ቆላሲያሴ ኣሳስ 1:12 - ጋሞ ማጻፋ

¹² ኣማኒዛይቲ ላቲዛሶ ፖኦ ካዎቴ ላቲዛይታ ኑ ጊዳና ማላ ኑና ጋዳ ኑ ኣዋ ኢንቴ ጋላታናሳ።

Geeshsha Maxaafa

¹² Ammanizayti laattizaso poo7o kawoteth laattizayta nu gidana mala nuna gaththida nu Aawaa intte galatanaassa.

ቆላሲያሴ ኣሳስ 1:12 ပူးပေါင်းရင်းမြစ်များ

1ካዎታ ማጻፋ 6:7

ጾሳ ኬዚ ጊምቤቲዳ ሹቻቲ ማሴቲ ጊጊዳይ ሄን ባ ዲዛሶን ጊዲዳ ጊሻስ ጾሳ ኬይ ኬጼቲሺን ናሪቃ ጊሪሲ፥ ካልታ ጊሪሲ ዎይኮ ሃራ ቢራታታ ጊሪሲ ጾሳ ኬ ሄራን ሴቴቲቤና።

1ታሪኬ ማጻፋ 29:20

ሄሳፌ ጉዬ ዳዊቲ ዱላታ ሺቂዳ ኣሳስ፥ «ጎዳ ኢንቴ ጾሳ ጋላቲቴ» ጊዴስ፤ ሂስቲን ኡባ ኣሳይ ጎዳ ባንታ ኣዋታ ጾሳ ጋላቲዳ፤ ጎዳ ሲንን ጉፋኒዲ ጎይኒዳኔ ካዋ ቦንቺዳ።

ዬ ማጻፋ 116:7

ታ ሼምፖዬ ኣኔ ዎፑ ጋ፤ ጎዳይ ኔስ ሎኦ ሚሽ ኦዴስ።

ዬ ማጻፋ 36:9

ኣይስ ጊኮ ዴኦ ፑልቶይ ኔ ኣቻን ዴስ፤ ኔ ፖኦን ኑኒ ፖኦ ቤኦስ።

ዬ ማጻፋ 79:13

ሄ ዎዴ ኑኒ ኔ ዴሬቲኔ ኔስ ዉዴ ዶርሳቲ ሜርናስ ጋላታ ኔስ ኢማና፤ ዬሌታፔ ዬሌታ ጋካናስ ኔኒ ኑስ ኦዳ ኦሶዛ ኑ ዮታና።

ዬ ማጻፋ 97:11

ጺሎታስ ፖኦይ ፖኢ ፖኢ ባና፤ ዎዚና ሱሬታስ ኡፋይሲ ዳና።

ሌሚሶ ማጻፋ 16:1

ኣሲ ባ ዎዚናን ሃልቼስ፤ ጊዶ ኣቲን ዛሮይ ጎዳፔ ቤቴስ።

ሌሚሶ ማጻፋ 4:18

ጺሎታ ኦጌይ ሴታ ጋላስ ጋካናስ ፖኢ ፖኢ ቢዛ ማላዶ ጻልቄ ማላ።

ዳኔላ ቲንቢቴ 2:23

ካሴ ታ ኣዋታ ጎዳዉ! ታ ኔና ጋላታይስ፤ ታ ኔና ቦንቻይስ፤ ኔ ታስ ኣ ኤራቴኔ ዎልቃ ኢማዳሳ፤ ኑ ዎሳካ ሲያዳሳ፤ ካዎዛ ኣጉሞዛካ ኑስ ቆንጪሳዳሳ» ጊ ጋላቲዴስ።

Maatosa 25:34

ሄ ዎዴ ካዎይ ኡሻቻ ባጋራ ዲዛይታ፥ ‹ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜቶሶፔ ኢንቴስ ጊጌቲዳ ካዎቴ ላቲቴ! ጋና።

ዮሃኒሳ ሚሺራቾ 14:6

ዬሱሲካ ኢዛስ፥ «ኦጌይኔ፥ ቱማይ፥ ዴኦይካ ታና፤ ታ ባጋራ ጊዲኮፌ ኣቲን ኦኒካ ኣዋኮ ባና ኣሲ ዴና።

ዮሃኒሳ ሚሺራቾ 20:17

ዬሱሲ ቃሴ፥ «ታ ቡሮ ፑዴ ታ ኣዋኮ ኬዛቤኬ፤ ታና ቦቾፋ፤ ጊዶ ኣቲን ኔ ሃኢ ታ ኢሻታኮ ባዳ፥ ‹ታኒ ታ ኣዋኮኔ ኢንቴ ኣዋኮ፥ ታ ጾሳኮኔ ኢንቴ ጾሳኮ ኬዛና ጊዴስ› ጋዳ ኢስታስ ዮታ» ጊዴስ።

ዮሃኒሳ ሚሺራቾ 4:23

ጊዶ ኣቲን ቱሙ ጎይኒዛይቲ ጾሳ ኣዋስ ኣያናኒኔ ቱማን ጎይኒዛ ዎዴይ ቡሮ ያና፤ ሃራይ ኣቶሺን ሃኢካ ዪዴስ። ጾሳይ ኣዋይካ ኮይዛይ ሄሳ ማላ ጎይኒዛይታ።

ሃዋሬታ ኦሶ 20:32

«ሃኢካ ኢንቴና ጾሳስ ሚን ኤሳናሲኔ ኣማኒዛይታ ጊዶን ኢንቴስ ላታሶ ኢማናስ ዳንዳይዛ ኢዛ ኣ ኪያቴ ቃላስ ታ ሃዳራ ኢማዲስ።

ሃዋሬታ ኦሶ 26:18

ኔ ኢስታ ኣይፌ ዶያና ማላኔ ማፔ ፖኦን ኬሳና ማላ ቃሴካ ጻላኤስ ሃሬቲዛሶፔ ጾሳኮ ኔ ዛራና ማላ ኦና፤ ኢስቲካ ታና ኣማኒዳ ጊሻስ ባ ናጋራፔ ማሬታና፤ ቃሴ ዶሬቲዳይታ ጊዶን ኢስቲ ጺንጾ ዴማና› ጊዴስ።

ኦሮሜ ኣሳስ 11:17

ኬ ማታን ዲዛ ዎጋራ ሚ ሃጋታ ማላቲ ኢንቴ ሜቂ ዎን ሃንኮ ዎራን ዲዛ ዎጋራ ሚታ ሚሳቲዛ ኣይዛቤቲ ኢንቴ ኪቾሳን ጊዲዲ ኢንቴ ሃሮኔ ኢንቴ ኣንጆ ሻኪ ኤኪዛዴንታ ጊዲኮ፥

ኦሮሜ ኣሳስ 15:27

ሃይሳ ሃ ማዶዛ ኢስቲ ባ ዶሳን ኢሚዳይ ኢስቲ ኦናስ ቤሲዛ ጊሻሳ፤ ኣይዛቤቲ ኣይሁዳታራ ኢሲፌ ኣያና ኣንጆ ኤኪዛይታ ጊዲኮ ኢስቲካ ባስ ዲዛ ቢታ ኣንጆን ኣይሁዳታ ማዳናስ ቤሴስ።

ኦሮሜ ኣሳስ 8:17

ኑኒ ጾሳ ናይታ ጊዲኮ ኢዛ ላቲዛይታ። ኑ ኪርስቶሳ ቦንቾዛ ላቲዛይታ ጊዳና ማላ ኣዳፌካ ኢዛራ ኢዛ ሜቶዛ ጊሼቲዛይታ ጊዲኮ ኑ ጾስ ላቲዛይታ፤ ኪርስቶሳራካ ኢሲፌ ላቲዛይታ።

ኦሮሜ ኣሳስ 9:23

ኮይሮ ቦንቾስ ጊግሲዳ ኢዛ ማሮቴ ቤሲዛይታስ ኢዛ ቦንቾ ዱሬቴ ኤሬታና ማላ ኢዚ ኦናሳ።

1ቆሮንቶሴ ኣሳስ 9:23

ታ ሃይሳ ዉርሳ ኦዛይ ሚሺራቾ ቃላ ኣንጆ ኢስታራ ጊሼታናስ ሚሺራቾ ቃላ ጊሻስ ኦዲስ።

2ቆሮንቶሴ ኣሳስ 11:14

ሄሲካ ዳሮ ማላሊሲዛዝ ጊዴና፤ ጻላኤይካ ባና ፖኦ ኪታንቻ ሚሳቲሲዲ ላሜቴስ።

2ቆሮንቶሴ ኣሳስ 5:5

ሄሳስ ኑና ጊግሲዳይ ጾሳ፤ ቡሮ ያናይሳስ ዋሴ ጊዳና ማላ ኑስ ባ ኣያና ኢሚዳይ ኢዛ።

ኤፌሶኔ ኣሳስ 1:11

ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ።

ኤፌሶኔ ኣሳስ 1:18

ሄሳካ ኢንቴ ኢዛን ጼይጌቲዳ ኡፋይሳይ ሄሲካ ኣማኒዛይታ ኣቻን ዲዛ ኢዛ ዱሬቴ ኣዛኮኔ ኢንቴ ኤራና ማላ ኢንቴ ዎዚና ኣይፌይ ፖኣና ማላ ዎሳይስ።

ኤፌሶኔ ኣሳስ 2:18

ኑ ዉሪካ ኢዛ ባጋራ ኢሲ ኣያናን ኣዋ ኣች ሺቃና።

ኤፌሶኔ ኣሳስ 3:6

ሄሲ ሄ ጹራይ ኣይዛቤቲ ሚሺራቾ ቃላ ባጋራ ኢስራኤሌ ናይታራ ኢሲፌ ላቲዛይታ፤ ኢሲፌ ኢሳዴ ኣሳቴ ማላ ጊዲዲ ዬሱስ ኪርስቶሳ ባጋራ ቤቲዳ ሂዶታ ኢሲፌ ጊሼቲ ላቲዛይታ ጊዳናሳ።

ኤፌሶኔ ኣሳስ 4:6

ኡባፌ ቦላራ ጊዲዳይ፥ ኡባ ቦላ ኦዛይ፥ ኡባሶን ዲዛይ፥ ኡባስ ኣዋ ጊዲዳ ኢሲ ጾሲ ዴስ።

ኤፌሶኔ ኣሳስ 5:11

ኣይፌይ ባይንዳ ማ ኦሶራ ኢንቴስ ኣይኮ ጋጎቴ ዶፖ፤ ሄሳፌ ኢታ ኦሶ ቆንጬ ኬሲቴ።

ኤፌሶኔ ኣሳስ 5:20

ሄሳን ጾሳ ኣዋ፥ ጎዳ ዬሱስ ኪርስቶሳ ሱን ኡባ ሚሻስ ኡባ ዎዴ ጋላቲቴ።

ኤፌሶኔ ኣሳስ 5:4

ኢንቴ ጋላታ ጋላቲዛይታ ጊዲቴ ኣቲን ኣሴ ዬላቺዛ ላፋ ሃሳያይ፥ ጮ ኤያቴ ዮኦይ ኢንቴስ ቤሶንታ ጊሻስ ሄሳ ማላይ ኢንቴ ጋርሳን ዶፖ።

ኤፌሶኔ ኣሳስ 5:8

ካሴ ኢንቴ ማ ሺን ጎዳን ሃኢ ኢንቴ ፖኦ፤ ኢንቴ ፖኦ ናይታ ማላ ዲቴ።

ቆላሲያሴ ኣሳስ 2:2

ቃሴካ ኢስታ ዎዚናይ ሚናና ማላኔ ኢስቲ ሲቆቴን ኢሶይ ኢሳራ ኦይኬታና ማላ ኩሜ ጊዲዳይሳ ዩሺ ቆፒ ኤሮን ዱሬቴ ዴሚዲ ጾሳ ጹራ ጊዲዳ ኪርስቶሳ ኢስቲ ኤራና ማላ ታ ዳፌታይስ።

ቆላሲያሴ ኣሳስ 3:15

ኢንቴ ዉሪካ ኢሲ ኣሾ ጊዲዲ ሳሮቴስ ጼይጌቲዳ ኪርስቶሳ ሳሮቴ ኢንቴ ዎዚናን ካዎቶ፤ ኢንቴ ጋላቲዛይታ ጊዲቴ።

ቆላሲያሴ ኣሳስ 3:17

ኢዛ ባጋራ ጾሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦዛይሳ ኡባ ጎዳ ዬሱሳ ሱንን ኦቴ።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

Ibirawe 12:23

ኢስታ ሱን ሳሎን ጻፌቲዳ ባይራታ ማባራንኮ፤ ኡባስ ዳና ጊዲዳ ጾሳኮ ኢስታ ቦላ ዎሶይ ባይንዳ ጺሎ ኣሳታ ሼምፖይ ዲዛሶ ማቲዴታ።

Ibirawe 3:1

ሄሳ ጊሻስ ሳሎፔ ጼይሲ ኢንቴና ጋኪን ኣማኒዛ ኑ ኢሻቶ! ኑ ኣማኖስ ሃዋሬኔ ቄሴታ ሃላቃ ጊዲዳ ዬሱሳ ቆፒቴ።

Ibirawe 3:14

ኑስ ካሴ ኮይሮፔ ዲዛ ኣማኖ ኑኒ ዉርሴ ጋካናስ ሎኤ ሚን ኦይኪኮ ኑኒ ኪርስቶሳራ ኢሲፌ ላታና።

ያቆቤ ኪታ 3:9

ኑኒ ኑ ኢንጻርሳይራ ጎዳኔ ኣዋ ኣንጆስ፤ ኢዚንካ ጾሳ ሌሚሶን ሜቲዳ ኣሳ ናይታ ዛሪዲ ቃንጎስ።

1ጴጽሮሳ ኪታ 5:1

ሄሳ ጊሻስ ታኒካ ኢስታራ ኢሲፌ ዎሳ ኬስ ጪማኔ ኪርስቶሳ ዋዬዛስ ማርካ ጊዲዳ ታኒ ቃሴካ ቡሮፔ ቆንጫና ቦንቾዛ ጊሼታናስ ዲዛ ታኒ ኢንቴናራ ዲዛ ዎሳ ኬ ጪማታ ዞራይስ።

1ዮሃኒሳ ኪታ 1:3

ኢንቴስካ ኑናራ ኢሲፌቴ ዳና ማላ ኑኒ ቤኢዳይሳኔ ሲዪዳይሳ ኢንቴስ ዮቶስ፤ ኑ ኢሲፌቴይካ ኣዋራኔ ኢዛ ና ዬሱስ ኪርስቶሳራ።

ዮሃኒሳ ኣጁታ 21:23

ጾሳ ቦንቾይ ኢዚስ ፖኢዛ ጊሻሲኔ ዶርሳዚ ኢዚ ፖኦ ጊዲዳ ጊሻስ ሄ ካታማይስ ኣርሼይ ዎይኮ ኣጊናይ ፖኢሳናስ ኮሼና።

ዮሃኒሳ ኣጁታ 22:14

ሄ ዴኦ ሚ ኣይፌ ማናሲኔ ሄ ካታማዮ ኢዚ ፔንጌራ ጌላናስ ቤሲዛይቲ ባ ማይኦ ሜጪዳይቲ ኣንጄቲዳይታ።

ዮሃኒሳ ኣጁታ 22:5

ሄሳፌ ጉዬ ቃማይ ዴና፤ ጎዳ ጾሲ ኢስታስ ፖኢዛ ጊሻስ ታማ ፖኦይ ዎይኮ ኣርሼ ፖኦይ ኢስታስ ኮሼና፤ ኢስቲ ሜርናፔ ሜርናስ ካዎታና።