ኤራንቻታ ማጻፋ 5:8 - ጋሞ ማጻፋ

⁸ ዴሬ ጋርሳን ማንቆይ ሱጌቲን፥ ፒርዳይ ፓጪን፥ ማታይ ዬቲን ኔ ቤኢኮ ሄይታንታን ኬሃ ማላሌቶፋ። ኢሲ ኢሲ ሃላቃስ ኢዛፔ ቦላራ ሃላቃይ ዴስ፤ ቃሴ ኡባታፔ ቦላራ ሃራ ሃላቃቲ ዴቴስ።

Geeshsha Maxaafa

⁸ Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ኤራንቻታ ማጻፋ 5:8 ပူးပေါင်းရင်းမြစ်များ

2ታሪኬ ማጻፋ 26:10

ኢዛስ ሻራ ሜንኒኔ ጋን ጮራ ሜሄይ ዲዛ ጊሻስ ሄን ናጋናስ ሻኮታ ጊምቢዴስ፤ ዳሮ ሃ ኦላታካ ቦኪዴስ፤ ኢዚ ቃሴ ጎሽ ዶሲዛ ጊሻስ ሻራ ሜንታኒኔ ኣራዳ ጋዴን ኢዛስ ዳሮ ጎሻንቻቲኔ ዎይኔ ቶኪዛይቲ ዴቴስ።

ኢዮቤ ማጻፋ 24:23

ጾሲ ኢስታ ሳሮን ዳና ማላ ኦኮካ፥ ኢስቲ ቢዛ ኦጌ ኡባ ቲሺ ሂስቲ ጼሌስ

ዬ ማጻፋ 12:5

ጎዳይ፥ «ሂዬሳቲ ኡንኤቲዳ ጊሻሲኔ ሜቶታንቻታ ዋሶ ጊሻስ ሃኢ ታኒ ዴንዳና፤ ታኒ ኢስቲ ኣሞቲዛ ሳሮቴን ኢስታ ዎና» ጌስ።

ዬ ማጻፋ 55:9

ኣቤት ጎዳዉ! ታኒ ካታማይ ጊዶን ኦሺኔ ጌኔ ቤያዲስ፤ ኢታታ ዞሬ ኔ ይሳ፤ ኢስታ ቆፋካ ቡላኬሬ ዬጋ።

ዬ ማጻፋ 82:1

ጾሲ ሳሎን ዲዛ ዱላታ ካሌስ፤ ጾሳቲ ኡባይ ሺቂን ኢስታ ቦላ ፒርዲሼ፥

ዬ ማጻፋ 83:18

ኔ ሱንይ ጎዳ ጊዲዳይሳኔ ሳኣ ኡባ ቦላ ኔኒ ጻላ ኡባፌ ቃ ጾሳ ጊዲዳይሳ ኢስቲ ኤሬቶ።

ዬ ማጻፋ 95:3

ጋሶይካ ጎዳይ ዎልቃማ ጾሳ፥ ጾሳታ ኡባ ቦላካ ዎልቃማ ካዎ።

ሌሚሶ ማጻፋ 22:16

ባስ ኣቆታ ጉጃና ጊዲ ሂዬሳ ናቂዛይኔ ዱሬሲ ኢሞታ ኢሚዛይ ናይካ ማንቃና።

ሌሚሶ ማጻፋ 24:12

ኔኒ፥ «ታ ሃይሳ ኤሪኬ» ጊኮ፥ ዎዚና ፒልጊ ኤሪዛይሲ ኢዚ ኣኬኬኔ? ኔ ሼምፖ ናጊዛይሲ ኤሬኔ? ኣስ ኡባስ ኢዛ ኦሶ ኦሶ ማላ ኢሜኔ?

ሌሚሶ ማጻፋ 8:17

ታና ሲቂዛይታ ታኒ ሲቃይስ፤ ሚኒ ኮይዛይቲ ታና ዴማና።

ኤራንቻታ ማጻፋ 3:16

ቃሴካ ታኒ ሳሎ ጉፋንን ሃራ ሚሽ ቤኣዲስ፤ ፒርዳ ሶሆን ማካላቴ ዴስ፤ ሱሬ ፒርዳ ሶሆን ጌኔይ ዴስ።

ኤራንቻታ ማጻፋ 4:1

ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኤራንቻታ ማጻፋ 5:9

ቢታፌ ቤቲዛ ጎኣይ ኡባሳ፤ ካዎይካ ባ ሁኤስ ሄሳፌ ጎኤቴስ።

ኤራንቻታ ማጻፋ 7:7

ጌኔ ኦሶይ ኣ ኤራንቻ ኤያ ኬሴስ፤ ማጋንጾይ ኣሳስ ዎዚና ሞሬስ።

ኤራንቻታ ማጻፋ 8:9

ሳሎ ጉፋንን ሃኒዛ ሚሽ ኡባ ታኒ ፒልጋ ቤኣዲስ፤ ኣሲ ኣስ ቆሃናስ ዳናቲዛ ዎዴይ ዴስ።

ኢሳያሳ ቲንቢቴ 10:12

ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።

ኢሳያሳ ቲንቢቴ 3:15

ታ ዴራ ኣይስ ሜቶን ሊቂሲዴቲ? ማንቆታ ኣይስ ዬሴቲ? ሃይሳ ዮቲዳይ ታና ጎዳ፥ ኡባፌ ዎልቃማ ጎዳ ጾሳ» ጌስ።

ኢሳያሳ ቲንቢቴ 37:36

ሄ ጋላሳ ኦማርሲ ጎዳ ኪታንቻይ ኬኢዲ፥ ኣሶሬ ኣሳይ ዱንካኒ ዲዛሶን፥ 185,000 ኣቱማሳታ ዎዴስ። ሂስቲን ኣሳይ ማላዶ ሱሪዲ ቤኢዛ ዎዴ ሃይቂዳ ኣሳ ኣሃይ ሄን ኩሚዴስ።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ሂዚቄላ ቲንቢቴ 18:18

ጊዶ ኣቲን ኢዛ ኣዋይ ኣሳ ማታ ናቂዳ ጊሻስ፥ ባ ኢሻፔ ዎልቃራ ቦንቂ ኤኪዳ ጊሻስ፥ ዴራ ጊዶን ቤሶንታ ሚሽ ኦዳ ጊሻስ ኢዚ ባ ናጋራን ሃይቃና።

ኣሞጼ ቲንቢቴ 5:12

ኢንቴ ቆሆይ ኣይ ማላ ዳሮኮኔ ኢንቴ ናጋራይ ኣይ ማላ ዴጾኮ ታ ኤራይስ፤ ኢንቴ ጺሎ ኣሳታ ኡንኤታ፤ ማታኤ ኤኪዲ ፒርዳሶን ማንቆታስ ጌላ ፒርዴታ።

ኣሞጼ ቲንቢቴ 6:12

ፓራይ ሹቻ ቦላ ቶጌቲዜ? ጎሻንቻይ ኣባ ጊዶን ቦራ ዋጺ ጎያናስ ዳንዳይዜ? ኢንቴ ጊዲኮ ፒርዳ ማርዜን ላሚዴታ፤ ቱማካ ጌዴ ጫሞን ሺርዴታ።

ሚኪያሳ ቲንቢቴ 2:9

ኢስቲ ዶሲዛ ኢስታ ኬፌ ታ ኣሳ ማጫ ናይታ ኬሲ ኤፊዴታ፤ ታ ቦንቾካ ኢስታ ናይታፔ ሜርናስ ኤኪዴታ።

ዛካራሳ ቲንቢቴ 8:6

ኡባፌ ዎልቃማ ጎዳይ፥ «ሃይሲ ካሴ ዲኤቶንታ ኣቲዳ ኢስራኤሌ ናይታስ ማላሊሲዛዝ ሚሳታና ሺን ታና ኡባፌ ዎልቃማ ጎዳ ማላሊሳናስ ዳንዳይዜ?» ጌስ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ሉቃሳ ሚሺራቾ 1:32

ኢዚካ ጊታ ጊዳና፤ ኡባፌ ቦላ ጊዲዳ ጾሳ ና ጌቴታና፤ ጎዳ ጾሲ ኢዛ ኣዋ ዳዊቴ ካዎቴ ኢዛስ ኢማና።

ሉቃሳ ሚሺራቾ 1:35

ኪታንቻይካ ማራሚስ፥ «ጺሎ ኣያናይ ኔ ቦላ ዎና፤ ኡባፌ ቦላ ጾሳ ዎልቃይ ኔ ቦላ ኩዋሳና፤ ሄሳ ጊሻስ ዬሌታና ናዚ ጌሻ ጾሳ ና ጌቴታና።

ሉቃሳ ሚሺራቾ 1:76

ጎዳ ኦጌ ጊጊሳናስ ኔ ኢዛፔ ሲንራ ቢዛ ጊሻስ ታ ናዞ ኔኒ ዎጋ ጾሳ ናቤ ጌቴታና።

ሃዋሬታ ኦሶ 12:23

ሄርዶሲካ ጾሳስ ቦንቾ ኢሞንታ ኣጊዳ ጊሻስ ጎዳ ኪታንቻይ ሄራካ ሄርዶሳ ሾጪ ዬጊን ጉጹኒ ሃይቂዴስ።

ኦሮሜ ኣሳስ 11:33

ጾሳ ዱሬቴ፥ ኣ ኤራቴይኔ ኢዛ ኤራቴይ ኣይ ማላ ጪማ! ኢዛ ፒርዳይ ኣይ ማላኮ ፓጬቴና፤ ኢዚ ኣዳ ጌዶይካ ኤሬቴና።

ያቆቤ ኪታ 2:13

ጋሶይካ ማሮንታይ ዉሪካ ማሮይ ባይንዳ ፒርዴታና፤ ማሮይ ፒርዳ ጾኔስ።

1ጴጽሮሳ ኪታ 4:12

ታ ሲቆቶ! ኢንቴ ታማ ማላ ፓጪዛ ሜቶ ጊዶን ጌሊዛ ዎዴ ሄሳ ማላይ ካሴ ባይንዳ ኦራ ሚሺ ጋኪዳዝ ኢንቴስ ሚሳቲን ማላሌቶፍቴ።

1ዮሃኒሳ ኪታ 3:13

ታ ኢሻቶ! ኢንቴና ኣላሜ ኣሳይ ኢጺኮ ማላሌቶፍቴ።