ዳኔላ ቲንቢቴ 11:36 - ጋሞ ማጻፋ

³⁶ «ፑዴሃ ባጋ ካዎይ ባ ቆፒዳይሳ ኡባ ፖላና፤ ኢዚ ባና ኤቃ ጾሳታፔካ ቦላራ ቁ ቁ ሂስታና፤ ጾሳታፔ ኣ ጾሳ ቦላ ሃይሳፌ ካሴ ሴቴቲ ኤሮንታ ጫሻ ቃላ ሃሳያና፤ ጾሳ ሃንቆይ ፖሌታና ጋካናስ ኢዚ ኦዛ ኡባይ ኢዛስ ኢንጄታና፤ ካሴ ባሬቲዳይሲ ፖሌታና ቤሴስ።

Geeshsha Maxaafa

³⁶ «Pudeha bagga kawoy ba qoppidayssa ubbaa polana; izi bana eeqa xoossatappeka bollara dhoqqu dhoqqu histtana; xoossatappe aadho Xoossaa bolla hayssafe kase seetetti erontta cashsha qaala haasayana; Xoossa hanqoy polettana gakkanaas izi ooththiza ubbay izas injjetana; kase barettidayssi polettana bessees.

ዳኔላ ቲንቢቴ 11:36 ပူးပေါင်းရင်းမြစ်များ

ዬ ማጻፋ 136:2

ጾሳታ ጾሳ ጋላቲቴ! ኢዛ ሲቆይ ሜርናሳ።

ዬ ማጻፋ 33:10

ጎዳይ ካዎቴታ ሃልቾ ላላና፤ ኢስታ ቆፋካ ሃዳ ኦና።

ሌሚሶ ማጻፋ 19:21

ኣሳ ዎዚናን ዳሮ ሃልቾይ ዴስ፤ ጊዶ ኣቲን ጎዳ ቆፋይ ፖሌቴስ።

ኢሳያሳ ቲንቢቴ 10:23

ጎዳይ፥ ኡባፌ ዎልቃማ ጎዳይ ሳኣ ኡባ ቦላን ኤሃና ቃቺዳ ባሽ ኤሃና።

ኢሳያሳ ቲንቢቴ 10:25

ታ ኔ ቦላ ኤሂዳ ቂጻቴዛ ጉ ዎዴ ጋርሳን ታ ኤሳና፤ ታ ኢስታ ቦላካ ቦሻ ኤሃና» ጌስ።

ኢሳያሳ ቲንቢቴ 10:5

ጎዳይ፥ «ታ ሃንቆስ ጉፌ፥ ታ ኤሂዛ ባሻስ ጻምኣ ጊዲዳ ኣሶሬ ቢታ ኣሳስ ኣዬ ኣና!

ኢሳያሳ ቲንቢቴ 14:13

ኔኒ ኔ ዎዚናን፥ «ታኒ ፑዴ ሳሎ ኬዛና፤ ታ ካዎቴ ኣራታካ ጾሳ ጾሊንቴታፔ ቦላራ ቃን ዎና፤ ዙማ ቦላ ሺቂዛሶን ኣንጄቲዳ ዙማ ቦላ ቃሶሆን ታ ካዎቴ ኣራታ ቦላ ኡታና።

ኢሳያሳ ቲንቢቴ 14:14

ታኒ ሻራቲ ዲዛ ቃሶሆፔካ ፑዴ ኣና፤ ታኒ ታና ኡባፌ ቃ ጾሳ ማላ ኦና» ጋዳሳ።

ኢሳያሳ ቲንቢቴ 26:20

ታ ዴሬዞ! ባ ኔ ኬ ጌላ፤ ኔ ፔንጌ ኔ ቦላ ጎርዳ፤ ኢዛ ሃንቆይ ኣና ጋካናስ ጉ ዎዴስ ቆቴታሻ።

ኢሳያሳ ቲንቢቴ 30:33

ቤኒ ዎዴፔ ዶሚዲ ቶፌቴ ጌቴቲዛ ጹጊዛሶይ ጊጌቲ ኡቲዴስ፤ ካዎዛሲካ ጊጌቲ ኡቲዴስ፤ ጹጋና ጎንጎሎዚካ ኣሆኔ ጪማ፤ ኢዛ ጊዶን ዳሮ ታማይኔ ኤጻና ሚ ዴስ፤ ጎዳ ፔኖይ ዲኔ ታማ ማላ ኤ ኬሳና።

ኢሳያሳ ቲንቢቴ 46:10

ዉርሴን ሃናናይሳ ኮይሮታ፥ ቡሮፔ ያናይሳ ቤኒ ዮታዲስ፤ ‹ታ ሃልቾይ ሚኖ፤ ታና ኡፋይሲዛዝ ኡባ ታ ኦና› ጋዲስ።

ኢሳያሳ ቲንቢቴ 57:9

ዎጋራ ዛይቴ ኤካዳ፥ ሺቶ ኢዛ ቦላ ጉጃዳ ሞሎኬ ጌቴቲዛ ኤቃ ጾሳኮ ባዳሳ፤ ኔስ ኪቴቲዛይታ ሃኮ ዴሬ ኪታዳሳ፤ ዱጌ ሲኦሌ ጋካናስ ካንዳሳ።

ሂዚቄላ ቲንቢቴ 28:2

«ሃይሶ ኣሳ ናዉ! ጺሮሴ ሃላቃስ ኡባ ሃሪዛ ጎዳይ፡ «ኔ ዎዚናይ ኦቶሮን ኩሚዲ፥ ‹ታኒ ጾሳ፤ ጾሳ ኣራታን ኣባስ ጊዶ ኣዳን ኡታዲስ› ጊዴስ። ኣይኮስካ ኔኒ ታኒ ጾሳ ማላ ኣ ኤራንቻ ቆፒኮካ ኔኒ ኣሳ ኣቲን ጾስ ዳካ።

ሂዚቄላ ቲንቢቴ 35:13

ኔኒ ታ ቦላ ኦቶሬታዳሳኔ ጻላቴን ሃሳያዳሳ፤ ታኒካ ሄሳ ሲያዲስ።

ዳኔላ ቲንቢቴ 11:16

ፑዴ ባጋፌ ዎራጃናይሲ ባ ኮዪዳ ማላ ኦና፤ ኢዛራ ኤቄቲ ዳንዳያናይ ዴና፤ ኢዚ ሎኦ ቢታዮ ሃራና፤ ኢዞ ይሳናስካ ዎልቃ ዴማና።

ዳኔላ ቲንቢቴ 11:3

ሄሳፌ ጉዬ ዎልቃማ ካዎይ ዴንዳና፤ ኢዛ ካዎቴይካ ጊታ ጊዳና፤ ኢዚ ባ ኮዪዳዚ ኡባ ኦና።

ዳኔላ ቲንቢቴ 11:37

ሃ ካዎዚ ካሴ ባ ኣዋታ ኤቃ ጾሳታ ካዉሻና፤ ማጫሳቲ ዶሲዛ ኤቃ ጾሳታ ኢዚ ሌቃና፤ ኢዚ ባና ኡባፌካ ቦላራ ጼሊዛ ጊሻስ ኤቃ ጾሳታ ኡባ ቄሊ ጋና።

ዳኔላ ቲንቢቴ 12:7

ሌኤ ሃሬ ማይኢዲ ሻፋፔ ጋና ባጋራ ኤቂዳ ኪታንቻዚ ባ ኩሼታ ፑዴ ሳሎ ዴንዲ፥ «ሄሲ ሄ ላይኔ ባጋ ጋምኣና፤ ጌሻ ኣሳታ ዎልቃይ ዉርሺን ሃይቲ ዉሪካ ፖሌታና» ጊዲ ሜርናስ ዴኢዛይሳን ጫቂሺን ሲያዲስ።

ዳኔላ ቲንቢቴ 2:47

ካዎዚ ዳኔላ፥ «ሃይሳ ጹራ ዮኦዛ ኔ ቢርሻና ዳንዳይዳ ጊሻስ ቱማፔ ኢንቴ ጾሳይ ጾሳታስ ጾሳ፤ ኢዚ ካዎታስ ጎዳ፤ ኢዚ ጹራ ቆንጪሲዛ ጾሳ» ጊዴስ።

ዳኔላ ቲንቢቴ 4:35

ቢታ ቦላ ዲዛ ዴሬቲ ዉሪካ ኢዛ ኣቻን ቄሪ ኡኤ ማላ፤ ሳሎን ዲዛ ኦሳንቻታ ቦላኔ ቢታ ቦላ ዲዛ ዴራ ቦላ ኢዚ ባ ዶሲዳዝ ኦስ፤ ኢዛ ሼኔ ዲጋናስ ዳንዳይዛይኔ ‹ኔ ሃይሳ ኣዛስ ኦይ?› ጋናይ ኦኒካ ዴና።

ዳኔላ ቲንቢቴ 5:19

ኢዚ ኢሚዳ ጊታቴፌኔ ማታፔ ዴንዲዳይሳን ዱማ ዱማ ዴሬቲ፥ ዱማ ዱማ ካዎቴቲ፥ ዱማ ዱማ ቃላን ሃሳይዛይቲ ኡባይ ኢዛስ ኮኮሪዳኔ ያዪዳ። ኢዚካ ባ ዎና ኮዪዳይሳ ዎስ፤ ኣሻና ኮዪዳዴ ኣሼስ፤ ባ ቂሳና ኮዪዳይሳ ቂሴስ፤ ካዉሻና ኮዪዳዴ ካዉሼስ።

ዳኔላ ቲንቢቴ 5:20

ጊዶ ኣቲን ኢዚ ኦቶሬቲዳ ዎዴኔ ኢዛ ዎዚናይ ሙሚዳ ዎዴ፥ ባ ካዎቴ ኣራታፔ ዎዴስ፤ ቦንቾይካ ኢዛፔ ቃሬቲዴስ።

ዳኔላ ቲንቢቴ 7:8

«ታኒ ካጬታ ጊሻስ ቆፋን ዲሺን ካጬታ ጊዶራ ሃራ ኢሲ ጉ ካጬይ ኬዚዴስ። ኮይሮ ካጬታፔ ሄቲ ሾዴቲ ዎዳ፤ ሄ ጉ ካጬዛስ ኣሳ ኣይፌይኔ ኦቶሬቴን ሃሳይዛ ዶናይ ዴስ።

ዳኔላ ቲንቢቴ 8:19

ኢዚ ታና፥ «ሃይሲ ኣጁታዚ ኣላሜ ዉርሴን ሃናና ዮኦታ ቤሴስ፤ ጉዬፔ ሃንቆ ዎዴ ኣዚ ሃናናኮ ታ ኔስ ዮታና።

ዳኔላ ቲንቢቴ 8:4

ሄ ርሾዚ ባ ካጬን ኣርሼይ ዉሊዛ ባጋ፥ ፑዴሃ ባጋኔ ዱጌሃ ባጋ ቃይጬስ፤ ኣይ ሜዶሳይካ ኢዛራ ኤቄታና ዳንዳይቤና፤ ኢዛ ኩሼፔካ ኣሻና ዳንዳይዛይ ዴና፤ ኢዚ ባ ኮዪዳ ማላ ኦዴስ፤ ሂስቲዲ ካሴፔካ ሚኒ ሚኒ ቢዴስ።

ዛካራሳ ቲንቢቴ 11:16

ሄኮ ታኒ ቢታ ቦላ ኦራ ሄንንቻ ዴንና፤ ሄ ሄንንቻይ ካሴ ይዳይሳ ዛሪ ቆፔና፤ ላሌቲዳይሳካ ኮዬና፤ ሜቂዳይሳካ ኮሌና፤ ፓጺዳይሳካ ኬና፤ ጊዶ ኣቲን ሞዳይሳ ኣሾ ማና፤ ቂንጪፊሌካ ኣሾንታ ዲፒ ሂስታና።

ዮሃኒሳ ሚሺራቾ 5:30

«ታኒ ታ ሼኔን ኣይኮካ ኦናስ ዳንዳይኬ፤ ጊዶ ኣቲን ታ ኣዋፔ ታ ሲዪዳ ማላ ፒርዳይስ። ታና ኪቲዳይሳ ሼኔ ኦይስ ኣቲን ታ ሼኔን ታ ኦንታ ጊሻስ ታ ፒርዳን ባላይ ባ።

ዮሃኒሳ ሚሺራቾ 6:38

ጋሶይካ ታኒ ሳሎፔ ዎዳይ ታና ኪቲዳይሳ ሼኔ ኦናስ ኣቲን ታ ሼኔ ኦናስ ጊዴና።

ሃዋሬታ ኦሶ 4:28

ሃይሳንካ ኔ ዎልቃኒኔ ኔ ሼኔን ካሴ ኔ ቆፒዳይሳ ኢስቲ ፖሊዳ።

ዛሬ ማጻፋ 10:17

ጎዳ ኢንቴ ጾሳይ ጾሳ ጌቴቲዛ ኡባፌ ቦላ፤ ጎዳታስ ጎዳ፤ ኢዚ ጊታ፥ ሚኖኔ ያሺዛ ጾሳ፤ ኢዚ ማዲ ፒርዶንታ ጾሳኔ ማጋንጾ ኤኮንታ ጾሳ።

2ታሶሎንቄ ኣሳስ 2:3

ኦኒካ ኣይ ሃኖንካ ኢንቴና ባሌፎ። ዳሮ ኣሳይ ኣማኖ ካዳናፔ ሲን ያናስ ቤሲዛ ኢሲ ማካላ ኣሲ ቆንጮንታ ዲሺን ሄ ጋላሳይ ጋኬና።

2ታሶሎንቄ ኣሳስ 2:4

ኢዚካ ጾስ ጌቴቲ ጎይኔቲዛ ኤቃ ጾሳታ ኡባፌ ቦላራ ባና ቁ ቁ ሂስቲዛዴኔ ጾሳራ ኤቄቲዛዴ፤ ኢዚካ ጾሳ ኬን ኡቲዲ ባና፥ «ታኒ ጾሳ» ጊዲ ኣዋጃ ኣዋጂሳና።

2ታሶሎንቄ ኣሳስ 2:8

ሄሳፌካ ካሊዲ ጎዳ ዬሱሲ ባ ዶና ፔኖኒኔ ባ ቦንቾ ዩሳን ይሳና፤ ማካላንቻይ ቆንጫና።

ኢያሶ ማጻፋ 22:22

«ጎዳይ ዎልቃማ ጾሳይ! ጎዳይ ዎልቃማ ጾሳይ! ኑኒ ሃይሳ ኣይስ ኦዳኮ ኢዚ ኤሬስ! ኑኒ ኣይስ ኦዳኮ ኢንቴካ ኤራና ማላ ኮዮስ። ኑኒ ሃይሳ ኦዳይ ማካላቴኒኔ ጎዳስ ኣዛዜቴ ኢጾን ጊዲኮ፥ ሃች ኑና ማሮፒቴ።

ዮሃኒሳ ኣጁታ 10:7

ጊዶ ኣቲን ላፑን ኪታንቻይ ባ ዛዬዛ ፑኒ ሲሲዛ ጋላሳታን ኢዚ ባ ኦሳንቻታሲኔ ናቤታስ ኤሪሲዳ ማላ ጾሳ ጹራይ ፖሌታና» ጊዴስ።

ዮሃኒሳ ኣጁታ 12:14

ማጫሳያካ ባስ ጊጌቲ ዲዛሶ ፒራዳ ዱጌ ባዞ ባና ማላ ኢዚስ ጊታ ጎሌ ቄፌ ሚሳቲዛ ናምኡ ቄፌቲ ኢሜቲዳ፤ ኢዛ ሄን ዳዌዛ ሲንፌ ሃካዳ ሄ ላይኔ ባጋ ጋካናስ ሎኦ ቦንቾን ናጌታዱስ።

ዮሃኒሳ ኣጁታ 13:1

ሄሳፌ ጉዬ ኢሲ ዶኣይ ኣባፌ ኬዚሺን ቤያዲስ፤ ኢዛስ ታሙ ካጬይኔ ላፑን ሁኤይ ዴስ፤ ካጬታ ቦላ ታሙ ዛዉዴቲ ዴቴስ፤ ሁኤታ ቦላ ጫሻ ሱንቲ ዴቴስ።

ዮሃኒሳ ኣጁታ 17:17

ባ ቆፋ ፖላናስ ሃይሳ ኦና ማላ ሄሳ ሄ ቆፋ ኢስታ ዎዚናን ዎዳይ ጾሳ፤ ሄሳ ጊሻስ ጾሳ ቃላይ ፖሌታና ጋካናስ ኢስቲ ቆፋን ኢሲኖ ጊዳና፤ ባ ካዎቴ ጎዳቴካ ሄ ዶኣዛስ ኣ ኢማና።

ዮሃኒሳ ኣጁታ 17:3

ሄሳፌ ጉዬ ኪታንቻዚ ታና ኣያናን ዱጌ ባዞ ቢታ ኤፊዴስ፤ ኢዛ ኣሳቴዚ ኩሜ ጫሻ ሱንን ጻፌቲዳ ላፑን ሁኤቲኔ ታሙ ካጬቲ ዲዛ ኢሲ ዞኦ ዶኣዛ ቦላ ኡቲዳ ኢሲ ማጫሳዮ ቤያዲስ።