ዳኔላ ቲንቢቴ 9:24 - ጋሞ ማጻፋ

²⁴ «ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

Geeshsha Maxaafa

²⁴ «Makkallateththaa essanaas, nagara digganaas, qoho wursanaas, mernaa xilloteth ehanaas, ajjuutanne tinbite maatamen shocanaas, geesh gidida giddo qol7a tisttanaas ne deraa gishshassinne ne geeshsha katamay gishshas laappun tammu saaminttay awajettides.

ዳኔላ ቲንቢቴ 9:24 ပူးပေါင်းရင်းမြစ်များ

2ታሪኬ ማጻፋ 29:24

ካዎዚ ኢስቲ ጹጌቲዛ ያርሾኔ ናጋራ ያርሾ ያርሻና ማላ ኣዛዚዳ ጊሻስ ቄሴቲ ኦርጌታ ሹኪዲ ኢስራኤሌ ኣሳ ኡባ ናጋራ ዉርሳናሲኔ ጹጌቲዛ ያርሾ ሂስቲ ኢስታ ሱ ያርሾ ያርሺዛሶዛ ቦላ ዉጺዳ።

ዬ ማጻፋ 2:6

ጎዳይ፥ «ታኒ ታ ጌሻ ዙማ ጺዮኔ ቦላ ታ ካዎዛ ካዎዲስ» ጌስ።

ዬ ማጻፋ 45:7

ኔኒ ጺሎቴ ዶሳሳ፤ ማካላቴ ኢጻሳ። ሄሳ ጊሻስ ጾሳይ፥ ኔ ጾሳይ ኔ ላጌታፔካ ኣዲ ኔና ኡፋይሳ ዛይቴን ቲይዴስ።

ኢሳያሳ ቲንቢቴ 42:4

ኢዚ ቢታ ቦላ ሱሬ ፒርዳ ኤሃና ጋካናስ ዳቡሬና፤ ሂዶታካ ቃንጼና፤ ሃሩሮቲ ኢዛ ዎጋን ኣማኔታና» ጌስ።

ኢሳያሳ ቲንቢቴ 51:6

ፑዴ ቁ ጊዲ ሳሎታ ጼሊቴ፤ ዚቂ ጊዲ ዱጌ ሳኣካ ጼሊቴ። ሳሎቲ ጩዋ ማላ ቲምኢ ጊ ያና፤ ሳኣይካ ኣፋላዳን ጬጋና፤ ኢዚን ዴኢዛ ኣሳይ ኡዱንጼ ማላ ኤሶን ያና፤ ታ ኣቶቴይ ሜርናስ ዳና፤ ታ ጺሎቴስካ ዉርሴ ዴና።»

ኢሳያሳ ቲንቢቴ 51:8

ቢላይ ማይኦ ሚዛ ማላ ኢስታ ማና፤ ኢስቲ ጉጹኔይ ሚዳ ሱፌ ማላ ጊዳና፤ ታ ጺሎቴ ጊዲኮ ሜርናስ፥ ታ ኣቶቴ ዬሌታፔ ዬሌታ ጋካናስ ዳና» ጌስ።

ኢሳያሳ ቲንቢቴ 56:1

ጎዳይ፥ «ቱሙ ፒርዳ ናጊቴ፤ ሎኦ ኦቴ፤ ጋሶይካ ታ ኣቶቴይ ማታን ዴስ፤ ታ ጺሎቴይካ ኤሶን ቆንጫና።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኤርማሳ ዚላስ 4:22

ኢንቴኖ ጺዮኔ ኣሳቶ! ኢንቴ ሞሮ ጋሶን ቃጻዬቶይሲ ኢንቴስ ጊዳና፤ ሃይሳፌ ጉዬ ኢንቴና ዲኤቲዳ ቢታን ጋምኢሴና፤ ጊዶ ኣቲን ኤዶሜ ኣሳቶ! ኢዚ ኢንቴና ኢንቴ ናጋራ ጊሻስ ቃጻያና፤ ኢዚ ኢንቴ ሞሮዛካ ቆንጬ ኬሳና።

ሂዚቄላ ቲንቢቴ 28:12

«ሃይሶ ኣሳ ናዉ! ጺሮሴ ካዎ ጊሻስ ዚላላሼ ኡባ ሃሪዛ ጎዳይ ኔና፥ « ‹ኣ ኤራቴን ኩማዳ፥ ኩሜ ፑላቴ ማይኣዳ ኔኒ ኣሳስ ቱሙ ሌሚሶ ጊዳዳሳ።

ሂዚቄላ ቲንቢቴ 4:5

ኢስራኤሌ ኬይ ባ ባላን ዋኒ ቃጻዬታናኮ ኔ ቤሳና ማላ ታ ኔስ 390 ጋላሳታ ኢማዲስ፤ ኢሲ ኢሲ ጋላሳይ ኢስቲ ቃጻዬታና ኢሲ ኢሲ ላይ ቤሴስ።

ሂዚቄላ ቲንቢቴ 4:6

«ሄሳፌ ጉዬ ኔኒ ኡሻቻ ሚሌን 40 ጋላስ ኢቻ፤ ሄሲ ዩሁዳ ኣሳይ ባ ባላን ዋኒ ቃጻዬታናኮ ቤሲዛ ማላታ ጊዳና፤ ኢሲ ኢሲ ጋላሳይ ኢስቲ ቃጻዬታና ኢሲ ኢሲ ላይ ቤሴስ።

ሌዌታ ማጻፋ 25:8

« ‹ላፑንቶ ላፑን ላይ ቆዳ፤ ሄ ላይታ ቆዳይ ኦይዱ ታማኔ ኡዱፉን ላይ ጊዴስ፤

ሌዌታ ማጻፋ 8:15

ሙሴይካ ቦራዛ ሹኪዴስ፤ ቦራ ሱን ባ ቢራ ጌልዲ ያርሾ ያርሺዛሶዛስ ኦይዱ ባጋን ዲዛ ሞታ ቲይዲ ጌሺዴስ፤ ሄሳፌ ኣቲዳ ሱ ያርሾ ያርሺዛሶዛ ጋርሳን ጉሲዴስ፤ ሄሳ ማላን ያርሾ ያርሺዛሶዛ ጎዳስ ሻኪ ዱማሲዴስ።

ዛካራሳ ቲንቢቴ 4:14

ኢዚ ቃሴካ፥ «ሃይቲ ናምኣቲ ሜቴ ኡባ ጎዳ ሲንን ኦና ቲዬቲዳ ኣሳታ» ጊዴስ።

ታይቦ ማጻፋ 14:34

ኢንቴ ሄ ቢታ ጾሞሲ ጼሊዳ 40 ጋላሳ ቆዳን ኢሲ ጋላሳዮ ኢሲ ላይ፥ ሄሲካ ኦይዱ ታሙ ላይ ኩሜ ኢንቴ ኢንቴ ናጋራ ጊሻስ ዋዬታና፤ ታኒ ኢንቴ ቦላ ዴንዲዳይሳ ኢንቴ ሄሳን ኤራና።

Maatosa 1:21

ኢዛ ኣቱማ ና ዬላና፤ ኢዚ ኣስ ናጋራፔ ኣሻናዴ ጊዲዳ ጊሻስ ኢዛ ሱን ኔ፥ ‹ዬሱሳ› ጋ ሱንና» ጊዴስ።

Maatosa 11:13

ናቤቲካ ሙሴ ዎጋይካ ዉሪ ዮሃኒሳ ዎዴ ጋካናስ ቡሮፔ ሃናናይሳ ዮቲዳ።

Maatosa 4:5

ቃሴካ ጻላኤይ ዬሱሳ ጌሻ ካታማዮ ኤፊ ጾሳ ኬ ቁስቴ ቦላ ኬሲዲ፥

ማርቆሳ ሚሺራቾ 1:24

«ናዚሬቴ ዬሱሳ ኔ ኑፔ ኣይ ኮያይ? ኑና ይሳና ያዲ? ኔ ኦናኮ ታ ኔና ኤራይስ፤ ኔኒ ጾሳ ጌሻዛ» ጊዲ ዋሲዴስ።

ሉቃሳ ሚሺራቾ 1:35

ኪታንቻይካ ማራሚስ፥ «ጺሎ ኣያናይ ኔ ቦላ ዎና፤ ኡባፌ ቦላ ጾሳ ዎልቃይ ኔ ቦላ ኩዋሳና፤ ሄሳ ጊሻስ ዬሌታና ናዚ ጌሻ ጾሳ ና ጌቴታና።

ሉቃሳ ሚሺራቾ 21:22

ጻፌቲዳይሲ ዉሪ ፖሌታናስ ሃና ሃሎ ኬሲዛ ዎዴ።

ዮሃኒሳ ሚሺራቾ 1:41

ኢንዲራሲ ኮይሮ ባ ኢሻ ሲሞናኮ ቢዲ፥ «ጾሲ ኪቲዳ ኪርስቶሳ ኑ ዴሚዶስ!» ጊዴስ።

ዮሃኒሳ ሚሺራቾ 3:34

ጾሲ ኪቲዳዴይ ጾሳ ቃላ ዮቴስ። ጾሲካ ኢዛዴስ ባ ኣያና ማኪ ኢሜና።

ሃዋሬታ ኦሶ 3:14

ጌሻኔ ጺሎዛ ኢንቴ ካዲዲ ሼምፖ ዎዛይሲ ቢርሼታና ማላ ዎሲዴታ።

ሃዋሬታ ኦሶ 3:22

ሙሴይካ፥ ‹ኢንቴ ጎዳ ጾሳይ ኢንቴ ጊዶፌ ታ ማላ ናቤ ኢንቴስ ዴንና። ኢዚ ኢንቴስ ዮቲዛይሳ ሲዪቴ።

ሃዋሬታ ኦሶ 4:26

ቢታ ካዎቲ ኢሲፌ ጋጊዲ ቢታ ሃሪዛይቲ ኢሲ ቦላ ሺቄቲዲ ጎዳ ቦላኔ ዶሬቲ ቲዬቲዳይሳ ቦላ ዱላቲዳ› ጊ ዋሲዳ።

ኦሮሜ ኣሳስ 5:10

ኑ ጾሳስ ሞርኬታ ጊዲ ዲሺን ኢዛ ናዛ ሃይቆን ኢዛራ ጊጊዳይታ ጊዲኮ ኑ ኢዛራ ጊጊዳፔ ጉዬ ኢዛ ናዛ ዴኦ ባጋራ ኑኒ ፓጺዳይሲ ዋኒ ኬሂ ዳሬኔ!

1ቆሮንቶሴ ኣሳስ 1:30

ኢንቴና ቃሴ ጾሲ ዬሱስ ኪርስቶሳራ ኢሲፌቴ ዳና ማላ ኦዴስ፤ ሄሳ ጊሻስ ጾሲ ዬሱስ ኪርስቶሳ ኑ ኤራቴ፥ ኑ ጺሎቴ፥ ኑ ጌሻቴኔ ኑና ኣሺዛዴ ጊዳና ማላ ኦዴስ።

ፒሊጲሲዮሴ ኣሳስ 3:9

ታኒ ሄሳ ኦዛ ጋሶይካ ካሴ ሙሴ ዎጋን ታስ ዲዛ ጺሎቴ ኣጋዳ ኣማኖን ቤቲዛ ጾሳ ጺሎቴ ኪርስቶሳን ኣማናዳ ዴማናሲኔ ታ ኢዛራ ኢሲፌ ዴኣናሳ።

ቆላሲያሴ ኣሳስ 1:20

ማስቃሌ ቦላ ኢዛፔ ጉኪዳ ሱን ሳሮቴ ሜዲ ሳኣ ቦላ ጊዲን ሳሎ ቦላ ዲዛይሳ ኡባ ኢዛ ባጋራ ባናራ ማቃዪንዴስ።

ቆላሲያሴ ኣሳስ 2:14

ካሴ ኑና ሞቲሼኔ ኑናራ ኤቄቲሼ ዲዛ ሙሴ ዎጋን ኣጮ ሞቶስ ጻፌቲዳይሳ ቁጪ ዲጊዴስ። ማስቃሌ ቦላ ቶርጊዲ ኑ ቦላፌ ዲጊዴስ።

Ibirawe 10:14

ጋሶይካ ኢሲቶ ሺሺዳ ያርሾን ጌያና ኣሳታ ሜርናስ ጌሺዴስ።

Ibirawe 2:17

ሄሳ ጊሻስ ኡባ ባጋራ ኢዚ ባ ኢሻታ ሚሳታናስ ቤሲዛዴ ጊዲዴስ፤ ኢዚ ሄሳ ኦዳይ ማሪዛዴኔ ኣማኔቲዳ ዋና ቄሴ ሃላቃ ጊዲዲ ጾሳስ ኦናሲኔ ዴሬዛ ናጋራፔ ማራናሳ።

Ibirawe 7:26

ሄሳ ጊሻስ ኑስ ኮሺዛ ቄሴታ ሃላቃይ ሄሳ ማላ ጌሺኔ ዎሶይ ኢዛ ቦላ ባይንዳ ጺሎኔ ናጋራንቻታፔ ሻኬቲዲ ሳሎታፔ ቦላራ ቦንቼቲዳ ቄሴታ ሃላቃ።

Ibirawe 9:26

ሄሳ ማላ ጊዲዛኮ ኪርስቶሲ ኣላሜይ ሜቶሶፔ ሃ ሲሚን ዳሮ ዎዴ ሜቶ ኤካናስ ቤሴስ፤ ሃኢ ቃሴ ዎዴ ዉርሴን ባና ያርሺዲ ናጋራ ዲጋናስ ዉርሴስ ኢሲቶ ቆንጪዴስ።

2ጴጽሮሳ ኪታ 1:1

ዬሱስ ኪርስቶሳ ኦሳንቻኔ ኢዛን ሃዋሬ ጊዲዳ ሲሞና ጴጽሮሳፔ፥ ኑ ጎዳፔኔ ኑ ሌ ዬሱስ ኪርስቶሳፔ ቤቲዳ ጺሎቴ ባጋራ ኑ ዴሚዳ ኣማኖ ማላ ቦንቼቲዳ ኣማኖ ዴሚዳይቶ!

1ዮሃኒሳ ኪታ 3:8

ናጋራ ኦዛይ ጻላኤፔ፤ ጋሶይካ ጻላኤይ ኮይሮፔካ ናጋራ ኦዛዴ፤ ጾሳ ናይ ቆንጪዳይካ ጻላኤ ኦሶ ላላናሳ።

ዮሃኒሳ ኣጁታ 14:6

ሄሳፌ ጉዬ ቢታ ቦላ ዲዛ ዱማ ዱማ ቃላን ሃሳይዛ ዱማ ዱማ ዴሬታስ፥ ዛርኬታስ፥ ቆሞታስ፥ ኡባስ ዮታናስ ሜርና ሚሺራቾ ቃላ ኦይኪዳ ሃራ ኢሲ ኪታንቻይ ሳሎ ቦላ ፒራሺን ታ ቤያዲስ።

ዮሃኒሳ ኣጁታ 3:7

«ፊላዴልፊያ ዎሳ ኬ ኪታንቻስ፥ ሃይሲ ጌሺኔ ቱማንቻ ጊዲዳይሳፌ ዳዊቴ ኬ ቁልፔ ኦይኪዳይሳፌ ዮቴቲዳይሳ፤ ኢዚ ዶይዳይሳ ኦኒካ ጎርዴና፤ ኢዚ ጎርዲዳይሳ ኦኒካ ዶዬና።