ኣሞጼ ቲንቢቴ 9:1 - ጋሞ ማጻፋ

¹ ጎዳይ ያርሾ ያርሺዛሶዛ ሚሌን ኤቂ ዲሺን ታ ቤያዲስ፤ ኢዚካ ታና፥ «ጾሳ ኬ ዮቻይ ቃጻና ጋካናስ ኬ ቁስቴ ሾጫ ላላዳኔ ኣሳ ቦላ ኩንዳና ማላ ኦ፤ ሄሳፌካ ኣቲዳይታ ታኒ ኢስታ ማሻራ ዎ ይሳና፤ ኢስታፌ ኦኒካ ባቃቴና፤ ባቃቲኮካ ታፔ ኬሲ ኤኪ ኣቴና።

Geeshsha Maxaafa

¹ GODAY yarsho yarshizasoza millen eqqi dishin ta beyadis; izikka tana, «Xoossa Keeththaa yochchay qaaxxana gakkanaas keeththa qustte shoca laalladanne asaa bolla kundana mala ooththa; hessafekka attidayta tani istta mashshara wodha dhayssana; isttafe oonikka baqatenna; baqatikkoka taappe kessi ekki attenna.

ኣሞጼ ቲንቢቴ 9:1 ပူးပေါင်းရင်းမြစ်များ

2ታሪኬ ማጻፋ 18:18

ሚኪያሲ ካሌዲ፥ «ሃኢካ ጎዳይ ጊዛይሳ ሲያ! ጎዳይ ባ ካዎቴ ኣራታን ኡቲን ሳሎ ኦላንቻቲ ኡባይ ኢዛፔ ኡሻቻ ባጋራኔ ሃዲርሳ ባጋራ ኤቂዳይሳ ታኒ ቤኣዲስ።

ዬ ማጻፋ 68:21

ጾሲ ቱማፔ ባ ሞርኬታ ሁኤ ኪንቻና፤ ናጋራ ኦጌን ሄሜቲዛ ጎፋራንቻታ ሁኤ ቆኤሬና።

ዬ ማጻፋ 68:22

ጎዳይ፥ «ታኒ ኢንቴ ሞርኬታ ባሳኔፔ ዛራዳ ኤሃና፤ ታኒ ኢስታ ጪማ ኣባ ጊዶፌ ኬሳዳ ጉዬ ዛራና።

ኢሳያሳ ቲንቢቴ 30:16

ቃሴካ፥ ‹ቺ! ኑኒ ፓራን ኡቲ ባቃታና› ጊዴታ፤ ሄሳ ጊሻስ ኢንቴ ባቃታና። ዛሪዲካ ኢንቴ፥ ‹ኑኒ ፒላታ ፓራን ኬሲ ኤኪ ባና› ጊዴታ፤ ሄሳ ጊሻስ ኢንቴና ዬዴዛይቲ ፒላታታ ጊዳና።

ኢሳያሳ ቲንቢቴ 6:1

ካዎ ኦዚያይ ሃይቂዳ ላይ ጎዳይ ቃ ኣራታ ቦላ ኡቲዳይሳ ቤያዲስ፤ ኢዚ ማይኢዳ ኣፋላ ማጫራይ ጾሳ ኬ ኩሚ ኡቲዴስ።

ኤርማሳ ቲንቢቴ 11:11

ሄሳ ጊሻስ ጎዳይ ኢስታስ፥ ‹ኢስቲ ባቃቲዲ ኣታናስ ዳንዳዮንታ ሜቶ ታ ኢስታ ቦላ ኤሃና። ኢስቲ ታኮ ዋሲኮካ ታ ሲዪኬ።

ኤርማሳ ቲንቢቴ 42:16

ኢንቴ ባቢዳ ማሻይ ኢንቴና ሄን ዴማና፤ ኢንቴ ሂርጊዳ ኮሻይካ ኢንቴና ካሊዲ ጊብጼ ጋካናስ ባና፤ ኢንቴካ ሄን ሃይቃና።

ኤርማሳ ቲንቢቴ 48:44

«ሻባርሳፌ ባቃቲ ኣቲዳ ኡባይ ኦላን ጌላና፤ ኦላፌ ኬዚዳይ ዎጺማዴን ኦይኬታና፤ ታኒ ሞኣቤይ ቃጻዬቲዛ ላይ ኤሃና ጊሻሳ።

ሂዚቄላ ቲንቢቴ 1:28

ኢዛ ዩሾን ዲዛ ጶሊዛ ፖኦይ ኢራ ጋላስ ሻራ ቦላ ኤቂዳ ዙላ ሚሳቴስ። ሄሲካ ጎዳ ቦንቾ ቆንጬ ሚሳቴስ። ታኒ ሄሳ ቤኢዳ ዎዴ፥ ቢታን ዱጌ ጉፋናዳ ኢሳዴ ሃሳያ ጬንጉርስ ሲያዲስ።

ሂዚቄላ ቲንቢቴ 10:4

ጎዳ ቦንቾይ ኪሩቤታ ቦላፌ ዴንዲዲ ጾሳ ኬ ዳርማች ቢዲ ኤቂዴስ። ጎዳ ኬ ሻራይ ኩሚዴስ፤ ዛጎዚ ጶሊዛ ጎዳ ቦንቾን ኩሚዴስ።

ሂዚቄላ ቲንቢቴ 15:7

ታኒ ታ ኣይፌሶ ኢታቴን ኢስታ ቦላ ዛራና፤ ኢስቲ ታማፔ ኬሲ ኤኪ ኣቲዳ ጊዲኮካ ቡሮ ኢስታ ታማይ ማና፤ ታኒ ታ ሲን ኢታቴን ኢስታኮ ዛሪዛ ዎዴ ታኒ ጎዳ ጊዲዳይሳ ኢንቴ ኤራና።

ሂዚቄላ ቲንቢቴ 9:2

ሄኮ ይሲዛ ኦላ ሚሽ ባ ኩሼን ኦይኪዳ ኡሱፑን ኣሳቲ ፑዴሃ ባጋን ዲዛ ጋና ባጋ ፔንጌዛራ ዪዳ፤ ኢስታራ ላይኖ ማይኢዲ፥ ባ ሚሌን ጻፊዛ ሚሽ ኮሮጆን ኦይኪዳ ኢሲ ኣሲ ዴስ። ኢስቲ ጊዶ ጌሊዲ ጻርቂማላፔ ኦሴቲዳ ያርሺዛሶ ላንቄን ኤቂዳ።

ኣሞጼ ቲንቢቴ 3:14

ኢስቲ ኦዳ ናጋራ ጊሻስ ታኒ ኢስራኤሌ ኣሳ ቃጻዪዛ ዎዴ ቤቴሌን ዲዛ ያርሾ ያርሺዛሶሆታ ታኒ ላላና፤ ያርሺዛሶሆታ ቦላ ዲዛ ካጬቲ ሜቄሬቲ ኩንዳና።

ኣሞጼ ቲንቢቴ 7:17

ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ኣሞጼ ቲንቢቴ 7:9

ዪሳቂኔ ኢዛስ ናዛ ናይቲ ጎይኒዛ ቃሶሆቲ ላሌታና፤ ኢስራኤሌ ናይቲ ጎይኒዛሶሆቲ ላሌታና፤ ኢዮርባኣሜ ካዎቴ ታኒ ሙሌራ ይሳና» ጊዴስ።

ኢምባቆ ቲንቢቴ 3:13

ኔኒ ኔ ዴሬ ኣሻናሲኔ ኔ ቲይዳዴ ኣሻናስ ኬዛዳሳ፥ ኢታ ዴሬ ካሌዛዴ ሊቂሳዳሳ፥ ሁኤፔ ቶሆ ጹጉን ጋካናስ ካሎ ኣሻዳሳ።

ሶፎናሳ ቲንቢቴ 1:12

ሄ ዎዴ ታ ዬሩሳላሜ ጊዶዛ ጾምፔራ ኮያና፤ ኣይኮ ሂርጋይ ባይንዳ ባ ጊ ኡቲዳይታ፥ ዎይኔ ኡሹ ጋጪ ኤኪቺን ኦርጮ ቦላ ኣቲዳ ዎይኔ ኡሻ ማላ ጊዲዳይታ፥ ‹ኢታ ጊዲን ዎይኮ ሎኦ ጊዲን ጎዳይ ኣይኮካ ኦና› ጊዛይታ ታ ቃጻያና።

ሶፎናሳ ቲንቢቴ 2:14

ዶርሳ ዉዴይኔ ሜሄ ዉዴይ፥ ሜቴፌ ኡባ ቆሞይ ሄን ሼምፓና። ጉቶይኔ ቁጻርሲ ኢዚ ጊምቤታን ኣቃና። ኢስታ ዋሶይ ማስኮቴታራ ሴቴታና። ጊምቤዛ ላሌ ኢሳ ኢሳ ፔንጌን ዶሬታና፤ ኬታ ቶኪ ኤቂዳ ዚጋ ጎዳቲ ካሎታና።

ዮሃኒሳ ሚሺራቾ 1:18

ጾስ ቤኢዳይ ኦኒካ ባ። ጊዶ ኣቲን ጾሳ ኣዋ ማታን ዲዛ ጾሳ ና ኢሶይ ጻላላ ኢዛ ቆንጪሲዴስ።

ዮሃኒሳ ሚሺራቾ 1:32

ካሌዲካ ዮሃኒሲ ሂዝጊ ማርካቲዴስ፤ «ጺሎ ኣያናይ ሃራጴ ካፎ ሚሳቲዲ ሳሎፔ ዎሺኒኔ ኢዛ ቦላ ኡቲሺን ቤያዲስ።

ሃዋሬታ ኦሶ 26:13

ካዎ ኢንቴስ ሆላ! ቡሮ ታ ኦጌን ዲሺን ጋዴይ ሴታ ጋላስ ጊዲሺን ኣርሼ ፖኦፔ ኣዛ ፖኦ ቤያዲስ፤ ሄ ፖኦይ ታናኔ ታናራ ቢዛ ኣሳታ ዩዪ ኣዲ ሳሎፔ ፖኢዴስ።

ኢያሶ ማጻፋ 10:18

ኢያሶይ፥ «ጊታ ሹቻታ ጌንዴሪሲ ኤፊዲ ጎንጎሎዛ ጎርዲቴ፤ ሂስቲዲ ናጋና ዛቤታ ሄን ዎቴ።

ዮሃኒሳ ኣጁታ 1:17

ታኒ ሄሳ ቤያዳ ሃይቂዳ ኣስ ሚሳታዳ ኢዛ ቶሆ ጋርሳን ኩንዳዲስ፤ ኢዚ ቃሴ ታ ቦላ ባ ኡሻቻ ኩሼ ዎዲ፥ «ኔ ባቦፋ! ኮይሮይኔ ዉርሴ ታና።

ዮሃኒሳ ኣጁታ 8:3

ኤጻኔ ኢዛን ጩዋሲዛ ዎርቃፌ ኦሴቲዳይሳ ኦይኪዳ ኪታንቻይ ዪዲ ያርሾ ኢዛን ያርሺዛሶዛ ኣቻን ኤቂዴስ። ኣልጋ ሲንን ዲዛ ዎርቃፌ ኦሴቲዳ ያርሾ ኢዛ ቦላ ያርሺዛይሳ ቦላ ጌሻታ ዎሳራ ኢሲፌ ሺሺዛ ዳሮ ኤጻኔይ ኢዛስ ኢሜቲዴስ።