ኤራንቻታ ማጻፋ 5:10 - ጋሞ ማጻፋ

¹⁰ ቢራ ሲቂዛ ኣሳስ ቢራይ ጊዲ ኤሬና፤ ዱሬቴ ኮይዛ ኣሲ ዱሬቲዲካ ካሊ ኤሬና፤ ሄሲ ኡባይካ ሃዳ።

Geeshsha Maxaafa

¹⁰ Bira siiqiza asas biray gidi erenna; dureteth koyza asi duretidikka kalli erenna; hessi ubbayka hada.

ኤራንቻታ ማጻፋ 5:10 ပူးပေါင်းရင်းမြစ်များ

ዬ ማጻፋ 52:1

ሃይሶ ዎልቃማዞ! ጾሲ ኔና ካቺዴስ፤ ኔ ኣይስ ኢታ ኦሶን ናሼታይ? ኣይስ ኡባ ጋላስ ጬቄታይ?

ዬ ማጻፋ 52:7

«ጾሳ ባስ ዜምፖ ኦንታዴ፥ ባ ዱሬቴ ዳሮን ኣማኔቲዛዴ ባ ኢታ ኦሶን ሚኒዛዴ ሃይሳ ቤኢቴ!» ጋና።

ዬ ማጻፋ 62:10

ቦንቃን ኣማኔቶፍቴ፤ ካይሲ ሺሺዳ ዱሬቴን ሂዶታ ኦፍቴ። ኢንቴስ ዱሬቴ ዳሪኮካ ኢንቴ ዎዚና ኢዛ ቦላ ዎፍቴ።

ኤራንቻታ ማጻፋ 1:17

ቃሴ ታኒ ኣ ኤራቴ፥ ጎሻቴኔ ኤያቴ ሻካ ኤራናስ ኬሃ ባጼታዲስ፤ ጊዶ ኣቲን ዉርሴን ሄሲካ ጫርኮ ኦይካናስ ዬዴዛ ማላ ሃዳ ጊዲዳይሳ ኤራዲስ።

ኤራንቻታ ማጻፋ 1:8

ኣሲ ሃሳያናስ ዳንዳይዛዛፔ ቦላራ ዮኦቲ ኡባይ ሳሌዛዛ፤ ኣይፌይ ጼሊዲ ካሊ ኤሬና፤ ሃይካ ሲዪዲ፥ «ታስ ጊዲዴስ» ጊ ኤሬና።

ኤራንቻታ ማጻፋ 2:10

ታ ኣይፌይ ጼሊዳይሳ ዲጋቤኬ፤ ታ ዎዚናይ ኣሞቲዳይሳ ኡባ ዲጋቤኬ፤ ታኒ ኦዳ ኡባ ታ ዎዚናይ ኡፋዬቲዴስ፤ ታ ዳቡራስ ዎይ ሄሳ።

ኤራንቻታ ማጻፋ 2:11

ጊዶ ኣቲን ሄሳ ኡባ ኦ ሲማዳ ታኒ ኣኬኪዛ ዎዴ ታኒ ኬሃ ዴማና ጋዳ ዳቡርዳ ዳቡራ ኡባ ታ ቆፒዛ ዎዴ ኡባይካ ሃዳ፤ ሳሎ ጉፋንን ኣይ ዎይካ ዴና፤ ኡባይካ ጫርኮ ኦይካናስ ዬዴዛ ማላ።

ኤራንቻታ ማጻፋ 2:26

ጾሲ ባና ኡፋይሲዛ ኣሳስ ኣ ኤራቴ፥ ኤራቴኔ ኡፋይስ ኢሜስ፤ ጊዶ ኣቲን ናጋራንቻይ ጾሳ ኡፋይሲዛይታስ ዬጊ ባና ማላ ኣቆታ ዳጋሳናሲኔ ኦናስ ዎልቃ ኢሜስ፤ ሄሲካ ሃዳኔ ጫርኮ ኦይካናስ ዬዴዛ ማላ።

ኤራንቻታ ማጻፋ 3:19

ኣሳ ቃዳይካ ሜሄይሳ ማላ፤ ናምኣ ቃዳይካ ኢሲኖ፤ ኢሶይ ሃይቂዛ ማላ ሃንኮይሲካ ሃይቄስ፤ ናምኣስካ ኢሲ ቆሞ ፔኖይ ዴስ፤ ሄሳ ጊሻስ ኢዚ ሜሄፔ ዱማቴና፤ ሄሲካ ሃዳ።

ኤራንቻታ ማጻፋ 4:16

ኢዛ ሲንን ቆዳይ ባይንዳ ዴሬይ ዴስ፤ ካዎቴፌ ኢዚ ኪቺዛ ዎዴ ኢዚ ኦዳይሳስ ኦኒካ ኢዛ ጋላቴና። ሄሲካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 4:4

ሄሳካ ኣሳይ ባ ኣሞቲዳይሳ ዴማናስ ኬሂ ዳቡርዲ ኦስ፤ ጊዶ ኣቲን ሄ ዳቡራይ ባ ላጌ ቦላ ቃናቴቴን ዴንዶን ጊዲዳይሳ ታኒ ኣኬካዲስ። ሄሲካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 4:8

ዬሎይ ዎይኮ ኢሻይ ባይንዳ ቢዛ ኣሲ ዴስ፤ ኢዛ ዳፌቴስ ዛዋይ ዴና፤ ኢዛ ኣይፌይ ኢዛስ ዲዛ ኣቆታ ካሊቤና፤ ኢዚካ፥ «ታኒ ሃይሳ ኦሲ ዳቡራዚና? ታኒ ታ ሁኤ ኡፋይሳናይሳ ኣይስ ኡዜታዚና?» ጊዴስ። ሄሲካ ሃዳኔ ቱጋ ዴኦ።

ኤራንቻታ ማጻፋ 5:9

ቢታፌ ቤቲዛ ጎኣይ ኡባሳ፤ ካዎይካ ባ ሁኤስ ሄሳፌ ጎኤቴስ።

ኤራንቻታ ማጻፋ 6:7

ኣሲ ዳቡርዲ ኦዛ ኡባይ ኡሎሳ፤ ጊዶ ኣቲን ኢዛ ኣሞይ ሙሌካ ካሊ ኤሬና።

Maatosa 6:19

«ቢላይ ሚዛሶን ቡቂዲኔ ሺይዲ ሞሬቲዛሶን፥ ካይሶይ ቦኪዲ ካይሳናስ ዳንዳይዛሶን፥ ሃ ቢታ ቦላ ኢንቴስ ሚሽ ሺሾፍቴ።

Maatosa 6:24

«ኢሲ ኣሲ ናምኡ ጎዳስ ኦና ዳንዳዬና። ኢሳ ኢጺዲ ናምኣንዛ ዶሳና፤ ዎይኮ ኢሳ ቦንቺዲ ናምኣንዛ ሌቃና፤ ጾሳሲኔ ሚሻስ ናምኣታስ ጋ ኦናስ ዳንዳዬቴና።

ሉቃሳ ሚሺራቾ 12:15

ቃሴካ ኢስታስ፥ «ኣሳስ ዳሮ ሚሺ ዲኮካ ሼምፖይ ሄ ዱሬቴን ዶንታ ጊሻስ ናጌቲቴ፤ ዪቄቴፌ ኢንቴና ኬሂ ናጊቴ» ጊዴስ።

1ጺምቶሳስ 6:10

ጋሶይካ ሚሻ ሲቆይ ኢታቴ ኡባስ ጻጶ፤ ኢሲ ኢሲ ኣሳቲ ዱሬ ጊዳና ጊዲ ኣሞቲዳ ኣሞፔ ዴንዲዳይሳን ኣማኖ ኦጌፔ ባሌቲዲ ሃራሶ ቢዳኔ ባርካ ባና ዳሮ ሜቶ ጊዶ ጌልዳ።