ኣሞጼ ቲንቢቴ 1:2 - ጋሞ ማጻፋ

² ኣሞጼይ፥ «ጎዳይ ጺዮኔፔ ባ ቃላ ቁ ሂስቲ ሲሴስ፤ ዬሩሳላሜፔ ጊሬስ፤ ሜሄይ ሄሜቲዛሶቲ ሜላና፤ ቃርሜሎሴ ዙማን ዲዛ ጪሊላቲ ሹላና» ጊዴስ።

Geeshsha Maxaafa

² Amoxey, «GODAY Xiyooneppe ba qaala dhoqqu histti sissees; Yerusalaameppe giirees; mehey heemettizasoti melana; Qarmeloose zuman diza cililati shullana» gides.

ኣሞጼ ቲንቢቴ 1:2 ပူးပေါင်းရင်းမြစ်များ

ዬ ማጻፋ 29:4

ጎዳ ጬንጉርሳይ ዎልቃማ፤ ጎዳ ጉንይ፥ «ኔስ ሆላ!» ጊሲዛዛ።

ዬ ማጻፋ 46:6

ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

ሌሚሶ ማጻፋ 20:2

ካዎ ሃንቆይ ጋሞ ጻጎ ማላ፤ ኢዛ ዪሎቺዛይ ባ ሼምፖ ቦላ ፒርዴስ።

ኢሳያሳ ቲንቢቴ 33:9

ቢታያ ዬካዱሲኔ ጊልቃዱስ፤ ሊባኖሴይ ዬላቲዲ ሹሊዴስ፤ ላሻሮኔይ ኣራቤ ማላ ባዞ ጊዳዱስ፤ ባሳኔይኔ ቃርሜሎሴይ ባንታ ሃይ ቆቆፊዳ።

ኢሳያሳ ቲንቢቴ 35:2

ኢዚ ዳሮ ኡፋዬታናኔ ሚጫና፤ ሊባኖሴ ቦንቾይ ኢዛስ ኢሜታና፤ ቃርሜሎሴኔ ላሻሮኔ ቴማ ኢዚ ማይኣና፤ ኑ ጎዳ ቦንቾኔ ጾሳ ጊታቴ ኢስቲ ቤኣና።

ኢሳያሳ ቲንቢቴ 42:13

ጎዳይ ኦላ ቃራ ማላ ኬዛና፤ ኦላንቻ ማላ ሆኤቲ ዴንዳና። ጬቄቴ ጋይሮ ሲሳና፤ ባ ሞርኬታካ ኦሊ ጾናና።

ኤርማሳ ቲንቢቴ 12:4

ኢራይ ዪን ቢታይ ኣይዴ ጋካናስ ሜላኔ? ማታይካ ኣይዴ ጋካናስ ሜላኔ? ኣሳ ኢታቴፌ ዴንዲዳይሳን ሜዶሳቲኔ ካፎቲ ይዳ። ሄሳ ቦላካ ኣሳይ፥ «ጎዳይ ኑኒ ኦዛይሳ ዴሜና» ጌስ።

ኤርማሳ ቲንቢቴ 14:2

«ዩሁዳ ቢታይ ዬኬስ፤ ካታማቲካ ፖርቁ ጌቴስ፤ ኣሳይ ቢታ ቦላ ኡቲዲ ጬጬስ፤ ዬሩሳላሜፔካ ዋሶይ ሴቴቴስ።

ኤርማሳ ቲንቢቴ 25:30

ሄሳ ጊሻስ ጎዳይ ኤርማሳስ፥ «ሃ ቃላ ኡባ ኢስታ ቦላ ቲንቢቴ ዮታ፤ ‹ጎዳይ ቦላፌ ዋሳና፤ ባ ዲዛ ጌሻ ሶሆፔ ዳዳቲዛ ባ ጉን ሲሳና፤ ኢዚ ባ ቢታ ቦላ ኬሂ ዋሳና፤ ዎይኔ ማጺሼ ዬጺዛ ማላ ሳኣን ዲዛ ኡባ ቦላ ኢዚ ጉማና።

ኤርማሳ ቲንቢቴ 28:8

ኔፔኔ ታፔ ካሴ ሲንን ዴኢዳ ናቤቲ ዳሮ ዴሬታ ቦላኔ ጊታ ካዎቴታ ቦላ ኦላ ጊሻስ፥ ባሻ ጊሻሲኔ ኢታ ሃርጌ ጊሻስ ቲንቢቴ ዮቲዳ።

ኤርማሳ ቲንቢቴ 50:19

ጊዶ ኣቲን ታኒ ኢስራኤሌ ካሴ ኢዚ ሄሜቲዛሶ ኢዛ ዛራና፤ ቃርሜሎሴኒኔ ባሳኔ ዴሬን ኢዚ ሄሜታና፤ ቃሴ ኢዚ ኤፍሬሜ ዙምቡላታ ቦላኔ ጋላኣዴ ዙምቡላታ ቦላ ካላናሼ ጋካናስ ማና» ጌስ።

ሆሴኤ ቲንቢቴ 11:10

«ታኒ ጎዳይ ኢስታ ኣሻናስ ጻጊዛ ጋሞ ማላ ታኒ ታ ቃላ ሲሲሺን ኢስቲ ታና ካላና፤ ታ ናይቲ ኮኮሪሼ ኣርሼይ ሞኪዛ ባጋፌ ያና።

ሆሴኤ ቲንቢቴ 13:8

ኢዚ ማራቲ ቦንቄቲዳ ዛርዶ ማላ ታ ኢስታ ሾጫናኔ ፑዜሬና፤ ታ ኢስታ ጋሞ ማላ ፑዜሬ ሚታና፤ ዎራ ዶኣ ማላ ዱሴሬና።

ኢዩኤሌ ቲንቢቴ 1:19

ጎዳዉ! ዴምባ ማታ ኡባ ታማይ ሚዳ ጊሻስ ዎራ ሚካ ታማይ ሚዳ ጊሻስ ታ ኔኮ ዋሳይስ።

ኢዩኤሌ ቲንቢቴ 2:11

ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

ኢዩኤሌ ቲንቢቴ 3:16

ጎዳይ ጺዮኔ ዙማ ቦላ ዬሩሳላሜን ዲሼ ባቢሲዛ ባ ቃላ ጊሪስ ሲሳና፤ ሳሎይኔ ሳኣይ ቃጻና፤ ጎዳይ ጊዲኮ ባ ዴሬ ኢስራኤሌስ ሺቂ ኣቲዛሶ ጊዳና።

ኣሞጼ ቲንቢቴ 9:3

ኢስቲ ፑዴ ቃርሜሎሴ ዙማ ቦላ ኬዚ ቆቴቲዳኮካ ታ ካሌታ ባዳ ኢስታ ሄፔ ዎና፤ ኢስቲ ዱጌ ጪማ ኣባ ጊዶ ጌሊዲ ታፔ ቆቴቲዛኮካ ሄን ኢስታ ሾሺ ዱካና ማላ ታ ኣዛዛና።

ናሆሜ ቲንቢቴ 1:4

ኣባ ሴሪዲ ሜሊሴስ፤ ሻፋታ ኡባ ሚጪንቼስ። ባሳኔይኔ ቃርሜሎሴይ ሹሊዳ። ሊባኖሴ ጪሻቲካ ቆቆፌቲዳ።

1ሳሜላ ማጻፋ 25:2

ማኦኔ ቢታን ቃርሜሎሴን ኣቆታራ ዲዛ ኢሲ ዱሬ ኣሲ ዴስ፤ ኢዛስ 1,000 ዴይሻቲኔ ኢስኬይ ቃንጼቲዛ 3,000 ዶርሳቲ ዴቴስ።