ዛሬ ማጻፋ 7:8 - ጋሞ ማጻፋ

⁸ ጊዶ ኣቲን ጎዳይ ኢንቴና ሲቂዳ ጊሻሲኔ ካሴ ኢንቴ ኣዋታስ ጌሊዳ ሂዶታ ቃላ ናጋናስ ኮዪዳ ጊሻስ ኢዚ ኢንቴና ጊብጼ ካዎስ ኣይሌቴን ዲዛ ጊብጼ ቢታፌ ባ ጊታ ዎልቃን ዎዚዲ ኬሲዴስ።

Geeshsha Maxaafa

⁸ Gido attiin GODAY inttena siiqida gishshassinne kase intte aawatas gelida hidota qaala naaganaas koyida gishshas izi inttena Gibxe kawos aylleteththan diza Gibxe biittafe ba gita wolqqan wozzidi kessides.

ዛሬ ማጻፋ 7:8 ပူးပေါင်းရင်းမြစ်များ

ሜቴ ማጻፋ 19:16

ጊዶ ኣቲን ሎጼይ ሺኒን ጎዳይ ኢስታስ ቃቲዳ ጊሻስ ኪታንቻቲ ኢዛ ኩሼ፥ ኢዛ ማቼይ ኩሼኔ ማጫ ናይታ ናምኣታ ኩሼ ኦይኪዲ ሄ ካታማፔ ኢስታ ኬሲዳ።

ሜቴ ማጻፋ 19:29

ጾሲ ሄ ሾባን ዲዛ ካታማታ ይሲዳ ዎዴ፥ ኣብራሃሜ ቆፒዲ ሎጼይ ካሴ ዲዛ ካታማታ ይሲዳ ዎዴ ሎጼ ይሳፌ ኣሺዴስ።

2ሳሜላ ማጻፋ 22:20

ኢዚ ታና ኣኮሶ ኬሲዴስ፤ ታናን ኡፋዬቲዳ ጊሻስ ኢዚ ኢስታ ኣሺዴስ።

1ካዎታ ማጻፋ 10:9

ኔናን ኡፋዬቲዲ ኔና ኢስራኤሌ ካዎታ ኣራታን ኡቲሲዳ ጎዳ ኔ ጾሳይ ጋላቴቶ! ጎዳይ ኢስራኤሌ ኣሳ ሜርናስ ሲቂዳ ጊሻስ ሱሬ ፒርዳይኔ ጺሎቴ ዳና ማላ ኢዚ ኔና ካዎዴስ» ጋዱስ።

1ታሪኬ ማጻፋ 16:16

ኣብራሃሜስ ጫቂዳ ጫቃ፥ ዪሳቃስ ኢሚዳ ሂዶታ ቃላ፥

2ታሪኬ ማጻፋ 9:8

ኔናን ኡፋዬቲዲ ባ ካዎቴ ኣራታን ኡቲሲዳ ኔ ጎዳይ ጋላቴቶ! ኔ ጾሳይ ኢስራኤሌ ኣሳ ሲቂዳ ጊሻሲኔ ሜርናስ ሚን ኤሳናስ ኮዪዳ ጊሻስ ሱሬ ፒርዳይኔ ጺሎቴ ኣካና ማላ ኢስታ ቦላ ኔና ካዎዴስ» ጋዱስ።

ዬ ማጻፋ 105:42

ኢዚ ባ ኣይሌ ኣብራሃሜስ ጫቂዳ ጌሻ ቃላ ሃሳኢዴስ።

ዬ ማጻፋ 44:3

ኢስቲ ባንታ ማሻን ኦሊዲ ሄ ቢታ ኦይኪቤቴና፤ ኢስቲ ጾኒዳይ ባ ቄሴ ሚኖቴን ጊዴና። ጊዶ ኣቲን ኔኒ ኢስታን ኡፋዬቲዳ ጊሻስ ኔ ኡሻቻ ኩሼይ፥ ኔ ቄሴይኔ ኔ ሲን ፖኦ ዎልቃይ ሄሳ ኦዴስ።

ዬ ማጻፋ 44:4

ታ ጾሳዉ ታ ካዎይ ኔና፤ ያቆቤ ዜሬስ ጾኖ ኢሚዳይ ጾሶ ኔና።

ኬሳ ማጻፋ 13:14

ዎዴፔ ኔ ናይ ኔና፥ ‹ሃይሲ ኣዛ ዎጋ?› ጊ ኦይቺኮ፥ ኔኒ ኢዛስ፥ ‹ጎዳይ ኑና ባ ዎልቃማ ቄሴን ኣይሌቴ ቢታ ጊብጼፔ ኬሲዴስ፤

ኬሳ ማጻፋ 13:3

ሄሳፌ ጉዬ ሙሴይ ኣሳ፥ «ጊብጼፔ፥ ኣይሌቴ ቢታፌ ኢንቴ ኬዚዳ ጋላሳያ ሃኖ ጋላሳዮ ጊዲዳይሳ ዩሺ ቆፒቴ፤ ኣይስ ጊኮ ጎዳይ ባ ዎልቃማ ቄሴን ኢንቴና ኬሲዴስ፤ ሄሳ ጊሻስ ኢርሾይ ጌሊዳ ካ ኣይኮካ ሞፒቴ።

ኬሳ ማጻፋ 20:2

«ኔና ጊብጼፔ ኣይሌቴ ቢታፌ ኬሲዳ ጎዳ ኔ ጾሳይ ታና።

ኬሳ ማጻፋ 32:13

ኔ ኣይሌታ ኣብራሃሜ፥ ዪሳቃኔ ያቆቤ ቆፓ፤ ኔኒ ኢስታስ፥ ‹ታኒ ኢንቴ ዜሬ ሳሎ ጾሊንቴ ማላ ዳርሳና፤ ታኒ ኢንቴስ ኢማና ጊዳ ቢታ ኡባካ ኢንቴ ዜሬታስ ኢማና፤ ኢስቲ ሄ ቢታ ሜርናስ ላታና› ጋዳ ኔኒ ኔ ሱንን ጫቂዳ ቃላ ዩሻ ቆፓ» ጊዲ ጋናቲዴስ።

ኬሳ ማጻፋ 6:6

«ሄሳ ጊሻስ ኔኒ ኢስራኤሌ ናይታስ፥ ‹ታኒ ጎዳ፤ ታኒ ኢንቴና ጊብጼ ኣሳ ቆሆፔ ኬሳና፤ ታኒ ኢንቴና ኢስታ ኣይሌቴፌካ ጎቻ ኬሳና፤ ቃሴ ታኒ ኢንቴና ታ ጊታ ዎልቃኒኔ ዱማ ዱማ ፒርዳን ዎዛና።

ኢሳያሳ ቲንቢቴ 43:4

ኔኒ ታ ሲንን ኣልኦኔ ቦንቾ ጊዲዳ ጊሻስ፥ ታኒ ኔና ሲቂዛ ጊሻስ፥ ኣሳ ኔ ጊሻስ፥ ካዎቴታ ኔ ሼምፖ ጊሻስ ላሜ ኢማና።

ኢሳያሳ ቲንቢቴ 63:9

ኢስታ ሜቶ ኡባን ጬጪዴስ፤ ኢዛ ዱሳ ኤሪሲዛ ኪታንቻይ ኢስታ ኣሺዴስ፤ ኢዚ ባ ሲቆኒኔ ባ ማሮቴን ኢስታ ዎዚዴስ። ካሴ ኣዳ ዎዴ ኡባን ኢስታ ዴንዴሲኔ ቶኪዴስ።

ኤርማሳ ቲንቢቴ 31:3

ጎዳይ ኑስ ሃሆሶፔ ቆንጪዲ፥ «ታኒ ኢንቴና ሜርና ሲቆን ዶሳዲስ፤ ሄሳ ጊሻስ ታ ቃቴን ኢንቴና ታኮ ሺሻዲስ።

ሂዚቄላ ቲንቢቴ 36:22

«ሄሳ ጊሻስ ኢስራኤሌ ኬስ ኡባ ሃሪዛ ጎዳይ፥ ‹ኢንቴኖ ኢስራኤሌ ኬ ኣሳቶ! ታኒ ሃይሳ ኡባ ኦዛይ ኢንቴ ቢዳ ካዎቴታ ኡባ ጊዶን ቱኒሲዳ ታ ጌሻ ሱን ጊሻሳፌ ኣቲን ኢንቴ ጊሻስ ጊዴና።

ሚኪያሳ ቲንቢቴ 6:4

ታ ኔና ጊብጼፔ ኬሳዲስ፤ ኣይሌቴ ቢታፌካ ዎዛዲስ፤ ኔና ካሌና ማላ ሙሴ፥ ኣሮኔኔ ማራሞ ኔስ ዬዳዲስ።

ሚኪያሳ ቲንቢቴ 7:20

ቤኒ ዎዴፔ ኦይካዳ ካሴ ኑ ኣዋታስ ጫቆ ቃላ ኔ ጌሊዳ ማላ ያቆቤስ ኣማኔቴ ኣብራሃሜስ ማሮቴ ኦሳ።

ሶፎናሳ ቲንቢቴ 3:17

ጎዳ ኔ ጾሳይ ኔናራ ዴስ፤ ኢዚ ኣሺዛ ሚኖ ኦላንቻ። ኢዚ ኔናን ዳሮ ኡፋዬቴስ፤ ኢዚ ባ ሲቆን ኔና ዎፒሳና፤ ኔ ዬን ኢዚ ቦንቼቲዲ ኡፋዬታና› ጋና።

ሚልካሳ ቲንቢቴ 1:2

ጎዳይ፥ «ታ ኢንቴና ዶሳዲስ» ጌስ፤ ኢንቴ ጊዲኮ፥ «ኔ ኑና ኣዛን ዶሳዲ?» ጌታ። ጎዳ ጾሲ፥ «ኤሳዌይ ያቆቤ ኢሻ ጊዴኔ? ታ ያቆቤ ዶሳዲስ።

Maatosa 11:26

ታ ኣዋዉ! ኤ ሃይሲ ኔ ሲንን ሎኦ ኔ ሼኔ ጊዲ ቤቲዴስ።

ኦሮሜ ኣሳስ 11:28

ኢንቴስ ኣይዛቤታስ ሚሺራቾ ቃላይ ጋካና ማላ ኢስራኤሌ ናይቲ ጾሳን ኢጼቲዳ ኣስ ጊዲዳ፤ ጊዲኮካ ካሴ ዶሮዛ ማላ ጊዲኮ ባ ኣዋታ ባጋራ ኢስቲ ዶሴቲዳይታ።

ዛሬ ማጻፋ 1:8

ሄኮ ታኒ ሃ ቢታዮ ኢንቴስ ኢማዲስ፤ ኢንቴካ ቢዲ ኢንቴ ኣዋታስ ኣብራሃሜስ፥ ዪሳቃስ፥ ያቆቤሲኔ ኢስታፌ ጉዬን ያና ኢስታ ዜሬታስ ኢማናስ ጎዳይ ጫቂዳ ቢታዮ ላቲቴ› ጊዴስ» ጊዲ ዮቲዴስ።

ዛሬ ማጻፋ 10:15

ጎዳይ ካሴ ኢንቴ ኣዋታ ኬሂ ሲቂዳ ጋሶን ኢንቴና ኣይዛቤታ ጊዶፌ ዶሪዴስ፤ ኢንቴካ ሃች ጋካናስ ኢዛስ ዶሬቲዳ ዴሬ ጊዲዴታ።

ዛሬ ማጻፋ 23:6

ሄ ዴሬ ኣሳቲ ዱሬቲዲ ሳሮን ዳና ማላ ኢስታ ማዶፍቴ።

ዛሬ ማጻፋ 33:3

ጎዳዉ! ኔኒ ዴራ ኬሃ ሲቃሳ፤ ጌሻቲ ኡባይካ ኔ ኩሼን ዴቴስ፤ ኔ ቶሆ ጋርሳን ጉልባቲ ጎይኔቴስ፤ ሂስቲዲ ኔፔ ኣዛዞ ኤኬቴስ።

ዛሬ ማጻፋ 4:20

ኢንቴ ጊዲኮ ታማይ ኢዛን ኤጺዛ ቢራታ ጮጬ ሚሳቲዛ ጊብጼፔ ኢንቴና ጎዳይ ሾዲ ኬሲዳይ ኢንቴ ኢዛስ ዱማ ዴሬ ጊዳና ማላሳ።

ዛሬ ማጻፋ 4:34

ዎይኮ ጎዳ ኢንቴ ጾሳይ ኢንቴ ጼሊሺን ጊብጼ ቢታን ኢንቴስ ኦዛይሳ ፓጬን፥ ማላታን፥ ማላሊሲዛ ሚሻን፥ ኦላን፥ ሚኖ ቄሴኒኔ ሚጬቲዳ ኩሼን፥ ቃሴ ያሺሲዛ ባ ዎልቃን ሃራ ካዎቴታ ጊዶ ጌሊዲ ኢሲ ካዎቴ ባስ ኤካናስ ባጼቲዳ ሃራ ጾሲ ዲዜ?

ዛሬ ማጻፋ 4:37

ኢዚ ሄሳ ኦዳይ ኢንቴ ኣዋታ ዶሲዳ ጊሻሲኔ ኢስታ ዜሬታ ዶሪዳ ጊሻስ ባ ጊታ ዎልቃን ኢንቴና ጊብጼፔ ኬሲዴስ።

ዛሬ ማጻፋ 5:6

‹ኔኒ ካሴ ኣይሌቴን ሃሬታ ዲዛ ጊብጼ ዴሬፔ ኔና ዎዛ ኤኪዳይ ታና ጎዳ ኔ ጾሳ።

1ዮሃኒሳ ኪታ 4:19

ኢዚ ካሴቲዲ ኑና ሲቂዳ ጊሻስ ኑኒካ ኢዛ ሲቆስ።

1ሳሜላ ማጻፋ 12:22

ጎዳይ ኢንቴና ባ ዴሬ ሂስታናስ ዶሲዳ ባ ጊታ ሱን ጊሻስ ባ ዴራ ኣጌና።