ሃዋሬታ ኦሶ 7:36 - ጋሞ ማጻፋ

³⁶ ኢዚካ ኢስታ ካሌዲ ጊብጼፔ ኬሲዴስ፤ ጊብጼን፥ ዞኦ ኣባኒኔ ባዞ ቢታን ኦይዱ ታሙ ላይ ዳሮ ማላሊሲዛ ሚሻታኔ ጊታ ማላታታ ኢስታስ ኦዴስ።

Geeshsha Maxaafa

³⁶ Izikka istta kaaleththidi Gibxeppe kessides; Gibxen, Zo7o abbaninne bazzo biittan oyddu tammu layth daro malalisiza miishshatanne gita malaatata isttas ooththides.

Gamo Geesha Maxxafa New Testamen

³⁶ Izikka ista kallethidi Gibxeppe keesides. Gibxen, zo7o abbanine bazo biittan oyydu taammu laythi daro mallalsiza miishatane gita malatata istas oothides.

ሃዋሬታ ኦሶ 7:36 ပူးပေါင်းရင်းမြစ်များ

ናሂሚያ ማጻፋ 9:10

ጊብጼ ካዎ ቦላ፥ ሹሜታ ቦላኔ ሄ ቢታን ዲዛ ኣሳ ኩሜ ቦላ ጊታ ማላታታ ቆንጪሳ ቤሳዳሳ። ሄሳ ኔ ኦዳይ ካሴ ኑ ኣዋታ ጊብጼ ኣሳይ ኣይ ማላ ኢስታስ ሜንጼ ኢቲዲ ዋዪሲዳኮ ኔ ቤኢዳ ጊሻሳ፤ ኔ ሄሳ ኦይሳ ጋሶን ሃች ጋካናስ ኔ ሱንይ ቦንቾን ጼይጌታና ማላ ኦዳሳ።

ዬ ማጻፋ 95:10

ሄ ዬሌታ ቦላ ታኒ ኦይዱ ታሙ ላይ ሃንቄታዲስ፤ ታኒካ፥ ‹ኢስቲ ኡባ ዎዴ ባንታ ዎዚናን ባሊዛ ኣሳ፤ ኢስቲ ታ ኦጌ ኤሪቤቴና› ጋዲስ።

ዬ ማጻፋ 95:8

«ካሴ ኢንቴ ኣዋቲ ማሳኒኔ ማሪባን ኦይሳ ኢንቴ ዎዚና ሙሚሶፒቴ።

ኬሳ ማጻፋ 12:41

ሄ ኦይዱ ጼታኔ ሄ ታሙ ላይይ ዉሪዛ ሄ ዉርሴ ጋላሳን ጎዳ ኣሳይ ዉሪ ጊብጼ ቢታፌ ኬዚዴስ።

ኬሳ ማጻፋ 14:21

ሄሳፌ ጉዬ ሙሴይ ኣባ ቦላን ባ ኩሼ ፒዲሲዴስ፤ ጎዳይ ሄ ጋላሳ ኦማርስ ኩሜ ኣርሼይ ሞኪዛ ባጋፌ ዎልቃማ ጫርኮ ዬዲዲ፥ ኣባ ሻኪ ሻኪዲ ሜላ ቢታ ኬሲዴስ። ሃይካ ናምኣን ሻኬቲዴስ።

ኬሳ ማጻፋ 16:35

ኢስራኤሌ ኣሳይ ባ ዳና ቢታ ቢ ጋካናስ ኦይዱ ታሙ ላይ ኩሜ ማና ሚዳ፤ ኢስቲ ካናኔ ቢታ ዛዋ ጋካናስ ማና ሚሼ ዴኢዳ።

ኬሳ ማጻፋ 3:20

ሄሳ ጊሻስ ታኒ ታ ኩሼ ዬዳዳ ኢስታ ጊዶን ታኒ ኦዛ ታ ማላታታ ኡባን ጊብጼ ኣሳ ሾጫና። ሄሳፌ ጉዬ ኢዚ ኢንቴና ዬዳና።

ኬሳ ማጻፋ 33:1

ሄሳፌ ጉዬ ጎዳይ ሙሴስ፥ «ኔኒኔ ኔ ጊብጼፔ ኬሲዳ ኣሳይ ሃይሳፌ ዴንዲዲ፥ ‹ታኒ ኢንቴ ዜሬታስ ኢማና› ጋ ዎዳ ቢታ ቢቴ። ሄ ቢታይ ታኒ ኣብራሃሜስ፥ ዪሳቃሲኔ ያቆቤስ ኢማና ጋዳ ካሴ ጫቃ ዎዳይሳ።

ዮሃኒሳ ሚሺራቾ 4:48

ዬሱሲካ ኢዛስ፥ «ኢንቴ ጊታ ማላታታኔ ማላሊሲዛዝ ቤኦንታ ኣይኮካ ኣማኔኬታ» ጊዴስ።

ሃዋሬታ ኦሶ 13:18

ኦይዱ ታሙ ላይ ኩሜ ኢስታ ባዞ ቢታን ዳንዳይዴስ።

ሃዋሬታ ኦሶ 7:42

«ጊዶ ኣቲን ጾሲ ኢስታስ ዞኮ ዛሪዴስ፤ ኢስቲ ሳሎ ጾሊንቴታስ ጎይናና ማላ ኣ ኢሚዴስ፤ ሄሲካ ናቤታ ማጻፋን፥ « ‹ኢንቴኖ ኢስራኤሌ ናይቶ! ኢንቴ ባዞ ቢታን ኦይዱ ታሙ ላይ ዲዛ ዎዴ ኢንቴፌ ያርሾኔ ሙጹዋታ ታስ ሺሺ ኤሬቲ?

ዛሬ ማጻፋ 8:4

ሄ ኦይዱ ታሙ ላይታ ጋርሳን ኢንቴ ማይኢዳ ማይኦይ ዉሪቤና፤ ሄሜ ዳሮን ኢንቴ ቶሆይ ኪጺቤና።

Ibirawe 3:8

ባዞ ቢታን ኢንቴ ታና ፓጪዳ ዎዴ ማካሊዳይሳ ኢንቴ ዎዚና ሙሚሶፒቴ።

Ibirawe 3:9

ኢንቴ ኣዋቲ ካሴ ሄን ታና ፓጪዳኔ ታናራ ኤቄቲዳ። ታ ኦዳይሳ ዉርሲ ኦይዱ ታሙ ላይ ጋካናስ ቤኢዳ።

Ibirawe 8:9

ሄሲካ ታ ኢስታ ጊብጼፔ ኬሳናስ ኢስታ ኩሼ ኦይካዳ ካሴ ኢስታ ኣዋታራ ጫቄቲዳ ቃላ ማላ ጊዴና፤ ጋሶይካ ኢስቲ ካሴ ታ ጫቆ ቃላን ኤቂቤቴና፤ ታኒካ ኢስታ ዬዳ ቤሳዲስ።