2ሳሜላ ማጻፋ 7:10 - ጋሞ ማጻፋ

¹⁰ ኢዛስ ቡዞ ዱሳሶይ ዳና ማላ ሃይሳፌ ቃጾንታ ማላ ታ ዴሬ ኢስራኤሌስ ሶሆ ኢማናኔ ሚንና። ሃይሳፌ ካሴ ሃኒዳ ማላ ሃይሳፌ ጉዬ ኢታ ዴሬይ ኢስታ ኡንኤና።

Geeshsha Maxaafa

¹⁰ Izas buzo duussasoy daana mala hayssafe qaaxxontta mala ta dere Isra7eeles soho immananne minththana. Hayssafe kase hanida mala hayssafe guye iita derey istta un7eththenna.

2ሳሜላ ማጻፋ 7:10 ပူးပေါင်းရင်းမြစ်များ

2ካዎታ ማጻፋ 21:8

ጊዲኮካ ታኒ ኢስታ ኣዛዚዳይሳ ኡባካ ኢስቲ ሚኒ ፖሌቶኔ ታ ኣይሌ ሙሴይ ካሴ ኢስታስ ኢሚዳ ዎጋዛ ኢስቲ ፖሊ ናጌቶ ኣቲን ሃይሳፌ ጉዬ ኢስራኤሌ ኣሳ ካሴ ኢስታ ኣዋታስ ኢሚዳ ቢታፌ ኢስቲ ኬዚዲ ዋዬታና ማላ ታ ኦኬ» ጊዳ ቃላይ ሃይሳ ሃ ሶሆዛ ጊሻሳ።

1ታሪኬ ማጻፋ 17:9

ታኒ ታ ኣሳ ኢስራኤሌስ ዳናሶሆ ኢማና፤ ኢስታስ ዱሳሶሆ ኢሚዳፔ ጉዬ ኢስቲ ቃጾንታ ማላ ታ ኦና፤ ኢታ ኣሳቲ ካሴ ኢስታ ኡንኤዳይሳ ሃይሳፌ ጉዬ ኢስታ ኡንኤቴና።

2ታሪኬ ማጻፋ 33:8

ታኒ ኢስራኤሌ ኣሳ ሙሴ ባጋራ ኣዛዚዳ ኣዛዞ፥ ዎጋኔ ማራ ኡባ ኢስቲ ናጊ ፖሊኮ ታኒ ኢስታ ኣዋታስ ኢሚዳ ቢታፌ ኢስታ ቶሆ ሾዲሲኬ» ጊዴስ።

ዬ ማጻፋ 44:2

ካዎቴታ ኔኒ ኔ ኩሼን ጎዳ ኬሳዳሳ፤ ኑ ኣዋታ ኢስታ ቢታን ቶካዳሳ፤ ዴራ ሊቂሳዳሳ፤ ጊዶ ኣቲን ኔ ካዎቴታ ኣሳዳሳ።

ዬ ማጻፋ 44:4

ታ ጾሳዉ ታ ካዎይ ኔና፤ ያቆቤ ዜሬስ ጾኖ ኢሚዳይ ጾሶ ኔና።

ዬ ማጻፋ 80:8

ኔኒ ጊብጼፔ ዎይኔ ኣኖ ኤሃዳሳ፤ ካዎቴታ ዬዴዳ ኢስታ ቢታን ኢዞ ቶካዳሳ።

ዬ ማጻፋ 80:9

ኔኒ ኢዚስ ቢታ ቄጻ ጊጊሳዳሳ፤ ሂስቲን ጻጶ ዬዳዳ ቢታ ኡባ ጋካዱስ።

ኬሳ ማጻፋ 1:22

ሄሳፌ ጉዬ ካዎይ ባ ኣሳ ኡባ፥ «ኢብራዌታፔ ዬሌቲዛ ኣዴ ና ኡባ ናይሌ ጌቴቲዛ ሻፋ ሃን ኦሊቴ፤ ጊዶ ኣቲን ማጫ ናይ ዬሌቲኮ ፓጻ ኣጊቴ» ጊዲ ኣዛዚዴስ።

ኬሳ ማጻፋ 15:17

ኔኒ ኢስታ ኤሃዳ፥ ኔስ ቡዞ ቢታን ዲዛ ዙማ ሁኤን ቶካና። ኣቤት ሜርና ጎዶ፥ ሄ ሶሆይ ኔኒ ኔስ ዴያናስ ኦዳ ሶሆኮ። ኣቤት ጎዳዉ! ሄ ጌሻ ሶሆይ ኔኒ ኔ ኩሼን ሚን ኤሲዳ ሶሆኮ።

ኢሳያሳ ቲንቢቴ 5:2

ቢታ ቦኪዲ፥ ሹቻ ቆሪ ኬሲዲ፥ ኡባፌ ሎኢዛ ዎይኔ ቱራ ቶኪዴስ፤ ሂስቲዲ ኢዛ ናጋናስ ሻኮ ጊግሲዴስ፤ ዎይኔ ኡሹ ጉምኢዛሶሆ ኦላ ቦኪ ጊግሲዴስ። ሄሳፌ ጉዬ ሎኦ ኣይፌ ኣይፋና ጊዲ ናጊዴስ፤ ጊዶ ኣቲን ጫላ ጳንቂዳ ኣይፌ ኣይፊዴስ።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ኢሳያሳ ቲንቢቴ 60:18

ሃይሳፌ ጉዬ ኔ ቢታን ሺሮይ፥ ኔ ዛዋንካ ላሌቴኔ ባሺ ሲዬቴና። ጊዶ ኣቲን ኔ ዲርሳ ጊምቤ ኣቶቴ፥ ኔ ፔንጌታካ ጋላታ ጋዳ ኔ ጼይጋና።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኤርማሳ ቲንቢቴ 18:9

ቃሴ ሃራ ዎዴካ ታኒ ኢሲ ዴሬ ዎይኮ ኢሲ ካዎቴ ሚን ኤሳናስ ዮቲኮ፥

ኤርማሳ ቲንቢቴ 24:6

ታኒ ሎኦ ኣይፌን ኢስታ ጼላና፤ ቃሴ ታኒ ኢስታ ዛራዳ ሃ ቢታ ኤሃና። ታ ኢስታ ጊጊሳና ኣቲን ላሊኬ፤ ታ ኢስታ ቶካና ኣቲን ሾዲኬ።

ሂዚቄላ ቲንቢቴ 28:24

« ‹ሃይሳፌ ጉዬ ኢስራኤሌ ኣሳ ኡንኤዛ ኪንዲቾይኔ ጫዲዛ ኣጉን ጊዲዳ ሾሮቲ ኢስታ ዩሾን ዴቴና፤ ሄሳን ታኒ ኡባ ሃሪዛ ጎዳ ጊዲዳይሳ ኢስቲ ኤራና› ጌስ» ጊዴስ።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ኣሞጼ ቲንቢቴ 9:15

ታ ዴሬ ኢስራኤሌ ኣሳ ታኒ ካሴ ኢስታ ቢታን ዛራዳ ቶካና፤ ታኒ ኢስታስ ኢሚዳ ቢታፌ ኢስቲ ናምኣን ቃሌቲ ዬቴና» ጌስ ጎዳይ ሳሎ ጾሳይ።

ዮሃኒሳ ኣጁታ 21:4

ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።

ዳናታ ማጻፋ 4:3

ያቢኔይ ቢራታፔ ኦሴቲዳ ኡዱፉን ጼቱ ፓራ-ጋሬቲ ኢዛስ ዲዛ ጊሻሲኔ ኢዚ ኢስራኤሌ ኣሳ ናምኡ ታሙ ላይ ኩሜ ኬሂ ኡንኤዳ ጊሻስ ኢስቲ ማዶ ዴማናስ ጎዳኮ ዋሲዳ።

1ሳሜላ ማጻፋ 13:17

ዎራጂዛይቲ ሄ ጩጋን ሻኬቲዲ ፊሊስጼሜታ ጉታፔ ኬዚዳ፤ ኢሲ ጩጋዚ ሹኣሌይ ኣይሲዛ ቢታ ኦፊራ ቢዴስ።