ኤፌሶኔ ኣሳስ 1:14 - ጋሞ ማጻፋ

¹⁴ ሄ ኣያናዚካ ኢዛ ቦንቾ ጋላታን ቆንጪሳና ማላ ጾሲ ባስ ጊዲዳይታ ኡባታ ዎዛና ጋካናስ ኑ ላታስ ኦይሶ።

Geeshsha Maxaafa

¹⁴ He Ayanazikka iza bonchcho galatan qonccisana mala Xoossi baas gididayta ubbata wozzana gakkanaas nu laatas oyso.

Gamo Geesha Maxxafa New Testamen

¹⁴ He ayanazikka iza boncho galatan qoncisana mala Xoossi bees gididayta worsota wozana gakanas nu latas ooythoko.

ኤፌሶኔ ኣሳስ 1:14 ပူးပေါင်းရင်းမြစ်များ

ዬ ማጻፋ 74:2

ቤኒ ኔኒ ዶሪዳ ኔ ዴራ ኔስ ቡዞ ሂስታ ዎዚዳ ዛሬታ ሃሳኣ፤ ኔኒ ዴኢዳ ጺዮኔ ዙማ ቆፓ።

ዬ ማጻፋ 78:54

ሂስቲዲ ባ ጌሻ ቢታ፥ ባ ኡሻቻ ኩሼን ጾኒ ኦይኪዳ ዙማ ኤፊዴስ።

ሉቃሳ ሚሺራቾ 21:28

ኢንቴካ ሃይቲ ሃ ታ ጊዳይቲ ፖሌቴ ኦይኪሺን ኢንቴስ ኣቴ ዎዴይ ማቲዳ ጊሻስ ሲቲ ጊ ኤቂቴ፤ ኢንቴ ኣይፌ ፑዴ ቁ ሂስቲቴ» ጊዴስ።

ሃዋሬታ ኦሶ 20:28

ጺሎ ኣያናይ ኢንቴና ጾሳ ዶርሳታ ሄማናስ ሹሚዴስ፤ ሄሳ ጊሻስ ኢንቴ ሁኤሲኔ ጾሳ ዶርሳታስ ናጌቲቴ፤ ጎዳይ ባ ሱን ዎዚዳ ዎሳ ኬዮ ናጊቴ።

ሃዋሬታ ኦሶ 20:32

«ሃኢካ ኢንቴና ጾሳስ ሚን ኤሳናሲኔ ኣማኒዛይታ ጊዶን ኢንቴስ ላታሶ ኢማናስ ዳንዳይዛ ኢዛ ኣ ኪያቴ ቃላስ ታ ሃዳራ ኢማዲስ።

ኦሮሜ ኣሳስ 8:23

ኢዛ ጻላላ ጊዶንታ ኮይሮ ጺሎ ኣያና ኢሞታ ዴሚዳ ኑኒካ ኑ ኣሳቴይ ኣታና፤ ኑ ኢዛ ና ጊዳናይሳካ ላሞቲሼኔ ዎዚናራ ሚጻቲሼ ዶስ።

1ቆሮንቶሴ ኣሳስ 1:30

ኢንቴና ቃሴ ጾሲ ዬሱስ ኪርስቶሳራ ኢሲፌቴ ዳና ማላ ኦዴስ፤ ሄሳ ጊሻስ ጾሲ ዬሱስ ኪርስቶሳ ኑ ኤራቴ፥ ኑ ጺሎቴ፥ ኑ ጌሻቴኔ ኑና ኣሺዛዴ ጊዳና ማላ ኦዴስ።

2ቆሮንቶሴ ኣሳስ 1:22

ኑ ኢዛይታ ጊዲዳይሳ ኤሪሳናስ ባ ማታሜ ኑ ቦላ ሾጪዳይኔ ኑኒ ሲንፌ ዴማና ሚሻስ ኣያና ዋሴቴ ኑ ዎዚናን ዎዳይ ኢዛ።

2ቆሮንቶሴ ኣሳስ 5:5

ሄሳስ ኑና ጊግሲዳይ ጾሳ፤ ቡሮ ያናይሳስ ዋሴ ጊዳና ማላ ኑስ ባ ኣያና ኢሚዳይ ኢዛ።

ጋላቲያ ኣሳስ 4:6

ኢንቴ ኢዛ ናይታ ጊዲዳ ጊሻስ ጾሳ፥ «ኣቦ» ጊዲ ጼይጊዛ ባ ናዛ ኣያና ኑ ዎዚናን ዬዲዴስ።

ኤፌሶኔ ኣሳስ 1:11

ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ።

ኤፌሶኔ ኣሳስ 1:12

ኑኒ ካሴቲዲ ኪርስቶሳ ባጋራ ኤካና ጊዲ ኡፋይሳን ናጊዛይቲ ጾሳ ቦንቾ ጋላታን ቆንጪሳናሳ።

ኤፌሶኔ ኣሳስ 4:30

ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።