2ካዎታ ማጻፋ 5:22 - ጋሞ ማጻፋ

²² ጊያዜይካ ኢዛስ፥ «ኡባይካ ሎኦሺን ታ ጎዳይ ኔና፥ ‹ናቤታ ማባራፔ ናምኡ ናቴቲ ቦላ ኤፍሬሜ ጌዜፌ ሃ ታኮ ኣይኮካ ታ ቆፖንታ ዪዳ ጊሻስ 3,000 ቢራኔ ናምኡ ኩሜ ማይኦ ኢስታስ ኢማ› ጋዳ ዮታ» ጊዲ ታና ኔኮ ኪቲዴስ።

Geeshsha Maxaafa

²² Giyaazeykka izas, «Ubbayka lo7oshin ta goday nena, ‹Nabeta maabarappe nam7u naateththati bolla Efreeme gezzefe haa taakko aykkoka ta qoppontta yida gishshas 3,000 biranne nam7u kumeththa may7o isttas imma› gaada yoota» giidi tana neekko kiittides.

2ካዎታ ማጻፋ 5:22 ပူးပေါင်းရင်းမြစ်များ

1ካዎታ ማጻፋ 13:18

ጪማ ናቤዚ ጊዲኮ፥ «ታኒካ ኔ ማላ ቲንቢቴ ዮቲዛዴ፤ ኪታንቻይ ጎዳ ቃላን ታና፥ ‹ካ ኢዚ ማና ማላኔ ሃ ኡያና ማላ ኢዛ ዛራዳ ኔ ሶ ኔናራ ኤካ ባ› ጊዴስ» ጊ ዮቲዴስ። ጊዶ ኣቲን ጪማ ናቤዚ ሄሳ ኢዛስ ዎርዶ ዮቲዴስ።

1ካዎታ ማጻፋ 20:35

ናቤታ ናይታፔ ኢሶይ ጎዳ ቃላስ ኣዛዜቲዲ ባ ላጌዛ፥ «ታና ሾጫ» ጊዴስ፤ ጊዶ ኣቲን ላጌዚ ሾጮንታ ኢጺዴስ።

1ካዎታ ማጻፋ 20:39

ካዎይ ኦጋራ ካን ቢሺን ናቤዚ ካዎዛ፥ «ታኒ ኔ ኣሽካራይ ዎልቃማ ኦላ ኦሌቴን ዲሺን ኢሲ ኣሲ ታኮ ዪዲ፥ ‹ሃ ዲኤቲዳ ኣዴዛ ናጋ። ኢዚ ኬሲ ኤኪ ቢዛ ጊዲኮ ኔ ኢዛስ ጊጊዳ ዎጺማዴን ጌላሳ ዎይኮ 3,000 ሳቂሌ ቢራ ቃንጻሳ› ጊዴስ።

2ካዎታ ማጻፋ 2:15

ኢያርኮፌ ቢዲ ሄሳ ቤይዳ ባጋ ናቤቲ፥ «ኤላሳ ኣያናይ ኤልሳኤ ቦላ ሼምፒዴስ» ጊዳ፤ ኢዛራ ጋይታናስ ቢዲ ኢዛ ሲንን ዚቂ ጊዲ ባንታ ኩሼ ዴንዳ።

2ካዎታ ማጻፋ 2:3

ቤቴሌን ዲዛ ናቤታ ማባራይ ኤልሳኤኮ ቢዲ፥ «ጎዳይ ኔ ጎዳ ኤላሳ ሃች ኔፔ ሻኪ ኤካናይሳ ኔ ኤራዲ?» ጊዳ። ኤልሳኢካ፥ «ኤ ኤራዲስ፤ ኢንቴ ኣኔ ጮኡ ጊቴ» ጊዴስ።

2ካዎታ ማጻፋ 2:5

ኢያርኮን ዲዛ ናቤታ ማባራይ ኤልሳኤኮ ሺቂዲ፥ «ጎዳይ ኔ ጎዳ ኤላሳ ሃች ኔፔ ሻኪ ኤካናይሳ ኔ ኤራዲ?» ጊዳ። ኢዚካ ኢስታስ፥ «ኤ ኤራዲስ፤ ኣኔ ኢንቴ ጮኡ ጊቴ» ጊዴስ።

2ካዎታ ማጻፋ 2:7

ናቤታ ማባራ ጋርሳፌ ኢቻሽ ታማይ ቢዲ ኤላሲኔ ኤልሳኢ ኤቂ ዲዛሶ ጊናራ ዮርዳኖሴ ፒንን ሃኪ ኤቂዳ።

2ካዎታ ማጻፋ 4:26

ኣኔ ኢዚኮ ዎጻ ባዳ፥ ‹ኣዜ! ሎኦ ጊዴኔ? ኔ ኣዚናይ ሎኦ ጊዴኔ? ኔ ናዚ ሎኦ ጊዴኔ?› ጋዳ ኢዞ ኦይቻ» ጊዴስ። ኢዛካ ኢዛስ፥ «ኡባይካ ሎኦ» ጋዱስ።

2ካዎታ ማጻፋ 5:21

ሄሳ ጊሻስ ጊያዜይ ኒኢማኔ ካሊ ቢዴስ፤ ኒኢማኔይ ጊያዜይ ኢዛኮ ዎን ካሊ ዪዛይሳ ቤኢዲ ኢዛ ሃሳይሳናስ ፓራ-ጋሬዛፔ ጋዴን ዎዲ፥ «ኣዜ ሎኦ ጊዴኔ?» ጊዲ ኢዛ ኦይቺዴስ።

2ካዎታ ማጻፋ 5:25

ሄሳፌ ጉዬ ጊያዜይ ጌሊዲ ባ ጎዳ ኤልሳኤ ሲንን ኣ ኤቂዴስ። ኤልሳኢካ ኢዛ፥ «ጊያዜ ኔ ኣዋ ባዲ?» ጊዲ ኢዛ ኦይቺዴስ። ጊያዜይካ ኢዛስ፥ «ታ ኔ ኣይሌይ ኣዋካ ባቤኬ» ጊ ዛሪዴስ።

2ካዎታ ማጻፋ 5:5

ኣራሜ ካዎዚካ ኢዛስ፥ «ሂስቲኮ ኔ ሃኢ ኤሶን ባ፤ ታኒካ ኢስራኤሌ ካዎስ ዳብዳቤ ጻፋና» ጊዴስ፤ ሄሳ ጊሻስ ኒኢማኔይ ኢዛስ 30,000 ሳቂሌ ቢራ፥ 6,000 ሳቂሌ ዎርቃኔ 10 ኩሜ ማይኦ ኤኪ ቢዴስ።

ኢሳያሳ ቲንቢቴ 59:3

ኢንቴ ኩሼይ ሱን፥ ኢንቴ ቢራይካ ቆሆን ሙሌቲዴስ፤ ኢንቴ ዶናይ ዎርዶ ሃሳይዴስ፤ ኢንጻርሳቲ ኢታ ዮኦ ሲሲዳ።

ኤርማሳ ቲንቢቴ 9:3

ጎዳይ፥ «ኢስቲ ባንታ ኢንጻርስ ዎርዶ ሃሳያናስ ዎንዳፌ ማላ ጊግሲዳ፤ ቱማን ጊዶንታ ዎርዶራ ቢታይ ቦላ ሚኒዳ፤ ኢስቲ ኢታ ቦላ ኢታ ጉጂ ጉጂ ቢዳ፤ ታናካ ኤሬቴና» ጌስ።

ኤርማሳ ቲንቢቴ 9:5

ላጌይ ባ ላጌ ጪሜስ፤ ቱማ ሃሳይዛይ ዴና፤ ኢስቲ ባንታ ኢንጻርስ ዎርዶ ሃሳያ ታማርሲዳ። ናጋራ ኦሶን ባንታና ዳቡርሴቴስ።

ዮሃኒሳ ሚሺራቾ 8:44

ኢንቴ ኢንቴ ኣዋ ጻላኤ ናይታ፤ ኢንቴ ኣዋ ኣሞ ፖላና ኮዬታ፤ ኢዚ ካሴካ ሼምፖ ዎዳዴ። ኢዛ ኣቻን ቱማይ ዶንታ ጊሻስ ኢዚ ቱማን ኤቂቤና፤ ኢዚ ባ ሁኤስ ዎርዳንቻኔ ዎርዶ ኣዋ ጊዲዳ ጊሻስ ኢዚ ዎርዶ ሃሳያ ባፔ ሜ ኤኪዲ ሃሳዬስ።

ኢያሶ ማጻፋ 24:33

ቃሴካ ኣሮኔ ና ኤልኤዜሬይ ሃይቂዴስ፤ ኢዚካ ሻራ ሜንን ዲዛ ኤፍሬሜ ዴሬን ኢዛ ናዛ ፊኒሃሴ ሳማን ጋኪዳ ጊቢኣ ካታማን ሞጌቲዴስ።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

ዳናታ ማጻፋ 14:12

ሳምሶኔይ ኢስታስ፥ «ኣኔ ኢንቴ ኤሪዛኮኔ ኢሲ ማሌ ታኒ ኢንቴና ማሌይስ፤ ቡላቻ ባኣሌይ ቦንቼቲዛ ላፑን ጋላሳታ ጊዶን ሃ ማሌዛ ቢርሼ ታስ ኢንቴ ዮቲዛ ጊዲኮ ታኒ ኢንቴስ 30 ላይኖ ቃሚሳታኔ 30 ኩሜ ማይኦታ ኢማና።