ኤራንቻታ ማጻፋ 6:3 - ጋሞ ማጻፋ

³ ኢሲ ኣሲ ጼቱ ናይታ ጋካናስ ዬሊ ጪሚዲ ኣዱሳ ላይ ዴኣናዉ ዳንዳዬስ፤ ጊዶ ኣቲን ኢዚ ባ ኣቆታን ኡፋዬቶንታ ኣጊኮኔ ሃይቂዲ ዎጋራ ሞጌቶንታ ኣጊኮ ኢዛፔ ኣዉጫያይ ኪያ።

Geeshsha Maxaafa

³ Issi asi xeetu nayta gakkanaas yeli cimmidi adussa layth de7anawu dandayees; gido attiin izi ba aqotan ufayettontta aggikonne hayqqidi wogara moogettontta aggiko izappe awucayay kiya.

ኤራንቻታ ማጻፋ 6:3 ပူးပေါင်းရင်းမြစ်များ

ሜቴ ማጻፋ 33:5

ሄሳፌ ጉዬ ኤሳዌይ ቁ ጊ ጼሊዲ ማጫሳታኔ ናይታ ቤኢዲ፥ «ሃ ኔናራ ዲዛይቲ ኦናንቴ?» ጊ ኦይቺዴስ። ያቆቤይ ኢዛስ፥ «ሃይቲ ጾሲ ኔ ኣይሌስ ታስ ባ ኪያቴን ኢሚዳ ናይታ» ጊዴስ።

ሜቴ ማጻፋ 47:9

ያቆቤይ ካዎዛስ፥ «ታኒ ዩያ ዩያ ዴዪዳ ላይይ 130፤ ታ ላይይ ቤኒ ታ ኣዋቲ ዩዪ ዩዪ ዴዪዳ ላይታፔ ጉኔ ሜቶይ ዳሪዳ ላይ» ጊዴስ።

2ካዎታ ማጻፋ 10:1

ሄ ዎዴ ኣካቤስ ሳማሪያን 70 ኣቱማ ናይቲ ዴቴስ፤ ሄሳ ጊሻስ ኢዩይ ዳብዳቤ ጻፊዲ ኢዝራኤሌን ዲዛ ሹሜታስ፥ ጪማታሲኔ ኣካቤ ናይታ ዲቺዛይታስ ኪታ ሳማሪያ ዬዲዴስ። ኢዚ ዬዲዳ ኪታዛ ቃላይ፥

2ካዎታ ማጻፋ 9:35

ኢስቲ ኢዞ ሞጋና ኬዚሺን ኢዚስ ሁኤ ሜቄታፔ፥ ኩሼ ሜቄታፔኔ ቶሆ ሜቄታፔ ኣቲን ሃራ ዴሚቤቴና።

1ታሪኬ ማጻፋ 28:5

ጎዳይ ታስ ጮራ ናይታ ኢሚዴስ፤ ታ ናይታ ኡባፌ ጎዳ ጾሳ ካዎታ ኣራታን ኡቲዲ ኢስራኤሌ ቦላ ካዎታና ማላ ታ ና ሶሎሞኔ ዶሪዴስ።

2ታሪኬ ማጻፋ 11:21

ኤሮቢኣሜይ ባ ማቼታፔኔ ባ ላጌ ማቼታ ኡባፌ ኣቤሴሎሜ ቢዮ ማኢኮ ኣ ሲቂዴስ። ኢዛስ 18 ማቼቲኔ 60 ላጌ ማቼቲ ዴቴስ፤ ኢዚ 28 ኣቱማ ናይታኔ 60 ማጫ ናይታ ዬሊዴስ።

ኣስቴሪ ማጻፋ 5:11

ሃማይ ባ ዱሬቴኔ ጊታቴ፥ ባ ናይታ ዳሮቴ፥ ካዎዚ ኢዛ ኣይ ማላ ቦንቺዳኮ፥ ሃንኮ ሞኮኔታፔኔ ሹሜታፔ ኣይ ማላ ኢዛ ቂሲዳኮ ናሼቲ ዮቲዴስ።

ኣስቴሪ ማጻፋ 7:10

ሄሳ ጊሻስ ማርዲኪዮሳ ካቃና ጊዲ ጊግሲዳ ኮጫ ቦላ ኤፊዲ ሃማ ካቂዳ፤ ሄሳፌ ጉዬ ካዎዛ ሃንቆይ ኢርጺዴስ።

ኢዮቤ ማጻፋ 3:11

«ታ ኣዬይ ኡሎን ዳሼ ሃ ጊዳ ኣቲዳኮ ኣዜ! ታ ኣዬይ ኡሎፔ ኬኢዳ ማላ ኣይስ ሃይቃቤኪና?

ኢዮቤ ማጻፋ 3:16

ቃሴካ ኣይስ ቢታ ጋርሳን ሞጌቲዳ ኣዉጫያ፥ ዎይኮ ኢሲ ጋላሳ ፖኦ ሙሌካ ቤኦንታ ና ማላ ኣይስ ጊዳቤኪና?

ዬ ማጻፋ 58:8

ኢስቲ ቢሼ ሙሺዛ  ማላ ጊዴቶ፤ ፖኦ ቤኦንታ ኣዉጫያ ዬሌቲዳ ና ማላ ጊዴቶ።

ሌሚሶ ማጻፋ 17:6

ናይታ ናይቲ ጪሚዳ ኣሳታስ ካላቻ፤ ዬሊዳይቲ ባንታ ናይታስ ቦንቾ።

ኤራንቻታ ማጻፋ 4:3

ጊዶ ኣቲን ሃ ናምኣታፔካ ቦላራ ሙሌካ ዬሌቶንታይታ ቃዳይ ሎኦ፤ ጋሶይካ ኢስቲ ሳሎ ጉፋንን ኦሴቲዛ ቆሆዛ ሙሌካ ቤኢቤቴና።

ኤራንቻታ ማጻፋ 6:4

ጋሶይካ ጮ ሃዳ ዪዲ ማን ቤስ፤ ኢዛ ሱንካ ማን ካሜቲዴስ።

ኤርማሳ ቲንቢቴ 22:19

ሃሬይ ሞጌቲዛ ማላ ኢዚ ሞጌታና፤ ኢዛ ኣሃይ ዬሩሳላሜ ፔንጌታፔ ጎሼቲዲ ካሬ ኦሌታና» ጌስ።

ኤርማሳ ቲንቢቴ 36:30

ሄሳ ጊሻስ ጎዳይ ዩሁዳ ካዎ ኢዮኣቄሜ ጊሻስ፥ «ዳዊቴ ካዎቴ ኣራታን ኡታናይ ኢዛ ዛሬፔ ቤቴና፤ ኢዛ ኣሃይካ ጋላሳ ኣዋ ሴላሲኔ ኦማርሳ ኬንቾስ ዬጌቲ ኣታና።

ኤርማሳ ቲንቢቴ 8:2

ሂስቲዲ ኢስቲ ሲቂዳ፥ ኪቴቲዳ፥ ካሊዳ፥ ዞሬ ኦይቺዳኔ ጎይኒዳ ኣርሼ ሲንን፥ ኣጊና ሲንኒኔ ሳሎ ጾሊንቴታ ኡባ ሲንን ሚጬታና። ኢስታ ሜቄይ ሺቄና ዎይኮ ሞጌቴና፤ ጊዶ ኣቲን ቢታ ቦላ ኦሌቲዳ ቡራ ማላ ጊዳና።

Maatosa 26:24

ኢዛ ጊሻስ ካሴ ጻፌቲዳይሳ ማላ ኣሳ ናይ ባና፤ ጊዶ ኣቲን ኣሳ ና ኣ ኢሚዛዴስ ኣዬ ኣና! ሄሳዴይ ዬሌቶንታ ኣቲዳኮ ኢዛስ ሎኦኮሺን» ጊዴስ።