ኤራንቻታ ማጻፋ 12:1 - ጋሞ ማጻፋ

¹ ሜቶ ጋላሳቲ ዮንታ ዲሺን ኔኒ፥ «ታና ኡፋይሴቴና» ጊዛ ዎዴቲ ጋኮንታ ዲሺን ኔ ዬላጋቴ ላይን ኔና ሜዳይሳ ቆፓ።

Geeshsha Maxaafa

¹ Meto gallassati yontta dishin neni, «Tana ufayssettenna» giza wodeti gakkontta dishin ne yelagateththa layththan nena Medhdhidayssa qoppa.

ኤራንቻታ ማጻፋ 12:1 ပူးပေါင်းရင်းမြစ်များ

ሜቴ ማጻፋ 39:2

ጎዳይ ዮሴፌራ ዲዛ ጊሻስ ኢዚ ኦዛይሳ ኡባ ኢዛስ ኢንጄሲዴስ፤ ኢዚካ ባ ጎዳ ሶን ጊብጼን ዴኢዴስ።

ሜቴ ማጻፋ 39:23

ጎዳይ ዮሴፌራ ጊዲዲ ኢዚ ኦዛ ኡባ ፖሊሲዛ ጊሻስ ዎይኔ ኬ ኣላፌይ ዮሴፌ ኣላፌቴን ዲዛ ኣይ ሚሻስካ ዋናንዴሻ ጊዲ ሂርጊ ኤሬና።

2ሳሜላ ማጻፋ 19:35

ታኒ ሃኢ 80 ላይ ጪማ፤ ሂስቲን ታኒ ኢታኔ ኪያ ሻካ ኤራና ዳንዳያኔ? ሃይሳፌ ጉዬ ኔ ኣይሌይ ሚዛይሳኔ ኡዪዛይሳ ማልኦ ሻኪ ኤራኔ? ኣቱማ ናይታ ጬንጉርሲኔ ማጫ ናይታ ጬንጉርስ ሃኢ ታ ሲያና ዳንዳያኔ? ሂስቲን ኔ ኣይሌይ ታ ጎዳ ካዎዛስ ኣይስ ቦላራ ሃራ ቶሆ ጊዳኔ?

2ሳሜላ ማጻፋ 19:36

ኔ ኣይሌይ ካዎዛራ ፒኒዲ ጉ ኦጌ ባና፤ ካዎይ ሄሳ ኩሼ ታስ ዛራንዴ?

1ካዎታ ማጻፋ 14:13

ኢስራኤሌ ኡባይ ናዛስ ዬኪዲ ሞጋና፤ ጎዳ ኢስራኤሌ ጾሳ ሲንን ኢዮርባኣሜ ኬ ኣሳፔ ሃ ናዛ ቦላ ጻላ ሎኦ ሚሺ ቤቲዳ ጊሻስ ዎጋን ሞጌታናይ ኢዛ ጻላ።

1ካዎታ ማጻፋ 18:12

ታኒ ኔፔ ሻኬታ ቢዛ ዎዴ ጎዳ ኣያናይ ኔና ዴንዲ ኣዋ ኤፋናኮ ታ ኤሪኬ፤ ታኒ ኣካቤስ ዮቲዳፔ ጉዬ ኢዚ ኔና ዴሞንታ ኣጊኮ ታና ዎና፤ ታኒ ኔ ኣሽካራይ ናቴፌ ዶማዳ ጎዳስ ያዪዛ ኣሳ።

ናሂሚያ ማጻፋ 4:14

ኣሳይ ኬሂ ሂርጊዛይሳ ታኒ ቤያዳ ካሌዛይታ፥ ዳናታኔ ሃራ ኣሳታ ኡባ፥ «ባቦፍቴ! ያሺዛ ዎልቃማ ጾሳ ቆፒቴ! ኢንቴ ዳቦታስ፥ ናይታስ፥ ማቼታሲኔ ሃሮታስ ኦሌቲቴ!» ጋዲስ።

ኢዮቤ ማጻፋ 30:2

ኢስታስ ዎልቃይ ኢጺዳ ጊሻሲኔ ኢስታ ቦላይ ጊልቂዳ ጊሻስ ኣይኮካ ታና ጎኤቴና።

ዬ ማጻፋ 119:55

ኣቤት ጎዳዉ! ታኒ ጊዶ ኔ ሱን ቆፓይስ፤ ኔ ዎጋካ ናጋይስ።

ዬ ማጻፋ 34:11

ናይቶ! ሃ ዪቴ፤ ታ ጊዛዝ ሲዪቴ፤ ታኒ ኢንቴና ጎዳስ ያሻቴ ታማርሳና።

ዬ ማጻፋ 63:6

ታኒ ታ ሂጻን ዳሼ ኔና ሃሳኣይስ፤ ኦማርስ ኩሜ ኔ ኦሶ ዩሻ ቆፓይስ፤

ዬ ማጻፋ 90:10

ኑ ዳና ላይይ ላፑን ታማ፤ ዳሬስ ጊኮ ኦስፑን ታማ፤ ሄይቲካ ሜቶኒኔ ጬጬን ኩሚዳ፤ ኑ ላይይ ኤሶን ኣስ፤ ኑኒካ ኤሶን ባና።

ሌሚሶ ማጻፋ 22:6

ናይ ዋኒዲ ዴኣና ቤሲዛኮ ታማርሳ፤ ሂስቲኮ ኢዚ ጪሚዲካ ሄሳፌ ሃኬና።

ሌሚሶ ማጻፋ 8:17

ታና ሲቂዛይታ ታኒ ሲቃይስ፤ ሚኒ ኮይዛይቲ ታና ዴማና።

ኤራንቻታ ማጻፋ 11:10

ሄሳ ጊሻስ ኔ ዎዚናፔ ጬጬ ሃሳ፤ ኢታ ሚሺካ ኔፔ ዲጋ፤ ጋሶይካ ናቴቴኔ ዬላጋቴ ኤሌ ኣና።

ኤራንቻታ ማጻፋ 11:2

ኔስ ዲዛ ኣቆ ላፑን ዎይኮ ኦስፑን ሶሆን ሻኬሬ ዎ፤ ኣይስ ጊኮ ቢታ ቦላ ኣይ ኢታይ ያናኮ ኔኒ ኤራካ።

ኤራንቻታ ማጻፋ 11:8

ኣሲ ኬሂ ኣዱሳ ላይ ሃ ሳኣን ዴኢኮ ሄ ኡባንካ ኡፋዬቶ። ጊዶ ኣቲን ማ ጋላሳቲ ዳሪዛ ጊሻስ ቆፖ፤ ቡሮ ያና ሚሺ ኡባይካ ሃዳ።

ኢሳያሳ ቲንቢቴ 26:8

ኣቤት ጎዳዉ! ኔ ዎጋ ኦጌራ ሄሜቲሼ ኑኒ ኔና ሂዶታ ኦዶስ፤ ኔ ሱንኔ ኔ ጊታቴ ኑ ዎዚናስ ኣሞ።

ኤርማሳ ዚላስ 3:27

ኣሲ ዬላጋቴ ዎዴን ቃምባራ ቶኪኮ ሎኦ።

ዳኔላ ቲንቢቴ 1:17

ጾሲካ ሄ ኦይዱ ናቴታስ ኣ ኤራቴ፥ ጻፎ ኤራቴኔ ኣኬካ ኢሚዴስ፤ ዳኔላስ ጊዲኮ ሄሳፌካ ቦላራ ኣጁታኔ ኣጉሞ ቢርሺዛ ኤራቴ ዴስ።

ሆሴኤ ቲንቢቴ 7:9

ኣላጋቲ ኢስታ ዎልቃ ሚዳ፤ ጊዶ ኣቲን ኢስቲ ሄሳ ኤሪቤቴና። ኢዛ ሁኤይ ፑሉን ጫዲዴስ፤ ጊዶ ኣቲን ኢዚ ሄሳ ኤሪቤና።

ሉቃሳ ሚሺራቾ 1:15

ጎዳ ሲንን ኢዚ ጊታ ጊዳና። ዎይኔፔ ኦሴቲዳ ጫጄ ጊዲንካ ሃራ ማሲዛ ኡሹ ጊዲንካ ኢዚ ኡዬና፤ ኢዚ ቡሮ ባ ኣዬይ ቃንን ዲሼ ጺሎ ኣያናን ኩማና።

ሉቃሳ ሚሺራቾ 18:16

ጊዶ ኣቲን ዬሱሲ ጉ ናይታ ባኮ ጼይጊዲ፥ «ጉ ናይቲ ታኮ ያናይሳ ዲጎፍቴ፤ ጾሳ ካዎቴ ሃይታንታ ማላሳ።

ኤፌሶኔ ኣሳስ 6:4

ዬሊዳይቶ! ኢንቴካ ኢንቴ ናይታ ሃንቄፍቴ፤ ጊዶ ኣቲን ኢንቴ ናይታ ጎዳ ዞሬኒኔ ሴራን ዲቺቴ።

ዛሬ ማጻፋ 8:18

ኢንቴ ዱሬታና ማላ ኢንቴስ ዎልቃኔ ሚኖቴ ኢሚዳይ ጎዳ ኢንቴ ጾሳ ጊዲዳይሳ ዩሺ ቆፒቴ፤ ኢዚ ሄሳ ኦዳይ ካሴ ኢንቴ ኣዋታስ ጌሊዳ ጫቆ ቃላ ሚንናሳ።

2ጺምቶሳስ 3:15

ኔ ጉ ናቴፌ ሃኢ ጋካናስ ዬሱስ ኪርስቶሳ ኣማኖን ኣቶቴ ቤቲዛ ቲሚርቴ ኢሚዛ ጌሻ ማጻፋታ ሎኤ ኤራዳሳ።

1ሳሜላ ማጻፋ 1:28

ሄሳ ጊሻስ ታኒካ ሃኢ ዛራዳ ጎዳስ ኢዛ ኢማይስ፤ ኢዚ ባ ዴኦ ላይ ኡባን ጎዳስ ኢሜቲዳይሳ ጊዳና» ጋዱስ፤ ሄሳፌ ጉዬ ሄን ጎዳስ ጎይኒዳ።

1ሳሜላ ማጻፋ 16:7

ጊዶ ኣቲን ጎዳይ ሳሜላ፥ «ታኒ ሃይሳ ካዳ ጊሻስ ኔ ኢዛስ ማላ ዎይኮ ጌሳ ጼሎፋ፤ ጎዳይ ኣሲ ጼሊዛ ማላ ጼሌና፤ ኣሲ ካሬ ባጋ ሃኖታ ቤኤስ፤ ጎዳይ ጊዲኮ ዎዚና ጼሌስ» ጊዴስ።

1ሳሜላ ማጻፋ 2:18

ሳሜሊ ቡሮ ዮጋቴን ዲሼ ላይኖፔ ዳዴቲዳ ማይኦ ማይኢዲ ጎዳ ሲንን ኦስ።

1ሳሜላ ማጻፋ 2:26

ዬላጋ ና ሳሜሊ ጌሳኒኔ ቴማን ጎዳ ሲንኒኔ ኣሳ ሲንን ዲጪ ዲጪ ቢዴስ።