ዳኔላ ቲንቢቴ 12:3 - ጋሞ ማጻፋ

³ ሄ ዎዴ ኣ ኤራንቻቲ ሳሎ ፖኦ ማላ ጶላና፤ ዳሮታ ጺሎቴ ኦጌ ካሌዳይቲ ዉሪ ሜሪፔ ሜርና ጋካናስ ሳሎ ጾሊንቴታ ማላ ጾልቃና።

Geeshsha Maxaafa

³ He wode aadho eranchchati salo poo7o mala phoollana; darota xilloteththa oge kaaleththidayti wuri merippe mernaa gakkanaas salo xoolintteta mala xolqana.

ዳኔላ ቲንቢቴ 12:3 ပူးပေါင်းရင်းမြစ်များ

ኬሳ ማጻፋ 34:35

ሙሴይ ዮቲዛ ዎዴ ኢስራኤሌ ኣሳይ ኢዛ ኣይፌሶይ ጾልቂዛይሳ ቤኢዴስ። ሄሳ ጊሻስ ሙሴይ ጎዳራ ሃሳያና ባና ጋካናስ ባ ኣይፌሶ ዛሬዲካ ናጻላን ካሜስ።

ሌሚሶ ማጻፋ 11:30

ጺሎ ኣሲ ዴኦ ኣይፌ ኣይፊዛ ሚ ማላ፤ ሼምፖታ ኣሺዛይ ኣ ኤራንቻ።

ሌሚሶ ማጻፋ 3:35

ኣ ኤራንቻቲ ቦንቾ ላታና፤ ኤያቲ ጊዲኮ ካዉሻቴስ ኣ ኢሜታና።

ሌሚሶ ማጻፋ 4:18

ጺሎታ ኦጌይ ሴታ ጋላስ ጋካናስ ፖኢ ፖኢ ቢዛ ማላዶ ጻልቄ ማላ።

ኤራንቻታ ማጻፋ 12:9

ኤራንቻዚ ባ ሁኤስ ኣ ኤራንቻ ጻላ ጊዶንታ ኣሳካ ኤራቴ ታማርሲዴስ። ዳሮ ሌሚሶታ ፒልጊ ጼሊዳፔ ጉዬን ማራን ማራን ጊግሲዴስ።

ኢሳያሳ ቲንቢቴ 53:11

ኢዛ ሼምፖይ ዋዬቲዳፔ ጉዬ ኢዚ ዴኦ ፖኦ ቤኣናኔ ኡፋዬታና። ታ ጺሎ ኣይሌዚ ባ ኤራቴን ዳሮታ ጺሊሳና፤ ኢስታ ሞሮካ ቶካና።

ኤርማሳ ቲንቢቴ 23:22

ኢስቲ ታ ዞሬን ኤቂዳኮ ታ ቃላ ታ ዴራ ሲሳና፤ ኢታ ኦጌፔኔ ኢታ ኦሶፔ ኢስታ ዛራና።

ዳኔላ ቲንቢቴ 11:33

«ዴሬ ጊዶን ዲዛ ኣ ኤራንቻቲ ዳሮታ ታማርሳና፤ ጊዶ ኣቲን ኢስቲ ጉ ዎዴስ ታማን ጹጌታና፤ ማሻን ሲፌታና፤ ዲኤታናኔ ኢስቲ ሃሪዳይሲካ ቦንቄቲ ኤኬታና።

ዳኔላ ቲንቢቴ 11:35

ኣ ኤራንቻታፔ ኢሶቲ ኢሶቲ ጴታና፤ ሄሳ ሃኒዲ ዉርሴ ዎዴይ ጋካናስ ኢስቲ ጋጬቲዲ፥ ጌዪዲኔ ኢስታ ቦላ ዎሶይ ባይንዳይታ ጊዲዲ ኬዛና፤ ሄሲ ኡባይ ሃናናይ ጾሲ ባሪዳ ዎዴይ ጋካናሳ።

ዳኔላ ቲንቢቴ 12:10

ዳሮቲ ቆሬታና፥ ጋጬቲ ጌያናኔ ኢስታ ቦላ ዎሶይ ባይንዳይታ ጊዳና፤ ኢታቲ ጊዲኮ ባንታ ኢታቴ ጉጂ ጉጂ ባና፤ ኢታታፔ ኢሶይካ ኣኬኬና፤ ጊዶ ኣቲን ኣ ኤራንቻቲ ኣኬካና።

Maatosa 13:43

ሄ ዎዴ ጺሎቲ ባ ኣዋ ካዎቴን ኣርሼ ማላ ፖኣና። ሲዪዛ ሃይ ዲዛዴይ ሲዮ!

Maatosa 19:28

ዬሱሲካ ኢስታስ፥ «ታ ኢንቴስ ቱሙ ጋይስ፤ ኣሳ ናይ ቡሮ ያና ኦራ ኣላሜን ባ ቦንቾ ኣራታ ቦላ ኡቲዛ ዎዴ ኢንቴ ታና ካሊዳይቲ ታማኔ ናምኡ ኣራታታ ቦላ ኡቲዲ ታማኔ ናምኡ ኢስራኤሌ ናይታ ቦላ ፒርዳና።

Maatosa 24:45

«ዎዴራ ሶ ኣሳ ቁማ ሚዛና ማላ ጎዳይ ባ ኬ ኣሳ ቦላ ሹሚዳ ኣማኔቲዛ ጪንጫ ኦሳንቻይ ኦኔ?

ዮሃኒሳ ሚሺራቾ 4:36

ማጺዛዴይ ባ ዳሞዛ ኤካና፤ ሜርናስ ጊዲዛ ኣይፌ ሺሻና፤ ሄሳ ጊሻስ ዜሪዛዴይኔ ማጺዛዴይ ኢሲፌ ኡፋዬታና።

ዮሃኒሳ ሚሺራቾ 5:35

ዮሃኒሲ ኤጺዲ ፖኢሲዛ ፖኦ ማላ። ኢንቴካ ጉ ዎዴ ኢዛ ፖኦን ኡፋዬታና ኮዪዴታ።

ሃዋሬታ ኦሶ 13:1

ኣንጾኪያን ዲዛ ዎሳ ኬን ናቤቲኔ ኣስታማሬቲ ዴቴስ፤ ሄይቲካ ባርናባሲኔ ኔጌሬ ጌቴቲዛ ሲሞናራ፥ ቃሬና ዴሬ ኣስ ሉቂዮሳራ፥ ሄርዶሳራ ኢሲፌ ዲጪዳ ሚናሄራኔ ሳኦሌራ ዉሪ ኢሲፌ ዴቴስ።

1ቆሮንቶሴ ኣሳስ 3:10

ጾሳፌ ታስ ኢሜቲዳ ኢሞቴ ጊና ኬ ኬጺዛ ሂላ ማላ ኬይ ኤቃናስ ሎኤ ጊጊሳዲስ፤ ኢዛ ቦላ ሃራ ኣሲ ኬ ኬጻና፤ ጊዶ ኣቲን ኬ ኬጺዛዴይ ዎስቲ ኬጻናኮ ናጌታናስ ቤሴስ።

ኤፌሶኔ ኣሳስ 4:11

ኢሲ ኢሲ ኣሳቲ ሃዋሬታ፥ ባጋይቲ ናቤታ፥ ሃራቲ ሚሺራቾ ቃላ ሳባኬ፥ ባጋይቲ ቃሴ ሄሚዛይታኔ ታማርሲዛይታ ጊዳና ማላ ኢዚ ኢሞታ ኢሚዴስ።

Ibirawe 5:12

ኢንቴ ሃኒ ዎዴ ኣስታማሬ ጊዳናስ ቤሲሺን ጾሳ ቃላ ቡሮ ኮይሮፔ ዴንዲ ኢንቴና ታማርሲዛ ኣስ ኢንቴስ ኮሼስ። ኢንቴስ ሚኖ ካ ጊዶንታ ማ ኮሼስ።

2ጴጽሮሳ ኪታ 3:15

ኑ ጎዳ ዳንዳያይ ኢንቴና ኣሻናስ ጊዲዳይሳ ኢንቴ ኤሪቴ፤ ኑ ሲቆ ኢሻ ጳዉሎሲ ባስ ኢሜቲዳ ኤራቴ ማላ ኢዚ ኢንቴስ ጻፊዳይሲ ሃይሳ።

ዮሃኒሳ ኣጁታ 1:20

ኔኒ ታ ኡሻቻ ኩሼን ቤኢዳ ላፑን ጾሊንቴታኔ ጾምፔ ኢስታ ቦላ ዎዛ ዎርቃፌ ኦሴቲዳ ላፑን ባላታ ጹራይ ሄኮ ሃይሳ፤ ላፑን ጾሊንቴቲ ላፑን ዎሳ ኬ ኪታንቻታ፤ ጾምፔ ኢስታ ቦላ ዎዛ ላፑን ዎርቃ ባላቲ ላፑን ዎሳ ኬታ» ጊዴስ።

ዳናታ ማጻፋ 5:31

«ኣቤት ጎዳዉ! ኔ ሞርኬቲ ኡባይ ሄሳ ሃይቄቶ! ጊዶ ኣቲን ኔ ሲቆቲ ማላዶ ሞኪዛ ኣርሼዳ ጶሌቶ።» ሄሳፌ ጉዬ ቢታይ ኦይዱ ታሙ ላይ ዎፓ ዴሚዴስ።