ዳኔላ ቲንቢቴ 4:3 - ጋሞ ማጻፋ

³ ጾሲ ቤሲዛ ማላታይ ኣይ ማላ ጊታ! ማላሊሲዛ ኢዛ ኦሶቲ ኣይ ማላ ሚኖ! ጾሲ ሜርናስ ካዎ፤ ኢዛ ካዎቴይ ዬሌታፔ ዬሌታ ጋካናስ ዴኤስ።

Geeshsha Maxaafa

³ Xoossi bessiza malatay ay mala gitaa! malalisiza iza oosoti ay mala minoo! Xoossi mernaas kawo; iza kawoteththay yeletappe yeleta gakkanaas de7ees.

ዳኔላ ቲንቢቴ 4:3 ပူးပေါင်းရင်းမြစ်များ

ኢዮቤ ማጻፋ 25:2

«ማታይኔ ያሻቴ ጾሳሳ፤ ቦላን ባ ሃሪዛሶን ሳሎን ሳሮቴ ሜና።

ዬ ማጻፋ 104:24

ኣቤት ጎዳዉ! ኔ ኦሶይ ኣይ ኬና ዳሮ! ኔ ኣ ኤራቴን ኔኒ ኢስታ ኡባ ሜዳሳ፤ ኔ ሜዳ ሜታቲ ቢታ ኩሚዳ።

ዬ ማጻፋ 105:27

ኢስቲ ጊብጼ ኣሳታ ሲንን ጾሳ ማላታ፥ ካሜ ቢታን ማላሊሲዛ ሚሽ ኦዳ።

ዬ ማጻፋ 145:13

ዬሌታፔ ዬሌታ ጋካናስ ኔ ሃራና፤ ኔ ካዎቴይ ሜርናሳ። ጎዳይ ባ ጊዳ ቃላን ኣማኔቲዛይሳ፤ ኢዚ ባ ኦሶ ኡባን ኪያ።

ዬ ማጻፋ 66:7

ኢዚ ባ ዎልቃን ሜርናስ ሃሬስ። ካዎቴታ ኡባካ ባ ኣይፌን ጼሌስ፤ ሄሳ ጊሻስ ማካሊዛይቲ ኢዛ ቦላ ቁ ቁ ጎፔቶ።

ዬ ማጻፋ 72:18

ማላሊሲዛ ሚሽ ባርካ ኦዛ ጎዳይ፥ ጾሳይ፥ ኢስራኤሌ ጾሳይ ጋላቴቶ።

ዬ ማጻፋ 77:19

ኔኒ ኣባ ጊዶራ ሄሜታሳ፤ ጪማ ኣባ ጊዶራ ካንሳ፤ ጊዲኮካ ኔ ቢዳ ጌዶይ ኤሬቴና።

ዬ ማጻፋ 86:10

ኔኒ ጊታ፤ ማላሊሲዛ ሚሽ ኦሳ። ኔኒ ጻላ ጾሳ።

ዬ ማጻፋ 92:5

ኣቤት ጎዳዉ! ኔ ኦሶይ ኣይ ኬና ጊታ! ኔ ቆፋይካ ኣይ ኬና ጪማ!

ኢሳያሳ ቲንቢቴ 25:1

ኣቤት ጎዳዉ! ኔኒ ታ ጾሳ። ታኒ ኔና ቁ ቁ ሂስታና፤ ኔ ሱንካ ሳባና። ጋሶይካ ቤኒፔ ቆፌቲዳይሳ ማላሊሲዛ ሃኖ ኩሜ ኣማኔቴን ኦዳሳ።

ኢሳያሳ ቲንቢቴ 28:29

ሃይሲ ኡባይ ባ ዞሬን ማላሊሲዛዝ፥ ባ ኣ ኤራቴን ማላሊሲዛዝ ጊዲዳ ኡባፌ ዎልቃማ ጎዳፔ ሃኔስ።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ዳኔላ ቲንቢቴ 2:2

ሄሳ ጊሻስ ኢዛኮ ዪዲ ሄ ኢዛ ኣጉሞዛ ቢርሼ ኢዛስ ዮታና ማላ ማሮቲ፥ ሳጋቲ፥ ሙሬኒዛይቲኔ ጾሊንቴ ታይቢዛይቲ ጼይጌታና ማላ ኣዛዚዴስ፤ ኢስቲካ ዪዲ ኢዛ ሲንን ኤቂዳ።

ዳኔላ ቲንቢቴ 2:44

«ሄይታ ሄ ካዎታ ዎዴን ሳሎ ጾሳይ ሙሌራካ ላሌቶንታኔ ሃራ ዴሬስ ኣ ኢሜቶንታ ካዎቴ ኤሳና፤ ሄ ካዎቴዚ ሃራ ካዎቴታ ሙሌራ ሊቂሳና፤ ኢስታ ዉርሴ ጋካናዉካ ይሳና፤ ሄ ካዎቴዚ ባ ሁኤስ ሜርናስ ሚኒ ዳና።

ዳኔላ ቲንቢቴ 4:17

« ‹ሃ ፒርዳ ቃሾይ ጌሻ ኪታንቻታ ባጋራ ቆንጪ ዮቴቲዴስ፤ ሄሲካ ኡባፌ ቃ ጾሳስ ሳኣ ካዎታ ቦላ ኢዛስ ጎዳቴ ዲዛይሳኔ ካዎቴታካ ባ ዶሲዳዴስ ኢሚዛይሳ፥ ኣሳፔ ካቲዳይታ ኢስታ ቦላ ኢዚ ሹሚዛይሳ፥ ሜታ ኡባይ ኤራና ማላሳ› ጊዴስ።

ዳኔላ ቲንቢቴ 7:14

ኣላሜ ቦላ ዲዛ ኣስ ኡባይ፥ ካዎቴቲ ኡባይኔ ዱማ ዱማ ቃላን ሃሳይዛ ዛሬቲ ኡባይ ኢዛስ ሃጋዛና ማላ ጎዳቴ፥ ቦንቾይኔ ካዎቴ ኢዛስ ኢሜቲዴስ፤ ኢዚ ሜርናስ ሃራና፤ ኢዛ ካዎቴስካ ዉርሴ ዴና።

ዳኔላ ቲንቢቴ 7:27

ሳሎፔ ጋርሳራ ዴኢዛ ካዎቴ ኡባ ማታይ፥ ዎልቃይኔ ጊታቴይ ኡባፌ ቃ ጾሳ ዴሬ ጌሻታስ ኢሜታና። ኢዛ ካዎቴይካ ሜርና ካዎቴ ጊዳና፤ ዴሬዛ ሃሪዛይቲ ኡባቲ ኢዛስ ኣዛዜታናኔ ኢዛስ ጎይናና› ጊዴስ።

ኦሮሜ ኣሳስ 11:33

ጾሳ ዱሬቴ፥ ኣ ኤራቴይኔ ኢዛ ኤራቴይ ኣይ ማላ ጪማ! ኢዛ ፒርዳይ ኣይ ማላኮ ፓጬቴና፤ ኢዚ ኣዳ ጌዶይካ ኤሬቴና።

ዛሬ ማጻፋ 4:34

ዎይኮ ጎዳ ኢንቴ ጾሳይ ኢንቴ ጼሊሺን ጊብጼ ቢታን ኢንቴስ ኦዛይሳ ፓጬን፥ ማላታን፥ ማላሊሲዛ ሚሻን፥ ኦላን፥ ሚኖ ቄሴኒኔ ሚጬቲዳ ኩሼን፥ ቃሴ ያሺሲዛ ባ ዎልቃን ሃራ ካዎቴታ ጊዶ ጌሊዲ ኢሲ ካዎቴ ባስ ኤካናስ ባጼቲዳ ሃራ ጾሲ ዲዜ?

1ጺምቶሳስ 1:17

ሄሳ ጊሻስ ሜርናስ ሃይቂ ኤሮንታ፥ ኣይፌን ቤቲ ኤሮንታ ባርካ ጻላ ጾስ ጊዲዳ ካዎስ ሜርናፔ ሜርና ጋካናስ ኢዛስ ቦንቾይኔ ጋላታይ ጊዶ። ኣሚን።

Ibirawe 1:8

ናዛ ጊሻስ ቃሴ፥ «ጎዶ! ኔ ዙፋኔይ ሜርናፔ ሜርና ጋካናስ ሚኒ ዳና፤ ኔኒ ኔ ካዎቴ ሊኬ ካሌሳ።

Ibirawe 2:4

ጾሲ ቃሴካ ማላታታ፥ ማላሊሲዛ ሚሻታ፥ ዱማ ዱማ ማላታታ ኦሶኒኔ ባ ሼኔ ማላ ኢሚዳ ጺሎ ኣያና ኢሞታታ ባጋራ ኢስታ ማርካቴ ሚንዴስ።

1ጴጽሮሳ ኪታ 4:11

ታማርሲዛዴይ ጾሳ ቃላ ታማርሲዛ ማላ ታማርሶ፤ ሃጋዚዛዴይ ጾሲ ኢዛስ ኢሚዛ ዎልቃን ሃጋዞ፤ ሄሳ ማላን ጾሲ ዬሱስ ኪርስቶሳ ባጋራ ሃኒዛ ኡባን ጋላቴታና፤ ቦንቾይኔ ጎዳቴ ሜርናፔ ሜርና ጋካናስ ኢዛስ ጊዶ። ኣሚን!

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።