ዛሬ ማጻፋ 32:15 - ጋሞ ማጻፋ

¹⁵ «ኢስራኤሌ ኣሳይ ኦርዲዴሲኔ ማካሊዴስ። ዳሮ ሚዲ ሞዴሲኔ ሞላቲዴስ፤ ባና ሜዳ ጾሳ ኣጊዴስ፤ ባና ኣሺዳይሳካ ካዉሺዴስ።

Geeshsha Maxaafa

¹⁵ «Isra7eele asay ordidessinne makkallides. Daro miidi modhdhidessinne moollattides; bana medhdhida Xoossaa aggides; bana ashshidayssaka kawushshides.

ዛሬ ማጻፋ 32:15 ပူးပေါင်းရင်းမြစ်များ

ዛሬ ማጻፋ 31:20

ታኒ ቤኒ ኢስታ ኣዋታስ ጫቂዳ ጫቆ ቃላ ማላ ኤሲኔ ማ ኩሚዳ ቢታዮ ታ ኢስታ ጌልና፤ ኢስቲ ሄን ሚዲኔ ኡዪዲ ካሊዳፔኔ ዱሬቲዳፔ ጉዬ ታና ዬጊ ኣጋና፤ ታ ጫቆ ቃላካ ዬጊ ኣጊዲ ኤቃ ጾሳታስ ጎይናና።

ሆሴኤ ቲንቢቴ 13:6

ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ዬ ማጻፋ 89:26

ዳዊቲ ታና፥ ‹ኔኒ ታ ኣዋ፤ ታ ጾሳኔ ታና ኣሺዛ ዎጋ ዛላ› ጊ ጼይጋና።

ዛሬ ማጻፋ 33:5

ኢስራኤሌ ቆሞቲ ኡባይኔ ዴራ ሃላቃቲ ሺቂን ጎዳይ ባ ዴሬ ኢስራኤሌ ኣሳ ቦላ ካዎቲዴስ» ጊዴስ።

ሃዋሬታ ኦሶ 28:27

ጋሶይካ ሄ ኣሳታ ዎዚናይ ሙሚዴስ፤ ኢስታ ሃይይካ ቱሊዴስ፤ ኢስታ ኣይፌይ ቆቂዴስ። ሄሳ ሃኖንታኮ ኢስቲ ባ ኣይፌራ ቤኢዲ፥ ባ ሃይራ ሲዪዲ ባ ዎዚናን ዩሺ ቆፒዲ፥ ታኮ ሃ ሲማናኔ ታኒካ ኢስታ ፓናሺን› ጊዴስ።

1ሳሜላ ማጻፋ 2:29

ታ ኣቂዛ ኬን ሺቃና ማላ ታ ኣዛዚዳ ያርሾዛኔ ካዛ ኣይስ ካዴቲ? ኔኒኔ ኔ ናይቲ ታ ዴሬ ኢስራኤሌይ ሺሺዳ ያርሾ ኡባፌ ሙሩታ ሙሩታ ዶሪ ሚዲ ኢንቴ ሞላቲዴታ፤ ኔካ ታፔ ኣዳ ኔ ናይታ ኣይስ ቦንቻዲ?› ጌስ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ኤርማሳ ቲንቢቴ 5:28

ኢስቲ ኦርዲዳኔ ሞዳ፤ ኢስታ ኢታቴስ ዛዋይ ዴና። ዪኦቲ ሱሬ ፒርዳ ዴማና ማላ ኢስታስ ኤቂቤቴና፤ ማንቆታ ማታ ጊሻሲካ ሞቴቴቴና።

ኢሳያሳ ቲንቢቴ 44:2

ኔና ሜዳይ፥ ኔ ኣዬይ ኡሎን ኦዳይ፥ ኔና ማዲዛ ጎዳይ፥ ‹ታ ኣሽካራ ያቆቤ! ታኒ ዶሪዳ ዪሹሩኔ! ያዮፋ።

ኢሳያሳ ቲንቢቴ 6:10

ሃይሳ ዴራ ዎዚና ዳሚሳ፤ ኢስታ ሃይካ ቱሊሳ፤ ኢስታ ኣይፌዛካ ቆቂሳ፤ ሂስቶንታ ኣጊኮ ኢስቲ ባንታ ኣይፌን ቤኣና፤ ባንታ ሃይን ሲያና፤ ባንታ ዎዚናንካ ኣኬካና፤ ሂስቲዲ ኢስቲ ታኮ ሲሚዲ ፓጻና» ጊዴስ።

ኢሳያሳ ቲንቢቴ 1:4

ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

ዬ ማጻፋ 95:1

ሃ ዪቴ! ኣኔ ጎዳስ ኡፋይሳን ዬጾስ፤ ኑና ኣሺዛ ዛላስ ኢሊሎስ።

ዬ ማጻፋ 73:7

ኢስታ ዎዚናፔ ኢታ ቆፋይ ፑልቴስ፤ ባንታ ኣይፌ ኬሲ ዴሬቄቴስ።

ናሂሚያ ማጻፋ 9:25

ቃሴ ሎኢ ጊምቤቲዳ ካታማታኔ ኣራዳ ቢታ፥ ሎኦ ሚሽ ኢስታን ኩሚዳ ኬታ፥ ሃ ኦላታኔ ዎይኔ ኣታኪልቴይ ቶኬቲዛ ጋዴ፥ ዎጋራ ሚታኔ ዳሮ ኣይፌ ኣይፊዛ ሚታ ላቲዳ፤ ሚዲኔ ኡዪዲ ሞዳ፤ ኔኒ ኔ ኪያቴን ኢሚዳ ሎኦ ሚሻን ዉሪ ኡፋዬቲዳ።

2ሳሜላ ማጻፋ 22:47

«ጎዳይ ዴኦ ጾሳ፤ ታ ዛላይ ኢዚ ኣንጄቶ፤ ታ ኣቶቴ ዛላይ ታ ጾሳይ ቁ ቁ ጎ።

ዛሬ ማጻፋ 33:26

ኢስራኤሌ ኣሳዉ! ሳሎፔ ኢንቴና ማዳናስ ባ ቴማራ ሻራ ቦላ ሄሜቲዛ ኢንቴ ጾሳ ማላ ሃራ ጾሲ ዴና።

ዛሬ ማጻፋ 32:6

«ኢንቴኖ ኤያቶ! ቃሴካ ዎዚናይ ባይንዳይቶ! ኢንቴ ጎዳስ ኢሚዛ ዛሮይ ሃይሴ? ኢንቴና ሜዳ ኢንቴ ኣዋይ ኢዛ ጊዴኔ? ኢንቴና ሜዲ ሃይሳስ ጋዳይ ኢዛ ጊዴኔ?

ዛሬ ማጻፋ 31:16

ጎዳይ ሙሴስ፥ «ኔኒ ማታ ዎዴ ሃይቃዳ ኔ ኣዋታን ጋይታና፤ ሄሳፌ ጉዬ ሃይሲ ኣሳዚ ታ ኢዛራ ጫቄቲዳ ቃላ ላላና፤ ኢስቲ ታና ኣጋጊዲ ላይማ ማጫሳ ማላ ሄ ኢስቲ ላታና ቢታን ዲዛ ኤቃ ጾሳታስ ጎይናና።

ሃዋሬታ ኦሶ 9:5

ሳኦሊካ፥ «ጎዶ! ኔ ኦኔ?» ጊዴስ። ኢዚካ ኢዛስ፥ «ታኒ ኔ ጎዴዛ ዬሱሳኮ!

ኤርማሳ ቲንቢቴ 5:7

ጎዳይ፥ «ታኒ ኢንቴ ናጋራ ኣይስ ኣቶ ጎ? ኢንቴ ናይቲ ታና ኣጊዳ፤ ኤቃ ጾሳታንካ ጫቂዳ፤ ታኒ ኢስታ ካልሳ ሚዛዲስ፤ ኢስቲ ጊዲኮ ላይማቲዳኔ ላይማ ኬ ቢዳ።

ኤርማሳ ቲንቢቴ 2:5

ጎዳይ፥ «ካሴ ኢንቴ ኣዋቲ ታፔ ሃኪዳይ፥ ሃዳ ዮኦ ካሊዳይ፥ ባ ሁኤሲካ ጎኣይ ባይንዳይታ ጊዲዳይ ታፔ ኣይ ሞሮ ዴሚዲ?

ዬ ማጻፋ 119:70

ኢስታ ዎዚናይ ሙሌካ ዳሚዴስ፤ ጊዶ ኣቲን ታኒ ኔ ዎጋን ኡፋዬታይስ።

ዬ ማጻፋ 18:46

ጎዳይ ዴኦ ጾሳ! ታ ዜምፒዛ ዎጋ ዛላይ ጋላቴቶ! ታና ኣሺዳ ጾሳይ ቁ ቁ ጎ!

ዬ ማጻፋ 17:10

ኢስታስ ቃቲዛ ዎዚናይ ባዋ፤ ኦቶሮ ሃሳያ ሃሳዬቴስ።

ኢዮቤ ማጻፋ 15:27

«ኢዛ ኣይፌይ ሞን ጎዜቲዴስ፤ ኢዛ ጼሳይካ ኦርዲዴስ።

ዳናታ ማጻፋ 10:6

ኢስራኤሌ ኣሳይ ጎዳ ሲንን ቃሴካ ኢታ ሚሽ ኦዴስ፤ ኢስቲ ባኣሌኔ ኣስታሮቴ ጌቴቲዛ ኤቃ ጾሳታሲኔ ኣራሜ ጾሳታስ፥ ሲዶና ጾሳታስ፥ ሞኣቤ ጾሳታስ፥ ኣሞኔ ዴሬ ኤቃ ጾሳታሲኔ ፊሊስጼሜ ጾሳታስ ጎይኒዳ። ኢስቲ ባንታ ጎዳስ ጎይኒዛይሳ ኣጊዳ።

1ታሪኬ ማጻፋ 5:25

ጊዶ ኣቲን ኢስቲ ባንታ ኣዋታ ጾሳስ ኣማኔቲቤቴና፤ ጾሲ ኢስታ ሲንፌ ይሲዳ ሄ ቢታ ኣሳቲ ጎይኒዛ ኤቃ ጾሳታስ ጎይኖን ላይማቲዳ።

2ታሪኬ ማጻፋ 26:16

ጊዶ ኣቲን ኦዚያይ ሚኒዳ ዎዴ ኦቶሬቲዴስ፤ ኢዛ ኦቶሮይ ኢዛ ኩንዲሲዴስ፤ ኢዚ ኤጻኔ ያርሺዛሶን ኤጻኔ ጩዋሳናስ ጾሳ ኬ ጌሊዲ ጾሳ ቆሂዴስ።

ዬ ማጻፋ 81:11

«ጊዶ ኣቲን ታ ኣሳቲ ታ ቃላ ሲዪቤቴና፤ ኢስራኤሌቲ ታስ ኩሼ ኢሚቤቴና።

ኤርማሳ ቲንቢቴ 2:31

ኢንቴኖ ሃ ዎዴ ዬሌታቶ! ጎዳ ቃላ ዩሺ ቆፒቴ፤ «ታኒ ኢንቴስ ኢስራኤሌ ኣሳስ ባዞ ማላ ዎይኮ ሳካና ማይ ዲዛ ቢታ ማላ ጊዳዲና? ሂስቲን ኣይስ ታ ኣሳይ፥ ‹ኑኒ ኑ ሼኔ ማላ ሃናና፤ ሲሚዲካ ኔኮ ዮኮ› ጊዜ?

2ታሪኬ ማጻፋ 12:1

ኤሮቢኣሜ ካዎቴይ ሚኒ ኤቂዳ ዎዴ ኢዚኔ ኢስራኤሌ ኣሳይ ኡባይ ጎዳ ዎጋ ዬጊ ኣጊዳ።

ናሂሚያ ማጻፋ 9:26

«ጊዶ ኣቲን ኢስቲ ኔ ቦላ ማካሊዳ፤ ‹ኔ ቃላስካ ኣዛዜቶኮ› ጊዳ፤ ኔ ዎጋ ሲዮኮ ጊዲ ኔስ ዞኮ ዛሪዳ፤ ቃሴ ኢስቲ ኔኮ ዛራና ጊዲ ሴሪ ታማርሲዳ ናቤታ ዎዳ፤ ኡባ ዎዴ ኔ ቦላ ጫሻ ቃላ ሃሳይዳ።

ዬ ማጻፋ 89:27

ታኒ ኢዛ ታስ ባይራ ና ሂስታና፤ ሳኣን ዲዛ ካዎታ ኡባፌ ታ ኢዛ ጊታሳና።

ዬ ማጻፋ 100:3

ጎዳይ ጾሳ ጊዲዳይሳ ኤሪቴ፤ ኑና ሜዳይ ኢዛ፤ ኑኒ ኢዛይታ፤ ኑኒ ኢዛ ኣሳቲ ኢዚ ሄሚዛ ዶርሳ ዉዴታ።

ኢሳያሳ ቲንቢቴ 43:1

ሃኢ ጊዲኮ ያቆቤ፥ ኔና ሜዳይ፥ ኢስራኤሌ! ኔና ጊግሲዳ ጎዳይ፥ «ታኒ ኔና ዎዚዳ ጊሻስ ያዮፋ። ታኒ ኔና ኔ ሱንን ጼይጋዲስ፤ ኔኒ ታሳ።

ኤርማሳ ቲንቢቴ 2:32

ጌላኦይ ባ ኣሌቆ ዎይኮ ሚሺራያ ባ ሚሺራቴ ማይኦ ባላ ኤራዜ? ታ ዴሬይ ጊዲኮ ታና ዳሮ ዎዴ ጋካናስ ባሊዴስ።

ሂዚቄላ ቲንቢቴ 14:5

ባንታ ኤቃ ጾሳታ ጋሶን ታፔ ሻኬቲዳ ኢስራኤሌ ኣሳ ኡባ ዎዚና ሃ ታኮ ዛራናስ ታ ሄሳ ኦና› ጌስ።

ሆሴኤ ቲንቢቴ 4:7

ቄሴታ ቆዳይ ዳሪ ዳሪ ቢሺን ኢስቲ ታ ቦላ ኦዳ ናጋራይ ዳሪ ዳሪ ቢዴስ፤ ባንታ ቦንቾካ ካዉሻን ላሚዳ።