ኣሞጼ ቲንቢቴ 9:10 - ጋሞ ማጻፋ

¹⁰ ‹ኑ ቦላ ኣይኮ ኢታይካ ጋኬና ዎይኮ ኑና ቦቼና› ጊዛ ታ ዴሬ ኣሳ ጋርሳን ዲዛ ናጋራንቻቲ ኡባይ ኦላን ሃይቃና» ጌስ ጎዳይ።

Geeshsha Maxaafa

¹⁰ ‹Nu bolla aykko iitaykka gakkenna woykko nuna bochchenna› giza ta dere asaa garsan diza nagaranchchati ubbay olan hayqqana» gees GODAY.

ኣሞጼ ቲንቢቴ 9:10 ပူးပေါင်းရင်းမြစ်များ

ዬ ማጻፋ 10:11

ኢታ ኣሲ ባ ዎዚናን፥ «ጾሲ ታና ዶጊዴስ፤ ባ ሲን ታፔ ጌንዴስ፤ ሙሌካ ኢዚ ታና ቤኤና» ጌስ።

ኤራንቻታ ማጻፋ 8:11

ኢታ ኦዳ ኣሳ ቦላ ኤሶን ፒርዶንታ ኣጊኮ ኣሳ ዎዚናይ ኢታ ኦና ሃልቾን ኩሜስ።

ኢሳያሳ ቲንቢቴ 33:14

ጺዮኔን ዲዛ ናጋራንቻቲ ዳጋሚዳ፤ ጾሲ ኢስታስ ባይንዳይቲ ባቢዲ፥ «ኑ ጋርሳፌ ጹጊዛ ታማራ ዳና ዳንዳይዛይ ኦኔ? ሜርና ታማራ ዳና ዳንዳይዛይ ኦኔ?» ጊዳ።

ኢሳያሳ ቲንቢቴ 5:19

«ኑኒ ኑ ኣይፌራ ቤኣና ማላ ኣኔ ጾሲ ኤሌሎ! ባ ኦሶካ ኤሶሶ! ኑኒ ኤራና ማላ ኢስራኤሌ ጌሻይ ቆፒዳ ቆፋይ ማታን ፖሌቶ» ጊዛይታስ ኣዬ ኣና!

ኢሳያሳ ቲንቢቴ 56:12

ኢስቲ ኢሶይ ኢሳራ፥ «ሃ ዪቴ፤ ዎይኔ ኡሹ ኣኔ ኡዮስ። ኣኔ ማታና ጋካናስ ኡዮስ! ዎንቶይካ ሃቻ ማላ ጊዳና፤ ዎይኮ ሃቺፌካ ኣ ሎኦ ጊዳና» ጌቴታና።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።

ኤርማሳ ቲንቢቴ 23:17

ታና ካዛይታ ኢስታስ፥ ‹ጎዳይ ኢንቴስ ሳሮ ጊዳና ጊዴስ› ጌቴስ፤ ባንታ ዎዚና ሙሜቴ ካሊዛይታ ኡባ ኢስታስ፥ ‹ኢታ ሚሺ ኢንቴና ጋኬና› ጌቴስ።

ኤርማሳ ቲንቢቴ 29:32

ጎዳይ፥ ‹ታኒ ኔሄላሜ ዴሬ ኣስ ሻማኤኔ ኢዛ ሶ ኣሳ ቃጻያና። ታ ቦላ ኢዚ ማካላ ሚሽ ሃሳይዳ ጊሻስ ሃ ዴራ ጊዶን ኢዛስ ዛሬይ ኣቴና፤ ቃሴ ታኒ ታ ዴራስ ኦና ሎኦ ሚሻካ ጋኪ ቤዬና› ጊዴስ» ጊሼ ዪዴስ።

ሂዚቄላ ቲንቢቴ 20:38

ታ ቦላ ማካሊዳይታኔ ታና ቆሂዳይታ ታኒ ኢንቴ ጊዶፌ ዲጋና፤ ሃኢ ኢስቲ ዲዛ ቢታፌካ ታ ኢስታ ኬሳና፤ ጊዶ ኣቲን ኢስቲ ኢስራኤሌ ቢታ ጌሌቴና። ታኒ ጎዳ ጊዲዳይሳ ኢንቴ ሄ ዎዴ ኤራና» ጌስ።

ኣሞጼ ቲንቢቴ 6:1

ጺዮኔን ባ ጊ ኡቲዳይቶ! ሳማሪያ ዙማ ቦላ ሂርጋይ ባይንዳ ዲዛይቶ! ኢስራኤሌ ኣሳይ ማዶ ኮዪዲ ኢንቴኮ ዪዛይቶ! ኢንቴኖ ዴሬ ሃላቃቶ! ኢንቴስ ኣዬ ኣና!

ኣሞጼ ቲንቢቴ 6:3

ኢንቴ ቃሴ፥ «ኢታ ጋላሲ ኤሌ ጋኬና» ጊዛ ቆፋን ኢንቴ ዳናቴን ጌኔ ኦሶ ኤሶሴታ።

ኣሞጼ ቲንቢቴ 9:8

ታኒ ኡባ ሃሪዛ ጎዳይ ጌዴ ናጋራንቻ ኢስራኤሌ ኣሳ ካዎቴኮ ጼላይስ፤ ታ ኢዛ ቢታፌ ሙሌራ ይሳና፤ ጊዶ ኣቲን ያቆቤ ዜሬ ኡባ ይሲኬ» ጌስ።

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ዛካራሳ ቲንቢቴ 1:6

ጊዶ ኣቲን ታኒ ታ ናቤታ ባጋራ ዮቲዳ ቃላቲኔ ዎጋቲ ኢንቴ ኣዋታ ቦላ ጋኪቤቴኔ? ‹ኢስቲካ ማሮቴን ጌልሼ ኡባፌ ዎልቃማ ጎዳይ ባ ኮዪዳ ማላ ኑ ኦሶ ማላኔ ኑ ኦጌ ማላ ኑስ ቤሲዛዝ ኑ ቦላ ኦዴስ› » ጊዳ።

ሚልካሳ ቲንቢቴ 3:15

ሃኢ ኑ ኦቶራንቻቲ ኣንጄቲ ዲሺን ኢታ ኦዛይቲ ዱሬቲሺን ጾሳ ፓጪዛይቲ ኬሲ ኤኪ ኣቲሺን ቤዮስ› ጌታ» ጌስ ኡባፌ ዎልቃማ ጎዳ ጾሳይ።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።