ዳኔላ ቲንቢቴ 9:5 - ጋሞ ማጻፋ

⁵ ኑኒ ጊዲኮ ናጋራ ኦዶስ፤ ኔና ቆሂዶስ፤ ኢታ ሚሽ ኦዶስ፤ ማካሊዶስ፤ ኔ ኣዛዞታፔኔ ኔ ዎጋፔ ካሬ ኬዚዶስ።

Geeshsha Maxaafa

⁵ Nuni gidikko nagara ooththidos; nena qohidos; iita miish ooththidos; makkallidos; ne azazotappenne ne wogappe kare kezidos.

ዳኔላ ቲንቢቴ 9:5 ပူးပေါင်းရင်းမြစ်များ

2ካዎታ ማጻፋ 18:12

ሄሲ ኢስታ ቦላ ጋኪዳ ጋሶይካ ካሴ ጎዳ ኣይሌ ሙሴይ ኢስታስ ዮቲዳ ቃላ ኡባ ኢስቲ ሲዮንታ ኢጺዲ ጫቆ ቃላ ላሊዳ ጊሻሳ፤ ኢዛ ኣዛዞታካ ዎዚናን ዎ ሲዪቤቴናኔ ፖሊቤቴና።

2ካዎታ ማጻፋ 21:15

ታኒ ሄሳ ኦዛ ጋሶይካ ኢስቲ ካሴ ባ ኣዋቲ ጊብጼፔ ኬዞሶፌ ሃኖ ጋካናስ ኢስቲ ታ ሲንን ኢታ ኦሶ ኦዲ ታና ሃንቆስ ዴንዳ ጊሻሳ» ጊዴስ።

ኢዝራ ማጻፋ 9:6

«ታ ጾሳዉ! ኑ ናጋራይ ኑፔ ዳሮ ጊዲዳይሳኒኔ ኑ ሞሮይ ሳሎ ጋኪዳይሳ ጊሻስ ታኒ ኔኮ ፑዴ ቁ ጋዳ ጼላናዉ ባባይሲኔ ዬላታይስ።

ዬ ማጻፋ 106:6

ኑኒ ኑ ኣዋታ ማላ ናጋራ ኦዶስ፤ ሞሮኔ ኢታ ኦዶስ።

ዬ ማጻፋ 119:102

ኔኒ ታና ታማርሲዳ ጊሻስ ታኒ ኔ ዎጋፔ ሼርኢ ጋቤኬ።

ዬ ማጻፋ 119:176

ይዳ ዶርሳ ማላ ታኒ ቶይላታዲስ፤ ጊዶ ኣቲን ታኒ ኔ ዎጋ ባላቤኬ፤ ሄሳ ጊሻስ ታና ኔ ኣይሌዛ ኮያ።

ዬ ማጻፋ 18:21

ታኒ ጎዳ ኦጌ ካላዲስ፤ ታኒ ታ ጾሳ ኣጋዳ ኢታ ኦቤኬ።

ኢሳያሳ ቲንቢቴ 53:6

ኑኒ ኡባይ ዶርሳ ማላ ቶይላቲ ይዶስ፤ ኑኒ ኢሶይ ኢሶይ ኑ ኦጌ ቢዶስ፤ ጎዳይ ኑ ኡባ ቆሆ ኢዛ ቦላ ዎዴስ።

ኢሳያሳ ቲንቢቴ 59:13

ኑኒ ጎዳ ቦላ ማካሊዲ ዎርዶ ሃሳይዶስ፤ ኑ ጾሳ ካሎ ኣጊዲ ሼርኢ ጊዶስ፤ ማካላቴኔ ጌኔ ዮኦ ሃሳይዶስ። ኑ ዎዚናይ ሻሪ ኡቲዳ ዎርዶ ሃሳይዶስ።

ኢሳያሳ ቲንቢቴ 64:4

ቤኒሶፌ ዶሚዲ ሂዶታ ኦ ናጊዛይታስ ጋኪዛ ማላታ ኦዳይ ኔፔ ኣቲን ሃራ ጾስ ቤኢዳ ኣይፌይኔ ሲዪዳ ሃይ ሙሌካ ዴና።

ኤርማሳ ቲንቢቴ 14:20

ኣቤት ጎዳዉ! ኑኒ ኑ ኢታቴ ኤሪዶስ፤ ኑ ኣዋታ ቆሆካ ኣኬኪዶስ፤ ቱማፔካ ኔ ቦላ ናጋራ ኦዶስ።

ኤርማሳ ቲንቢቴ 14:7

ኣሳይ፥ «ኣቤት ጎዳዉ! ኔ ሲንፌ ባቃታ ዳርሲዶስ፤ ኔ ሱን ጊሻስ ኑስ ኢሲ ሚሽ ኦ፤ ኑኒ ኔፔ ዳሮቲ ጉዬ ሲሚዶስ፤ ኔ ቦላን ናጋራ ኦዶስ።

ኤርማሳ ቲንቢቴ 3:25

ኑኒ ዬላጋቴፌ ዶሚዲ ሃች ጋካናስ፥ ኑኒካ ኑ ኣዋቲካ ጎዳ ኑ ጾሳ ቦላ ናጋራ ኦዶስ፤ ጎዳስ ኑ ጾሳስ ኣዛዜቲቤኮ፤ ሄሳ ጊሻስ ኣኔ ኑኒ ዬላቴ ጉሉንቲዲ ኢቾስ፤ ቃሴ ካዉሻቴ ኑና ኣፋላ ማላ ካሞ» ጌቴስ።

ኤርማሳ ቲንቢቴ 30:14

ኢንቴ ላጌቲ ኡባይ ኢንቴና ዶጊዳ፤ ኢስቲ ኢንቴ ጊሻስ ዉዴቴቴና፤ ታኒ ኢንቴና ሞርኬ ሾጪዛ ማላ ሾጫዲስ፤ ሜንጼ ኢታ ኣሳ ማላ ታ ኢንቴና ቃጻያዲስ። ጋሶይካ ኢንቴ ቆሆይ ጊታ፤ ኢንቴ ናጋራይካ ዳሮ።

ኤርማሳ ቲንቢቴ 44:3

ሄሲ ሃኒዳይ ኢስቲ ኦዳ ኢታ ኦሶ ጊሻሳ፤ ኢስታ ጊዲን፥ ኢንቴና ዎይኮ ኢንቴ ኣዋታ ጊዲን፥ ባ ኤሮንታ ሃራ ኤቃ ጾሳታስ ኤጻኔ ጩዋሴኒኔ ኢስታስ ጎይኖን ታና ሃንቄዳ።

ኤርማሳ ዚላስ 1:18

«ጾሲ ጺሎ፤ ታኒ ጊዲኮ ኢዛ ኣዛዞ ቦላ ማካላዲስ፤ ኢንቴ ዉሪካ ሲዪቴ፤ ታ ሜቶዛካ ጼሊቴ፤ ማጫ ናይቲኔ ናቴ ኣቱማ ናይቲ ታፔ ዲኤቲ ቢዳ።

ኤርማሳ ዚላስ 1:20

«ኣቤት ጎዳዉ! ታ ዋዬዛ ቤኣ! ታ ጊዶ ኣሳቴይ ሜቶቲዴስ፤ ታ ኬሃ ማካላዲስ፤ ታ ዎዚናይካ ሜቂዴስ፤ ካሬን ጊዲን ሶን ዴራ ሃይቆይ ዉርሴስ።

ኤርማሳ ዚላስ 3:42

«ኑ ጎዳዉ! ኑኒ ማካሊዶስ፤ ናጋራካ ኦዶስ፤ ሄሳ ጊሻስ ኔኒ ኑና ማራቤካ።

ሂዚቄላ ቲንቢቴ 5:6

ጊዶ ኣቲን ኢዛ ባ ኢታ ኦሶን፥ ባ ዩሾን ዲዛ ቢታታፔኔ ካዎቴታፔ ጌዴ ኢታዳ ታ ዎጋ ቦላኔ ማራ ቦላ ማካላዱስ፤ ኣዳካ ኢዛ ታ ዎጋ ካዱስ፤ ታ ማራካ ካላቤኩ» ጌስ።

ሂዚቄላ ቲንቢቴ 6:9

ሃይቲ ሃይቆፔ ኣቲዳይቲ ዲኤቲ ቢዳሶን ዲሼ ኢስቲ ታና ቆፓና፤ ኢስቲ ታፔ ሃኪዲ ላይማቴን ኩሚዳ ዎዚናኒኔ ዚታይ ኩሚዳ ኤቃ ጾሳታ ካሊዛ ኢንቴ ኣይፌታን ታና ሚሺሲዴታ፤ ባ ኦዳ ኢታቴፌኔ ሃራሲዛ ኤቃ ጾሳታፔ ዴንዲዳይሳን ኢስቲ ባርካ ባና ሃራሴታና።

ዳኔላ ቲንቢቴ 9:11

ኢስራኤሌ ኣሳይ ኡባይ ኔስ ኣዛዜቲቤና፤ ኔ ዎጋካ ኡባ ሜንዲ ካሬ ኬዚዴስ። «ኑኒ ኔና ቆሂዳ ጊሻስ ኔ ኦሳንቻዛ ሙሴ ዎጋን ጻፌቲዳ ጫቆዚኔ ቃንጌዚ ኑ ቦላ ጋኪዴስ።

ዳኔላ ቲንቢቴ 9:15

«ኣቤት ጎዳ ኑ ጾሳዉ! ሃይሳፌ ካሴ ኔኒ ኔ ዴሬዛ ኔ ሚኖቴን ጊብጼፔ ኬሳዳ ሃች ጋካናስ ኔ ሱንይ ኤሬታና ማላ ኦዳሳ፤ ኑኒ ጊዲኮ ናጋራ ኦዶስ፤ ኔናካ ቆሂዶስ።

ዳኔላ ቲንቢቴ 9:9

ኣቤት ጎዳ ኑ ጾሳዉ! ኑኒ ኔ ቦላ ማካሊኮካ ኔኒ ማሪዛኔ ኣቶ ጊዛ ጾሳ።

ሆሴኤ ቲንቢቴ 1:2

ጎዳይ ሆሴኤ ባጋራ ኢስራኤሌ ናይታስ ቃላ ቡሮ ዮቲሼ ሆሴኤስ፥ «ታ ዴሬይ ታፔ ሻኬቲዲ ኢታ ላይማ ላይማቲዛ ጊሻስ ኔኒ ባዳ ኢሲ ላይማቲዛ ማጫስ ኔስ ማቾ ኤካ፤ ኢዚፔ ኔስ ናይታ ዬላ» ጊዴስ።

ሚልካሳ ቲንቢቴ 3:7

«ኢንቴ ካሴ ኢንቴ ኣዋታ ዎዴፔ ዶሚዲ ታ ኣዛዞታፔ ሃኪዴታ፤ ኢስታካ ናጊቤኬታ፤ ሃ ታኮ ሲሚቴ ታኒካ ኢንቴኮ ሲማና፤ ኢንቴ ጊዲኮ፥ ‹ኑኒ ኔኮ ዋኒ ሲሚኖ?› ጌታ» ጌስ ኡባፌ ዎልቃማ ጎዳ ጾሳይ።

Ibirawe 3:12

ታ ኢሻቶ! ኢንቴፌ ኦኒካ ዴኦ ጾሳፌ ሃራሶ ኢንቴና ሃሲዛ ኢታኔ ኣማኖንታ ዎዚናይ ዶንታ ማላ ናጌቲቴ።