2ሳሜላ ማጻፋ 7:23 - ጋሞ ማጻፋ

²³ «ባ ዴሬ ጊዳና ማላ ኢዛ ኣሻናስ ጾሲ ኢዛፔ ሲንራ ቢዳ ዴሬይ፥ ባ ሱንስ ኦና ማላ ካዎቴታኔ ኢስታ ኤቃ ጾሳታ ባ ሲንፌ ጎዲዲ ጊታኔ ያሺሲዛ ማላታ ኦዲ ጊብጼፔ ዎዚ ኤኪዳ ኔ ዴሬ ኢስራኤሌ ማላይ ቢታ ቦላ ኦኒ ዲዜ?

Geeshsha Maxaafa

²³ «Ba dere gidana mala iza ashshanaas Xoossi izappe sinththara bida derey, ba sunththas ooththana mala kawoteththatanne istta eeqa xoossata ba sinththafe gooddidi gitanne yashissiza malaata ooththidi Gibxeppe wozzi ekkida ne dere Isra7eele malay biitta bolla ooni dizee?

2ሳሜላ ማጻፋ 7:23 ပူးပေါင်းရင်းမြစ်များ

2ሳሜላ ማጻፋ 7:24

ኔ ዴሬዛ ኢስራኤሌ ሜርናስ ኔስ ቡዞ ዴሬ ኦዳ ሚንዳሳ፤ ጎዳዉ፥ ኔ ኢዛ ጾስ ጊዳዳሳ።

1ታሪኬ ማጻፋ 17:21

ኔኒ ጾሲ ጊብጼ ቢታፌ ኬሲዳ ኔ ዴራ ሲንፌ ካዎቴታ ጎዳዳ ጊታኔ ያሺሲዛ ሚሽ ኔ ሱንስ ኦና ማላ፥ ዴራካ ኔስ ዎዛና ማላ ኔ ኢስታስ ኦዳይሳ ኔ ዴሬ ኢስራኤሌ ማላ ዴሬይ ቢታ ቦላ ሃራይ ዲዜ?

ናሂሚያ ማጻፋ 1:10

«ጾሳዉ! ሃይቲ ሃይሳፌ ካሴ ኔኒ ኔ ጊታ ዎልቃኒኔ ሚኖ ቄሴን ዎዚዳ ኔ ኦሳንቻታኔ ኔ ዴሬታ።

ዬ ማጻፋ 106:22

ካሜ ቢታንካ ማላሊሲዛይሳኔ ዞኦ ኣባን፥ «ሆላ!» ጊሲዛይሳ ኦዳይሳ ዶጊዳ።

ዬ ማጻፋ 111:9

ኢዚ ባ ኣሳስ ኣቶቴ ኢሚዴስ፤ ባ ጫቆ ቃላካ ኢስታስ ሜርናስ ኣዛዚዴስ፤ ኢዛ ሱን ጌሺኔ ያሺሲዛዛ።

ዬ ማጻፋ 145:6

ኣሳይ ማላሊሲዛ ኔ ኦሶዛ ጊታቴ ጊሻስ ሃሳዬታና፤ ታኒካ ኔ ጊታቴ ኣዋጃና።

ዬ ማጻፋ 147:20

ኢዚ ሄሳ ማላ ሃራ ካዎቴታስ ኦቤና፤ ኢስቲ ኢዛ ዎጋ ኤሬቴና። ጎዳይ ጋላቴቶ!

ዬ ማጻፋ 40:5

ኣቤት ታ ጎዳዉ! ኔኒ ዳሮ ማላሊሲዛ ኦሶ ኦዳሳ፤ ኔናራ ሊኬቲዛይ ኦኒኔ ባዋ! ኔኒ ኑስ ቆፒዳ ሎኦ ቆፋ ኦኒኔ ቆዳናዉ ዳንዳዬና፤ ሄሲ ታኒ ዮቲን ዉሪዛዝ ጊዴና።

ዬ ማጻፋ 44:3

ኢስቲ ባንታ ማሻን ኦሊዲ ሄ ቢታ ኦይኪቤቴና፤ ኢስቲ ጾኒዳይ ባ ቄሴ ሚኖቴን ጊዴና። ጊዶ ኣቲን ኔኒ ኢስታን ኡፋዬቲዳ ጊሻስ ኔ ኡሻቻ ኩሼይ፥ ኔ ቄሴይኔ ኔ ሲን ፖኦ ዎልቃይ ሄሳ ኦዴስ።

ዬ ማጻፋ 65:5

ኣቤት ኑና ኣሺዛ ጾሳዉ ኔ ጺሎ ኦሶን ማላሊሲዛ ሚሽ ኑስ ኦ፤ ሳኣ ጋጻፔ ጋጻ ጋካናስ፥ ሃሆ ኣባታፔካ ሄ ፒንን ዲዛ ኣሳ ኡባስ ሂዶታይ ኔና።

ዬ ማጻፋ 66:3

ጾሳስ፥ «ኔ ኦሶቲ ኣይ ኬና ማላሊሲዞ! ኔ ዎልቃይ ዳሮ ጊዲዳ ጊሻስ ኔ ሞርኬቲ ያሻን ኔ ሲንን ኮኮሬቴስ።

ኬሳ ማጻፋ 12:12

«ታኒ ሄ ጋላስ ቃማራ ጊብጼ ቢታራ ሄሜታሼ ባይራ ዬሌቲዳ፥ ኣሴካ ሜሄካ ኡባ ዎና። ጊብጼ ኤቃታ ኡባ ቦላካ ታኒ ፒርዳና፤ ታኒ ጎዳ ጊዲኪና?

ኬሳ ማጻፋ 33:16

ኔኒ ኑናራ ቦንታ ኢጺኮ ታናኒኔ ኔ ኣሳን ኔኒ ሳቤቲዳይሳ ኣሳይ ዉሪ ዎስቲ ኤራኔ? ቢታ ቦላ ዲዛ ሃራ ኣሳ ኡባፌ ታናኔ ኔ ኣሳ ዱማሲዛይ ሃራ ሚሺ ኣዜ?» ጊዴስ።

ኬሳ ማጻፋ 6:7

ታኒ ኢንቴና ታ ዴሬ ሂስታና፤ ታኒ ኢንቴ ጾሳ ጊዳና። ሄ ዎዴ ታ ኢንቴና ጊብጼ ኣሳ ኣይሌቴፌ ኬሲዳ ኢንቴ ጎዳ ሜርና ጾሳ ጊዲዳይሳ ኢንቴ ኤራና።

ኬሳ ማጻፋ 9:15

ታኒ ሃኖ ጋካናስ ታ ኩሼ ዬዳዳ ኔናኔ ኔ ኣሳ ኢታ ሃርጌን ቆሂዳኮ ሃ ቢታ ቦላፌ ፒታ ይሳናኮሺን።

ኬሳ ማጻፋ 9:16

ታኒ ኔና ፓጻ ዎዳይ ኔና ታ ዎልቃ ቤሳናሲኔ ታ ሱን ቢታ ኡባ ቦላን ጼይጌታና ማላሳ።

ኤርማሳ ቲንቢቴ 32:20

ኔኒ ጊብጼን ማላታታኔ ኦራ ሚሽ ኦዳሳ፤ ሃች ጋካናስካ ሃ ኦራ ኦሶታ ኢስራኤሌ ኣሳ ጊዶኒኔ ሃራ ካዎቴታ ኡባ ጊዶን ኦዛይሳ ኣጋቤካ። ሄሳፌ ዴንዲዳይሳን ኔ ሱንይ ኡባሶን ኤሬቲዴስ።

ኤርማሳ ቲንቢቴ 32:21

ኔኒ ማላታኒኔ ኦራ ሚሻን፥ ኔ ሚኖ ቄሴኒኔ ሚጬቲዳ ኩሼን ኬሂ ያሺሲዛ ፑላቴን ኔ ዴሬ ኢስራኤሌ ጊብጼፔ ኬሳዳሳ።

ሂዚቄላ ቲንቢቴ 20:9

ጊዶ ኣቲን ኢስቲ ካሴ ዲዛ ካዎቴ ጊዶኒኔ ኢስራኤሌ ኣሳ ጊብጼፔ ዎዛናስ ታኒ ቃላ ጌሊዛ ዎዴ ኢስታ ማታን ታ ቆንጪዳ ካዎቴታ ሲንን ታ ሱን ቱኖንታ ማላ ታ ሱን ጊሻስ ጌንጫዲስ።

ታይቦ ማጻፋ 6:27

ቃሴካ ጎዳይ፥ «ኢስቲ ኢስራኤሌ ኣሳ ታ ሱንን ኣንጂዛ ዎዴ ታኒ ኢስታ ኣንጃና» ጊዴስ።

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ዛሬ ማጻፋ 10:21

ኢንቴ ጾሳይ ኢዛ፤ ኢዚ ኢንቴስ ኦዳ ጊታኔ ማላሊሲዛ ሚሻታ ኡባ ኢንቴ ኢንቴ ኣይፌን ቤኢዳ ጊሻስ ኡባ ዎዴ ኢዛ ጋላቲቴ።

ዛሬ ማጻፋ 15:15

ኢንቴካ ካሴ ጊብጼ ቢታን ኣይሌ ጊዲዳይሳኔ ጎዳ ኢንቴ ጾሳይ ኢንቴና ሄፔ ዎዚዳይሳ ዶጎፕቴ፤ ታኒ ኢንቴና ሃች ኣዛዚዛይ ሄሳሳ።

ዛሬ ማጻፋ 33:29

ኢስራኤሌ ኣሳዉ! ኢንቴ ኣይ ማላ ኣንጄቲዳ ዴሬ! ጎዳይ ኣሺዳ ኢንቴ ማላይ ኦኔ? ኢዚ ኢንቴስ ጎንዳሌኔ ኢንቴና ማዲዛይሳ፤ ኢዛን ኢንቴ ጾኒዛ ጊ ማሻ፤ ኢንቴ ሞርኬቲ ኢንቴ ሲንን ጉፋናና፤ ኢንቴካ ኢስቲ ጎይኒዛሶታ ላላና።

ዛሬ ማጻፋ 9:26

ታኒ ዎሳሼ፥ «ኡባፌ ቃ ጎዳዉ! ኔኒ ኔ ጊታ ዎልቃኒኔ ኔ ሚኖ ቄሴን ዎዛዳ ጊብጼፔ ኬሲዳ ኔ ዴሬዛ ይሶፋርኪ!

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ኢያሶ ማጻፋ 7:9

ካናኔ ኣሳይኔ ሃ ቢታን ዲዛ ሃራ ኣሳይ ዉሪ ሃ ዮኦዛ ሲዪዲ ኑና ዶዳና፤ ቢታ ቦላፌ ኑ ሱን ይሳና፤ ሂስቲን ኔ ጊታ ሱን ጊሻስ ጋዳ ኔ ኣይ ኦኔ?» ጊዴስ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።