ዛሬ ማጻፋ 17:16 - ጋሞ ማጻፋ

¹⁶ ሄ ካዎዚ ዳሮ ፓራ ባስ ሺሻናስ ቤሴና፤ ጎዳይ ኣሳይ ጊብጼ ሲሞንታ ማላ ኣዛዚዳ ጊሻስ ሄፔ ፓራ ሻማናስ ኣሳ ዬዶፎ።

Geeshsha Maxaafa

¹⁶ He kawozi daro para baas shiishshanaas bessenna; GODAY asay Gibxe simmontta mala azazida gishshas heeppe para shammanaas asaa yeddofo.

ዛሬ ማጻፋ 17:16 ပူးပေါင်းရင်းမြစ်များ

2ሳሜላ ማጻፋ 8:4

ዳዊቲ ኢዛፔ 1,000 ፓራ-ጋሬታ፥ 7,000 ቶጋንቻታ፥ 20,000 ኦላንቻታ ዲኢዴስ፤ 100 ፓራ-ጋሬታ ጻላ ኣሺዲ ሃንኮይታ ኡባ ጊልዳዪ ዬዲዴስ።

1ካዎታ ማጻፋ 1:5

ሃጊቲ ና ኣዶኒያሲ፥ «ታ ካዎታና ኮያይስ» ጊ ዴንዲዴስ፤ ፓራ-ጋሬታኔ ፓራታ ቃሴካ ኢዛፔ ሲን ሲን ባናስ 50 ኣሳታ ጊግሲዴስ።

1ካዎታ ማጻፋ 4:26

ሶሎሞኔስ ፓራ-ጋሬታ ጎቺዛ 40,000 ፓራቲኔ 12,000 ቶጋ ኣሳቲ ዴቴስ።

1ካዎታ ማጻፋ 5:6

ሄሳ ጊሻስ ሊባኖሴፔ ዚጋ ታስ ቃንጺዛ ኣሳታ ኣዛዛ፤ ታ ኣሳቲ ኔ ኣሳታራ ኦና፤ ኔ ኣሳታስ ኔኒ ቃንጻ ጊዳ ዳሞዛ ታኒ ቃንጻና። ሲዶና ኣሳ ማላ ሚ ቃንጾ ሂላ ኑ ኣሳይ ኤሮንታይሳ ኔኒ ኤራሳ» ጊ ኪቲዴስ።

2ታሪኬ ማጻፋ 1:16

ሶሎሞኔ ፓራቲ ጊብጼፔኔ ቃዌ ጌቴቲዛሶሆፔ ዪዳ፤ ካዎዛ ዛልኣንቻቲ ኢስታ ቃዌፔ ሻሚ ኤሂዳ።

2ታሪኬ ማጻፋ 9:25

ሶሎሞኔ ፓራታሲኔ ጋሬታስ 4,000 ጋጻታይ ዴስ፤ ቃሴ 12,000 ፓራቲ ኢዛስ ዴቴስ። ሶሎሞኔይ ሄ ፓራ-ጋሬታ ካታማታኒኔ ባናራ ዬሩሳላሜን ዎዴስ።

ዬ ማጻፋ 20:7

ኢሶቲ ኢሶቲ ባንታ ኦላ ፓራ-ጋሬን ኣማኔቴቴስ፤ ሃራቲ ባንታ ፓራን ጬቄቴቴስ፤ ኑኒ ጊዲኮ ኑ ጎዳ ዎልቃን ጬቄቶስ።

ኬሳ ማጻፋ 13:17

ካዎይ ኣሳ ዬዲዳ ዎዴ ጾሲ ኢስታ ፊሊስጼሜ ቢታራ ካንሲዛ ኦጌይ ማታ ሺን ሄ ኦጌዛራ ኤፊቤና፤ ጋሶይካ ጾሲ፥ «ኣሳይ ኦላ ቤይኮ ባ ቆፋ ላሚዲ ጉዬ ጊብጼ ሲማናኮ» ጊዲ ቆፒዴስ።

ኬሳ ማጻፋ 13:18

ሄሳ ጊሻስ ጾሲ ኣሳ ባዞ ኦጌራ ዩሺዲ፥ ዞኦ ኣባኮ ካሌዴስ። ኢስራኤሌ ኣሳይ ጊብጼ ቢታፌ ኦላስ ጊጌቲዳ ኣሳ ማላ ጊጌቲዲ ጊብጼፔ ኬዚዴስ።

ኬሳ ማጻፋ 14:13

ሙሴይ ኣሳ፥ «ባቦፍቴ፤ ሚኒ ኤቂቴ፤ ጎዳይ ሃች ኢንቴና ኣሻናይሳ ኢንቴ ቤያና። ሃች ኢንቴ ቤኢዛ ጊብጼ ኣሳ ናምኣን ሙሌካ ቤኤኬታ።

ኢሳያሳ ቲንቢቴ 2:7

ኢስታ ቢታን ቢራይኔ ዎርቃይ ኩሚዴስ፤ ኢስታ ዱሬቴስ ዛዋይ ባዋ፤ ኢስታ ቢታን ፓራይ ኩሚዴስ፤ ኢስታ ፓራ-ጋሬታስ ዛዋይ ዴና።

ኤርማሳ ቲንቢቴ 42:19

«ዩሁዳን ጫሻ ኣቲዳይቶ! ጎዳይ ኢንቴና፥ ‹ጊብጼ ቦፒቴ!› ጊዴስ። ታኒካ ሃች ኢንቴስ ሚን ዮቲዳይሳ ኤሪቴ።

ሂዚቄላ ቲንቢቴ 17:15

ጊዶ ኣቲን ዩሁዳ ካዎይ ኢዛ ቦላ ማካሊዲ፥ ፓራታኔ ዳሮ ኦላንቻታ ዴማናስ ቃስታኔታ ጊብጼ ቢታ ኪቲዴስ። ኢዛስ ሄሲ ሃናንዴ? ሃይሳ ማላ ኦዳይ ኬሲ ኤኪ ኣታንዴ? ጌሊዳ ጫቆ ቃላ ላሊዳዴይ ቃጻዬቶንታ ኣታንዴ?

ሆሴኤ ቲንቢቴ 11:5

«ሂስቲን ኢስቲ ማሮቴን ጌሎንታ ጊሻስ ዱጌ ጊብጼ ሲሜቴኔ? ኣሶሬይ ኢስታ ሃሬኔ?

ሆሴኤ ቲንቢቴ 14:3

ኣሶሬይ ኑና ኣሼና፤ ኑኒ ኦላ ፓራታንካ ኣማኔቶኮ፤ ሃይሳፌ ጉዬ ኑኒ ኑ ኩሼን ሜዳ ኤቃ ጾሳታ፥ ‹ሃይቲ ኑ ጾሳታ› ጎኮ። ማንቆቲ ኔፔ ቃቴ ዴሜቴስ» ጊቴ።

ሚኪያሳ ቲንቢቴ 5:10

ሄ ዎዴ ጾሲ፥ «ታ ኢንቴ ጊዶፌ ኢንቴ ፓራታ ይሳና፤ ፓራ-ጋሬታካ ሙሌራ ይሳና።

ዛሬ ማጻፋ 28:68

ታኒ ኢንቴና፥ «ናምኣን ሃ ኦጌዛራ ቤኬታ» ጊዳ ኦጌዛራ ጎዳይ ኢንቴና ዛሪዲ ማርካቤን ጉዬ ጊብጼ ዬዳና። ሄን ኢንቴ ኣይሌ ጊዳናስ ኢንቴ ሞርኬታስ ኢንቴና ባይዛናስ ኮያና፤ ጊዶ ኣቲን ኢንቴና ኣይሌሳናስ ሻሚዛ ኣስ ዴሜኬታ።

1ሳሜላ ማጻፋ 8:11

ኢስታስ፥ «ኢንቴ ቦላ ካዎታና ካዎዚ ኢንቴ ቦላ ኦናይሲ ኢንቴ ኣቱማ ናይታ ኡባ ኤኪዲ ፓራ-ጋሬ ላጊዛይታኔ ቶጋንቻታ ኬሳና፤ ኢስቲ ፓራ-ጋሬታ ሲንን ዎጻና።