ዛሬ ማጻፋ 7:13 - ጋሞ ማጻፋ

¹³ ኢዚ ኢንቴና ሲቃና፤ ኣንጃናኔ ቆዳን ዳርሳና፤ ቃሴካ ኢዚ ኢንቴ ኣዋታስ ጫቂዳ ቢታይን ኢንቴ ዬሎታ፥ ኢንቴ ቢታይ ኢሚዛ ኣይፌታ፥ ካ፥ ዎይኔኔ ዎጋራ ዛይቴ፥ ኢንቴ ሜሄታኔ ዶርሳ ዉዴታ ኡባ ዳርሲዲ ኣንጃና።

Geeshsha Maxaafa

¹³ Izi inttena siiqana; anjjananne qoodan darsana; qasseka izi intte aawatas caaqqida biittayn intte yelota, intte biittay immiza ayfeta, kaththaa, woynenne wogara zayte, intte mehetanne dorsa wudeta ubbaa darssidi anjjana.

ዛሬ ማጻፋ 7:13 ပူးပေါင်းရင်းမြစ်များ

ናሂሚያ ማጻፋ 9:32

ጊታ፥ ዎልቃማኔ ያሺዛ ኑ ጾሳዉ! ኔኒ ኔ ጫቆ ቃላኔ ሜርና ጋካናዉ ዲዛ ኔ ሲቆ ናጋሳ፤ ኑ ቦላ፥ ኑ ካዎታ ቦላኔ ኑና ካሌዛይታ ቦላ ኑ ቄሴታ ቦላኔ ኑ ናቤታ ቦላ ኑ ኣዋታ ቦላ፥ ቃሴካ ዴሬ ኡባ ቦላ፥ ኣሶሬ ካዎታፔ ዶሚዲ ሃች ጋካናስ ጋኪዳ ሜቶ ኡባ ኔ ቆፓ።

ኢዮቤ ማጻፋ 1:10

ኢዚ ኔስ ያዪዛይ ኔኒ ኢዛኔ ኢዛ ናይታ፥ ኢዛስ ዲዛ ሃሮ ኡባ ሎኤ ናጊዳ ጊሻሳ፤ ኢዚ ኦዛ ኦሶዛ ኩሜ ኣንጂዳ ጊሻሲኔ ዳሮ ዉዴ ሜሄታ ኔ ኢዛስ ኢሚዳ ጊሻስ ጊዴኔ?

ኢዮቤ ማጻፋ 42:12

ጾሲ ኢዮቤስ ዉርሴ ዴኦዛ ኮይሮይሳፌ ኣ ኣንጂዴስ። ሄሳ ጊሻስ ኢዮቤስ 14,000 ዶርሲ፥ 6,000 ጋሜላቲ፥ 1,000 ዋ ቦራቲ፥ 1,000 ማጫ ሃሬቲ ዴቴስ።

ዬ ማጻፋ 1:3

ሄሳዴይ ጎጊዛ ሃ ኣቻን ቶኬቲዲ፥ ሃይካ ቆኮንታ ዎዴን ዎዴን ኣይፌ ኣይፊዛ ሚ ማላ፤ ኢዚ ኦዛ ኡባይ ኢዛስ ሃኔስ።

ዬ ማጻፋ 107:38

ኢዚ ኢስታ ኣንጂን ኢስቲ ኬሂ ጮራቲዳ፤ ኢስታ ሜሄታካ ጉቤና።

ዬ ማጻፋ 11:7

ጎዳይ ጺሎ ጊዲዳ ጊሻስ ጺሎቴ ኦሶ ዶሴስ። ሱሬ ኣሳቲ ኢዛ ሲን ቤያና።

ዬ ማጻፋ 127:3

ናይቲ ጎዳፔ ኢሜቲዛ ኢሞታታ፤ ናይቲካ ቱማፔ ኢዛ ዎይቶ።

ዬ ማጻፋ 146:8

ጎዳይ ቆቄታ ጼሊሴስ። ጎዳይ ኩንዲዳይታ ዴንስ፤ ጎዳይ ጺሎታካ ሲቄስ።

ኬሳ ማጻፋ 23:25

ጎዳ ኢንቴ ጾሳስ ጎይኒቴ፤ ሂስቲኮ፥ ኢዚ ኢንቴና ካኒኔ ሃን ኣንጃና፤ ታ ኢንቴ ጊዶፌ ሃርጌ ዲጋና።

ሌሚሶ ማጻፋ 10:22

ጎዳ ኣንጆይ ዱሬ ኬሴስ፤ ኢዚ ሄ ዱሬቴን ሜቶ ጉጄና።

ሌሚሶ ማጻፋ 15:9

ጎዳይ ኢታ ኣሳታ ኦጌ ሻቴቴስ፤ ጊዶ ኣቲን ጺሎቴ ካሊዛይታ ዶሴስ።

ሌዌታ ማጻፋ 26:9

« ‹ታኒ ታ ሲን ኢንቴኮ ዛራና፤ ሂስታዳ ኢንቴና ዳርሳና፤ ታ ኢንቴስ ጌሊዳ ጫቆ ቃላ ናጋና።

Maatosa 6:33

ሃራፔ ሲንቲዲ ጾሳ ካዎቴ ጺሎቴ ኮዪቴ፤ ሃይቲ ዉሪ ኢንቴስ ጉጄታና።

ዮሃኒሳ ሚሺራቾ 14:21

«ታ ኣዛዞ ኤኪዲ ኦዛዴይ ታና ዶሴስ፤ ታና ዶሲዛዴካ ታ ኣዋይ ዶሴስ፤ ታኒካ ኢዛ ዶሳና፤ ታናካ ኢዛዴስ ቆንጪሳና» ጊዴስ።

ዮሃኒሳ ሚሺራቾ 15:10

ታኒ ታ ኣዋ ኣዛዞ ፖላዳ ኢዛ ሲቆን ዲዳ ማላ ኢንቴካ ታ ኣዛዞ ፖሊኮ ታ ሲቆን ዳና።

ዮሃኒሳ ሚሺራቾ 16:27

ጋሶይካ ኣዋይ ባ ባጋራ ኢንቴና ዶሲዛ ጊሻሳ፤ ኣዋይ ኢንቴና ዶሲዛይ ኢንቴ ታና ዶሲዛ ጊሻሲኔ ታኒ ጾሳ ኣቻፌ ዪዳይሳ ኢንቴ ኣማኒዳ ጊሻሳ።

ዛሬ ማጻፋ 1:8

ሄኮ ታኒ ሃ ቢታዮ ኢንቴስ ኢማዲስ፤ ኢንቴካ ቢዲ ኢንቴ ኣዋታስ ኣብራሃሜስ፥ ዪሳቃስ፥ ያቆቤሲኔ ኢስታፌ ጉዬን ያና ኢስታ ዜሬታስ ኢማናስ ጎዳይ ጫቂዳ ቢታዮ ላቲቴ› ጊዴስ» ጊዲ ዮቲዴስ።

ዛሬ ማጻፋ 13:17

ፒላ ሚሻፌ ኣይኮይካ ኢንቴ ኩሼን ቤቶፎ፤ ሂስቲኮ ጎዳይ ባ ዎልቃማ ሃንቆፌ ሲሚዲ ኢንቴና ማራና፤ ኢዚ ኢንቴስ ቃታና፤ ካሴ ኢንቴ ኣዋታስ ጌሊዳ ቃላ ማላ ኢንቴ ቆዳ ዳርሳና።

ዛሬ ማጻፋ 28:1

ኔኒ ጎዳ ኔ ጾሳስ ኣዛዜቲኮ ሃች ታ ኔስ ኢሚዛ ኣዛዞታ ኔ ኡባ ኣማኔታዳ ናጊኮ ኢዚ ኔና ቢታ ቦላ ዲዛ ካዎቴታ ኡባፌ ቦላራ ቁ ቁ ሂስታና።

ዛሬ ማጻፋ 28:11

ጎዳይ ኔስ ኢማናስ ካሴ ኔ ኣዋታስ ጫቂዳ ቢታ ቦላ ኔስ ዳሮ ናይታ፥ ዳሮ ሜሄኔ ኬሂ ዳሮ ካ ኢማና።

ዛሬ ማጻፋ 30:5

ሄሳ ሃኒዲ ካሴ ኢንቴ ኣዋታ ቢታ ኢንቴ ዛሪ ላታና፤ ኢዚካ ኢንቴና ካሴ ኢንቴ ኣዋታፔ ኣ ዱሬሳናኔ ኢንቴ ቆዳ ዳርሳና።

ዛሬ ማጻፋ 7:7

ጎዳይ ኢንቴና ሲቂዳይኔ ዶሪዳይ ኢንቴ ሃራ ኣሳፔ ቆዳን ዳሪዛ ጊሻስ ጊዴና፤ ኢንቴ ሃራ ዴራፔ ቆዳን ኬሂ ጉታ።