ዳኔላ ቲንቢቴ 4:4 - ጋሞ ማጻፋ

⁴ ታኒ ናቡካዳናጾሬይ ታ ኬን ታስ ኢንጄን ታ ካዎቴንካ ኢሻሎን ዳይስ።

Geeshsha Maxaafa

⁴ Tani Nabukadanaxoorey ta keeththan taas injjen ta kawoteththankka ishalon days.

ዳኔላ ቲንቢቴ 4:4 ပူးပေါင်းရင်းမြစ်များ

ኢሳያሳ ቲንቢቴ 56:12

ኢስቲ ኢሶይ ኢሳራ፥ «ሃ ዪቴ፤ ዎይኔ ኡሹ ኣኔ ኡዮስ። ኣኔ ማታና ጋካናስ ኡዮስ! ዎንቶይካ ሃቻ ማላ ጊዳና፤ ዎይኮ ሃቺፌካ ኣ ሎኦ ጊዳና» ጌቴታና።

ኤርማሳ ቲንቢቴ 48:11

«ሞኣቤይ ዬላጋቴፌ ዶሚዲ ጋጬቶንታ ቶጬራ ዲዛ ዎይኔ ኡሻ ማላ ዎፓን ዴስ፤ ኦቶፔ ኦቶን ላሜቲቤና፤ ኢዚ ዲኤቲ ቢ ኤሬና፤ ኢዛ ማልኦይ ካሴ ዲዛ ማላ ዴስ፤ ኢዛ ሳዎይካ ላሜቲቤና።

ሂዚቄላ ቲንቢቴ 28:17

ኔ ፑላቴ ጋሶን፥ ኔ ዎዚናይ ኦቶሬቲዴስ፤ ኔ ቦንቾ ጊታቴፌ ዴንዲዳይሳን፥ ኔ ኣ ኤራቴ ቱኒሳዳሳ፤ ሄሳ ጊሻስ ታኒ ኔና ዱጌ ቢታን ኦላዲስ፤ ሃራ ካዎታ ሴራናስ ማላታ ኦዲስ።

ሂዚቄላ ቲንቢቴ 29:3

ኔኒ ኢዛስ ኡባ ሃሪዛ ጎዳይ፥ «ሻፋ ሃ ጊዶን ኢቺዳ ሃይሶ ጊታ ዶኣዞ! ጊብጼ ካዎ ፓሮኔ! ታ ኔ ቦላ ዴንዳዲስ፤ ‹ኣባዬ ሻፋይ ታይሳ፤ ታኒ ታስ ሜዲስ› ጋሳ።

ዳኔላ ቲንቢቴ 2:11

ካዎ! ኔኒ ኦይቺዛ ኦይሻይ ኬሂ ዴጾ ጊዲዳ ጊሻስ ኣሳራ ኢሲፌ ዶንታ ጾሳታፔ ኣቲን ኣሲ ኔስ ቆንጪሳናስ ዳንዳዬና» ጊ ዛሪዳ።

ዳኔላ ቲንቢቴ 4:19

ሄ ዎዴ ቢልጻሶሬ ጌቴቲዛ ዳኔሊ ኬሂ ዳጋሚዲ ሃኒዛዝ ይዴስ፤ ባ ቆፋን ጉ ዎዴስ ጬጪዴስ፤ ካዎዚካ ኢዛ፥ «ቢልጻሶሬ! ኣጉሞዛ ጊዲን ዎይኮ ኢዛ ቢርሼይ ኔና ዳጋንፎ» ጊዴስ። ቢልጻሶሬይካ ኢዛስ፥ «ካዎ! ኔ ኣጉሞዚ ኔና ኢጺዛይታስ፥ ቢርሼይካ ኔ ሞርኬታስ ጊዶ።

ዳኔላ ቲንቢቴ 5:8

ኣ ኤራንቻቲ ካዎዛኮ ሺቂዳ ሺን ሄ ጻፌቲዳይሳ ናባባናሲኔ ኢዛ ቢርሼ ካዎዛ ኤሪሳናስ ዳንዳይዳይ ኦኒካ ኢስታ ጊዶፌ ቤቲቤና።

ሶፎናሳ ቲንቢቴ 1:12

ሄ ዎዴ ታ ዬሩሳላሜ ጊዶዛ ጾምፔራ ኮያና፤ ኣይኮ ሂርጋይ ባይንዳ ባ ጊ ኡቲዳይታ፥ ዎይኔ ኡሹ ጋጪ ኤኪቺን ኦርጮ ቦላ ኣቲዳ ዎይኔ ኡሻ ማላ ጊዲዳይታ፥ ‹ኢታ ጊዲን ዎይኮ ሎኦ ጊዲን ጎዳይ ኣይኮካ ኦና› ጊዛይታ ታ ቃጻያና።