ዛሬ ማጻፋ 8:8 - ጋሞ ማጻፋ

⁸ ሄ ቢታያ ጊስቴይኔ ባንጋይ፥ ዎይኔይኔ ባላሴይ፥ ኦሮማኔይኔ ዎጋራ ኣይፌይ፥ ቃሴካ ኤሲ ኩሚዳ ቢታ።

Geeshsha Maxaafa

⁸ He biittaya gistteynne banggay, woyneynne balasey, oroomaaneynne wogara ayfey, qasseka eessi kumida biitta.

ዛሬ ማጻፋ 8:8 ပူးပေါင်းရင်းမြစ်များ

ሜቴ ማጻፋ 49:11

ኢዚ ባ ሃሬ ካ ጊዶን ባ ሃሬ ጉቴካ ዶሬቲዳ ካን ቃቻና። ኢዚ ባ ሃ ዎይኔ ኡሻን፥ ባ ማይኦ ቃሴ ዎይኔ ማን ሜጫና።

2ሳሜላ ማጻፋ 4:6

ጊስቴ ኮይዛ ኣስ ሚሳቲዲ ኬ ጊዶ ጌሊዲ ኢዛስ ኡሎን ጫዲዳ። ሄሳፌ ጉዬ ኤሬካቤይኔ ኢዛ ኢሻ ባኣናይ ሉሹ ጊ ኬዚ ቢዳ።

1ካዎታ ማጻፋ 5:11

ሶሎሞኔይካ ካዎ ኪራሜ ካዎቴ ኬን ዲዛ ኣሳታስ ቃላባ ጊዳና ማላ 20,000 ኮንታሌ ጊስቴኔ ሙሩታ ዎጋራ ዛይቴ 400,000 ሊቲሮ ላይን ላይን ፓጬይ ባይንዳ ኪራሜስ ሺሼስ።

2ካዎታ ማጻፋ 18:32

ሄሲካ ሃናናይ ታኒ ኢንቴና ጌዴ ኢንቴ ቢታዮ ሚሳቲዛ ሶሆ ካኔ ዎይኔ ኡሺ፥ ዳቦይኔ ዎይኔ ኣታኪልቴይ፥ ዎጋራ ሚኔ ኤሲ ዲዛሶታ ኢንቴና ጌልና ጋካናሳ፤ ኢንቴ ሃይቆ ኣጊዲ ዴኦ ዶሪቴ› ጌስ። ሂዝቂያሲ ኑና ጎዳይ ኣሻና ጊዲ ኢንቴና ባሌዛ ጊሻስ ኢንቴ ኢዚ ጊዛይሳ ሲዮፒቴ።

ዬ ማጻፋ 147:14

ኢዚ ኔ ዛዋ ሳሮቴን ናጌስ፤ ኔና ኬሂፔ ሎኢዛ ጊስቴ ካልሴስ።

ዬ ማጻፋ 81:16

ጊዶ ኣቲን ታኒ ኢንቴና ሙሩታ ጊስቴ ሚዛና፤ ቃሴ ዛላፌ ኢንቴና ኤስ ካልሳና» ጊሺን ሲያዲስ።

ኢሳያሳ ቲንቢቴ 7:23

ሄ ዎዴ ኢሲ ሺ ቢራን ዋሼቲዛ ኢሲ ሺ ዎይኔ ቱራቲ ቶኬቲዳሶሆቲ ኡባይ ኣጉንኔ ኪንዲቾ ጻላ ጊዳና።

ኤርማሳ ቲንቢቴ 2:7

ኢንቴ ኢዚ ኣይፌኔ ኢዚ ኣንጆ ማና ማላ ታኒ ኢንቴና ኣራዳ ቢታ ኤሃዲስ፤ ጊዶ ኣቲን ኢንቴ ዪዲ ታ ቢታ ቱኒሲዴታ፤ ታ ጺንጾዮ ሃራሴታና ማላ ኦዴታ።

ኤርማሳ ቲንቢቴ 5:17

ኢስቲ ኢንቴ ካኔ ቁማ ፒቲ ማና። ኢንቴ ኣቱማ ናይታኔ ማጫ ናይታ ዎና። ኢንቴ ዶርሳኔ ሚዛ ቦንቂዲ ማና። ኢንቴ ዎይኔ ቴራኔ ባላሴ ቴራ ቦንቂዲ ማና። ኢንቴ ኣማኔቲዛ ጊምቤቲዳ ካታማታካ ኢስቲ ባንታ ማሻን ይሳና» ጌስ።

ሂዚቄላ ቲንቢቴ 27:17

«ዩሁዳይኔ ኢስራኤሌይካ ኣቶንታ ኔናራ ዛልኤን ጋይቲዳ፤ ኢስቲ ሚኒቴፔ ዪዳ ጊስቴ፥ ማሊዶ፥ ኤስ፥ ዛይቴኔ ባላሳኔ ጌቴቲዛ ሊዛ ዛይቴ ኔ ሻቃጬዛራ ላሜቴስ።

ሆሴኤ ቲንቢቴ 2:22

ቢታይ ካ፥ ዎይኔ ኡሹኔ ዛይቴ ኢማና፤ ኢስቲካ ኢዝራኤሌስ ዛሮ ጊዳና።

ሆሴኤ ቲንቢቴ 2:8

ታኒ ኢዚስ ካሴ ካ፥ ዎይኔ ኡሺኔ ዎጋራ ዛይቴ ኢሚዳይሳኔ ቃሴካ ኢዛ ባኣሌ ጌቴቲዛ ኤቃ ጾሳስ ያርሾ ቢራኔ ዎርቃ ኢዚስ ዳርሲዳይ ታና ጊዲዳይሳ ኢዛ ሻካ ኤራቤኩ።

ሚኪያሳ ቲንቢቴ 4:4

ኢሲ ኣሲ ባ ዎይኔ ሚ ጋርሳንካ ባ ባላሴ ሚ ጋርሳን ኡታና፤ ኢስታ ባቢሲዛ ሚሺ ዴና፤ ኡባፌ ዎልቃማ ጎዳ ዶናይ ሃይሳ ዮቲዴስ።

ኢምባቆ ቲንቢቴ 3:17

ባላሴ ጌቴቲዛ ሚይ ኣይፎንታ ኣጊኮካ ዎይኔ ሚፌ ኣይፌይ ቤቶንታ ኣጊኮ ዎጋራ ሚካ ኣይፎንታ ኣጊኮ ጎሻ ጋዴይ ካ ኢሞንታ ኣጊኮ ዶርሲ ዪሬን ዶንታ ኣጊኮካ ሚዚ ዜን ዶንታ ኣጊኮካ

ታይቦ ማጻፋ 13:23

ኢስቲ ሄራ ኣዲ ጌዴ ኤሽኮሌ ሾባ ጋኪዳ፤ ሄፔካ ዎይኔ ሚ ኣይፌራ ዲዛ ሃጋ ቃንጺ ኤኪዲ ሄ ዎይኔ ሚ ኣይፌፔ ኢሲ ዉርጮ ኢሳዴይ ባርካ ቶካናስ ዳንዳዮንታ ዴጾ ጊዲዳ ጊሻስ ናምኡ ኣሳቲ ሚን ኣ ቶኪዳ፤ ኢዛራ ኢሲፌ ኦሮማኔ ሚ ኣይፌኔ ባላሴ ሚ ኣይፌ ኤኪ ዪዳ።

ዮሃኒሳ ሚሺራቾ 6:13

ኢስቲካ ኣሳይ ሚሺን ኢቻሹ ኡኬፌ ኣቲዳ ታማኔ ናምኡ ሌማቴ ኩሜ ሺሺዳ።

ዮሃኒሳ ሚሺራቾ 6:9

«ኢቻሹ ባንጋ ኡኬኔ ናምኡ ሞሌ ኦይኪዳ ኢሲ ናይ ሃይሳን ዴስ። ጊዶ ኣቲን ሃና ሃይሳ ሃ ዴሬዛስ ኣይ ጊዳኔ?» ጊዴስ።

ዛሬ ማጻፋ 32:13

«ቃ ሶሆን ኢዛ ዎዴስ፤ ቢታፌ ሞኪዳ ካ ኣይፌ ኢዛ ሚዚዴስ፤ ዛላፌ ቤቲዳ ኤስ ኡሺዴስ፤ ሹቻ ቢታን ሞኪዳ ዎጋራ ዛይቴ ሚዚዴስ።

ዛሬ ማጻፋ 32:14

ሚዛፔ ዶርሳፌኔ ዴይሻ ዉዴፔ ቤቲዛ ማኒኔ ኦይስ ባሳኔ ዴሬፔ ቤቲዛ ኦሃላ ላቃታ፥ ሞ ርሾታ፥ ዎፋኖታኔ ዴይሻታ፥ ሎኦ ጊስቴ ዳቦራ ኢስታ ሚዚዴስ። ኢንቴ ኢዛ ዴሬቲ ዞኦ ዎይኔ ሚ ኣይፌፔ፥ ጊጊዳ ዎይኔ ኡሹ ኡዪዴታ።

ዛሬ ማጻፋ 6:3

ኢንቴኖ ኢስራኤሌ ኣሳዉ! ኡባ ሚሺ ኢንቴስ ሎኦ ጊዳና ማላ፥ ጎዳ ኢንቴ ኣዋታ ጾሳይ ኢንቴስ ጊዳይሳ ማኔ ኤሲ ጎጊዛ ቢታን ኢንቴ ኬሂ ጮራታና ማላ ሃ ኣዛዞታ ሲዪቴኔ ሚኒ ኦቴ።

ዛሬ ማጻፋ 8:7

ጋሶይካ ጎዳ ኢንቴ ጾሳይ ኢንቴና ሾባፌኔ ዙምቡላታፔ ፑልቲ ጎጊዛ ቄሪ ሻፋቲኔ ፑልቲዛ ፑልቶቲ ዲዛ ሎኦ ቢታ ጌልናስ ኤሂዴስ።

ዛሬ ማጻፋ 8:9

ሄ ቢታያካ ኢንቴ ፓጬይ ባይንዳ ካ ሚዛ ቢታኔ ኢንቴስ ኣይኮይካ ፓጮንታ ቢታ፤ ሄ ቢታይን ዲዛ ሹቻታፔ ቢራታይ፥ ዙምቡላፌ ጻርቂማላይ ቤቴስ።