ዛሬ ማጻፋ 33:9 - ጋሞ ማጻፋ

⁹ ኔ ጊሻስ ጊዲ ኢስቲ ባና ዬሊዳይታ ባሊዳ፤ ባ ዳቦታፔ ሻኬቲዳ፤ ባ ኢሻታፔ ሻኬቲዳ፤ ባ ናይታ ኣጊዳ፤ ኔ ቃላ ቦንቺዳ፤ ኔ ኢሚዳ ጫቆ ቃላካ ናጊዳ።

Geeshsha Maxaafa

⁹ Ne gishshas giidi istti bana yelidayta balida; ba dabbotappe shaakettida; ba ishatappe shaakettida; ba nayta aggida; ne qaalaa bonchchida; ne immida caaqo qaalaakka naagida.

ዛሬ ማጻፋ 33:9 ပူးပေါင်းရင်းမြစ်များ

ሜቴ ማጻፋ 29:32

ሊያይ ሻራዳ ኣቱማ ና ዬላዱስ፤ ኢዛ ሱንካ ኦሮቤሌ ጋ ሱንዱስ፤ ኣይስ ጊኮ ኢዛ፥ «ጎዳይ ታ ሜቶ ቤኢዴስ፤ ሃኢ ቱሙ ታና ታ ኣዚናይ ሲቃና» ጋዱስ።

1ታሪኬ ማጻፋ 17:17

ኣቤት ጾሳዉ! ሃይሲ ኔ ኣይፌ ሲንን ጉ ሚሳቲን ኔ ኣይሌ ዛሬቲ ሲንፌ ያና ላይታን ሃናናይሳ ዮታዳሳ፤ ኔኒ ታና ጊታ ኣሳታፔ ቁ ሂስታ ጼላዳሳ።

ኢዮቤ ማጻፋ 37:24

ባንታ ቆፋን፥ ‹ኑኒ ኣ ኤራንቻታ› ጊዛይታ ኢዚ ካስ፤ ሄሳ ጊሻስ ኣሳይ ዉሪ ኢዛስ ያዬስ።»

ዬ ማጻፋ 119:57

ኣቤት ጎዳዉ! ታ ቃዳይ ኔና፤ ታኒ ኔ ቃላስ ኣዛዜታናስ ቃቻዲስ።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።

ሌዌታ ማጻፋ 10:6

ሄሳፌ ካሊዲ ሙሴይ ኣሮኔስ፥ ኢዛ ና ኤልኤዜሬሲኔ ኢታማሬስ፥ «ኢንቴ ሃይቆንታ ማላኔ ጎዳ ሃንቆይ ዴራ ቦላ ዮንታ ማላ ሃይቂዳይታስ ሚሼቲዲ ኢንቴ ሁኤ ቡጮፍቴ፤ ኢንቴ ማይኦካ ዳኮፍቴ፤ ጊዶ ኣቲን ሃንኮ ኢስራኤሌ ናይቲ ጎዳ ኣቻፌ ዪዳ ታማን ሃይቂዳይታስ ዬካና ዳንዳዬቴስ።

ሌዌታ ማጻፋ 21:11

ኣሃይ ዲዛሶካ ኢዚ ጌሎፖ፤ ሃራይ ኣቶሺን ባ ኣዋ ዎይኮ ባ ኣዬይ ኣሃካ ቦቺዲ ባና ቱኒሶፖ።

Maatosa 10:37

«ታፔ ኣዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና።

Maatosa 12:48

ዬሱሲካ፥ «ታ ኣያ ኦኔ? ታ ኢሻቲች! ኢስቲ ኦናንቴ?» ጊዴስ።

Maatosa 22:16

ባና ካሊዛይታ ሄርዶሳ ኣሳታራ ኢዛኮ ኪቲዲ፥ «ኣስታማሬ! ኔኒ ቱማንቻኔ ጾሳ ኦጌ ቱማፔ ታማርሲዛዴ ጊዲዳይሳኔ ኦናስካ ዱማ ማዶ ኦንታ ኡባካ ኢሲ ማላ ኔ ጼሊዛይሳ ኑ ኤሮስ።

ሉቃሳ ሚሺራቾ 14:26

«ታኮ ዪዛይ ዉሪ ባ ኣዋ፥ ባ ማቾኔ ናይታ፥ ባ ኢሻታኔ ሚቼታ፥ ባ ሼምፖ ጊዲን ኢጾንታ ኣጊኮ ታና ካሊዛዴ ጊዳናስ ዳንዳዬና።

2ቆሮንቶሴ ኣሳስ 5:16

ሄሳ ጊሻስ ሃይሳፌ ጉዬ ኑኒ ኣይ ኣሲካ ኣሾ ኣይፌን ጼሎኮ፤ ኑኒ ሃይሳፌ ካሴ ኪርስቶሳ ኣሾ ኣይፌን ጼሊዳ ጊዲኮካ ሃይሳፌ ጉዬ ሄሳ ጼሎኮ።

ጋላቲያ ኣሳስ 1:10

ሃኢ ታኒ ኣሲ ታና ኤሮሾ! ሃሹ ጋና ማላ ኮያዚናዬ? ጾሲ ሃሹ ጋና ማላ ኮያዚና? ዎይኮ ኣስ ኡፋይሳና ኮያዚና? ታ ኣስ ኡፋይሳና ኮይዛኮ ኪርስቶሳ ኦሳንቻ ጊዲኬ።

1ታሶሎንቄ ኣሳስ 2:4

ጊዶ ኣቲን ኑ ሚሺራቾ ቃላ ሃዳራ ኤካናስ ዳንዳይዛ ኣሳታ ማላ ጾሲ ኑና ቆዲዳ ጊሻስ ኑ ሃሳዮስ፤ ሄሳካ ኑ ኦዛይ ኑ ዎዚና ፓጪ ኤሪዛ ጾሳ ኡፋይሳናስ ኣቲን ኣስ ኡፋይሳናስ ጊዲ ጊዴና።

1ጺምቶሳስ 5:21

ጾሳኒኔ ዬሱስ ኪርስቶሳን ዶሬቲዳ ኪታንቻታ ሲንን ሃይታ ኣዛዞታ ኦናካ ማዶንታ ኔ ናጋና ማላኔ ኢሲ ሚሺካ ታ ጎሪፔ ዚቂ ቁ ሂስቶንታ ማላ ታ ኔና ሃዳራ ጋይስ።