2ሳሜላ ማጻፋ 2:1 - ጋሞ ማጻፋ

¹ ሄሳፌ ጉዬ ዳዊቲ፥ «ታኒ ዩሁዳ ካታማታፔ ኢሲኔይን ቦ?» ጊዲ ጎዳ ኦይቺዴስ። ጎዳይካ፥ «ኤ ባ» ጊዴስ። ዳዊቲ ዛሪዲ፥ «ካታማታፔ ኣዋሪን ቦ?» ጊ ኦይቺዴስ። ጎዳይ ቃሴ፥ «ኬብሮኔ ባ» ጊዴስ።

Geeshsha Maxaafa

¹ Hessafe guye Dawiti, «Tani Yuhuda katamatappe issineyn boo?» giidi GODAA oychchides. GODAYKKA, «Ee ba» gides. Dawiti zaaridi, «Katamatappe awaarin boo?» gi oychchides. GODAY qasse, «Kebroone ba» gides.

2ሳሜላ ማጻፋ 2:1 ပူးပေါင်းရင်းမြစ်များ

ሜቴ ማጻፋ 13:18

ሂስቲን ኣብራሜይ ባ ዱንካኔዛ ሾዲዲ፥ ኬብሮኔን ማሚሬ ጌቴቲዛሶን ዲዛ ጊታ ሚ ኣቻን ዴኣናስ ቢዴስ። ሄንካ ጎዳስ ያርሾ ያርሺዛሶ ኬጺዴስ።

ሜቴ ማጻፋ 32:2

ያቆቤይ ኢስታ ቤኢዲ፥ «ሃይሲ ጾሲ ኣቂዛሶ» ጊሼ ሄ ሶሆዛ ማሃናይሜ ጊ ሱንዴስ።

2ሳሜላ ማጻፋ 15:7

ኦይዱ ላይፌ ጉዬ ኣቤሴሎሜይ ካዎዛ፥ «ታኒ ኣዲኔቲዳ ኣዲና ጋናስ ኬብሮኔ ባናስ ታስ ፒቃዴ ኢማ።

2ሳሜላ ማጻፋ 2:11

ዳዊቲ ኬብሮኔን ኡቲዲ ኢስራኤሌ ኣሳ ላፑን ላይኔ ኡሱፑን ኣጊና ሃሪዴስ።

2ሳሜላ ማጻፋ 5:19

ሄሳ ጊሻስ ዳዊቲ ጎዳ፥ «ባዳ ፊሊስጼሜ ኣሳራ ኦሌቶ? ኔ ኢስታ ታ ኩሼን ኣ ኢማኔ?» ጊ ኦይቺዴስ። ጎዳይካ ኢዛ፥ «ኤ ባ፤ ቱማፔ ፊሊስጼሜታ ታኒ ኔ ኩሼን ኣ ኢማና» ጊዴስ።

2ሳሜላ ማጻፋ 5:23

ሄሳ ጊሻስ ዳዊቲ ጎዳ ኦይቺዴስ፤ ጎዳይካ ኢዛስ፥ «ኢስታፌ ጉዬ ባጋራ ኢስታ ጊዶዳ ባላሳኔ ሚፌ ሲን ባጋራ ባዳ ኢስታራ ጋይታ ኣቲን ኢስቲ ዲዛሶ ሲቲ ጋ ኬዞፓ።

1ካዎታ ማጻፋ 2:11

ዳዊቲ ኬብሮኔን 7 ላይ፥ ዬሩሳላሜን 33 ላይ፥ ኢሲ ቦላ ኢስራኤሌን 40 ላይ ካዎቲዴስ።

1ታሪኬ ማጻፋ 29:7

ኢስቲ ጾሳ ኬ ኦሶስ 170,000 ኪሎ ጊራሜ ጊዲዛ ዎርቃ፥ 340,000 ኪሎ ጊራሜ ጊዲዛ ቢራ፥ 670,000 ኪሎ ጊራሜ ጻርቂማላኔ 3,400,000 ኪሎ ጊራሜ ጊዲዛ ቢራታ ኢሚዳ።

2ታሪኬ ማጻፋ 11:10

ጾራኣ፥ ኣያሎኔኔ ኬብሮኔ።

ዬ ማጻፋ 143:8

ታኒ ኔና ኣማኔቲዛ ጊሻስ ማላዶ ማላዶ ኔ ሲቆ ታና ቤሳ፤ ታኒ ታ ሼምፖ ኔስ ሃዳራዲስ፤ ሄሳ ጊሻስ ታ ባና ኦጌ ታና ታማርሳ።

ዬ ማጻፋ 27:4

ታኒ ጎዳ ኢሲ ሚሽ ኦይቻይስ፤ ሄሲካ ታኒ ታ ዴኦ ላይ ኡባን ጎዳ ኬን ዴኣናሳ፤ ታኒ ጎዳ ቦንቾ ሎኦቴ ቤኣናሳ፤ ኢዛ ኬንካ ኢዛ ኮያሼ ዴኣናሳ።

ሂዚቄላ ቲንቢቴ 36:37

«ኡባ ሃሪዛ ጎዳይ፥ ‹ቃሴካ ኢስራኤሌ ኣሳ ዎሳ ታ ኤሮ ጋ ሲያና፤ ኢዛካ ታ ኢስታስ ፖላና፤ ሂስታዳ ኢስታ ቆዳ ዉዴ ማላ ጮራሳና።

ታይቦ ማጻፋ 13:22

ኮይሮ ጌዴ ኔጌቤ ቢዲ ሄራ ኬብሮኔ ጋኪዳ፤ ኬብሮኔይካ፥ «ኤናቄ» ጌቴቲዛ ጌሳኔ ጉባ ጊታ ኣሳታ ዜሬ ጊዲዳ ኣሂማኔ፥ ሻሻዬኔ ታሊማዬ ጌቴቲዛ ዛርኬቲ ዲዛ ቢታ። [ኬብሮኔይ ጊብጼን ዲዛ ጻኖሴ ካታማይፔ ላፑን ላይ ሲንታ ኤቃዱስ።]

ታይቦ ማጻፋ 27:21

ቄሴ ኤልኤዜሬይ ኡሪሜን ጎዳ ሼኔ ሻኪ ኤሪዛ ጊሻስ ኢዚ ኢያሶ ማዳና፤ ሄሳ ጊሻስ ኢያሶይኔ ኩሜ ኢስራኤሌ ማባራይ ኤልኤዜሬ ኣዛዞን ኬዛናኔ ጌላና» ጊዴስ።

ኢያሶ ማጻፋ 15:13

ጎዳይ ኢዛ ኣዛዚዳ ማላ ኢያሶይ ዩሁዳ ጊሻፔ ሻኪዲ ኬብሮኔ ጌቴቲዛሮ ቂሪያቴ-ኣርባኤ ዮፊኔ ና ካሌቤስ ኢሚዴስ፤ ኣርባኤይ ኤናቄ ኣዋ።

ዳናታ ማጻፋ 1:1

ኢያሶይ ሃይቂዳፔ ጉዬ ኢስራኤሌ ኣሳይ፥ «ካናኔ ቢታ ኣሳ ኦላናስ ኑ ዛሬታፔ ኮይሮቲዲ ኬዛናይ ኦኔ?» ጊዲ ጎዳ ኦይቺዴስ።

1ሳሜላ ማጻፋ 10:22

ኣሳቲካ፥ «ኣዴዚ ዪዴ?» ጊ ኦይቺዳ፤ ጎዳይካ፥ «ኤ፥ ዪዴስ፤ ጊዶ ኣቲን ሳኦሊ ሚሻታ ጊዶን ቆቴቲ ኡቲዴስ» ጊዴስ።

1ሳሜላ ማጻፋ 23:2

ዳዊቲ፥ «ሃይሳ ፊሊስጼሜ ኣሳ ኦሎ?» ጊዲ ጎዳ ኦይቺዴስ። ጎዳይካ፥ «ባ፤ ፊሊስጼሜታ ሾጫ፤ ቂኢላካ ኣሻ» ጊዴስ።

1ሳሜላ ማጻፋ 23:4

ዳዊቲ ቃሴካ ጎዳ ዛሪ ኦይቺዴስ፤ ጎዳይካ ኢዛስ፥ «ታኒ ፊሊስጼሜ ኣሳ ኔ ኩሼን ኣ ኢማና፤ ሄሳ ጊሻስ ኔ ዱጌ ቂኢላ ዎ» ጊዴስ።

1ሳሜላ ማጻፋ 30:31

ኬብሮኔን ሄሳካ ዳዊቲኔ ኢዛራ ዲዛይቲ ዩዪዳሶን ዲዛይታ ኡባታስ ዬዲዴስ።