ዳኔላ ቲንቢቴ 6:7 - ጋሞ ማጻፋ

⁷ ኑኒ ኔ ካዎቴ ጋርሳን ዴራ ኣይሳናስ ኡቲዳይቲ ካዎቴን ቃ ሹሜቲ፥ ሞኮኔቲ፥ ዳናቲ፥ ዴሬዛ ኣይሲዛይቲኔ ዞሪዛይቲ፥ ኑኒ ኢሲፌ ዞሬ ቃቺዳ ኢሲ ሚሺ ዴስ፤ ሄሲካ ሃቺፌ ቢዲ ሄ ታሙ ጋላስ ጋካናስ ኣይ ኣሲካ ኔናፔ ኣቲን ሃራ ኣይ ጾሲካ ዎይኮ ሃራ ኣስ ዎሶንታ ማላ ኔ ኣዋጃ፤ ሄሳ ሄ ኣዋጃ ኦንታዴይ ጋሞታ ኦላን ዬጌታና ማላ ኔ ኣዛዛ።

Geeshsha Maxaafa

⁷ Nuni ne kawoteththa garsan deraa ayssanaas uttidayti kawoteththan dhoqqa shuumeti, mokkonneti, daannati, dereza ayssizaytinne zorizayti, nuni issife zore qachchida issi miishshi dees; hessika hachchife biidi heedzdzu tammu gallas gakkanaas ay asikka nenappe attiin hara ay xoossika woykko hara as woossontta mala ne awajja; hessa he awajjaa ooththonttaadey gaammota ollan yegettana mala ne azaza.

ዳኔላ ቲንቢቴ 6:7 ပူးပေါင်းရင်းမြစ်များ

ዬ ማጻፋ 10:9

ባ ቆቴቲዛሶን ጌሚዲ፥ ሂዬሳ ኦይካናዉ ጋሞ ማላ ዙጌስ፤ ማዶይ ባይንዳይታ ባ ዎጺማዴን ኦይኪዲ ጎቺ ኤፌስ።

ዬ ማጻፋ 2:2

ሳኣ ካዎቲኔ ዳናቲ ዴንዲዳ፤ ኢስቲ ጎዳ ቦላኔ ጎዳይ ቲይዳይሳ ቦላ ዴንዳናስ ኢሲፌ ዱላቲዳ።

ዬ ማጻፋ 59:3

ኣቤት ጎዳዉ! ኢስቲ ታና ዎናዉ ዛማዲዲ ናጊዛይሳ ቤኣ! ሜንጼ ኢታ ኣሳቲ ታኒ ሞሮኔ ናጋራ ኦንታ ዲሺን ታ ቦላ ዱላቴቴስ።

ዬ ማጻፋ 59:5

ኣቤት ጎዳዉ! ኡባፌ ዎልቃማ ጾሳዉ! ኔኒ ኢስራኤሌ ጾሳ፤ ካዎቴታ ኡባ ቃጻያናስ ኔ ቤጋ፤ ማካላ ኦዛይታ ማሮፓ።

ዬ ማጻፋ 62:4

ኢስቲ ኢዛ ቦንቾ ሶሆፔ ካዉሻናስ ጻላ ኮዬቴስ፤ ኢስቲ ዎርዶን ኡፋዬቴቴስ፤ ባንታ ዶናን ኣንጄቴስ፤ ጊዶ ኣቲን ባንታ ዎዚናን ቃንጌቴስ።

ዬ ማጻፋ 83:5

ኢስቲ ኢሲ ዎዚና ጊዲዲ ኢሲፌ ማቄቲዳ፤ ኔ ቦላ ዴንዳናስ ጫቄቲዳ።

ዬ ማጻፋ 94:20

ዎጋን ዜምፒዲ ጌላ ፒርዲዛዴራ ኔኒ ዙፔታናስ ዳንዳያይ?

ዳኔላ ቲንቢቴ 2:4

ጾሊንቴ ታይቢዛ ኤራንቻቲ ካዎዛስ፥ «ካዎይ ሜርናስ ካዎቶ! ኔ ኣይ ኣጉሜቲዳኮ ኣኔ ኑስ ዮታ፤ ኑኒ ኢዛ ቢርሼ ኔና ኤሪሳና» ጊዲ ኢዛስ ኣራማይኬ ቃላን ሃሳይዳ።

ዳኔላ ቲንቢቴ 3:11

ቢታን ጉፋኒዲ ሚስሌዛስ ጎይኖንታዴይ ዲኮ ላጪዛ ኢቶኔ ታማን ዬጌቶ› ጋ ኣዋጃዳሳ።

ዳኔላ ቲንቢቴ 3:2

ሄ ኢዚ ኤሲዳ ሚስሌዛ ኣንጂሳናስ ጊታ ኣሳታ፥ ሹሜታ፥ ዴሬ ኣይሲዛይታ፥ ካዎዛ ዞሪዛ ኣሳታ፥ ሚንጃ ኬ ኣላፌታ፥ ዳናታ፥ ዎጋ ኤሪዛይታኔ ሃራ ዱማ ዱማ ኣዉራጃን ዲዛ ሹሜታ ጼይጊሲዴስ።

ዳኔላ ቲንቢቴ 3:27

ሄሳፌ ጉዬ ጊታ ኣሳቲ፥ ሹሜቲ፥ ዴሬ ኣይሲዛይቲ፥ ካዎዛ ዞሪዛይቲ ዉሪ ሄ ኢስታ ዩሾን ሺቂዳ፤ ታማይ ኢስታ ኣሳቴ ቆሆንታይሳ፥ ሁኤ ቢናናፔ ኢሲኔያካ ቦሼቶንታይሳ፥ ኢስታ ሴሎ ማይኦዚ ሜ ላሞንታይሳኔ ጩዋ ጩዋ ጎንታይሳ ቤኢዳ።

ዳኔላ ቲንቢቴ 3:6

ቢታን ጉፋኒዲ ጎይኖንታይ ኦኒካ ዲኮ ላጪዛ ኢቶኔ ታማን ዬጌታና» ጊ ኣዋጂዴስ።

ዳኔላ ቲንቢቴ 6:16

ሄሳ ጊሻስ ዳኔሊ ኦይኬቲ ዪዲ ጋሞታ ኦላን ዬጌታና ማላ ካዎዚ ኣዛዚዴስ። ካዎዚካ ዳኔላ፥ «ኔኒ ኡባ ዎዴ ኣማኔቴን ኢዛስ ጎይኒዛ ኔ ጎዳይ ኔና ኣሾ» ጊዴስ።

ዳኔላ ቲንቢቴ 6:22

ጋሞቲ ታና ቆሆንታ ማላ ጾሲ ባ ኪታንቻ ታኮ ኪቲዲ ኢስታ ዶና ጎርዲዴስ፤ ኢዚ ሄሳ ኦዳይ ታኒ ኢዛ ኣቻን ጺሎኔ ኔናካ ታኒ ቆሆንታይሳ ኢዚ ኤሪዛ ጊሻሳ» ጊ ዛሪዴስ።

ሚኪያሳ ቲንቢቴ 6:5

ታ ዴሬዞ! ሞኣቤ ካዎይ ባላቄይ ኢዛ ዞሪን ቢኦሬ ና ባላሜይ ኢዛስ ዛሮይሳ ኣኔ ዩሺ ቆፒቴ፤ ጾሳ ጺሎቴ ኦሶ ኢንቴ ሻኪ ኤራና ማላ፥ ሺጺሜፔ ጌልጌላ ጋካናስ ኢንቴ ሄሜቶይሳ ኣኔ ቆፒቴ» ጊዴስ።

ናሆሜ ቲንቢቴ 2:12

ጋሞይ ባ ማራታስ ጊዳናይሳ ኬና ዎዴስ፤ ማጫሳታስካ ጩሊ ዎዴስ፤ ባ ዎዳይሳ ባ ሼምፒዛሶን፥ ባ ቦንቂ ሺሺዳይሳ ባ ጎንጎሎ ኩንዴስ።

Maatosa 12:14

ጊዶ ኣቲን ፋርሳዌቲ ሄፔ ኬዚዲ፥ ዬሱሳ ዎስቲ ኦይኪ ዎናኮ ባ ጊዶን ዞሬቲዳ።

ማርቆሳ ሚሺራቾ 15:1

ማላዶ ዎንታራ ቄሴታ ሃላቃቲ፥ ዴሬ ጪማቲኔ ሙሴ ዎጋ ታማርሲዛይቲ ኩሜ ሻንጎ ኣላፌታራ ኢሲፌ ዞሬቲዲ ዬሱሳ ቃቺ ኤኪ ኤፊዲ ጲላጾሳስ ኣ ኢሚዳ።

ዮሃኒሳ ሚሺራቾ 12:10

ሄሳ ጊሻስ ቄሴታ ሃላቃቲ ዬሱሳራ ኣላዛሬካ ጋ ዎናስ ባ ጊዶን ዞሬቲዳ።