2ካዎታ ማጻፋ 24:3 - ጋሞ ማጻፋ

³ ኢዚ ኢስታ ባ ሲንፌ ሃሳና ማላ ሃይቲ ሃ ዮኦቲ ኡባይ ጎዳይ ኣዛዚዳ ማላ ዩሁዳ ቦላ ፖሌታና ዳንዳይዳ፤ ሄሲካ ሚናሴይ ኦዳ ናጋራ ጊሻሲኔ ኢዚ ፖሊዳ ሃኖ ኡባ ጊሻሳ፤

Geeshsha Maxaafa

³ Izi istta ba sinththafe haassana mala hayti ha yo7oti ubbay GODAY azazida mala Yuhuda bolla polettana dandayda; hessika Minaasey ooththida nagara gishshassinne izi polida hano ubbaa gishshassa;

2ካዎታ ማጻፋ 24:3 ပူးပေါင်းရင်းမြစ်များ

ሜቴ ማጻፋ 50:20

ኢንቴ ታስ ኢታናስ ኦዴታ ሺን ሃይሲ ዳሮ ኣሳይ ሃይቆንታ ኣታና ማላ ጾሲ ሎኦስ ሃይሳ ኦዴስ።

2ካዎታ ማጻፋ 17:18

ሄሳ ጊሻስ ጎዳይ ኢስታ ቦላ ኬሂ ሃንቄቲዴስ፤ ዩሁዳ ቆሞቲ ጻላ ኣታፌ ሃንኮ ኢስራኤሌ ዴራ ባ ሲንፌ ሃሲዴስ።

2ካዎታ ማጻፋ 17:20

ሄሳ ጊሻስ ጎዳይ ኢስራኤሌ ኣሳ ኡባካ ኣጊዴስ፤ ኡንኤዴሲኔ ባ ሲንፌ ዲጋናሼ ጋካናስ ዲኢዛይታ ኩሼን ኣ ኢሚዴስ።

2ካዎታ ማጻፋ 17:23

ጎዳይ ባ ኣይሌታ ናቤታ ባጋራ ኢስታስ ካሴ ሚን ዮቲዳ ማላ ባ ሲንፌ ኢስታ ዲጋና ጋካናስ ኢስቲ ናጋራ ኦሶ ጉጂ ጉጂ ቢዳ፤ ሄሳ ጊሻስ ኢስራኤሌ ዴሬይ ባ ዴሬፔ ዲኤቲ ኣሶሬ ዴሬ ቢዴስ፤ ሃኢካ ሄን ዴስ።

2ካዎታ ማጻፋ 18:25

ሄሳፌ ቦላራ ታኒ ሜቶ ኔ ቦላ ጋዳ ሃኖ ሶሆዮ ይሳናስ ጎዳ ሼኔይ ባይንዳ ዪዳ ሚሳቲዜ? ታኒ ሃኖ ዴሬዮ ዎራጃ ይሳና ማላ ታስ ዮቲዳይ ጎዳ» ጊዴስ።

2ካዎታ ማጻፋ 21:16

ሃራፔካ ሚናሴይ ዩሁዳ ኣሳይ ጾሳ ሲንን ኢታ ኦና ማላ ኢስቲ ናጋራ ኦሲሲዳ ናጋራፔ ሃራካ ዬሩሳላሜስ ሃ ጋጻፔ ሄ ጋጻ ጋካናስ ጺሎ ጊዲዳ ዳሮ ኣሳ ሱ ጉሲዴስ።

2ካዎታ ማጻፋ 24:20

ሃይሲ ኡባይ ዬሩሳላሜ ቦላኔ ዩሁዳ ቦላ ጋካናስ ዳንዳይዳይ ጎዳ ሃንቆ ጋሶና፤ ዉርሴን ኢዚ ኢስታ ባ ሲንፌ ሃሲዴስ። ሴዴቂያሲ ባቢሎኔ ካዎ ቦላ ማካሊዴስ።

2ታሪኬ ማጻፋ 24:24

ኣራሜ ኦላንቻቲ ቆዳን ጉ ጊዲኮካ ጎዳይ ኬሂፔ ዳሮ ዴሬ ኢስታ ኩሼን ኣ ኢሚዴስ፤ ዩሁዳ ኣሳይ ጎዳ ባንታ ኣዋታ ጾሳ ኣጊዳ ጊሻስ ኢዮኣሳ ቦላ ፒርዴቲዴስ።

2ታሪኬ ማጻፋ 25:16

ናቤዚ ዮቶ ቦላ ዲሺን ካዎዚ፥ «ኔኒ ካዎ ዞራና ማላ ኑኒ ኔና ዶሪዶኒ? ጮኡ ጊኪ! ሃይቃና ኮያይ?» ጊዴስ። ሂስቲን ናቤዚ ጮኡ ጊ ኤኪዲ፥ «ኔኒ ሃይሳ ኦዳ ጊሻሲኔ ታኒ ኔና ዞሪዳይሳ ኔ ሲዮንታ ጊሻስ ጾሲ ኔና ይሳና ቃቺዳይሳ ታኒ ኤራይስ» ጊዴስ።

ኬሳ ማጻፋ 20:5

ኢስታስ ሆኮፋኔ ኢስታስ ጎይኖፋ። ኣይስ ጊኮ ታኒ ጎዳ ኔ ጾሳይ ቃናቲዛ ጾሳኮ፤ ታና ኢጺዛይታ ኣዋታ ናጋራ ጊሻስ ናይታ ሄን ዬሌታኔ ኦይዳን ዬሌታ ጋካናስ ቃጻያይስ።

ኢሳያሳ ቲንቢቴ 45:7

ታኒ ፖኦ ኦዲስ፤ ማካ ሜዲስ፤ ታ ዱሬሳይሲኔ ማንቂሳይስ፤ ሃይሳ ኡባ ኦዛ ጎዳይ ታና።

ኤርማሳ ቲንቢቴ 32:31

ሃና ካታማያ ኤቂዳሶፔ ሃች ጋካናስ ታኒ ኢዞ ታ ሲንፌ ይሳና ማላ ታ ሃንቆኔ ባሽ ዴንዱስ።

ኤርማሳ ቲንቢቴ 52:28

ናቡካዳናጾሬይ ዲኢ ኤፊዳ ዴሬዛ ቆዳይ ሃይሳፌ ካሊ ዲዛይሳ፤ ኢዚ ባ ካዎቲዳ ላፑን ላይን 3,023 ኣይሁዳታ፥

ሂዚቄላ ቲንቢቴ 22:3

ኡባ ሃሪዛ ጎዳይ ኢዚስ፥ ‹ሃኔ ኔ ጊዶን ሼምፖ ዎኒኔ ኤቃ ጾሳታ ጊጊሶን ኔና ቱኒሲዳሬ! ኔ ቦላ ፒርዳ ኤሶሲዛ ካታማዬ!

ሂዚቄላ ቲንቢቴ 24:6

«ኡባ ሃሪዛ ጎዳይ፥ ‹ሺኢዳ ቢራታ ዲስቴይስ፥ ኢዚ ሺኢ ዬዶንታሪስ፥ ሱ ጉሲዳ ካታማይስ ኣዬ ኣና! ሻካናስ ሳማ ዬጎንታ ኢሳ ኢሳ ኬሳዳ ካይስ ኣሻ።

ኣሞጼ ቲንቢቴ 3:6

ካታማ ጊዶን ኦላስ ዛዬይ ፑኔቲሺን ባቦን ኮኮሮንታ ኣሲ ዲ ኤሪዜ? ጎዳ ሼኔይ ባይንዳ ዲሺን ካታማ ቦላ ኢታ ሚሺ ጋኪ ኤሪዜ?

ሚኪያሳ ቲንቢቴ 2:10

ዴንዲዲ ሄሳፌ ኪቺቴ፤ ሄሲ ኢንቴስ ሼምፖሶ ጊዴና፤ ጋሶይካ ቱኒዴሲኔ ዳሮ ሞሬቲዴስ።

ዛሬ ማጻፋ 28:63

ጎዳይ ኢንቴና ዱሬሳናሲኔ ኢንቴ ቆዳ ዳርሳናስ ዶሲዳ ማላ ቃሴካ ኢንቴና ጉሼኔ ቢታፌ ይሲሼ ኢዚ ኡፋዬታና፤ ኢንቴካ ላታናስ ቢዛ ቢታይፌ ሾዴታና።

ዛሬ ማጻፋ 29:28

ጎዳይ ዎልቃማ ሃንቆኒኔ ኢታ ቦሻን ኢስታ ኢስታ ዴሬፔ ሾዲዴስ፤ ሄሳ ጊሻስ ኢስቲ ሃች ጋካናስ ሄን ዴቴስ» ጋና።

ኢያሶ ማጻፋ 23:15

ጊዶ ኣቲን ጎዳ ኢንቴ ጾሳይ ኢንቴስ ኢሚዳ ሎኦ ሂዶታ ኡባይ ሙሌራ ፖሌቲዳ ማላ ጎዳ ኢንቴ ጾሳይ ኢንቴስ ኢሚዳ ሎኦ ቢታይፌ ኢንቴና ይሳና ጋካናስ ኢታ ሚሽ ኢንቴ ቦላ ኤሃና።