ ሳዊዛ ያርሾ ማላ።

ቆላሲያሴ ኣሳስ 1:10

ሄሳካ ጎዳስ ቤሲዛ ዱስ ዳና ማላ ኢንቴ ኢዛ ፖሊ ኡፋይሳና ማላ ሎኦ ኦሶ ኡባን ኣይፌ ኢማና ማላኔ ጾስ ኤሮን ዲጪ ዲጪ ባና ማላ ኑ ኢንቴስ ዎሶስ።

1ታሶሎንቄ ኣሳስ 5:21

ዉርሲካ ፓጪ ጼሊቴ፤ ሎኦ ጊዲዳዝ ኦይኪቴ።

1ጺምቶሳስ 2:3

ሃይሲ ኑና ኣሺዛ ጾሳ ኣቻን ሎኦኔ ኡፋይሲዛዛ።

1ጺምቶሳስ 5:4

ኢሲ ኣምኤይስ ናይ ዎይኮ ና ናይ ዲዛ ጊዲኮ ሄ ናይቲ ባሶ ኣሳታ ማዳናሲኔ ባና ዬሊዳይታስ ካሴ ኢስቲ ኦዳይሳ ኩሼ ዛሮን ሃራፔ ካሴቲዲ ባ ኣማኖ ኦሶን ቤሳናሲኔ ታማራናስ ቤሴስ፤ ሄሲካ ጾስ ኡፋይሲዛይሳ።

Ibirawe 12:28

ሄሳ ጊሻስ ኑኒ ሙሌካ ቃጾንታ ካዎቴ ላታና ጊሻስ ኣኔ ጾስ ጋላቶስ፤ ቃሴካ ኢዛ ኡፋይሲዛ ኦጌራ ቦንቾሲኔ ያሻቴን ኣኔ ኢዛስ ጎይኖስ።

1ጴጽሮሳ ኪታ 2:20

ኢንቴ ኢታ ኦዳ ጊሻስ ቃጻዬቲሼ ዳንዳይኮ ኢንቴስ ኣዛ ጋላታይ ዳኔ? ኢንቴ ሎኦ ኦዲ ዋዬ ኤኪሼ ዳንዳይኮ ኢንቴ ጾሳፌ ጋላታ ኤካንዴታ።

1ጴጽሮሳ ኪታ 2:5

ኢንቴ ጎዳ ዬሱሳኮ ሺቃናይካ ዴኦ ሹቻ ማላ ጺሎ ኣያና ዱሳሶ ጊዳና ማላ ኦሴቴታ፤ ሄሳካ ኢንቴ ዬሱስ ኪርስቶሳ ባጋራ ኡፋይሲዛ ኣያና ያርሾ ጾሳስ ሺሻናስ ጌሻ ቄሴታ ጊዳንዴታ።

1ሳሜላ ማጻፋ 17:39

ዳዊቲ ሄሳ ማላ ኦላ ማይኦ ማይኢ ኤሮንታ ጊሻስ ጊ ማሻ ኦላ ማይኦዛ ቦላ ዳንጪዲ ሄሜታናስ ፓጪ ጼሊዴስ። ኢዚካ ሳኦሌስ፥ «ሃይሳፌ ካሴ ሃይሳ ማላ ሎሴይ ባይንዳ ጊሻስ ሃይሳ ሃናዳ ባናስ ዳንዳይኬ» ጊዴስ፤ ሄሳ ጊሻስ ኦላ ማይኦታ ኡባ ኬሲ ዬጊዴስ።