ዛሬ ማጻፋ 3:8 - ጋሞ ማጻፋ

⁸ ሄ ዎዴ ኑኒ ዮርዳኖሴ ሻፋፔ ቢዲ ኣርሼይ ሞኪዛ ባጋራ፥ ኣርኖኔ ዙሌፌ ቢዲ ሄርሞኔ ዙማ ጋካናስ ዲዛይሳ ኦይኪዶስ፤ ሃይታ ኣሞሬ ዴሬ ካዎታፔ ዎ ኤኪዶስ።

Geeshsha Maxaafa

⁸ He wode nuni Yordaanoose shaafaappe biidi arshey mokkiza baggara, Arnoone zullefe biidi Hermoone zuma gakkanaas dizayssa oykkidos; hayta Amoore dere kawotappe woththi ekkidos.

ዛሬ ማጻፋ 3:8 ပူးပေါင်းရင်းမြစ်များ

1ካዎታ ማጻፋ 4:19

ኡሬ ና ጌቤሪ ጋላኣዴ ቢታን ዲዛ ኣሞሬታ ካዎ ሲሆኔ ዴሬኔ ባሳኔ ካዎ ኣጌ ዴሬ ኣይሴስ። ሄ ዴሬታ ኡባ ኣይሲዛይታ ቦላ ኣላፌቴ ዲዛ ኢሲ ኣሲ ዴስ።

1ታሪኬ ማጻፋ 5:23

ሚናሴ ቆሞታፔ ባጋ ዛሬቲ ባሳኔፔ ዶሚዲ ባኣሊ-ሄርሞኔ፥ ሳኒሬኔ ሄርሞኔ ዙማ ጋካናስ ዲዛ ዴሬን ዱንካኒ ኡቲዳ፤ ኢስቲ ሄን ጮራቲ ጮራቲ ቢዳ።

ዬ ማጻፋ 42:6

ታ ጾሳዉ! ታ ዎዚናያ ጬጫዱስ፤ ሄሳ ጊሻስ ታኒ ዮርዳኖሴ ቢታን ሄርሞኔ ዙምቡላ ሚዛሬ ዙማ ቦላ ኤቃዳ ኔና ታ ቆፓና።

ዬ ማጻፋ 42:7

ኔ ፒሳ ጉንን ጪማይ ጪማስ ኣንኬስ፤ ቃሴ ኔ ዳምባላይኔ ኔ ጫርኮ ኡባይ ታ ቦላራ ኣዴስ።

ዬ ማጻፋ 89:12

ፑዴሃኔ ዱጌሃ ኔኒ ሜዳሳ፤ ታቦሬኔ ሄርሞኔ ዙማቲ ኡፋይሳን ኔ ሱንን ዬጼቴስ።

ዛሬ ማጻፋ 4:47

ሄ ዎዴ ኢስቲ ኢዛ ቢታኔ ሄሳካ ዮርዳኖሴፔ ኣርሼይ ሞኪዛ ባጋራ ዲዛ ባሳኔ ዴሬ ሃሪዛ ኣሞሬ ካዎ ኣጌ ቢታ ላቲዳ።

ዛሬ ማጻፋ 4:48

ሄ ቢታይ ኣርኖኔ ሻፋ ዶናን ዲዛ ኣሮኤሬ ካታማፔ ቢዲ ሲሪዮኔ ዙማ ጋኬስ፤ ሲሪዮኔ ጌቴቲዛ ዙማዚ ሄርሞኔ ዙማ።

ኢያሶ ማጻፋ 12:1

ኢስራኤሌ ኣሳይ ዮርዳኖሴ ሻፋፔ ኣርሼይ ሞኪዛ ባጋራ ዲዛ ኣራቤ ቢታ ኡባ ኦይኪዲ ኣርኖኔ ዙሌራ ቢዲ ሄርሞኔ ዙማ ጋካናስ ዲዛ ሄ ዴሬ ካዎታ ጾኒዲ ዎ ኤኪዴስ። ሄ ጾኔቲዳ ካዎቲ ሃይሳፌ ካሊ ጻፌቲዳይታ።

ኢያሶ ማጻፋ 13:8

ሚናሴ ቆሞታፔ ባጋቲ፥ ኦሮቤሌ ዛሬቲኔ ጋዴ ዛሬቲ ጎዳ ኣይሌ ሙሴይ ዮርዳኖሴ ሻፋፔ ሄ ፒንን ኣርሼይ ሞኪዛሶ ባጋራ ኢስታስ ኢሚዳ ቢታ ኤኪዳ።