ኤራንቻታ ማጻፋ 1:17 - ጋሞ ማጻፋ

¹⁷ ቃሴ ታኒ ኣ ኤራቴ፥ ጎሻቴኔ ኤያቴ ሻካ ኤራናስ ኬሃ ባጼታዲስ፤ ጊዶ ኣቲን ዉርሴን ሄሲካ ጫርኮ ኦይካናስ ዬዴዛ ማላ ሃዳ ጊዲዳይሳ ኤራዲስ።

Geeshsha Maxaafa

¹⁷ Qasse tani aadho erateth, gooshshateththinne eeyateth shaakka eranaas keeha baaxetadis; gido attiin wurseththan hessika carko oykkanaas yedeththiza mala hada gididayssa eradis.

ኤራንቻታ ማጻፋ 1:17 ပူးပေါင်းရင်းမြစ်များ

ዬ ማጻፋ 73:16

ታኒ ሃ ዮኦዛ ሻካ ኤራናስ ቆፓዲስ ጊዶ ኣቲን ታ ኤራፔ ቦላ ጊዲዴስ።

ኤራንቻታ ማጻፋ 12:8

ኤራንቻዚ፥ «ሃዳ! ሃዳፔካ ሃዳ! ኡባይካ ሃዳ!» ጌስ።

ኤራንቻታ ማጻፋ 2:17

ሳሎ ጉፋንን ሃኒዛ ሚሺ ኡባይ ኢቲዛ ጊሻስ ሃ ሳኣ ዱሳይ ታና ኢቴስ፤ ሄሲ ኡባይካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 2:3

ሄሲ ዉሪ ሃኒንካ ኣ ኤራቴ ዴማናስ ታ ዎዚናን ኣሞታዳ ታና ዎይኔ ኡሻን ኡፋይሳናሲኔ ኤያቴ ኦይካናስ ባጼታዲስ፤ ቃሴ ኣሳይ ሳኣ ቦላ ዲዛ ቃን ላይን ሳሎ ጉፋንን ዲዛ ሚሽ ኡባ ቦላ ኦዳኮ ኢስታ ጎኢዛዚ ኣዛኮ ታ ኤራና ኮያዲስ።

ኤራንቻታ ማጻፋ 3:19

ኣሳ ቃዳይካ ሜሄይሳ ማላ፤ ናምኣ ቃዳይካ ኢሲኖ፤ ኢሶይ ሃይቂዛ ማላ ሃንኮይሲካ ሃይቄስ፤ ናምኣስካ ኢሲ ቆሞ ፔኖይ ዴስ፤ ሄሳ ጊሻስ ኢዚ ሜሄፔ ዱማቴና፤ ሄሲካ ሃዳ።

ኤራንቻታ ማጻፋ 4:4

ሄሳካ ኣሳይ ባ ኣሞቲዳይሳ ዴማናስ ኬሂ ዳቡርዲ ኦስ፤ ጊዶ ኣቲን ሄ ዳቡራይ ባ ላጌ ቦላ ቃናቴቴን ዴንዶን ጊዲዳይሳ ታኒ ኣኬካዲስ። ሄሲካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 4:6

ጮ ዳቡራኒኔ ጫርኮ ካሎን ናምኡ ኩሼ ዴማናፔ ዎፓን ቤቲዛ ኢሲ ኩጳይ ኪዬስ።

ኤራንቻታ ማጻፋ 6:9

ኣሞን ቶይላታናፔ ኣይፌን ቤኦይ ኪያ፤ ሄሲካ ሃዳኔ ጫርኮ ኦይካናስ ዬዴዛ ማላ

ኤራንቻታ ማጻፋ 8:16

ታኒ ኣ ኤራቴ ኤራናሲኔ ኣሲ ሃ ሳኣ ቦላን ኦማርሲኔ ጋላስ ስኮይ ባይንዳ ዳቡርዛ ዳቡራ ኤራናስ ታ ዎዚናን ፒልጋዲስ።

ኤራንቻታ ማጻፋ 9:3

ሳሎ ጉፋንን ኡባ ቦላ ጋኪዛ ኢታቴ ሃይሳ፤ ኡባስ ዉርሴ ቃዳይ ኢሲኖ፤ ሄሳፌ ቦላራካ ኣሳ ዎዚናይ ኢታቴን ኩሚዴሲኔ ጎዪዴስ፤ ዉርሴንካ ሃይቂዳ ኣሳን ጋይቴስ።

1ታሶሎንቄ ኣሳስ 5:21

ዉርሲካ ፓጪ ጼሊቴ፤ ሎኦ ጊዲዳዝ ኦይኪቴ።