ኣሞጼ ቲንቢቴ 5:12 - ጋሞ ማጻፋ

¹² ኢንቴ ቆሆይ ኣይ ማላ ዳሮኮኔ ኢንቴ ናጋራይ ኣይ ማላ ዴጾኮ ታ ኤራይስ፤ ኢንቴ ጺሎ ኣሳታ ኡንኤታ፤ ማታኤ ኤኪዲ ፒርዳሶን ማንቆታስ ጌላ ፒርዴታ።

Geeshsha Maxaafa

¹² Intte qohoy ay mala darokkonne intte nagaray ay mala deexokko ta erays; intte xillo asata un7eththeeta; matta7e ekkidi pirdason manqotas geella pirdeeta.

ኣሞጼ ቲንቢቴ 5:12 ပူးပေါင်းရင်းမြစ်များ

ኢዮቤ ማጻፋ 20:19

ሃይሲካ ሃንዛይሲ ኢዚ ማንቆታ ኡንኤዳ ጊሻሲኔ ባ ኦንታ ኬ ጌኔን ኤኪዳ ጊሻሳ።

ኢዮቤ ማጻፋ 31:21

ታኒ ሞቶን ኢስታ ላናይሳ ኤራዳ ኣዋይ ባይንዳ ናይታ ናቂዳ ጊዲኮ፥

ዬ ማጻፋ 127:5

ኢዛ ኮሆቲ ሄ ዪሻታን ኩሚዳይ ኣንጄቲዳዴ። ኢዚ ካታማ ፔንጌን ባ ሞርኬታራ ማርሼቲዛ ዎዴ ሻቱሜቴና።

ኬሳ ማጻፋ 23:3

ማንቆ ኣሲ ፒርዳሶ ሺቂኮ ኢዛ ማንቆቴ ቤኣዳ ማዳ ፒርዶፋ።

ኬሳ ማጻፋ 23:6

«ፒርዳስ ዱቡሻን ሺቃዳ፥ ማንቆ ኣሳ ፒርዳ ዎቢሶፓ።

ሌሚሶ ማጻፋ 17:8

ማታኤይ ኢሚዛዴስ ቢታ ማላ፤ ኢዚ ቢዳ ሶሆ ኡባን ኢዛስ ኢንጄታና ሚሳቴስ።

ሌሚሶ ማጻፋ 22:22

ሂዬሳታሲ ኣይኮይካ ባይንዳ ጊሻስ ኢስታ ቦንቆፋ፤ ሺሎታንካ ሜቶታንቻታ ዋዪሶፓ።

ኢሳያሳ ቲንቢቴ 1:23

ኔና ካሌዛይቲ ማካላንቻታራኔ ካይሶታራ ላጌቲዳ፤ ኢስቲ ኡባይካ ማጋንጾ ዶሴቴስ። ማታኤካ ኬሂ ኮዬቴስ፤ ዪኦታስ ኣ ኤቄቴና፤ ኣምኤታ ማጋና ሲዬቴና።

ኢሳያሳ ቲንቢቴ 10:2

ማንቆታ ፒርዳ ጌላሲዛይታስ፥ ኡንኤቲዳ ታ ዴሬዛ ፒርዳ ቦካሲዛይታስ፥ ኣምኤታ ኣቆታ ቦንቂዛይታስ፥ ዪኦታ ኣቆታ ቺ ሚዛይታስ ኣዬ ኣና!

ኢሳያሳ ቲንቢቴ 29:21

ኣስ ዮኦን ሞራንቻ ኬሲዛይቲ፥ ሺሎታን ሞቴቲዛይሳ ቦላ ዎጺማዴ ዋጺዛይቲ፥ ዎርዶ ማርካን ቱማቴ ጺሎታፔ ቦንቂዛይቲ ያና።

ኢሳያሳ ቲንቢቴ 33:15

ጺሎቴን ሄሜቲዛይ፥ ሱሬ ሃሳይዛይ፥ ባሌን ቤቲዛ ዎ ካዛይ፥ ጉቦ ኤኬናፔ ባ ኩሼ ሺሺ ኤኪዛይ፥ ኣስ ዎና ዙፔቲዛይታ ዞሬ ሲያናፔ ባ ሃይ ቱጪዛይ፥ ኢታ ቤያናፔ ባ ኣይፌ ቂሊምኢዛይ፥

ኢሳያሳ ቲንቢቴ 47:9

ሃ ናምኡ ዮኦቲ፥ ኣምኤቴኔ ዬሊ ን ቆፋይ ባይንዳ ኢሲ ጋላስ ኔ ቦላ ጋኪ ዎና፤ ኔ ኣይ ኬና ቢቲኮካ፥ ኔ ኣይ ኬና ሙሬኒኮካ ኢስቲ ኔ ቦላ ኩሜ ዎልቃራ ያና።

ኢሳያሳ ቲንቢቴ 5:23

ማታኤ ኤኪዲ፥ ሞራንቻታ ጺሊሲዛይታሲኔ ጺሎ ኣሳታሲ ሱሬ ፒርዳ ዲጊዛይታስ ኣዬ ኣና!

ኢሳያሳ ቲንቢቴ 66:18

«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

ኤርማሳ ቲንቢቴ 29:23

ኢስቲ ባ ላጌታ ማቼታራ ላይማቴን ታ ኢስታስ ዮቶንታ ቃላ ታ ሱንን ዎርዶ ዮቶን ኢስራኤሌ ቦላ ቆሆ ጋዳ፤ ሄሳ ታኒ ኤራይስ፤ ታኒ ሄሳስ ማርካ» ጌስ ጎዳይ።

ኤርማሳ ዚላስ 3:34

ዴራን ዲዛ ቃሾ ኣሳይ ኡባይ ጌኔን ዬቲሺን፥

ሂዚቄላ ቲንቢቴ 13:22

ታኒ ቆሆንታ ጺሎዛ ኢንቴ ዎርዶራ ጬጪሲዳ ጊሻስ፥ ናጋራንቻይ ባ ኢታ ኦጌፔ ሲሚዲ ባ ሼምፖ ኣሾንታ ማላ ኢንቴ ኢዛ ኢዛ ናጋራን ሚንዴታ።

ሆሴኤ ቲንቢቴ 5:3

ታኒ ኢስራኤሌ ኣሳ ኡባ ኤራይስ። ኢስራኤሌይ ታ ኣይፌፔ ጌማቤኩ፤ ኤፍሬሜ፥ ኔኒ ላይማቴ ጎይኖን ቱናዳሳ።

ኣሞጼ ቲንቢቴ 2:16

ኦላ ቃራቲካ ሄ ጋላስ ጎሮ ካሎ ባቃታና» ጌስ።

ኣሞጼ ቲንቢቴ 2:3

ታኒ ኢስታ ሃሪዛ ካዎዛኔ ዳናታ ኡባ ይሳና» ጌስ።

ኣሞጼ ቲንቢቴ 5:10

ኢንቴ ቃሴ ኢንቴና ፒርዳሶን ሃንቂዛዴ ኢጼታ፤ ቱሙ ሃሳይዛዴካ ካታ።

ኣሞጼ ቲንቢቴ 5:7

ኢንቴኖ ፒርዳ ጌላሲዛይቶ! ቱማካ ጌዴ ዎርዶን ላሚዛይቶ ኢንቴስ ኣዬ ኣና!

ኣሞጼ ቲንቢቴ 8:4

ኢንቴኖ ሜቶቲዳ ኣሳ ቆሂዛይቶ! ቃሴ ማንቆታ ቢታፌ ይሳና ኮይዛይቶ! ሃይሳ ሲዪቴ!

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ሚኪያሳ ቲንቢቴ 7:3

ኢዛ ኩሼይ ኢታ ኦናስ ታማርዴስ፤ ዴሬ ሄሚዛዴይ ኩሼ ጌን ኮዬስ፤ ፒርዲዛ ዳናይካ ማታኤ ኤኬስ፤ ዎልቃማቲ ባና ኮሺዳዚ ኦቴስ፤ ዉሪካ ኢሲ ቦላ ዱላቴቴስ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ሃዋሬታ ኦሶ 7:52

ናቤታፔ ኢንቴ ኣዋቲ ጎዶንታ ናቤይ ኦኔ? ጺሎዛ ዮሃኒሳ ካሴቲ ዮቲዳ ናቤታካ ዎዳ፤ ኢንቴካ ሃኢ ኢዛ ኣ ኢሚዴታኔ ዎዴታ።

ዛሬ ማጻፋ 16:18

ኢንቴ ዛሬቲ ኡባይ ጎዳ ኢንቴ ጾሳይ ኢሚዛ ካታማታን ኡባን ኢንቴ ዳናታኔ ሃላቃታ ሱንቴ፤ ኢስቲካ ኣሳስ ጺሎ ፒርዳ ፒርዴቶ።

ዛሬ ማጻፋ 31:21

ዳሮ ሜቶይኔ ባሺ ኢስታ ቦላ ጋኪዛ ዎዴ ሃ ዬይ ኢስታ ናይታ ዶናፔ ኪቼና ጊሻስ ኢስታ ቦላ ማርካ ጊዳና። ጋሶይካ ታኒ ጫቂዳ ቢታ ኢስታ ቡሮ ጌልንታ ዳሼ ሃራካ ኢስቲ ቆፒዛ ቆፋ ኤራይቻዲስ» ጊዴስ።

ያቆቤ ኪታ 5:4

ኢንቴ ኢንቴ ዎዚናን ዎቴ፤ ኢንቴ ካ ማጺሼ ፔይዳይታስ ኢስታ ዎልቃ ዋጋ ኢንቴ ቃንጾንታ ኣጊዳ ጊሻስ ኢንቴ ቦላ ዋሲሼ ኢንቴ ኣቻን ዴቴስ። ካ ማጺዛይታ ዋሶይ ኡባ ዳንዳይዛ ጎዳ ሃይን ጋኪዴስ።

ያቆቤ ኪታ 5:6

ኢንቴ ኢንቴናራ ኤቄቶንታ ጺሎ ኣሳታ ቦላ ዎርዶ ዎዲ ዎዴታ።

ኡሩቲ ማጻፋ 4:1

ቦኤዜይ ካታማ ፔንጌ ኣቻን ዲዛ ዱቡሻ ኬዚዲ ሄን ኡቲዴስ። ኢዚ ኡቲ ዲሺን ኢዚ ካሴ ኢዛ ጊሻስ ዮቲዳ ላታ ዳቦይ ሄራ ኣዛይሳ ቤኢዲ፥ «ታ ኢሻዉ! ሃ ሲማዳ ሃይሳን ኡታ» ጊን ኣዴዚ ሲሚዲ ኡቲዴስ።

1ሳሜላ ማጻፋ 8:3

ጊዶ ኣቲን ናይቲ ባንታ ኣዋ ኦጌ ካሊቤቴና፤ ቤሶንታ ጎኣ ዴማናስ ጊሼ ኦጌፔ ኬዚዳ፤ ማጋንጾ ኤኪዲ ፒርዳ ጌላሲዳ።