2ሳሜላ ማጻፋ 11:15 - ጋሞ ማጻፋ

¹⁵ ዳብዳቤዛን፥ «ኦሪዮ ኦላይ ሚኒዛሶን ኤሳ፤ ሄን ኢዚ ጫዴቲ ሃይቃና ማላ ኣጋጊዲ ባቃቲቴ» ጊ ጻፊዴስ።

Geeshsha Maxaafa

¹⁵ Dabdaabezan, «Ooriyo olay minnizason essa; heen izi cadetti hayqqana mala aggaagidi baqatite» gi xaafides.

2ሳሜላ ማጻፋ 11:15 ပူးပေါင်းရင်းမြစ်များ

2ሳሜላ ማጻፋ 11:16

ሄሳ ጊሻስ ኢዮኣቤይ ካታማዮ ጊዶዳ ዎዴ ኬሂ ኤቄቲዛ ኦላንቻቲ ዲዛ ሚጻን ኦሪዮ ኤሲዴስ።

2ሳሜላ ማጻፋ 11:17

ካታማዪን ዲዛ ኣሳይ ኬዚዲ ኢዮኣቤራ ኦላ ዳንጺዴስ፤ ዳዊቴ ኦላንቻታፔ ጉቲ ኩንዲዳ፤ ሄሳካ ሂቴ ዴሬ ኣስ ኦሪዮይ ሃይቂዴስ።

2ሳሜላ ማጻፋ 12:9

ሂስቲን ኢዛ ሲንን ኢታ ሚሽ ኦዳ ጎዳ ቃላ ኣይስ ካዉሻዲ? ሂቴ ዴሬ ኣስ ኦሪዮ ማሻን ሲፋዳሳ፤ ኢዛ ማቼዮ ኔስ ኤካዳሳ፤ ኢዛካ ኣሞኔታ ማሻን ዎሳዳሳ።

1ካዎታ ማጻፋ 15:5

ጎዳይ ሄሳ ኦዳይ ዳዊቲ ሂቴ ኣስ ኦሪዮ ቦላ ኦዳ ናጋራይፔ ኣቲን ጎዳ ሲንን ሱሬ ሚሽ ኦዴስ፤ ባ ዴኦ ላይ ኡባን ጎዳ ኣዛዞታፔ ካሬ ኬዚቤና።

ዬ ማጻፋ 51:14

ኣቤት ጾሳዉ፥ ታና ኣሺዛ ጾሳዉ! ታኒ ሼምፖ ዎንታ ማላ ታና ማዳ፤ ታ ኢንጻርሳይካ ኔ ጺሎቴ ጊሻስ ኢሊሊሳን ዬጾ።

ዬ ማጻፋ 51:4

ታ ኔና ጻላ ቆሃዲስ፤ ቃሴካ ኔ ሲንን ኢታ ኦዲስ። ሄሳ ጊሻስ ኔ ቃጻይዳ ቂጻቴን፥ ኔ ታ ቦላ ፒርዲዳ ፒርዳንካ ኔ ጺሎ

ኤራንቻታ ማጻፋ 8:11

ኢታ ኦዳ ኣሳ ቦላ ኤሶን ፒርዶንታ ኣጊኮ ኣሳ ዎዚናይ ኢታ ኦና ሃልቾን ኩሜስ።

ኤርማሳ ቲንቢቴ 17:9

ኣሳ ዎዚናይ ኡባ ሚሻፌካ ጌኔ፤ ኢዛስ ፓጻቴካ ዴና፤ ኢዛ ኤራናስ ኦኒ ዳንዳያኔ?

ኤርማሳ ቲንቢቴ 20:13

ጎዳስ ዬጺቴ! ኢዛስ ጋላታ ሺሺቴ፤ ኢዚ ሜቶታንቻታ ሼምፖ ኢታታ ኩሼፔ ኣሼስ።

1ሳሜላ ማጻፋ 18:17

ሳኦሊ ዳዊቴ፥ «ኔኒ ኦላ ሚና ኦሌቲኮ ታ ና ባይራዮ ሜሮቦ ታ ኔስ ማቾ ኢማና» ጊዴስ፤ ሳኦሊ ባ ዎዚናን፥ «ፊሊስጼሜ ኣሳይ ባ ኩሼ ኢዛ ቦላ ዎ ኣቲን ታኒ ኢዛ ቦቺኬ» ጊ ዎዴስ።

1ሳሜላ ማጻፋ 18:21

ሳኦሊ ባ ዎዚናራ፥ «ኢዛስ ዎጺማዴ ጊዳና ማላ፥ ኢዚ ፊሊስጼሜታ ኩሼን ኣ ኢሜቲዲ ያና ማላ ታ ኢዞ ኢዛስ ኢማና» ጊ ቆፒዴስ። ሄሳ ጊሻስ ሳኦሊ ዳዊቴ፥ «ሄኮ ኔኒ ታናራ ቦሎታናስ ቃሴካ ቃዳ ዴማዳሳ» ጊዴስ።

1ሳሜላ ማጻፋ 18:25

ሳኦሊ፥ «ዳዊቴ፥ ‹ካዎዛ ናዪ ጊሻስ ኔፔ ጪሎሻ ኮይዛይ ባ ሞርኬታ ቦላ ሃሎ ኬሳናስ ፊሊስጼሜ ኣሳፔ ጼቱ ኣሳ ኣቱማቴ ቃንጻ ኤሃዳ ኢማናይሳፌ ኣቲን ሃራ ኮዬና› ጊዲ ዮቲቴ» ጊዴስ። ሳኦሊ ሄሳ ቆፒዳይ ዳዊቲ ቢዲ ፊሊስጼሜታ ኩሼን ኩንዳና ማላ ኮይዛ ጊሻሳ።