ኣሞጼ ቲንቢቴ 4:1 - ጋሞ ማጻፋ

¹ ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

Geeshsha Maxaafa

¹ Dhiikettida Baasaane miizata mala intte asateththa ordisida Samaariya maccassatoo! Hayssa qaala siyite! Intte daaburanchchata kawushsheeta; manqota bollaka godateeta; intte azinata, «Nuus maththosiza ushshu ehite» geeta.

ኣሞጼ ቲንቢቴ 4:1 ပူးပေါင်းရင်းမြစ်များ

1ካዎታ ማጻፋ 16:24

ኦሚሬይ ሳማሪያን ዲዛ ዙምቡላ ሼሜሬፔ 6,000 ሳቂሌ ቢራን ሻሚዲ ካታማ ኬጺዴስ። ሂስቲዲ ሄ ካታማዛ ካሴ ዙምቡላ ጎዳ ሱንን ሳማሪያ ጊዲ ሱንዴስ።

ኢዮቤ ማጻፋ 20:19

ሃይሲካ ሃንዛይሲ ኢዚ ማንቆታ ኡንኤዳ ጊሻሲኔ ባ ኦንታ ኬ ጌኔን ኤኪዳ ጊሻሳ።

ኢዮቤ ማጻፋ 24:4

ማንቆታ ሻቴቲዲ ጮ ኦጌፔ ጎዴቴስ፤ ኢስታ ሲንፌ ባቃቲዲ ቆቴታና ማላ ኦቴስ።

ዬ ማጻፋ 12:5

ጎዳይ፥ «ሂዬሳቲ ኡንኤቲዳ ጊሻሲኔ ሜቶታንቻታ ዋሶ ጊሻስ ሃኢ ታኒ ዴንዳና፤ ታኒ ኢስቲ ኣሞቲዛ ሳሮቴን ኢስታ ዎና» ጌስ።

ዬ ማጻፋ 140:12

ጎዳይ ሂዬሳታስ ፒርዲዛይሳኔ ሜቶታንቻታስ ሞቴቲዛይሳ ታ ኤራይስ።

ዬ ማጻፋ 22:12

ዳሮ ሞርኬቲ ኮርማ ቦራታ ማላ ታና ጊዶዳ፤ ቃይጪዛ ባሳኔ ቢታ ቦራታ ማላ ታና ዶዲዳ።

ሌሚሶ ማጻፋ 22:7

ዱሬይ ማንቆ ሃሬስ፤ ታልኤ ኤኪዳዴይ ታልኤ ኢሚዳዴስ ኣይሌ ጊዴስ።

ኤራንቻታ ማጻፋ 4:1

ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኤራንቻታ ማጻፋ 5:8

ዴሬ ጋርሳን ማንቆይ ሱጌቲን፥ ፒርዳይ ፓጪን፥ ማታይ ዬቲን ኔ ቤኢኮ ሄይታንታን ኬሃ ማላሌቶፋ። ኢሲ ኢሲ ሃላቃስ ኢዛፔ ቦላራ ሃላቃይ ዴስ፤ ቃሴ ኡባታፔ ቦላራ ሃራ ሃላቃቲ ዴቴስ።

ኢሳያሳ ቲንቢቴ 28:1

ኤፍሬሜን ዲዛ ማቲዛይታስ፥ ኦቶሬቴስ፥ ካላቻ ጊዲዳሪስ፥ ጪሊላ ሾባ ሁኤን ኪፒ ጋ ኡቲዳ፥ ኢዛስ ቦንቾ ሴሎ ጊዲዳ ሹላ ጪሻይስ፥ ዎይኔ ኡሻይ ኢስታ ዜሬስ ኦቶሬቴስ ጊዲዳ ካታማይስ ኣዬ ኣና!

ኢሳያሳ ቲንቢቴ 5:8

ሃራታስ ሶሆይ ያናሼ ጋካናስ፥ ኬ ኬ ቦላ ጉጂዛይቶ! ጋዴ ጋዴራ ጋ ኦይዲ፥ ኢንቴርካ ጻላ ቢታ ቦላ ኣኪ ዴኢዛይቶ! ኢንቴስ ኣዬ ኣና!

ኢሳያሳ ቲንቢቴ 56:12

ኢስቲ ኢሶይ ኢሳራ፥ «ሃ ዪቴ፤ ዎይኔ ኡሹ ኣኔ ኡዮስ። ኣኔ ማታና ጋካናስ ኡዮስ! ዎንቶይካ ሃቻ ማላ ጊዳና፤ ዎይኮ ሃቺፌካ ኣ ሎኦ ጊዳና» ጌቴታና።

ኢሳያሳ ቲንቢቴ 58:6

«ቤኢቴ ታኒ ዶሪዳ ጾማይ፥ ኡንኤቲዳይታ ሳንሳላታ ኢንቴ ዱና ማላ፥ ቃምባራ ዎዶሮ ኢንቴ ቢርሻና ማላ፥ ኡንኤቲዳይታ ኢንቴ ላኣ ዬዳና ማላ፥ ቶሆ ጊዲዳ ቃምባራ ኢንቴ ሜንና ማላ ጊዴኔ?

ኤርማሳ ቲንቢቴ 50:11

«ኢንቴኖ ታ ጺንጾ ቦንቂ ኤኪዳይቶ! ኢንቴ ኡፋዬቲዳ ጊሻሲኔ ኡፋይሳን ማጉሊዳ ጊሻስ፥ ዴምባን ጺኬቲዛ ኡሳ ማላ ኢንቴ ሊፍጼቲዳ ጊሻስ፥ ዎዳላ ፓራ ማላ ኢንቴ ጫጊዳ ጊሻስ፥

ኤርማሳ ቲንቢቴ 50:27

ኢዚ ዎፋኖታ ኡባ ሹኪቴ፤ ዱጌ ሹኬቲዛሶ ዎቶ! ኢስቲ ቃጻዬታና ዎዴይኔ ጋላሳይ ጋኪዳ ጊሻስ ኣዬ ኣና!

ኤርማሳ ቲንቢቴ 51:34

ባቢሎኔ ካዎ ናቡካዳናጾሬይ ዬሩሳላሜ ኣቆታ ቦንቂዴስ፤ ጋጪ ሊቂሲዴስ፤ ኣይኮይ ባይንዳ ካይሳ ኦቶ ኬሲዴስ፤ ዳዌይ ሚቲዛ ማላ ዴራ ሚቲዴስ፤ ማልኦ ሚዛ ማላ ሚዲ ጉዬፔ ኑና ኬሲ ጩቲዴስ።

ኤርማሳ ቲንቢቴ 6:6

ኡባፌ ዎልቃማ ጎዳይ፥ «ሚታ ቃንጺቴ። ዬሩሳላሜ ጊምቤ ላንቄን ቢታ ዶሪቴ፤ ሃ ካታማይን ቆሆይ ኩሚዳ ጊሻስ ኢዚስ ቂጻቴይ ቤሴስ።

ኤርማሳ ቲንቢቴ 7:6

ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥

ሂዚቄላ ቲንቢቴ 18:12

ሂዬሳኔ ሜቶቴቲዳዴ ኡንኤኮ፥ ዎልቃራ ዳፊ ኤኪኮ፥ ኦይሶ ኤኪዳይሳ ዛሮንታ ኢጺኮ፥ ኤቃ ጾሳታኮ ሲሚኮ፥ ሃራሲዛ ኦሶታ ኦኮ፥

ሂዚቄላ ቲንቢቴ 22:12

ኔ ጊዶን ዲዛ ኣሳቲ ሱ ጉሳናስ ማጋንጾ ኤኬቴስ፤ ኔኒካ ዬሎኔ ቡቴ ዳሮ ዲች ኤካዳ ኔ ላጌዛፔ ቤሶንታ ዎ ቦንቃሳ፤ ታናካ ባሌታዳሳ› ጌስ ኡባ ሃሪዛ ጎዳይ።

ሂዚቄላ ቲንቢቴ 22:27

ኢዚ ጊዶን ዲዛ ጊታ ኣሳቲ ሃይቂዳይሳ ፑዚዛ ካና ሱይቴ ማላ፤ ኢስቲ ቤሶንታ ዱሬቴ ሺሻናስ ሱ ጉሴቴስ።

ሂዚቄላ ቲንቢቴ 22:29

ሄ ቢታን ዲዛ ኣሳይ ቦንቄቴስ፤ ቦጌቴስ፤ ፒርዳ ጌላሲዲ ሂዬሳኔ ሜቶታንቻታ ኡንኤቴስ፤ ቤቴ ኣሳካ ቆሄቴስ።

ሂዚቄላ ቲንቢቴ 22:7

ኣዋቲኔ ኣዬቲ ኔ ጊዶን ካዉዪዳ፤ ቤቴ ኣሳቲ ኡንኤቲዳ፤ ዪኦቲኔ ኣምኤቲ ቱጋ ቤኢዳ።

ሂዚቄላ ቲንቢቴ 34:16

ታኒ ይዳይሳ ኮያና፤ ቶይላቲዳይሳካ ዛራና፤ ሜቂዳይሳ ኮላና፤ ዳቡርዳይሳካ ሚንና። ጊዶ ኣቲን ታኒ ሞዳይታኔ ሚኒዳይታ ይሳና፤ ዉዴዛ ዎጋራ ሄማና።

ሂዚቄላ ቲንቢቴ 39:18

ኢንቴ ርሾ ኣሾኔ ላቃ ኣሾ ሚዛ ማላ፥ ዴይሻ ኣሾኔ ዎፋኖ ኣሾ ሚዛ ማላ ዎልቃማ ኣሳታ ኣሾ ማና፤ ቢታ ቦላ ሃላቃታ ሱካ ኢንቴ ኡያና፤ ሃይቲ ኡባይ ሞዳ ባሳኔ ሜሄታ።

ኢዩኤሌ ቲንቢቴ 3:3

ኢስቲ ባ ዲኢ ኤሂዳ ታ ዴሬታ ጊሼቲ ኤካናስ ኢስታ ቦላ ሳማ ዬጊዳ፤ ላይማ ማጫሳታ ዴማናስ ኣቱማ ናይታ ኣ ኢሚዳ፤ ዎይኔ ኡሹ ኡያናስ ማጫ ናይታ ኣይሌቴስ ባይዚዳ።

ኣሞጼ ቲንቢቴ 3:1

ኢስራኤሌ ኣሳዉ! ጊብጼፔ ኬዚዳ ኢስራኤሌ ኣሳስ ኢንቴስ ጎዳይ ዮቲዳ ቃላ ሃይሳ ሲዪቴ።

ኣሞጼ ቲንቢቴ 3:3

ናምኡ ኣሳቲ ኦጌ ኢሲፌ ባና ጊዲ ቃቾንታ ኣጊኮ ኢሲፌ ባናስ ዳንዳይዞ?

ኣሞጼ ቲንቢቴ 5:11

ማንቆታ ኡንኤታ፤ ኢስታ ዎልቃራ ካ ጊሪሴታ፤ ኢንቴስ ማሴቲዳ ሹቻፌ ኬ ኬጺዴታ ሺን ሄ ኬን ዴኬታ። ኣራዳ ቢታን ዎይኔ ሚ ቶኪዴታ ሺን ኢዛፔ ኣጌቲዳ ዎይኔ ኡሹ ኡዬኬታ።

ኣሞጼ ቲንቢቴ 6:1

ጺዮኔን ባ ጊ ኡቲዳይቶ! ሳማሪያ ዙማ ቦላ ሂርጋይ ባይንዳ ዲዛይቶ! ኢስራኤሌ ኣሳይ ማዶ ኮዪዲ ኢንቴኮ ዪዛይቶ! ኢንቴኖ ዴሬ ሃላቃቶ! ኢንቴስ ኣዬ ኣና!

ኣሞጼ ቲንቢቴ 6:6

ዎይኔ ኡሹ ቢሪሌራ ጊዶንታ ኦቶራ ኡዪዛይቶ! ኬሂ ኣልኦ ጊዲዳ ሺቶ ቲዬቲዛይቶ! ኢስራኤሌ ዴራ ቦላ ጋኪዳ ሜቶ ጊሻስ ቃቶንታይቶ ኢንቴና ኣዬ ኣና!

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ታይቦ ማጻፋ 21:33

ሄሳፌ ጉዬ ኢስራኤሌ ኣሳይ ጉዬ ሲሚዲ ጌዴ ባሳኔ ኤፊዛ ኦጌዛራ ቢዳ፤ ባሳኔ ካዎ ኣጌይ ኤዲራኤን ኢስታራ ኦላ ኦይኬታናስ ባ ኦላንቻታ ኡባ ኤኪ ኬዚዴስ።

ዛሬ ማጻፋ 24:14

ኔ ባጋ ጊዲዳ ኢስራኤሌ ኣሳፔ ጊዲን ዎይኮ ሃራ ዴሬፔ ቤቴ ዪዲ ሜቶቲዳ ማንቆ ኣሲ ኔስ ኦኮ፥ ኢዛዴ ዎልቃ ጮ ሜላ ኔስ ጎኤቶፋ።

ዛሬ ማጻፋ 28:33

ኔ ቢታ ካ ኣይፌኔ ኔ ዳቡራ ኬሲዳ ኡባ ሃራ ዴሬ ኣሲ ማና፤ ኔኒ ኔ ዴኦ ኡባን ኡንኤቲዳዴኔ ቆሄቲዳዴ ጊዳና።