ኣሞጼ ቲንቢቴ 4:13 - ጋሞ ማጻፋ

¹³ ዙማታ ኦዳዴይ ጫርኮታ ሜዳዴይ ባ ቆፒዳይሳ ኣሳስ ቆንጪሲዛይ ጋላሳ ፖኦ ጌዴ ማን ላሚዛይ ቢታ ቦላ ቃሶሆን ሄሜቲዛይሳ ሱንይ ጎዳ ሳሎ ጾሳ።

Geeshsha Maxaafa

¹³ Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ኣሞጼ ቲንቢቴ 4:13 ပူးပေါင်းရင်းမြစ်များ

ኢዮቤ ማጻፋ 9:7

ኣዋ ኣርሼይ ሞኮንታ ማላ ኦናዉ ዳንዳዬስ፤ ጾሊንቴቲካ ፖኢሶንታ ማላ ኦና።

ዬ ማጻፋ 135:7

ካሬ ሻራ ሳኣ ጋጻፔ ኢዚ ዴንስ፤ ኢዚ ኢራራ ዎልቃን ኪቴስ፤ ባ ሚንጂ ዎዳሶፔ ጫርኮ ኬሲ ዬዴስ።

ዬ ማጻፋ 139:2

ታኒ ኣዉዴ ኡቲዛኮኔ ኣዉዴ ኤቂዛኮ ኔኒ ኤራሳ፤ ኔኒ ታ ቆፋ ኡባ ሃኮፔ ኣኬካሳ።

ዬ ማጻፋ 147:18

ኢዚ ባ ቃላ ኪቲዲ ሻቻ ማዪሴስ። ኢዚ ጫርኮ ጫርኪሲን ሃ ጎጌስ።

ዬ ማጻፋ 65:6

ኔኒ ኔ ዎልቃ ጊጼታዳሳ፤ ዙማታካ ኔ ሚን ኤሳዳሳ።

ኬሳ ማጻፋ 10:22

ሙሴይ ባ ኩሼ ፑዴ ሳሎ ዴንን ጊብጼ ቢታ ኡባን ሄ ጋላስ ኩሜ ጊርዲ ጊዳ ማይ ሚዴስ።

ኬሳ ማጻፋ 14:20

ጊብጼ ኣሳሲኔ ኢስራኤሌ ናይታስ ጊዶን ኣ ኤቂዴስ። ሄ ሻራይ ኦማርስ ኢሲ ባጋራ ሚሲዲ ሃንኮ ባጋራ ፖኢሲዴስ፤ ሂስቲን ኦማርስ ኩሜ ኢሶይ ኢሳኮ ሺቃና ዳንዳይቤቴና።

ኢሳያሳ ቲንቢቴ 40:12

ሃታ ባ ኩሼ ኩጴን ማኪዳይ፥ ሳሎታ ታኪዳይ፥ ባና ዳቾን ማኪ ኦይኪዳይ፥ ዙማታ ባ ሜዛኔን፥ ዙምቡላታካ ሜዛኔን ዎዳይ ኦኔ?

ኢሳያሳ ቲንቢቴ 45:7

ታኒ ፖኦ ኦዲስ፤ ማካ ሜዲስ፤ ታ ዱሬሳይሲኔ ማንቂሳይስ፤ ሃይሳ ኡባ ኦዛ ጎዳይ ታና።

ኢሳያሳ ቲንቢቴ 47:4

ኑና ዎዚዛ ኢስራኤሌ ጌሻስ፥ ሱንይ ጎዳ ኡባፌ ዎልቃማ ጾሳ።

ኢሳያሳ ቲንቢቴ 48:2

‹ኑኒ ጌሻ ካታማይን ዲዛይታ› ጊዲ ኢንቴርካ ኢንቴና ጼይጊዛይቶ! ኢስራኤሌ ጾሳን ኣማኔቲዛይቶ! ጎዳይ ኡባፌ ዎልቃማ ጾሳይ ጊዛይሳ ሲዪቴ።

ኢሳያሳ ቲንቢቴ 5:30

ሄ ጋላስ ኢስቲ ጊታ ኣባ ዳምባላ ማላ፥ ኢስራኤሌ ቦላ ጉማና፤ ኦኒካ ዱጌ ዛሪ ቢታ ጼሊኮ ማኔ ሜቶ ቤኣና፤ ፖኦይካ ሻራን ካሜታና።

ኤርማሳ ቲንቢቴ 10:13

ኢዚ ጉሚዛ ዎዴ፥ ሳሎን ዲዛ ኡባይ ቃጼስ። ኢዚ ሻራ ሳኣ ጋጻፔ ፑዴ ዴንስ። ኢዚ ኢራራ ዳዳ ዬዴስ፤ ጫርኮካ ባ ሚንጃሶፔ ኬሴስ።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ኤርማሳ ቲንቢቴ 13:16

ኢዚ ማ ኤሆንታ ዲሺን ሚዳ ዙማታ ቦላ ኢንቴ ቶሆይ ጴቶንታ ዲሺን ጎዳስ ኢንቴ ጾሳስ ቦንቾ ኢሚቴ፤ ኢንቴ፥ «ፖኦይ ያና» ጊዲ ናጌታ፤ ጊዶ ኣቲን ኢዚ ማን ላማና፤ ሳካና ማ ኦና።

ኤርማሳ ቲንቢቴ 46:18

ኢዛ ሱንይ ጎዳ ኡባፌ ዎልቃማ ጾሳ ጌቴቲዛ ካዎይ፥ ታኒ ታ ዴኦን ጫቃይስ፤ ዙማታ ጊዶን ዲዛ ታቦሬ ዙማ ሚሳቲዛይ፥ ኣባ ኣቻን ዲዛ ቃርሜሎሴ ዙማ ሚሳቲዛ ኢሳዴይ ያናስ ዴስ።

ኤርማሳ ቲንቢቴ 51:16

ኢዚ ባ ጬንጉርሳ ሲሲዛ ዎዴ ሳሎን ዲዛ ሃቲ ጉሜቴስ፤ ሻራታ ኢዚ ሳኣ ጋጻፔ ኤሄስ፤ ኢራራ ዎልቃን ኪቴስ፤ ባ ሚንጃሶሆፔካ ጫርኮ ኪቴስ።

ኤርማሳ ቲንቢቴ 51:19

ያቆቤ ቃዳይ ጊዲኮ ሄይታንታ ማላ ጊዴና፤ ኢዚ ኡባ ሜዳይሳ፤ ኢስራኤሌ ኣሳይ ኢዚ ባስ ዶሪዳ ዴሬ፤ ኢዛ ሱን ጎዳ ኡባፌ ዎልቃማ ጾሳ» ጌስ።

ዳኔላ ቲንቢቴ 2:28

ጊዶ ኣቲን ጹራ ዮኦ ኡባ ቆንጪሲዛ ጾሲ ሳሎን ዴስ፤ ኢዚ ቡሮ ሲንፌ ያና ላይታን ሃናናይሳ ኡባ ኔስ ቆንጪሲዴስ፤ ኔኒ ኔ ሂን ኢቻ ዳሼ ቤኢዳ ኣጉሞይኔ ኣጁታይ ሃይሳፌ ካሊዛይሳ።

ዳኔላ ቲንቢቴ 2:30

ሃይሲ ሃ ጹራ ዮኦዚ ታስ ቆንጪዳይ ታኒ ሃንኮ ኣሳፔ ኣ ኤራንቻ ጊዲዳ ጊሻስ ጊዴና፤ ጊዶ ኣቲን ኔኒ ሄ ኣጉሞዛ ቢርሼ ኤራና ማላኔ ኔ ዎዚና ጊዶን ሲሜሬቲዛ ቆፋ ሻካ ኤራናሳ።

ሆሴኤ ቲንቢቴ 12:6

ሄሳ ጊሻስ ኔ ጾሳኮ ሲማ፤ ሲቆኔ ቱሙ ፒርዳ ሎኤ ኦይካ፤ ኡባ ዎዴ ኔ ጾሳን ኣማኔታ።

ኢዩኤሌ ቲንቢቴ 2:2

ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።

ኣሞጼ ቲንቢቴ 3:13

ሳሎ ጎዳይ፥ «ሄኮ ኣኔ ሃይሳ ሲዪቴ! ያቆቤ ዜሬ ቦላ ማርካቲቴ።

ኣሞጼ ቲንቢቴ 5:27

ታኒ ኢንቴና ዳማስቆፌ ጌዴ ሃሳ ጎዳና» ጌስ ጎዳይ ሳሎ ጾሳይ።

ኣሞጼ ቲንቢቴ 5:8

ፒሊያዲሴ ጌቴቲዛ ላፑን ጾሊንቴታኔ ኦርዮኔ ጌቴቲዛ ኢሲ ቦላ ዲዛ ጾሊንቴታ ሜዳይ ጋላሳ ኦማርሳን፥ ኦማርሳ ጋላሳን ላሚዛይ፥ ኣባ ሃ ኣዛዚዲ ቢታ ቦላ ጎጊሲዛይ፥

ኣሞጼ ቲንቢቴ 6:8

ጎዳይ ሳሎ ጾሳይ፥ «ኢስራኤሌ ኣሳ ኦቶሬቴ ታኒ ሃራሴታዲስ፤ ኢስታ ሚጻቲካ ታና ሹኔቴስ፤ ሄሳ ጊሻስ ታኒ ካታማዮኔ ኢዚን ዲዛይታ ኡባ ሞርኬስ ኣ ኢማና» ጊዲ ባርካ ባናን ጫቂዴስ።

ኣሞጼ ቲንቢቴ 8:9

ኡባፌ ዎልቃማ ጎዳይ፥ «ሄ ዎዴ ታኒ ጋላሳ ሴታን ኣዋ ኣርሼ ዉልሳና፤ ጋላሳ ሴታን ጋዴ ሚሳና።

ኣሞጼ ቲንቢቴ 9:6

ባ ዱሳሶ ሳሎ ኦዳይ፥ ሳሎካ ሳኣፔ ቦላን ሚንዳይ፥ ኣባ ሃ ኣዛዚዲ ቢታ ቦላ ጎጊሲዛይ ኢዛስ ሱንይ ጎዳ።

ሚኪያሳ ቲንቢቴ 1:3

ሄኮ ጾሲ ባ ዲዛሶፔ ያና፤ ዪዲካ ቢታ ቦላን ቃሶሆን ቃሶሆን ሄሜታና።

ኢምባቆ ቲንቢቴ 3:19

ጎዳ ታ ጾሳይ ታስ ዎልቃ፤ ታ ቶሆታ ኢዚ ጌኔሳ ቶሆ ማላ ሚን፤ ኢዚ ታና ቃሶሆራ ሄሜና። ዬጺዛይታ ካሌዛዴስ ዬ ሚሻን ዬጼቲዳ ማዛሙሬ።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

Maatosa 9:4

ዬሱሲ ኢስታ ቆፋ ኤሪዲ፥ «ኢንቴ ዎዚናን ኢታ ዮኦ ኣዛስ ቆፔቲ?

ዮሃኒሳ ሚሺራቾ 2:25

ኢዚ ኣሳ ዎዚናን ዲዛ ኡባ ኤሪዛ ጊሻስ ኦኒካ ኢዛስ ኣሳ ጊሻስ ዮታናስ ኮሺቤና።

ዮሃኒሳ ሚሺራቾ 3:8

ጫርኮይ ባ ኮዪዳ ባጋ ጫርኬስ፤ ኔኒ ጫርኮስ ጊሪስ ሲያሳ ኣቲን ኢዚ ኣዋፔ ዪዛኮኔ ኣዋ ቢዛኮ ኤራካ። ኣያናፔ ዬሌቲዳይካ ሄሳ ማላ» ጊዴስ።

ዛሬ ማጻፋ 32:13

«ቃ ሶሆን ኢዛ ዎዴስ፤ ቢታፌ ሞኪዳ ካ ኣይፌ ኢዛ ሚዚዴስ፤ ዛላፌ ቤቲዳ ኤስ ኡሺዴስ፤ ሹቻ ቢታን ሞኪዳ ዎጋራ ዛይቴ ሚዚዴስ።

ዛሬ ማጻፋ 33:29

ኢስራኤሌ ኣሳዉ! ኢንቴ ኣይ ማላ ኣንጄቲዳ ዴሬ! ጎዳይ ኣሺዳ ኢንቴ ማላይ ኦኔ? ኢዚ ኢንቴስ ጎንዳሌኔ ኢንቴና ማዲዛይሳ፤ ኢዛን ኢንቴ ጾኒዛ ጊ ማሻ፤ ኢንቴ ሞርኬቲ ኢንቴ ሲንን ጉፋናና፤ ኢንቴካ ኢስቲ ጎይኒዛሶታ ላላና።