ኣሞጼ ቲንቢቴ 5:11 - ጋሞ ማጻፋ

¹¹ ማንቆታ ኡንኤታ፤ ኢስታ ዎልቃራ ካ ጊሪሴታ፤ ኢንቴስ ማሴቲዳ ሹቻፌ ኬ ኬጺዴታ ሺን ሄ ኬን ዴኬታ። ኣራዳ ቢታን ዎይኔ ሚ ቶኪዴታ ሺን ኢዛፔ ኣጌቲዳ ዎይኔ ኡሹ ኡዬኬታ።

Geeshsha Maxaafa

¹¹ Manqota un7eththeeta; istta wolqqara kath giiriseeta; inttes masettida shuchchafe keeth keexxideta shin he keeththan deekketa. Aradda biittan woyne miththa tokkideta shin izappe agettida woyne ushshu uyekketa.

ኣሞጼ ቲንቢቴ 5:11 ပူးပေါင်းရင်းမြစ်များ

ኢዮቤ ማጻፋ 20:19

ሃይሲካ ሃንዛይሲ ኢዚ ማንቆታ ኡንኤዳ ጊሻሲኔ ባ ኦንታ ኬ ጌኔን ኤኪዳ ጊሻሳ።

ኢሳያሳ ቲንቢቴ 16:10

ኡፋይሳይኔ ኢሊሊሳይ ኔ ኣታኪልቴይ ዲዛሶፔ ኪቺዴስ፤ ዎይኔ ቶኪዛሶሆን ዬጺዛ ዬይ ዴና፤ ኢሊሲካ ኣቲዴስ። ዎይኔ ቴራ ጉምኢዛሶሆይ ዴና፤ ጉምኢዛይታ ሆምቦጫካ ታ ይሳዲስ።

ሂዚቄላ ቲንቢቴ 26:12

ኔ ኣቆታ ኢስቲ ቦንቃና፤ ኔ ሻቃጬ ኢስቲ ቦንቂ ኤካና፤ ኔ ዲርሳ ኢስቲ ላላና፤ ኔ ሎኦ ኬታካ ኡባ ይሳና፤ ኔ ሹቻኔ ኔ ሚ፥ ኔ ዲርሳ ላሌ ዱጌ ኣባን ዬጋና።

ሂዚቄላ ቲንቢቴ 34:21

ላፋታ ኢንቴ ኢንቴ ሃሼኒኔ ኢንቴ ቡንቃሼን ሱጊዛ ጊሻስ፥ ኢስቲ ጎዴቲ ባና ጋካናስ ኢንቴ ኢንቴ ካጬን ኢጪዛ ጊሻስ፥

ሆሴኤ ቲንቢቴ 9:2

ሄሳ ጊሻስ ሃይሳፌ ጉዬ ኢንቴ ካ ባሌፔ ካ፥ ዎይኔ ጉምኢዛሶሆፔ ዎይኔ ኡሹ ዴሜኬታ። ኦራ ዎይኔ ኡሺካ ኢንቴስ ፓጫና።

ሌዌታ ማጻፋ 26:16

ሄ ዎዴ ታኒ ኢንቴ ቦላ ሃይሳ ኤሃና፤ ጊታ ዳጋማ፥ ጊልቃቴ፥ ኣይፌ ቦልጄሲዛዝ፥ ኣሳቴ ጊልቂሲዛዝ ቆጾ ሃርጌ ታ ኢንቴ ቦላ ኤሃና፤ ኢንቴ ዜሬ ዜራናሺን ጮ ሜላ ሃዳ ጊዳና፤ ጋሶይካ ኢንቴ ዜሪዳይሳ ኢንቴ ሞርኬቲ ማና።

ኣሞጼ ቲንቢቴ 2:6

ጎዳይ ኢስራኤሌስ፥ «ኢስራኤሌ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ። ጺሎ ኣሳታ ቢራስ፥ ሜቶቲዳይሳ ቶሆ ጫማስ ባይዚዳ።

ኣሞጼ ቲንቢቴ 2:7

ኢስቲ ማንቆታ ጉዱላ ቦላ ጌንዴሪሲዲ ኢስታ ሁኤ ዬቴቴስ፤ ቆሄቲዳይታስ ጌላ ፒርዴቴስ፤ ኣዋይኔ ናይ ኢሲ ማጫሳይራ ላይማቴቴስ፤ ኢስቲ ሄሳ ኦ ኦዲ ታ ሱን ቱኒሴቴስ።

ኣሞጼ ቲንቢቴ 3:15

ኢስቲ ኢዛን ቦኔኔ ባልጎ ዲዛ ኬታ ኡባ ታ ላላ ይሳና፤ ዳንጋርሳ ዛሌን ሎኤ ኣሌቂሲዳ ኬቲ ዉሪካ ላሌታና፤ ጊታ ኬቲ ዉሪካ ያና» ጌስ።

ኣሞጼ ቲንቢቴ 3:9

ኣሽዶዴኒኔ ጊብጼን ዲዛ ሚጻታን ዲዛ ኡባስ፥ «ሳማሪያ ዙማታ ቦላ ሺቂቴ፤ ሄን ኢስታን ኦሴቲዛ ጌኔ ኦሶኔ ቡልኣኬቲዛይሳ ጼሊቴ» ጊ ኣዋጂቴ።

ኣሞጼ ቲንቢቴ 4:1

ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

ኣሞጼ ቲንቢቴ 6:11

ጎዳ ኣዛዞን ዎጋ ኬቲ ላሌታና፤ ጉ ኬቲካ ላሌቲ ኣታና።

ኣሞጼ ቲንቢቴ 6:12

ፓራይ ሹቻ ቦላ ቶጌቲዜ? ጎሻንቻይ ኣባ ጊዶን ቦራ ዋጺ ጎያናስ ዳንዳይዜ? ኢንቴ ጊዲኮ ፒርዳ ማርዜን ላሚዴታ፤ ቱማካ ጌዴ ጫሞን ሺርዴታ።

ኣሞጼ ቲንቢቴ 8:4

ኢንቴኖ ሜቶቲዳ ኣሳ ቆሂዛይቶ! ቃሴ ማንቆታ ቢታፌ ይሳና ኮይዛይቶ! ሃይሳ ሲዪቴ!

ኣሞጼ ቲንቢቴ 9:14

ዲኤቲ ቢዳ ኢስራኤሌ ኣሳ ሃ ኢስታ ዴሬ ዛራ ኤሃና፤ ላሌቲዳ ካታማታ ዛሪ ኬጺዲ ኢዛን ዴኣና፤ ኢስቲ ዎይኔ ቶኪዲ ኢዛፔ ኣጌቲዳ ኡሹ ኡያና፤ ዱማ ዱማ ኣይፊዛ ሚ ቶኪዲ ኢዛ ኣይፌ ማና።

ሚኪያሳ ቲንቢቴ 1:6

ሄሳ ጊሻስ ታኒ ሳማሪያ ኬ ላሌቲዳሶኔ ዎይኔ ሚ ቶኬቲዛሶ ኬሳና፤ ኢዛ ኬጼቲዳ ዮቻ ሹቻ ታ ዱጌ ሾባን ኦላናኔ ኢዚ ጻጶ ሾዳ ይሳና።

ሚኪያሳ ቲንቢቴ 2:2

ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ።

ሚኪያሳ ቲንቢቴ 6:15

ኔ ዜራና ሺን ማጻካ፤ ዎጋራ ሚ ዛይቴ ኔ ጉምኣና ሺን ሄ ዛይቴዛ ቲዬታ፤ ዎይኔ ሚ ኣይፌ ጹንቃ ሺሻናሺን ዎይኔ ኡሹ ኔ ኡያካ።

ሶፎናሳ ቲንቢቴ 1:13

ኢስቲ ሃሪዳ ሃሮይ ቦንቄታና፤ ኢስታ ኬይ ላሌታና፤ ኢስቲ ኬ ኬጻናሺን ባ ኬጺዳ ኬን ዴቴና፤ ዎይኔ ሚ ቶካናሺን ባ ቶኪዳ ዎይኔዛፔ ኦሴቲዳ ኡሻ ኡዬቴና» ጌስ።

ሃጌ ቲንቢቴ 1:6

ዳሮ ዜሪዴታ ሺን ጉ ማጺ ሺሺዴታ። ሚዴታ ሺን ካሊቤኬታ፤ ኡዪዴታ ሺን ኣሊቤኬታ፤ ማይኢዴታ ሺን ማይኦይ ኢንቴና ሆኢቤና፤ ዳሞዛ ኤኪዴታ ሺን ኢንቴ ኤኪዳ ዳሞዛይ ዳኬ ካራጺቴን ዎዳይሳ ማላ» ጌስ።

ሚልካሳ ቲንቢቴ 1:4

ኤዶሜይ፥ «ኑ ካታማቲ ላሌቲን ኢስታ ዛሪ ኤሳና» ኢስቲ ጊን ኡባፌ ዎልቃማ ጎዳ ጾሳ ቃሴ፥ «ኢስቲ ዛሪዲ ኦና ሺን ታ ኢስቲ ኦይሳ ዛራ ላላና፤ ኢስቲካ፥ ‹ኢታ ዴሬኔ ጎዳይ ሜርናስ ሃንቄቲዳ ዴሬ ጌቴታና።›

ዛሬ ማጻፋ 28:30

ኔኒ ማቾ ኤካናስ ጌላኦ ጊጊሳና፤ ጊዶ ኣቲን ሃራ ኣሲ ኢዞ ዳፊ ኤካና፤ ኔ ኬ ኬጻናሺን ኢዛን ዳካ፤ ኔኒ ዎይኔ ሚ ቶካናሺን ኢዛ ኣይፌ ጎኤታካ።

ያቆቤ ኪታ 2:6

ኢንቴ ቃሴ ማንቆታ ካዉሼታ፤ ኢንቴና ዋዪሲዛይ ዱሬታ ጊዴቴኔ? ኢንቴና ፒርዳሶ ጎቺዛይ ኢስታ ጊዴቴኔ?