2ጴጽሮሳ ኪታ 2:14 - ጋሞ ማጻፋ

¹⁴ ኢስታስ ናጋራ ኦሶፔ ናጌቶንታ ኣሞቲዛ ኣይፌይ ዴስ፤ ኢስታስ ናጋራ ኦሶ ሲቂዛ ኣሞቴ ኣይ ዎዴካ ሲሜና። ኣማኖን ቡሮ ሚኒ ኤቆንታ ኣሳታ ባሌቴስ፤ ሚሻስ ጋጲጋጴቴስ፤ ኢስቲ ቃንጌቲዳይታ።

Geeshsha Maxaafa

¹⁴ Isttas nagara oosoppe naagettontta amottiza ayfey dees; isttas nagara ooso siiqiza amoteththi ay wodekka simmenna. Ammanon buro minni eqqontta asata baleththeettes; miishshas gaphigapheettes; istti qanggettidayta.

Gamo Geesha Maxxafa New Testamen

¹⁴ Isttas nagara oothope naagetontta amottiza ayfey dess. Isttas nagara ootho siiqiza amotethi ay wodeka simmena. Ammanon buro minni eqqontta asata ballethettes. Miishas gaphigaphetes. Istti qanggettidaytakko.

2ጴጽሮሳ ኪታ 2:14 ပူးပေါင်းရင်းမြစ်များ

ኢዮቤ ማጻፋ 31:7

ታ ሱሬ ኦጌፔ ኬኢዳ ጊዲኮ፥ ታ ኣይፌይ ቤኢዳ ኡባ ታ ዎዚናይ ኣሞቲዳ ጊዲኮ፥ ቃሴካ ታ ኩሼይ ናጋራን ቱኒዳ ጊዲኮ፥

ኢዮቤ ማጻፋ 31:9

«ታ ዎዚናይ ሃራ ማጫ ኣሞቲዳ ጊዲኮ፥ ታ ሾሮዛ ማቾ ላይማታናስ ኢዛ ፔንጌን ታ ዙጊዳ ጊዲኮ፥

ሌሚሶ ማጻፋ 5:6

ኢዛ ዴኦ ኦጌስ ዉዱ ጉኩ፤ ኢዚ ኦጌቲ ጌላ፤ ጊዶ ኣቲን ጌላ ጊዲዳይሳካ ኢዛ ኤሩኩ።

ሌሚሶ ማጻፋ 6:25

ኢዚ ሎኤቴ ኔ ዎዚናን ኣሞቶፋ፤ ኢዚ ቂምኦቴን ኦይኬቶፋ።

ኢሳያሳ ቲንቢቴ 1:16

ሜጬቲቴ፤ ኢንቴና ጌሺቴ፤ ኢንቴ ኢታ ኦሶዛ ታ ሲንፌ ዲጊቴ፤ ኢታ ኦሶካ ኣጊቴ።

ኢሳያሳ ቲንቢቴ 34:5

ታ ጊ ማሻይ ሳሎታ ጊዶን ባስ ጊዳና ጋካናስ ኡያዱስ፤ ቤኢቴ፤ ኤዶሜ ቦላ፥ ታኒ ቃንጊዳ ኣሳ ቦላ ፒርዳናስ ዎዱስ።

ኢሳያሳ ቲንቢቴ 65:20

ሃይሳፌ ጉዬን ሄን ጉ ዎዴስ ሼምፖራ ፓጻ ዳና ዪይ ዎይኮ ዎዴ ካሎንታ ጪማይ ዴና፤ ጼቱ ላይ ኩሚዳ ኣሲ ሃይቂኮ ዎዴይ ጋኮንታ ሙልቄቲ ሃይቂዳ ኣሳ ማላ ቆዴታና፤ ኣሲ ጼቱ ላይ ኩሞንታ ሃይቂኮ ቦሻን ሃይቂዳ ማላ ቆዴቴስ።

ኤርማሳ ቲንቢቴ 13:23

ቱሙ ቶጵያ ኣሲ ባ ሜ፥ ዎይኮ ማሄይ ባ ማሳራቴ ላማናስ ዳንዳይዜ? ኢንቴ ኢታ ኦ ሜዜቲዳይቲ ሎኦ ኦናስ ዳንዳዬኬታ» ጊዴስ።

ሂዚቄላ ቲንቢቴ 13:18

ኢስታስ ኡባ ሃሪዛ ጎዳይ፥ ‹ዴሬ ሼምፖ ዎጺማዴ ማላ ኦይካናስ ሙሬኖ ሚሽ ሲኪሲዲ ባንታ ቄሴን ኣዛይታሲኔ ዱማ ዱማ ቆሞ ቢታ ጎስ ሁኤስ ጊግሲዛ ማጫሳታስ ኣዬ ኣና! ታ ኣሳ ሼምፖ ዎጺማዴን ጌልዲ ኢንቴ ኢንቴ ሼምፖ ኣሻኔ?

Maatosa 12:34

ኢንቴኖ ማርዜራ ዲዛ ሾሻቶ! ኢንቴ ኢታታ ጊዲ ኡቲዲ ዋኒ ሎኦ ሃሳያናስ ዳንዳዬቲ? ኡሎ ጊዶን ኩሚዳዚ ዶናራ ሃሳዬቴስ።

Maatosa 23:14

ኢንቴኖ ቆፔ ቆሞን ሃኒዛይቶ! ሙሴ ዎጋ ታማርሲዛይቶ፥ ቃሴካ ፋርሳዌቶ! ኢንቴስ ኣዬ ኣና! ኣዚናይ ባይንዳ ማጫሳታ ኬ ካሎሲሼ ኣሳ ኣይፌ ሲንን ኣዱሳ ዎሳ ኢንቴ ዎሲዛ ጊሻስ ኢንቴ ኢታ ፒርዳ ፒርዴታና።

Maatosa 25:41

«ቃሴካ ሃዲርሳ ባጋራ ዲዛይታስ፥ ‹ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።

Maatosa 5:28

ታኒ ጊዲኮ ኢንቴና ሂዝጋይስ፤ ማጫስ ኣሞ ኣይፌራ ጼሊዳዴይ ዉሪ ባ ዎዚናን ኢዚራ ላይማቲዴስ።

ማርቆሳ ሚሺራቾ 13:22

ዎርዶ ኪርስቶሳቲኔ ዎርዶ ናቤቲ ቡሮ ዴንዲዲ ማላታታኔ ካሴ ሃኒ ኤሮንታ ፓላ ሚሽ ኦና፤ ኢስታስ ዳንዳዬቲኮ ሃራይ ኣቶሺን ዶሬቲዳይታካ ባሌና።

ዮሃኒሳ ሚሺራቾ 5:44

ኢንቴ ኢንቴ ጊዶን ኢሶይ ኢሳፌ ቦንቾ ኮይዛይቶ! ኢሲ ጾሳፌ ቤቲዛ ቦንቾ ኮዮንታይቶ ኢንቴ ዋኒዲ ታና ኣማናና ዳንዳዬቲ?

ኦሮሜ ኣሳስ 16:18

ሄይታንታ ማላ ኣሳቲ ዬሱስ ኪርስቶሳስ ኦዛይታ ጊዶንታ ባ ቃን ካ ጊሻስ ኦዛይታ፤ ሹጎ ቃላራ ሃሳያኒኔ ዎዚና ኪያ ኣሳታ ባሌቴስ።

1ቆሮንቶሴ ኣሳስ 11:19

ኢንቴ ጊዶፌ ቱማንቻቲ ሻኬቲ ኤሬታና ማላ ሄሳ ማላ ሻኮይ ኢንቴ ጊዶን ዳናይሲ ዶሳ ጊዴና።

ኤፌሶኔ ኣሳስ 2:3

ሃይሳፌ ካሴ ኑኒ ኑ ኣሾ ኣሞቴ ፖሊሼ ኣሾይ ኮይዛ ኦጌ ካሊሼ ኢስታራ ዶስ፤ ኑኒካ ሃንኮ ኣሳ ማላ ኑ ሜቴፌ ጾሳ ሃንቆ ጋርሳን ዴኦስ።

ኤፌሶኔ ኣሳስ 4:14

ሄሳ ጊሻስ ኣባ ቦላ ዴንዲዛ ጎቴ ጫርኮይ ያኔ ሃ ሾጬቺዛ ማላ ዱማ ዱማ ቲሚርቴ ጫርኮን ኣሳ ጌኔኒኔ ባሌን ኣኔ ኑኒ ያኔ ሃ ጶንቄቲሼ ቄሪ ጉ ናይታ ማላ ሃኖኮ።

ቆላሲያሴ ኣሳስ 2:18

ቤሶንታ ኣሽኬቴኔ ኪታንቻታስ ጎይኖ ዶሲዛ ኣሲ ኦኒካ ኢንቴና ጲዲ ሜላ ኣሾንታ ማላ ናጌቲቴ፤ ሄሳ ማላ ኣሲ ባ ቤኢዳ ኣጉሞስ ዎጋይ ባይንዳ ባና ናሺሼ ሃዳ ኣሾ ቆፋን ኩሚዲ ኦቶሬቴስ።

ያቆቤ ኪታ 1:8

ሄሳዴይ ናምኡ ቆፋን ኦይኬቲዲ ባ ቢዛ ኦጌ ቦላ ያኔ ሃ ጊዛ ኣሳ ማላ።

2ጴጽሮሳ ኪታ 2:18

ካሴ ባላ ጋርሳን ዲዛ ኣሳታ ጊዶፌ ኬሲ ኤኪ ዪዲ ዳሮ ጋምኦንታ ኣሳታ፤ ሃዳ ጊዲዳ ኦቶሮ ቃላ ሃሳያን፥ ኣሾ ኣሞኒኔ ላይማን ባሌቴስ።

2ጴጽሮሳ ኪታ 2:3

ሄይቲ ዎርዶ ኣስታማሬቲ ሚሻስ ጋጲጋጲዛ ጊሻስ ባርካ ሜ ኤኪዳ ዮኦ ዮቲ ዮቲዲ ኢንቴስ ዲዛዝ ባስ ቦንቂ ኤኬቴስ፤ ቤኒ ቤኒሶፔ ፒርዳይ ኢስታስ ጊጌቲ ኡቲዴስ፤ ኣዳፌ ኢስታ ዮይ ናጌስ።

2ጴጽሮሳ ኪታ 3:16

ኢዚ ሃይሳ ሃ ሃኖዛ ጊሻስ ባ ኪታታን ኡባን ሃይሳካ ጻፊዴስ፤ ኢዛ ኪታታ ጊዶን ኤራናስ ዋዪሲዛ ኢሲ ኢሲ ሃኖቲ ዴቴስ፤ ኤራቴ ኢስታስ ፓጪዳይቲኔ ናምኡ ቆፋን ዮቁ ጊዛይቲ ሃራ ጌሻ ማጻፋታ ሚርቂዛይሳካ ሃይታካ ኢስቲ ሚርቃና፤ ኢስቲ ሄሳ ኦዛይ ባስ ያናሳ።

1ዮሃኒሳ ኪታ 2:16

ጋሶይካ ሃ ኣላሜዛን ዲዛይ ዉሪ ኣሾ ኣሞቴ፥ ኣይፌስ ሎኦኔ ዱሳን ጬቄቴ፤ ሃይቲ ኣላሜፔ ኣቲን ጾሳ ኣዋፔ ዪዛይታ ጊዴቴና።

ዩሁዳ ኪታ 1:11

ኢስቲ ቃዬሌ ኦጌን ቢዳ ጊሻስ ሚሻስ ጊዲ ባላኣሜ ማላ ባላን ኩንዲዳ፤ ቃሴ ቆሬይ ኤቄቲዳ ማላ ኢስቲካ ኤቄቲዲ ይዳ ጊሻስ ኢስታስ ኣዬ ኣና!

ዮሃኒሳ ኣጁታ 12:9

ሄ ጊታ ዳዌዚ ዱጌ ዬጌቲዴስ፤ ኢዚካ ኩሜ ኣላሜዛ ባሌዛ ዳቡሎሳ ዎይኮ ጻላኤ ጌቴቲ ጼይጌቲዛ ቤኒ ዎዴ ሾሻዛ፤ ኢዚ ዱጌ ቢታ ቦላ ዬጌቲዴስ፤ ኢዛ ኪታንቻቲካ ኢዛራ ኢሲፌ ዬጌቲዳ።