ዳኔላ ቲንቢቴ 12:4 - ጋሞ ማጻፋ

⁴ «ዳኔላ! ኔኒ ኣላሜ ዉርሴ ጋካናስ ሃይሳ ማጻፋዛ ጎርዳዳ ማታሜን ሾጫ፤ ሄ ዎዴ ኣሳይ ኤራቴ ዳርሳናስ ያኔ ሃ ዎጼሬታና» ጊዴስ።

Geeshsha Maxaafa

⁴ «Daaneela! Neni alame wurseththi gakkanaas hayssa maxaafaza gordada maatamen shoca; he wode asay erateth darsanaas yaanne haa woxerettana» gides.

ዳኔላ ቲንቢቴ 12:4 ပူးပေါင်းရင်းမြစ်များ

ኢሳያሳ ቲንቢቴ 11:9

ጌሺ ጊዲዳ ታ ዙማ ቦላ ቆሄቴና ዎይኮ ኦኒካ ዬና፤ ሃ ኣባ ኩሚዛ ማላ ሳኣ ኡባይ ጎዳ ኤሮን ኩማና።

ኢሳያሳ ቲንቢቴ 29:11

ሃ ኣጁታይ ኢስታስ ጻ ማጻፋ ጊዶን ጎርዴቲ ዲዛ ቃላ ማላ ጊዲዴስ። ሃ ጻ ማጻፋ ናባባናስ ዳንዳይዛ ኣሲ፥ «ሾቤ ኑስ ናባባ» ጊዲ ኢንቴ ኢሚኮ፥ ኢዚ ኢንቴስ፥ «ጎርዴቲዳ ጊሻስ ታኒ ናባባናስ ዳንዳይኬ» ጋና።

ኢሳያሳ ቲንቢቴ 30:26

ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

ኢሳያሳ ቲንቢቴ 32:3

ጼሊዛ ኣሳታ ኣይፌይ ሃይሳፌ ጉዬ ቂሊምኤና፤ ሲዪዛይታ ሃይ ቤጊዲ ኤዝጋና።

ኢሳያሳ ቲንቢቴ 8:16

ማርካቴ ሎኤ ኦይካ፤ ታ ታማሬታ ጊዶን ዎጋ ማታሜን ሾጫ።

ኤርማሳ ቲንቢቴ 5:1

ጎዳይ፥ «ኣኔ ዬሩሳላሜ ኦጌታ ቦላ ኬዚዲ ፑዴኔ ዱጌ ዩሺ ጼሊቴኔ ኣኬኪቴ፤ ዴሬይ ዱላቲዛሶታን ጺሎቴ ኮይዛይኔ ሱሬ ፒርዲዛ ኬዚዲ ኢንቴ ኢሳዴካ ዴሚኮ ታኒ ዬሩሳላሜ ማራና።

ዳኔላ ቲንቢቴ 10:1

ፓሪሴ ካዎ ቂሮሲ ካዎቲዳ ሄን ላይን ቢልጻሶሬ ጌቴቲዛ ዳኔሊ ኣጁታ ቤኢዴስ፤ ኣጁታን ኢዛስ ዮቴቲዳ ቃላይ ቱማ፤ ሄሲካ ዎልቃማ ኦላ ጊሻስ ቆንጪሲዛዛ፤ ኢዚ ሄ ኪታ ኤራና ማላ ኢዛስ ኣኬካይ ኣጁታን ኢሜቲዴስ።

ዳኔላ ቲንቢቴ 10:14

ኣጁታዚ ፖሌታናስ ቡሮ ሲንፌ ዳሮ ላይ ዲዛ ጊሻስ ሲንፌ ኔ ዴሬዛ ቦላ ሃናና ዮኦታ ኔስ ቆንጪሳናስ ታ ያዲስ» ጊዴስ።

ዳኔላ ቲንቢቴ 10:21

ኮይሮታዳ ቱማ ማጻፋን ጻፌቲዳይሳ ታ ኔስ ቆንጪሳና፤ ሃ ሃላቃታራ ታ ኦሌቲሺን ኢንቴ ሃላቃ ሚካኤሌፔ ኣቲን ሃራይ ታና ማዲዳይ ባዋ።

ዳኔላ ቲንቢቴ 11:33

«ዴሬ ጊዶን ዲዛ ኣ ኤራንቻቲ ዳሮታ ታማርሳና፤ ጊዶ ኣቲን ኢስቲ ጉ ዎዴስ ታማን ጹጌታና፤ ማሻን ሲፌታና፤ ዲኤታናኔ ኢስቲ ሃሪዳይሲካ ቦንቄቲ ኤኬታና።

ዳኔላ ቲንቢቴ 11:40

«ዉርሴ ዎዴይ ጋኪሺን ዱጌሃ ባጋ ካዎይ ፑዴሃ ባጋ ካዎዛ ቦላ ኦላስ ዎራጃና፤ ፑዴሃ ባጋ ካዎይ ፓራ-ጋሬን፥ ቶጋኒኔ ማርካቤታን ጎኤቲዲ ኦላ ኤቄታና፤ ዲኦ ሃ ማላ ዳሮ ዴሬታ ዎራጂ ኦይካና።

ዳኔላ ቲንቢቴ 12:13

«ዳኔላ! ኔኒ ዉርሴ ጋካናስ ባ፤ ሄሳፌ ጉዬ ኔ ሼምፓና፤ ዉርሴ ጋላስ ኔስ ጊጊዳ ጺንጾ ኔ ላታና» ጊዴስ።

ዳኔላ ቲንቢቴ 12:5

ሄሳፌ ጉዬ ታ ሲንን ሃ ሻፋ ዶናን ሃራ ናምኣታ ሄ ፒንኒኔ ሃ ፒንን ኤቂዳይታ ቤኣዲስ።

ዳኔላ ቲንቢቴ 12:9

ኢዚካ ታስ፥ «ዳኔላ! ሃይሳ ኣላሜዛ ዉርሴ ጋካናስ ሃይሲ ቲንቢቴ ቃላዚ ጎርዴቲዲ ማታሜን ሾጬቲዳ ጊሻስ ኔኒ ባ።

ዳኔላ ቲንቢቴ 8:17

ጋብሬሌይ ታ ኤቃ ዲዛሶ ማቲ ማቲ ዪሺን ታ ዳጋማዳ ሲን ጉ ጉፋናዲስ፤ ኢዚካ፥ «ኣሳ ናዉ! ሃይሲ ኣጁታዚ ቤሲዛይ ኣላሜ ዉርሴ ጊሻስ ጊዲዳይሳ ኔ ኣኬካ» ጊዴስ።

ዳኔላ ቲንቢቴ 8:19

ኢዚ ታና፥ «ሃይሲ ኣጁታዚ ኣላሜ ዉርሴን ሃናና ዮኦታ ቤሴስ፤ ጉዬፔ ሃንቆ ዎዴ ኣዚ ሃናናኮ ታ ኔስ ዮታና።

ዳኔላ ቲንቢቴ 8:26

«ማላዶኔ ኦማርሳ ዎዴ ሺቂዛ ያርሾ ጊሻስ ኔ ቤኢዳ ኣጁታይ ቱማ፤ ጊዶ ኣቲን ሃ ኣጁታይ ፖሌታናይ ቡሮ ዳሮ ላይፌ ጉዬን ጊዲዳ ጊሻስ ኔ ዎዚናን ቁምኣ ኦይካ» ጊዴስ።

Maatosa 24:14

ዴሬ ኡባስ ማርካ ጊዳና ማላ ሃይሲ ካዎቴ ሚሺራቾ ቃላይ ኩሜ ኣላሜን ዮቴታና፤ ሄሳፌ ጉዬ ዉርሴ ያና።

ኦሮሜ ኣሳስ 10:18

ጊዶ ኣቲን ኣሳይ ሲዪቤኔሻ? ጋዳ ታ ኦይቻይስ፤ ቱማፔ ኣሳይ ሲዪዴስ፤ ጌሻ ማጻፋን ጻፌቲዳ ማላ፥ «ኢስታ ቃላይ ቢታ ኡባኒኔ ኣላሜ ጋጻ ጋካናስ ሲዬቲዴስ።»

ዮሃኒሳ ኣጁታ 10:4

ላፑን ዳዳቲ ባ ጊሪሳ ሲሲዳ ማላ ታ ጻፋና ጋዳ ቆፓዲስ ሺን፥ «ሃ ላፑን ዳዳቲ ዮቶይሳ ቁምኣ ዎ ኣቲን ጻፎፓ!» ጊዛ ቃላ ሳሎፔ ሲያዲስ።

ዮሃኒሳ ኣጁታ 22:10

ቃሴካ፥ «ዎዴይ ማቲዳ ጊሻስ ኔኒ ሃይሳ ማጻፋዛን ጻፌቲዳ ቲንቢቴ ቃላ ማታሜን ጎርዶፋ።

ዮሃኒሳ ኣጁታ 5:1

ሄ ኣልጋ ቦላ ኡቲዳይሳ ኡሻቻ ኩሼ ቃኣ ጋርሳኒኔ ቦላ ባጋራ ጻፌቲ ኡቲዳ ላፑን ማታሜን ጎርዴቲዳ ኢሲ ጻጼቲ ኡቲዳ ማጻፋ ቤያዲስ።