ዛሬ ማጻፋ 32:24 - ጋሞ ማጻፋ

²⁴ ታ ኡባ ዉርሲዛ ኮሻ ኢስታ ቦላ ዬዳና፤ ኢሳፌ ኢሳን ኣዛ ኢታ ሃርጌኒኔ ቦሻን ኢስቲ ዉራና፤ ሜቶ ጋዛ ኢታ ዶኣታኔ ዱኪዛ ማርዜራ ዲዛ ሾሻታ ታ ኢስታ ቦላ ዬዳና።

Geeshsha Maxaafa

²⁴ Ta ubbaa wursiza kosha istta bolla yeddana; issaafe issaan aadhdhiza iita hargeninne boshan istti wurana; meto gaththiza iita do7atanne dukkiza marzera diza shooshshata ta istta bolla yeddana.

ዛሬ ማጻፋ 32:24 ပူးပေါင်းရင်းမြစ်များ

ሜቴ ማጻፋ 3:14

ጎዳ ጾሳይ ሄሳፌ ጉዬ ሾሻ፥ «ኔኒ ሃይሳ ኦዳ ጊሻስ፥ ሜሄ ኡባኔ ዶኣ ኡባ ጋርሳን ኔ ጻላይ ቃንጌቲዳዛ! ኔኒ ኔ ኡሎን ቢታራ ጎሼታና፤ ኔ ዴኦ ላይ ኡባንካ ቢታ ጉዱላ ላጫ።

ሜቴ ማጻፋ 49:15

ኢዚ ባ ሼምፒዛሶይ ሎኦ ጊዲዳይሳኔ ባ ዴሬይ ኡፋይሲዛዝ ጊዲዳይሳ ቤኢዲ፥ ቶሆ ቶካናስ ባ ዞኮ ዚቂ ሂስቲዲ፥ ኣይሌቴ ኦሶ ኦና።

ኢዮቤ ማጻፋ 20:16

ኢታ ኣሲ ሚዛይሲ ዉሪ ኢዛስ ሾሻ ማርዜ ማላ ጊዳና፤ ሾሻ ማርዜ ማላ ጊዲዲ ኢዛ ዎና።

ዬ ማጻፋ 120:4

ኢዚ ኢንቴና ሆጼ ቶራን ጫዳና፤ ኢዚ ኢንቴና ቦንቆ ታማን ጹጋና።

ዬ ማጻፋ 91:6

ማን ኦይኪዛ ሃርጌስ፥ ዎይኮ ሴታ ጋላሳን ዉርሲዛ ኢታ ሃርጌስ ያያካ።

ኢሳያሳ ቲንቢቴ 65:25

ካና ሱይቴይኔ ዶርሳ ላቃይ ኢሲፌ ማና፤ ጋሞይ ቦራ ማላ ማታ ማና፤ ሾሺ ጉዱላ ላጫና፤ ታ ጌሻ ዙማ ቦላ ኢስቲ ቆሄቴቴና፤ ባሺካ ኢስታ ቦላ ዬና» ጌስ።

ኤርማሳ ቲንቢቴ 14:18

ታኒ ጋጻሬ ቢኮ፥ ማሻን ሃይቂዳይታ ቤኣይስ፤ ካታማ ጌሊኮ ኮሻይ ዉርሲዳይታ ቤኣይስ። ናቤቲኔ ቄሴቲ ባ ኤሮንታ ዴሬ ባቃቲዳ› ጌስ ጎዳይ» ጊዴስ።

ኤርማሳ ቲንቢቴ 15:3

«ጎዳይ፥ ‹ታኒ ኦይዱ ቆሞ ባሽ ኢስታ ቦላ ኤሃና፤ ሄይቲካ ኢስታ ዎናስ ማሻ፥ ኢስታ ኣሃ ጎቻናስ ካናታ፥ ኢስታ ኣሾዛ ሚዲ ይሳናስ ሳሎ ካፎታኔ ሳኣ ዶኣታ።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 8:17

ጎዳይ፥ «ቤኢቴ፥ ታኒ ማርዜራ ዲዛ ሾሻታ፥ ሙሬኒዛይታ ሂላቴ ቴቃናስ ዳንዳዮንታ ሃሶ ሾሻታ ኢንቴ ጊዶ ዬዳና፤ ኢስቲ ኢንቴና ዱካና» ጌስ።

ኤርማሳ ዚላስ 5:10

ኮሻ ዳሮፔ ዴንዲዳይሳን ሃርጊዶስ፤ ኑ ሜይካ ሻላ ማላ ጊዲዴስ።

ሂዚቄላ ቲንቢቴ 14:15

«ታኒ ዎራ ዶኣታ ዴራ ቦላ ኪቲን ሄ ዶኣቲ ዴራ ን ሂስቲን፥ ኢስታፌ ዴንዶይሳን ሄራ ኣሲ ኣና ዳንዳዮንታ ዎራ ጊዲኮ፥

ሂዚቄላ ቲንቢቴ 14:21

«ኡባ ሃሪዛ ጎዳይ፡ ታኒ ኣሳኔ ሜሄ ዎናስ ዬሩሳላሜ ቦላ ታ ኦይዱ ፒርዳታ፥ ማሻ፥ ኮሻ፥ ዎራ ዶኣታኔ ኢታ ሃርጌ ዬዲዛ ዎዴ ኢዚ ኣይ ኬና ኣ ኢታ ሚሽ ጊዳንዴ!

ሂዚቄላ ቲንቢቴ 5:17

ታኒ ኮሻኔ ዎራ ዶኣታ ኢንቴ ቦላ ዬዳና፤ ኢስቲካ ኢንቴና ናይ ባይንዳይታ ኦና፤ ታ ኢንቴ ቦላ ኢታ ሃርጌ፥ ሱኔ ማሻ ኤሃና፤ ታኒ ጎዳይ ሃይሳ ዮታይስ» ጌስ።

ሌዌታ ማጻፋ 26:22

ኢታ ዶኣታ ታ ኢንቴ ጊዶ ዬዳና፤ ሄ ዶኣቲ ኢንቴ ናይታ ዋና፤ ኢንቴ ሚዛታካ ኡባ ይሳና፤ ኢንቴፌ ጉ ኣሳቲ ጻላ ኣታና፤ ካሴ ኢንቴ ሄሜቲዛ ኦጌይ ሳማና።

ኣሞጼ ቲንቢቴ 9:3

ኢስቲ ፑዴ ቃርሜሎሴ ዙማ ቦላ ኬዚ ቆቴቲዳኮካ ታ ካሌታ ባዳ ኢስታ ሄፔ ዎና፤ ኢስቲ ዱጌ ጪማ ኣባ ጊዶ ጌሊዲ ታፔ ቆቴቲዛኮካ ሄን ኢስታ ሾሺ ዱካና ማላ ታ ኣዛዛና።

ሚኪያሳ ቲንቢቴ 7:17

ቢታ ቦላራ ቲራን ጎሼቲዛ ሜቴታ ማላ፥ ሾሻ ማላ ኢስቲ ቢታ ላጫና፤ ባ ዲዛ ጎንጎሎ ጊዶፌ ኮኮሪሼ ኬዛና፤ ባቢሼ ጎዳ ኑ ጾሳኮ ሲማና፤ ኢስቲካ ኢንቴስ ባባና።

ኢምባቆ ቲንቢቴ 3:5

ኢታ ሃርጌይ ኢዛፔ ሲንራ ቢዴስ፤ ሃዳ ሃይቆይካ ኢዛ ጌዶ ካሊዴስ።

ዛሬ ማጻፋ 28:22

ጎዳይ ኔና ጊልቃቴን፥ ሚሾኒኔ ቆጾን፥ ማዱንን፥ ጹጊዛ ኣዋኒኔ ኮሻን ይሳና፤ ኔ ካ ይሳናስ ኩቱልኤኔ ሎቤ ኔ ቦላ ዬዳና።

ዛሬ ማጻፋ 28:48

ሄሳ ጊሻስ ኔኒ ጋፋን፥ ሳሞን፥ ካሎቴኒኔ ሜቶ ኡባን ጎዳይ ኔ ቦላ ዬዲዛ ኔ ሞርኬታስ ኔ ሃሬታና፤ ጎዳይ ኔና ይሳና ጋካናስ ኔ ሞርጌን ቢራታ ቃምባራ ዋጻና።

ዛሬ ማጻፋ 28:53

ኔ ሞርኬቲ ኔ ካታማታ ዶዲዲ ኔና ኡንኤን ኔስ ሚዛዚ ዪን ኔ ሜቶቲዛ ዎዴ ጎዳ ኔ ጾሳይ ኔስ ኢሚዳ ኔ ኡሎፔ ዬሌቲዳ ማጫ ናይታኔ ኣቱማ ናይታ ኣሾ ዶሳይ ባይንዳ ኔ ማና።