ዳኔላ ቲንቢቴ 9:18 - ጋሞ ማጻፋ

¹⁸ ኣቤት ጾሳዉ! ኔ ሃይ ታኮ ዛራዳ ታ ዎሳ ሲያ፤ ኔ ኣይፌ ዶይኣዳ ኑ ይዛይሳኔ ኔ ሱን ጼይጌቲዳ ካታማዮ ቤኣ፤ ኑኒ ኔና ዎሲዛይ ኔ ጊታ ማሮቴን ኣማኔቲዲ ኣቲን ኑ ጺሎቴን ጬቄቲዲ ጊዴና።

Geeshsha Maxaafa

¹⁸ Abeet Xoossawu! Ne hayththaa taakko zaarada ta woosaa siya; ne ayfe doy7ada nu dhayzayssanne ne sunththi xeygettida katamayo be7a; Nuni nena woossizay ne gita maaroteththaan ammanettidi attiin nu xilloteththan ceeqettidi gidenna.

ዳኔላ ቲንቢቴ 9:18 ပူးပေါင်းရင်းမြစ်များ

1ካዎታ ማጻፋ 8:29

ኔኒ፥ ‹ታ ሱንይ ሄ ሶሆን ዳና› ጊዳ ሃይሳ ጾሳ ኬ ኔ ኣይፌይ ኦማርሲኔ ጋላስ ጼሎ፤ ታኒ ኔ ኣሽካራይ ሃይሳ ኬኮ ሲማዳ ዎሲዛ ዎሳ ኔኒ ሲያ።

2ካዎታ ማጻፋ 19:16

ጎዳዉ! ሃኢ ኔኒ ኔ ሃይ ዬጋዳ ሃይሳ ሲያ፤ ኔኒ ኔ ኣይፌታካ ዶያዳ ጼላ፤ ሴናኪሬሜይ ዴኦ ጾሳ ጫያናስ ኪቲዳ ቃላ ኤዝጋ።

ዬ ማጻፋ 116:1

ኢዚ ታ ሾባ ዎሲዛ ዎሳ ሲዪዳ ጊሻስ ታኒ ጎዳ ዶሳይስ።

ዬ ማጻፋ 25:6

ኣቤት ጎዳዉ! ቤኒሶፌ ዲዛ ኔ ቃቴኔ ኔ ኪያቴ ሃሳኣ።

ኬሳ ማጻፋ 3:7

ቃሴካ ጎዳይ፥ «ታኒ ጊብጼ ቢታን ታ ኣሳይ ዋዪዛ ዋዬ ሎኤ ቤያዳ፥ ኢስቲ ባ ጎዳታፔ ዴንዲዳይሳን ዋሲዛ ዋሶ ሲያዲሲኔ ኢስታ ዋዬ ኤራዲስ።

ኢሳያሳ ቲንቢቴ 37:17

ኣቤት ጎዳዉ፥ ኔ ሃይ ሃ ዬጋዳ ኤዝጋ። ኣቤት ጎዳዉ፥ ኔ ኣይፌ ፖጋዳ ሃ ጼላ። ኔና ዴኦ ጾሳ ጫያናስ ሴናኪሬሜይ ኪቲዳ ቃላ ሲያ።

ኢሳያሳ ቲንቢቴ 43:7

ታ ሱንን ጼይጌቲዳ ኡባ፥ ታ ቦንቾስ ታ ሜዳይታ፥ ታኒ ጊግሲዳይሳኔ ታ ኦዳይሳ ሃሚቴ» ጋና።

ኢሳያሳ ቲንቢቴ 64:12

ኣቤት ጎዳዉ፥ ሃይሲ ኡባይ ሃኒንካ ኔ ሲሚኪ? ኔኒ ጮኡ ጋዳ ኑና ዛዋይ ባይንዳ ቂጻቴ ቃጻያይ?

ኢሳያሳ ቲንቢቴ 64:6

ኑኒ ኡባይካ ቱና ኣሳ ማላ ጊዲዶስ፤ ኑ ጺሎቴ ኦሶ ኡባይ ቱኒዳ ጫርቃ ማላ። ኑኒ ኡባይካ ቦንጮ ማላ ቆኪዶስ፤ ኑ ናጋራይ ኑና ጫርኮ ማላ ፒቲ ኤፊዴስ።

ኤርማሳ ቲንቢቴ 14:7

ኣሳይ፥ «ኣቤት ጎዳዉ! ኔ ሲንፌ ባቃታ ዳርሲዶስ፤ ኔ ሱን ጊሻስ ኑስ ኢሲ ሚሽ ኦ፤ ኑኒ ኔፔ ዳሮቲ ጉዬ ሲሚዶስ፤ ኔ ቦላን ናጋራ ኦዶስ።

ኤርማሳ ቲንቢቴ 14:9

ኔኒ ሃኒዛዚ ይዳ ኣሳ ማላ፥ ኣሻናስ ዎልቃይ ይዳ ኦላንቻ ማላ ኣይስ ጊዳይ? ኣቤት ጎዳዉ! ኔኒ ኑ ጊዶን ዳሳ፤ ኑኒካ ኔ ሱንን ጼይጌቲዶስ፤ ኑና ኔኒ ኣጎፋርኪ!» ጊዴስ።

ኤርማሳ ቲንቢቴ 15:16

ኣቤት ኡባፌ ዎልቃማ ጎዳዉ! ታኒ ኔ ሱንን ጼይጌቲዳ ጊሻስ ኔ ቃላይ ታኮ ዪን ማዲስ፤ ሂስቲን ኔ ቃላይ ታስ ፓሽካኔ ዎዚና ኡፋይስ ኢሚዴስ።

ኤርማሳ ቲንቢቴ 25:29

ቤኢቴ፤ ታ ሱንይ ጼይጌቲዳ ካታማዮ ታ ይሶ ዶማና፤ ሂስቲን ኢንቴ ቃጻዬቶንታ ኣቲ ባኔ? ታኒ ሳኣን ዲዛ ኡባ ቦላ ኦላ ጼይጊዳ ጊሻስ ኢንቴ ቃጻዬቶንታ ኣቴኬታ› ጌስ» ጊዴስ።

ኤርማሳ ቲንቢቴ 36:7

ሃይሳ ዴራ ቦላ ጎዳይ ዮቲዳ ሃንቆይኔ ቦሻይ ዴጾ ጊዲዳ ጊሻስ ኢስታፌ ኢሶይ ኢሶይ ባ ናጋራ ጎዳ ሲንን ፓጺዲ ባንታ ኢታ ኦጌፔ ኢስቲ ሲማናኮ ኦኔ ኤሪዛይ?» ጊዴስ።

ኤርማሳ ቲንቢቴ 37:20

ሄሳ ጊሻስ ታ ጎዳዉ ካዎ! ታ ጊዛዝ ኤዝጋ! ታ ኔና ዎሳይስ። ታኒ ሄን ሃይቆንታ ማላ ጻፌ ዮናታኔ ሶ ዛራ ዬዶፋ» ጊዴስ።

ሂዚቄላ ቲንቢቴ 36:22

«ሄሳ ጊሻስ ኢስራኤሌ ኬስ ኡባ ሃሪዛ ጎዳይ፥ ‹ኢንቴኖ ኢስራኤሌ ኬ ኣሳቶ! ታኒ ሃይሳ ኡባ ኦዛይ ኢንቴ ቢዳ ካዎቴታ ኡባ ጊዶን ቱኒሲዳ ታ ጌሻ ሱን ጊሻሳፌ ኣቲን ኢንቴ ጊሻስ ጊዴና።

ሂዚቄላ ቲንቢቴ 36:32

ታኒ ሃይሳ ኦዛይ ኢንቴ ጊሻስ ጊዶንታይሳ ኤሪቴ፤ ኢንቴኖ ኢስራኤሌ ኣሳቶ! ኢንቴ ኢንቴ ኦሶን ዬላቲቴኔ ባሻሼቲቴ፤ ታኒ ኡባ ሃሪዛ ጎዳይ ሃይሳ ዮታይስ› ጌስ።

ዳኔላ ቲንቢቴ 9:7

«ኣቤት ጎዳዉ! ኔኒ ጺሎ፤ ኑኒ ጊዲኮ ኔስ ኣማኔቶንታ ጊሻስ ኑና ቢታ ኡባ ቦላን ኔ ላሊዳ ዩሁዳ ኣሳይ፥ ዬሩሳላሜ ኣሳይኔ ኩሜ ኢስራኤሌ ኣሳይ ማታን ጊዲን ሃሆን ዲዛ ኡባይ ሃኢ ዬላቲዶስ።

ታይቦ ማጻፋ 6:27

ቃሴካ ጎዳይ፥ «ኢስቲ ኢስራኤሌ ኣሳ ታ ሱንን ኣንጂዛ ዎዴ ታኒ ኢስታ ኣንጃና» ጊዴስ።

1ቆሮንቶሴ ኣሳስ 1:2

ቆሮንቶሴን ዲዛ ጾሳ ዎሳ ኬስ፥ ጎዳ ዬሱስ ኪርስቶሳስ ዱማቲዳይታሲኔ ኢስታሳራ ኑሳራ ጎዳ ጊዲዳ ጎዳ ዬሱስ ኪርስቶሳ ሱን ኣዋንካ ጼይጊዛ ኣማኒዛይታራ ጊዳናስ ጼይጌቲዳ ኣሳ ኡባስ፥