ኤራንቻታ ማጻፋ 5:1 - ጋሞ ማጻፋ

¹ ጾሳ ኬ ጌላሼ ኔ ቶሆ ሺሻ ኤካ፤ ሲያናስ ሺቆይ ኤያታ ያርሾፌ ኣስ፤ ኣይስ ጊኮ ኢስቲ ባንታ ኦሶይ ኢታ ጊዲዳይሳ ኤሬቴና።

Geeshsha Maxaafa

¹ Xoossa Keeth gelashe ne toho shiishsha ekka; siyanaas shiiqoy eeyata yarshofe aadhdhees; ays giikko istti bantta oosoy iita gididayssa erettenna.

ኤራንቻታ ማጻፋ 5:1 ပူးပေါင်းရင်းမြစ်များ

2ታሪኬ ማጻፋ 26:16

ጊዶ ኣቲን ኦዚያይ ሚኒዳ ዎዴ ኦቶሬቲዴስ፤ ኢዛ ኦቶሮይ ኢዛ ኩንዲሲዴስ፤ ኢዚ ኤጻኔ ያርሺዛሶን ኤጻኔ ጩዋሳናስ ጾሳ ኬ ጌሊዲ ጾሳ ቆሂዴስ።

ኢዮቤ ማጻፋ 11:2

«ሃይሳ ሃ ሃዳ ቃላታስ ኡባስ ዛሮ ኢሚዛይ ባዬ? ኣሲ ሃሳያ ዳሮን ጺሎ ጊዳና ዳንዳይዜ?

ኢዮቤ ማጻፋ 22:12

«ጾሳይ ቃ ሳሎን ዲዛይሳ ጊዴኔ? ጾሊንቴቲ ኣይኮካ ቃሶሆን ዲኮካ ኢዚ ኢስታፌ ቦላራ ዲዲ ኢስታ ጼሌስ።

ዬ ማጻፋ 89:7

ጌሻታ ሺቆን ጾሲ ያሺሲዛዴ፤ ባ ዩሾን ዲዛ ኡባፌ ኬሂ ያሺሲዛዴ።

ኬሳ ማጻፋ 3:5

ጾሲ ኢዛ፥ «ሃ ሺቆፓ፤ ኔኒ ኤቂዳሶይ ጌሽ ጊዲዳ ጊሻስ ኔ ቶሆን ዲዛ ጫማ ኬሳ» ጊዴስ።

ኬሳ ማጻፋ 30:18

«ሜቻ ኬሬዛኔ ኬሬዛ ኢዛ ቦላ ዎዛ ሚሽ ጻርቂማላፔ ሜ። ጾሳ ዱንካኔዛፔኔ ያርሺዛሶዛፔ ጊዶን ዎዳ ኢዛን ሃ ቲጋ።

ሌሚሶ ማጻፋ 10:19

ዳሮ ሃሳያ ጊዶን ሞሮይ ዬና፤ ባ ዶና ሺሺ ኤኪዛ ኣሲ ጊዲኮ ኣ ኤራንቻ።

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ሌሚሶ ማጻፋ 21:27

ኢታ ኣሳ ያርሾይ ሃራሴስ፤ ኢታ ቆፋን ሺሺዛ ጊዲኮ ኣይ ማላ ኢታ ጊዳኔ?

ኢሳያሳ ቲንቢቴ 66:3

«ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

ሌዌታ ማጻፋ 10:3

ሙሴይ ቃሴ ኣሮኔስ፥ «ጎዳይ፥ ‹ታ ሲን ሺቂዲ ታስ ኦዛይታስ ታኒ ታ ጌሻቴ ቆንጪሳና፤ ታኒካ ታ ዴሬዛ ኣቻን ቦንቼቲዳዴ ጊዳና› ጊዲ ኢዚ ኣሳ ካሴ ቆፍሲዳይሲ ሃይሳ» ጊዴስ። ኣሮኔይካ ኣይ ዛሮካ ኢሞንታ ጮኡ ጊዴስ።

ሃዋሬታ ኦሶ 10:33

ታኒካ ሄራካ ኔኮ ኣስ ኪታዲስ፤ ኔ ዩሳይካ ሎኦ፤ ሂስቲኮ ጎዳይ ኔና ኣዛዚዳይሳ ኔ ኑስ ዮቲኮ ጾሲ ዮቲዳይሳ ኔፔ ሲያናስ ኑ ዉሪካ ሃይሳን ጾሳ ሲንን ዶስ» ጊዴስ።

ሃዋሬታ ኦሶ 17:11

ቤሪያ ኣሳይ ታሶሎንቄ ኣሳፔ ኣዲ ኣኬካራ ዲዛ ኣሳ። ጋሶይካ ሃይሲ ዮኦዚ ቱሜሻ? ጊ ጊዲ ጌሻ ማጻፋታ ቃላ ዎንቲን ዎንቲን ፒልጊ ጼሊዲ ኡፋይሳን ኤኪዴስ።

1ቆሮንቶሴ ኣሳስ 11:22

ሂስቲን ኢንቴስ ኡያናሶይኔ ማናሶይ ባዌ? ዎይኮ ጾሳ ኬ ሌቂዲ ኣይኮይካ ባይንዳይታ ዬላቼቲ? ሂስቲን ታ ኢንቴና ኣይ ጎ? ሃይሳ ሃ ሃኖዛስ ኢንቴና ጋላቶ? ሙሌካ ጋላቲኬ።

Ibirawe 10:26

ኑኒ ቱማ ሻኪ ኤሪዲ ኤኪዳይሳፌ ጉዬ ኤሪሼ ናጋራ ኦኮ ሃይሳፌ ጉዬ ናጋራ ጊሻስ ሺቃናስ ሃራ ያርሾይ ዴና።

ያቆቤ ኪታ 1:19

ዶሴቲዳ ታ ኢሻቶ! ሃይሳ ዩሺ ቆፒቴ፤ ኣሲ ዉሪካ ሲያናስ ኤሶቶ፤ ሃሳያሲኔ ሃንቆስ ኤሶቶፖ።

ኢያሶ ማጻፋ 5:15

ጎዳ ኦላንቻታ ጋዳዋይ፥ «ኔኒ ኤቂዳሶይ ጌሽ ጊዲዳ ጊሻስ ኔ ቶሆፔ ጫማ ኬሳ» ጊዴስ፤ ሂስቲን ኢያሶይ ኢዚ ኣዛዚዳ ማላ ኦዴስ።