ኣሞጼ ቲንቢቴ 1:13 - ጋሞ ማጻፋ

¹³ ጎዳይ ኣሞኔስ፥ «ኣሞኔ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ዴሬ ዛዋ ኣሳናስ ጋላኣዴ ዴሬ ሻራ ማጫሳታ ኡሎ ዳኪዳ።

Geeshsha Maxaafa

¹³ GODAY Amoones, «Amoone asay zaari zaaridi ooththida nagara gishshas ta istta qaxxayontta aggike; istti dere zawa aassanaas Gala7aade dere shaara maccassata ulo daakkida.

ኣሞጼ ቲንቢቴ 1:13 ပူးပေါင်းရင်းမြစ်များ

2ሳሜላ ማጻፋ 12:31

ሄን ዲዛ ዴራ ኬሲዲ ኢስታ ማጋዜን፥ ጾይሌኒኔ ካልታን ጎኤቲዲ ኦሶ ኦና ማላ ዎልቃ ኦሲሲዴስ፤ ሄሳካ ጹቤ ሜሲዴስ። ሄሳ ማላ ኦሶይ ሃራ ኣሞኔታ ካታማታ ኡባን ኦሴታና ማላ ኦዴስ። ሄሳፌ ጉዬ ዳዊቲኔ ኢዛ ኦላንቻቲ ኡባይ ዬሩሳላሜ ሲሚዳ።

2ካዎታ ማጻፋ 15:16

ሄ ዎዴ ሚናሄሚ ቲርጻፌ ኬዚዲ ቲፊሳ ካታማ ኣሳኔ ሄ ሄራን ዲዛ ኣሳ ኡባ ቦላ ሜቶ ጋዴስ፤ ኢዚ ሄሳ ኦዳይ ኢስቲ ሄ ካታማይ ፔንጌታ ዶዮንታ ኢጺዳ ጊሻሳ፤ ቲፊሳ ኣሳ ዎዴሲኔ ሻራራ ዲዛ ማጫሳታ ኡባታ ኡሎ ዳኪዴስ።

2ካዎታ ማጻፋ 24:2

ጎዳይ ባቢሎኔፔ፥ ኣራሜፔ፥ ሞኣቤፔኔ ኣሞኔፔ ፓንጋታ ኢዮኣቄሜ ቦላ ዬዲዴስ። ጎዳይ ባ ኦሳንቻታ ናቤታ ባጋራ ካሴ ዮቲዳ ቃላ ማላ ኢስቲ ዩሁዳ ይሳና ማላ ሃይታ ዬዲዴስ።

2ካዎታ ማጻፋ 8:12

ኣዛሄሌይካ፥ «ታ ጎዳይ ኣይስ ዬኪዜ?» ጊ ኦይቺዴስ። ኤልሳኢካ ዛሪዲ ኢዛስ፥ «ኔኒ ኢስራኤሌ ኣሳ ቦላ ጋና ቆሆዛ ታ ኤሪዛ ጊሻስ ዬካይስ፤ ኔ ኢስታ ሚጻታ ታማን ጹጋና፤ ኢስታ ናቴ ናይታካ ማሻን ዎና፤ ኢስታስ ቄሪ ናይታካ ቢታ ቦላ ዲንጬሬና፤ ሻራ ማጫሳታ ኡሎ ኔ ዳካና» ጊዴስ።

2ታሪኬ ማጻፋ 20:1

ሄሳፌ ጉዬ ሞኣቤቲኔ ኣሞኔቲ ቃሴ ኢስታራ ኢሲፌ ማኡኔታፔ ኣማርዳይቲ ኢዮሳፊጼ ቦላ ዎራጂዳ።

2ታሪኬ ማጻፋ 20:10

«ኢስራኤሌ ዴሬይ ጊብጼፔ ኬዚዳ ዎዴ ኢስቲ ቢታ ዎራጆንታ ማላ ኔ ዲጊን ኢስራኤሌ ኣሳይ ይሶንታ ኣጊን ሄን ኣቲዳ ኣሞኔ ኣሳይ፥ ሞኣቤ ኣሳይኔ ኤዶሜ ኣሳይ ኑ ቦላ ዎራጂዳ።

ናሂሚያ ማጻፋ 2:19

ጊዶ ኣቲን ሆሮኔ ኣስ ሳንባላጼይ፥ ኣሞኔ ዴሬ ሹሜ ጾቢያይኔ ኣራቤ ዴሬ ኣስ ጌሻሜይ ኑ ኦሶስ ኬሲዳ ቆፋታ ሲዪዳ ዎዴ ኑ ቦላ ናጪ ሚጪሼ፥ «ሃይሲ ኢንቴ ኦዛይሲ ኣዜ? ዎይኮ ካዎዛ ቦላ ማካላና ኮዬቲ?» ጊ ኦይቺዳ።

ዬ ማጻፋ 83:7

ጌባሌ ኣሳታ፥ ኣሞኔ ኣሳታ፥ ኣማሌቄ ኣሳታ፥ ፊሊስጼሜ ኣሳታኔ ጺሮሴ ኣሳታ።

ኢሳያሳ ቲንቢቴ 5:8

ሃራታስ ሶሆይ ያናሼ ጋካናስ፥ ኬ ኬ ቦላ ጉጂዛይቶ! ጋዴ ጋዴራ ጋ ኦይዲ፥ ኢንቴርካ ጻላ ቢታ ቦላ ኣኪ ዴኢዛይቶ! ኢንቴስ ኣዬ ኣና!

ኤርማሳ ቲንቢቴ 25:21

ኤዶሜ፥ ሞኣቤኔ ኣሞኔ፥

ሂዚቄላ ቲንቢቴ 21:28

«ሃይሶ ኣሳ ናዉ! ኡባ ሃሪዛ ጎዳይ ኔና ኣሞኔታ ጊሻሲኔ ኢስታ ጫሻ ጊሻስ፥ ‹ማሻ! ማሻ! ዎናስ ሾዴቲዳ ይሳናስ ቁጬቲዳ፥ ዎልቃን ማላ ፖፖልኡ ጋና ቁጬቲዳ ማሻ።

ሂዚቄላ ቲንቢቴ 25:1

ጎዳ ቃላይ ታኮ ዪዲ፥

ሂዚቄላ ቲንቢቴ 35:10

«ታኒ ጎዳይ ሄን ዲሺን ኢንቴ፥ ‹ሃይቲ ናምኡ ካዎቴቲኔ ናምኡ ዴሬቲ ኑስ ጊዳና፤ ኑኒካ ኢስታ ላታና› ጊዴታ።

ሆሴኤ ቲንቢቴ 13:16

ሳማሪያ ኣሳይ ባንታ ጾሳ ቦላ ማካሊዳ ጊሻስ ባንታ ቆሆ ቶካና፤ ማሻንካ ሲፌታና፤ ቄሪ ናይቲ ቢታ ቦላ ዲንጬታና፤ ቃንራ ዲዛ ማጫሳታ ኡሎይ ዳኬታና» ጌስ።

ሆሴኤ ቲንቢቴ 14:1

ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ኣሞጼ ቲንቢቴ 1:3

ጎዳይ ኣራሜስ፥ «ዳማስቆ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ጋላኣዴ ኣሳ ቢራታ ኣቻራ ዲዛ ካ ቡኪዛ ሎዳን ቡኪዳ።

ዛሬ ማጻፋ 2:19

ሄሳፌ ካሊዲ ሎጼ ዜሬ ጊዲዳ ኣሞኔ ኣሳታ ዋዪሶፒቴ፤ ኢስታራ ኦሌታናስ ኢስታ ዴንፍቴ፤ ታኒ ኣሞኔ ቢታ ኢስታስ ዱሳሶ ሂስታ ኢሚዳ ጊሻስ ኢስታ ጺንጾፌ ኣይኮካ ኢንቴስ ኢሚኬ።»